مردان آل فزیکل ایجوکیشن ٹیچرز ایسوسی ایشن خیبر پختو نخوا کے صوبائی میڈیا کوآرڈینیٹر یونس خان نے خیبر پختو نخوا کی نگران حکومت سے مطالبہ کیا ہے کہ سابقہ حکومت کی منظورشدہ اپگریڈیشن کا اعلامیہ فوراً جاری کیا جائے کابینہ میٹنگ اس وقت کے وزیر اعلیٰ کی سربراہی میں منعقد ہوئی تھی جس میں تمام محکموں کے سیکرٹریز بھی موجود تھے بعد میں نگران حکومت نےاس وقت کے ایحنڈے میں تمام ائٹم منظور کئے صرف اساتذہ اپگریڈیشن کا نوٹیفیکیشن باقی ہے ،نگران صوبائی حکومت انکے اپگریڈیشن کے معاملے میں ٹال مٹول سے کام لے رہی ہے۔ اپگریڈیشن نہ ہونے کی وجہ سے ان اساتذہ میں تشویش کی لہر دوڑ گئی ہے۔ نگران حکومت مزید تاخیری حربے استعمال نہ کرے اور جلد از جلد نوٹیفیکیشن جاری کیا جائے ورنہ اس دفعہ تمام ٹیچنگ کیڈرز کا رخ پشاور کی طرف ہوگا،یاد رہے کہ سابقہ حکومت نے 17 جنوری 2023 کو تمام کیڈرز کے اساتذہ کے اپگریڈیشن کا اعلان آخری کابینہ اجلاس میں کیا تھا جس میں کہا گیا تھا کہ تمام اساتذہ کی اپگریڈیشن جولائی 2023 سے عمل میں لائی جائے گی۔
Tag: مردان
مردان،شدید طوفان کے باعث ایک شخص جاں بحق جبکہ دو زخمی ہو گئے
مردان کاٹلنگ کے علاقے آلو قاسمی میں شدید طوفان کے باعث چلتی ہوئی گاڑی پر درخت گرنے کے نتیجے میں ایک شخص جاں بحق جبکہ دو افراد شدید زخمی ہو گئے، ریسکیو 1122 کے مطابق حادثہ شدید طوفان کے باعث سامنے آیا،اطلاع موصول ہونے پر ریسکیو1122 ایمبولینس اور میڈیکل ٹیم موقع پر پہنچ گئی۔ریسکیو1122 میڈیکل ٹیم نے ابتدائی طبی امداد فراہم کرتے ہوئے ٹی ڈی ایچ منتقل کر دیا۔ حادثے میں ناصر خان عمر 53 سال جانبحق، جبکہ زخمیوں میں 35 سالہ جان محمد اور 42 سالہ گل محمد شامل ہیں۔
مردان، نامعلوم ملزمان کی فائرنگ سے ایک شخص جاں بحق
ضلع مردان لوند خوڑ کے علاقے عمرآباد میں فائرنگ کے نتیجے میں تاج محمد نامی شخص جاں بحق ہو گیا ہے، ۔ریسکیو حکام کے مطابق گولی لگنے سے 32 سالہ تاج محمد جانبحق ہو گیا، ریسکیو حکام نے ،طابق اطلاع موصول ہونے پر ریسکیو1122 ایمبولینس اور میڈیکل ٹیم موقع پر پہنچ گئی۔ ریسکیو1122 میڈیکل ٹیم نے جانبحق شخص کو ٹی ایچ کیو ہسپتال منتقل کر دیا۔مقدمہ نامعلوم افراد کے خلاف درج کر لیا گیا،
مردان: تھانہ شیخ ملتون پولیس کی منشیات کیخلاف کارروائی
