مردان تخت بھائی پاتی کلاں میں فائرنگ سے ایک شخص جاں بحق ہو گیا،ریسکیو 1122 کے مطابق گولی لگنے سے 22 سالہ امتیاز موقع پر ہی جانبحق ہو گیا،ریسکیو1122 کے حکام کے مطابق اطلاع موصول ہونے پر ریسکیو1122 ایمبولینس اور میڈیکل ٹیم موقع پر پہنچ گئی۔
ریسکیو1122 میڈیکل ٹیم نے زخمی شخص کو ٹی ایچ کیو منتقل کر دیا جہاں ڈاکٹروں نے ان کے موت کی تصدیق کر دی،تاہم فائرنگ کی وجہ معلوم نہ ہو سکی،پولیس نے نامعلوم افراد کے خلاف مقدمہ درج کر کے تفتیش شروع کر دی گئی ہے،
Tag: مردان
مردان تخت بھائی فائرنگ،ایک شخص جاں بحق
ایکسائز مردان ریجن اور ایکسائز اینٹیلیجنس بیورو کی بڑی کاروائی،منشیات سمگلنگ کی کوشش ناکام
ایس ایچ او تھانہ ایکسائز مردان ریجن اور ایکسائز اینٹیلیجنس بیورو کی بڑی کاروائی ، بھاری مقدار میں منشیات سمگلنگ کی کوشش ناکام ، 12000 گرام افیون برآمد کر لیا گیا ۔ایس ایچ او تھانہ ایکسائز مردان ریجن کی دوسری بڑی کاروائی میں بھاری مقدار میں منشیات سمگلنگ کی کوشش ناکام بنا کر 18000 گرام چرس برآمد کر لی گئی، دونوں کاروائیوں کے خلاف مقدمات درج کر لئے گئے،
حالیہ تعینات ایس ایچ او تھانہ ایکسائز مردان ریجن نے بمعہ ایکسائز اینٹیلیجنس ب سکواڈ نےخفیہ اطلاع پر مشترکہ کاروائی میں بھاری مقدار میں منشیات سمگلنگ کی کوشش ناکام بناتے ہوئے، چارسدہ جی ٹی روڈ پر ایک گاڑی سے دوران تلاشی 12000 گرام افیون برآمد کی، مزید تفتیش اور قانونی کاروائی کیلئے تھانہ ایکسائز مردان ریجن میں مقدمہ درج کردیا گیا۔
دوسری کاروائی سرکل آفیسر مردان ریجن کے زیر نگرانی حالیہ تعینات ایس ایچ او تھانہ ایکسائز مردان ریجن اور ایڈیشنل ایس ایچ او نے خفیہ اطلاع پر بھاری مقدار میں منشیات سمگلنگ کی کوشش ناکام بناتے ہوئے چارسدہ انٹرچینج کے قریب گاڑی سے دوران تلاشی پچھلے سیٹ میں بنائے گئے خفیہ خانے سے 18000 گرام چرس برآمد ، جس کے خلاف مزید تفتیش اور قانونی کاروائی کیلئے تھانہ ایکسائز مردان ریجن میں مقدمہ درج کردیا گیا۔
مردان منی چینجرز کو ڈاکوؤں نے لوٹ لیا
مردان کاٹلنگ تھانہ بائیزئی کے علاقہ سنگاؤ میں مسلح ڈاکوؤں نے منی چینجرز کو لوٹ لیا۔ پولیس کے مطابق منی چینجرز نے پشاور اور دیگر علاقوں سے 3 کروڑ 20 لاکھ روپے سے زائد رقم اکٹھی کی تھی۔ پولیس کے مطابق منی چینجرز اپنی گاڑی کے زریعے بونیر جارہے تھے۔پولیس علاقہ سنگاؤ میں چار مسلح ڈاکو نے منی چینچرز کی گاڑی زبردستی روک لی۔پولیس نے کہا کہ ڈاکوؤں نے منی چینجرز کو تشدد کرکے ویرانے میں چھوڑ کر فرار ہو گئے۔ مسلح ڈاکو گاڑی اور رقم چھین کر فرار ہو گئے جبکہ نامعلوم افراد کے خلاف مقدمہ درج کرلیا گیا،
مردان کاٹلنگ چوکی پر نامعلوم دہشتگردوں کی فائرنگ ،ڈی ایس پی زخمی
مردان کاٹلنگ چوکی غنڈو پر نامعلوم ملزمان کی فائرنگ سے ڈی ایس پی کاٹلنگ فاروق زمان شدید زخمی ہو گئے، ڈی ایس پی کاٹلنگ فاروق زمان خان روٹین گشت پر تھے کے اس دوران نامعلوم دہشتگردوں نے فائرنگ کی۔