ایس ڈی پی او شیخ ملتون سرکل ریشم جہانگیر کی نگرانی میں زیر قیادت ایس ایچ او بخت زادہ خان تھانہ شیخ ملتون پولیس نے سیکٹرشیخ ملتون میں چھاپہ مارا جہاں موجود 07 ملزمان کو گرفتار کرکے تھانہ منتقل کیا گیا، ملزمان کے قبضے سے 10بوتلیں شراب اور 525گرام چرس قبضہ پولیس ہوکر مروجہ ایکٹ کے تحت مقدمہ درج کر دیا گیا، سماجی و معاشرتی جرائم کیخلاف ضلعی پولیس کی مزید کارروائیاں جاری ہے
مردان جنرل سیکرٹری پاکستان تحریک انصاف مردان کی رہائش گاہ پر پولیس اور ایکسائز کا چھاپہ
محمد ایا ز صافی جنرل سیکرٹری پاکستان تحریک انصاف مردان کی رہائش گاہ پر پولیس اور ایکسائز کا مشترکہ چھاپا، اس دوارن ایا ز صافی گھر پر موجود نہیں تھے۔ گھر پر موجود ان کے چھوٹے بھائی سے ایا ز صافی کے بارے میں پوچھ گچھ کی۔ جنرل سیکرٹری پاکستان تحریک انصاف مردان نے پولیس اور ایکسائز کے غیر قانونی چھاپے کی شدید مذمت کی ہے انہوں نے کہا کہ پنجاب پولیس کی طرح اب خیبر پختونخواہ پولیس بھی چادر اور چار دیواری کا تقدس پامال کرنے لگی ہے انہوں نے کہا کہ میں نے اپنے پوری کیریئر میں نہ کبھی قانون کو ہاتھ میں لیا ہے اور نہ ہی ریاست کے خلاف کبھی بات کی ہے ۔ انہوں نے کہا کہ پولیس اور ایکسائز کا میرے گھر پر چھاپے مارنا اور میری عدم موجودگی میں خوف و ہراس پھیلانا سمجھ سے بالاتر ہے ۔
پی ٹی آئی اور اداروں کے درمیان تعلقات بہتر کرنے کی کوشش کرونگا،علی محمد خان
سانحہ 9 مئی کے الزام میں قید پی ٹی آئی کے سینیئر رہنما علی محمد خان نے 80 روز بعد رہائی ملنے کے بعد ایک ویڈیو بیان میں کہا کہ 9 مئی کو جس نے بھی غلط کیا اسے سزا ملنی چاہیے، مجھ پر اس حوالے سے غلط الزام لگایا گیا، یہ ہماری پارٹی کی پالیسی نہیں تھی۔
رہائی کے بعد اپنے پہلے ویڈیو بیان میں علی محمد خان نے کہا کہ پاک فوج مضبوط ہو گی تو ملک مضبوط ہو گا۔ میں پی ٹی آئی اور اداروں کے درمیان فاصلے ختم کرنے کی کوشش کروں گا۔انہوں نے کہا کہ پاکستان کو سیاسی انتقام نہیں سیاسی استحکام کی ضرورت ہے، ملک کو شفاف انتخابات کی طرف لے کر جانا ہو گا۔
انہوں نے کہا کہ سابق وزیراعظم عمران خان پر دہشتگردی کے پرچے کاٹنا پاکستان کی بدنامی ہے، جیل میں 80 سالہ ماں کی فکر تھی کہ میرے بغیر والدہ کا وقت کیسے گزر رہا ہوگا۔انہوں نے کہا کہ ماں نے اڈیالہ جیل میں جنگ میں محاذ خالی نہ چھوڑنے کا پیغام دیا۔علی محمد خان نے کہا کہ عمران خان ایک بار پھر وزیراعظم بنیں گے، وہی میرے لیڈر ہیں اور ان کے ساتھ کھڑا ہوں۔واضح رہے کہ علی محمد خان کی گرفتاری 11 مئی کو عمل میں لائی گئی تھی جب عمران خان کی گرفتاری کے بعد پی ٹی آئی کارکنوں نے ملک کی اہم تنصیبات پر دھاوا بولا تھا۔
علی محمد خان آخر کار جیل سے رہا
پاکستان تحریک انصاف (پی ٹی آئی) کے رہنما و سابق وفاقی وزیر علی محمد خان کو 80 روز کی قید کے بعد سینٹرل جیل مردان سے رہا کر دیا گیا۔واضح رہے کہ پشاور ہائی کورٹ نے علی محمد خان کی ضمانت منظور کرتے ہوئے ان کی رہائی کا حکم دیا تھا۔پشاور ہائی کورٹ کے جج جسٹس اعجاز انور اور جسٹس فضل سبحان پر مشتمل 2 رکنی بینچ نے درخواست ضمانت پر سماعت کرتے ہوئے فیصلہ سنایا تھا جسٹس اعجاز انور نے اپنے ریمارکس میں کہا کہ آئندہ سماعت پر ڈپٹی کمشنر مردان عدالت میں پیش ہوں، ایک ڈپٹی کمشنر کو نشان عبرت بنایا جائے گا تو پھر غیر قانونی کام نہیں ہو گا،عدالت نے حکم دیا کہ ڈپٹی کمشنر مردان 8 اگست کو عدالت کے رو برو پیش ہوں، اور اس کے ساتھ ہی کیس کی سماعت 8 اگست تک کے لیے ملتوی کر دی۔واضح رہے کہ علی محمد خان کی گرفتاری 11 مئی کو عمل میں لائی گئی تھی جب عمران خان کی گرفتاری کے بعد پی ٹی آئی کارکنوں نے ملک کی اہم تنصیبات پر دھاوا بولا تھا۔ علی محمد خان کی اس سے قبل 6 مرتبہ ضمانت منظور ہوئی مگر ان کو جیل سے باہر آتے ہی پولیس دوبارہ گرفتار کر لیتی تھی۔9 جون کو مردان کی انسداد دہشت گردی عدالت نے الزامات ثابت نہ ہونے پرعلی محمد خان کو مقدمہ سے بری کیا تو اسی دن اینٹی کرپشن کی ٹیم نے فشریز ڈیپارٹمنٹ میں غیر قانونی بھرتیوں کے الزام میں گرفتار کر لیا تھا۔
وزیر اعظم ٹیلنٹ ہنت یوتھ سپورٹس فٹبال میں پشاور ریجن پہلے نمبر پر
وزیراعظم ٹیلنٹ ہنٹ یوتھ سپورٹس فٹبال خواتین صوبائی سطح کے لیگ مقابلے میں پشاور ریجن ٹیم فاتح رہا، مردان ریجن نے دوسری اور سوات ریجن نے تیسری پوزیشن حاصل کی۔
صوبائی سطح کے لیگ مقابلے عبدالولی خان سپورٹس کمپلیکس چارسدہ میں رنگارنگ تقریب کے ساتھ احتتام پذیر ہوگئے، مقابلوں میں پشاور ریجن، مردان ریجن، بنوں ریجن، ہزراہ ریجن اور سوات ریجن کی خواتین کھلاڑیوں نے حصہ لیا۔
چارسدہ لیگ مقابلوں کے کھلاڑیوں اور افیشلز نے صوبائی سطح کے لیگ مقابلوں کے انعقاد کے لیے انتظامات پر اطمینان کا اظہار کرتے ہوئے کہا کہ وزیر اعظم پاکستان نوجوانوں باالخصوص خواتین کی فلاح و بہبود اور ان کو اپنی صلاحیتوں کے اظہار اور نکھار کے مواقع فراہم کر رہے ہیں جو کہ ملک و قوم کے بہتر مستقبل کے لیے نیک شگون ہے۔
چارسدہ ،،لیگ مقابلوں کے سیکرٹری و باچا خان یونیورسٹی کے ڈائریکٹر سپورٹس شبانہ خٹک نے کہا کہ صوبائی سطح پر لیگ مقابلوں کےلئے تمام کھلاڑیوں کا انتخاب ٹرائلز کر زریعے نہایت شفاف طریقے کار کے مطابق یقینی بنایا گیا ہے اور لیگ سے بہترین ٹیلنٹ سامنے ایا ہے جو اگے صوبے اور ملک کا نام روشن کریں گے۔
مردان کاٹلنگ میں لینڈ سلائیڈنگ ، ایک شخص جاں بحق جبکہ 2 زخمی ہو گئے
ضلع مردان کے علاقے کاٹلنگ سنگاؤ پہاڑ میں لینڈ سلائیڈنگ کا واقعہ رونما ہوا جس کے نتیجے میں ایک شخص جاں بحق جبکہ 2 افراد شدید زخمی ہو گئے۔ ریسکیو ذرائع نے بتایا کہ ابتدائی معلومات کے مطابق حادثہ کام کے دوران پیش آیا جبکہ واقعہ میں جاں بحق ہونے والے اور زخمیوں کا تعلق سنگاؤ کلے سے ہے۔ریسکیو اہلکاروں کے مطابق اطلاع ملتے ہی فوری طور پر جائے وقوع پہنچ کر امدادی کاروائیاں عمل میں لا کر دو افراد کو زخمی جبکہ ایک جاںبحق شخص کو ملبے تلے سے نکال دیا،زخمیوں کو فوری طور پر ہسپتال منتقل کر دیا گیا ،
مردان،کے پی کے فود اتھارٹی انیڈ فوڈ سیفٹی کی کاروائی،جعلی مشروبات ضبط
مردان میں خیبرپختونخوا فوڈ سیفٹی اینڈ حلال فوڈ اتھارٹی مردان کی فوڈ سیفٹی ٹیم نے مردان میں صوابی روڈ پر دو گوداموں پر اچانک چھاپہ کے دوران گودام سے 20ہزار لیٹر سے زائد مختلف برانڈزکے جعلی مشروبات برآمد کرکے ضبط کر لیے، اتھارٹی کے پریس ریلیز کے مطابق کارروائی ڈپٹی ڈائریکٹر کامران خان کی نگرانی میں اسسٹنٹ ڈائریکٹرز ابراہیم خان اور الف خان کے ہمراہ کی گئی۔تفصیلات کے مطابق فوڈ سیفٹی اینڈ حلال فوڈ اتھارٹی نے خفیہ اطلاع پر کارروائی کرتے ہوئے صوابی روڈ پر گودام پر چھاپہ مارا جس سے تقریباً 20000 لیٹر برانڈڈ جعلی مشروبات برآمد کرلی گئی۔ڈپٹی ڈائریکٹر مردان کامران خان نےکہا کہ یہ جعلی مشروبات اوریجنل مشروبات کے ساتھ رکھے گئے تھے لیکن جدید موبائل لیب کے ذریعے موقع پر ٹسٹ کیا جس سے پتہ لگا کہ یہ جعلی ہے۔رزلٹ غیر تسلی بخش آنے پر سارے مشروبات ضبط کردئیے گئے اور گودام مالکان کو جیل بھیج دیاگیا۔کامران خان کا کہنا کہ فوڈ سیفٹی ٹیم نے عہد کیا ہے کہ لوگوں تک صاف اور معیاری خوراک پہنچائیں گے اور کسی کو بھی لوگوں کے صحت کو ساتھ کھیلنے کی اجازت نہیں دینگے۔ دریں اثنا اسسٹنٹ ڈائریکٹر ابراہیم خان کے مطابق جدید لیبارٹری کے زریعے فوڈ اتھارٹی اور بھی فعال ہو گئی ہے کیونکہ یہ موقع پر ہی 100 پرسنٹ مستند رزلٹ فراہم کرتی ہے۔