زخمی ڈی ایس پی فاروق زمان خان کو ایم ایم سی ہسپتال منتقل کر دیا گیا ،جہاں انکو طبی امداد دی جا رہی ہےمردان پولیس آر آر ایف،آر آر یو ودیگر پولیس نفری جائے وقوعہ پہنچ گئے،
مردان، سویڈن میں قران کے بے حر متی کے خلاف احتجاجی مظاہرہ
اپکا اور پیرامیڈیکل ایسوسی ایشن کا سویڈن میں قرآن پاک کی بحرمتی کے خلاف زبردست احتجاجی مظاہرہ۔سویڈن کے خلاف نعرہ بازی کی اور سویڈن کا جھنڈا نذر آتش کر دیا مظاہرین مردان ایم۔ایم۔سی ھسپتال سے ریلی نکالی گئی جسکے وجہ سے مردان نوشہرہ روڈ ھر قسم ٹریفک کےلیے بند کردیا۔سویڈن میں قرآن پاک کی بے حرمتی کے خلاف ایپکا اور پیرامیڈیکل ایسوسی ایشن ایک عظیم الشان اختجاجی مظاہرہ زیر قیادت حاجی اورنگزیب کشمیری مرکزی سیکرٹری جنرل ایپکا پاکستان نکالی گئی۔جسمیں سجاد احمد صدر پیرامیڈیکل ایسوسی ایشن،انعام اللہ صدر ایپکامردان،عزیز خان سیکرٹری جنرل درجہ چہارم،فرحان راشد صدر ایم۔ایم۔سی،وحید خان صدر پرائیویٹ فارمیسی شیخ ملتون شامل تھے، مظاہرین کا کہنا تھا کہ موجودہ حکومت سویڈن کے سفیر کو فوری طور پر ملک بدر کر دے۔اور سویڈن کے مصنوعات کے خرید وفروخت پر پابندی عائد کی جائے۔ انہوں نے مزید کہا کہ قرآن پاک کی بے حرمتی کرنے والے شرعاً پھانسی دی جائے۔سویڈن حکومت نے ایک سوچے سمجھے منصوبے کے تحت سرکاری طور پر قرآن پاک کو نذر آتش کیاہے۔ مظاہرین نے مطالبہ کیا ۔کہ اوآئی سی متفقہ طور پر سویڈن کے خلاف اعلان جہاد کریں۔ اور او آئی سی میں شامل تمام اسلامی ممالک اپنے سفیروں کو واپس بلا لیں۔اور سویڈن کے سفیروں کو ملک بدر کر دیں۔ مظاہریننے سویڈن کا پرچم نذر آتش کردیا۔
مردان جمعیت علماء اسلام کا سوئیڈن کے خلاف احتجاج
جمیت علماء اسلام ف مردان کے رہنماؤں نے سوئیڈن میں قرآن پاک کی بے حرمتی کے واقعے کیخلاف احتجاج کیا ہے،
احتجاجی مظاہرے میں جمعیت علمائے اسلام کے کارکنوں سمیت شہریوں کی کثیر تعداد نے شرکت کی،. مظاہرین نے سویڈن کی حکومت کے خلاف شدید نعرہ بازی کی۔مظاہرین نے کہا کہ قرآن کریم کی بے حرمتی مسلمانوں کے جذبات سے کھیلنے کے مترادف ہے، قرآن کریم کی بے حرمتی برداشت سے باہر ہے،لہذا سویڈن سے سفارتی تعلقات ختم کیا جائے،احتجاج کے دوران سوئیڈن جھنڈے کو جلا دیا گیا،
مردان،کرنٹ لگنے کا واقعہ
ضلع مردان تخت بھائی کے علاقے تورڈھیر میں کرنٹ لگنے سے ہاشم نامی شخص جانبحق ہو گیا ہے، ریسکیو1122 کے مطابق
اطلاع موصول ہونے پر ریسکیو 1122 ایمبولینس اور میڈیکل ٹیم موقع پر پہنچ گئی۔مردان ریسکیو1122 اہلکاروں نے جانبحق شخص کو ٹی ایچ کیو ہسپتال منتقل کر دیا جہاں ڈاکٹروں نے ان کے موت کی تصدیق کر دی۔ابتدائی معلومات کے مطابق گھر میں ننگی تاروں سے ٹکرانے کے باعث حادثہ پیش آیا۔
کے پی کے سابق وزیر اور ایم پی اے کے گھر پر پولیس کا چھاپہ
کے پی کے ضلع مردان پاکستان تحریک انصاف پشاور ریجن کے صدر عاطف خان کے گھر پر پولیس نے چھاپہ مارا،
پولیس اس سے پہلے سابق صوبائی وزیر کے مردان اور اسلام آباد رہائشگاہ پر کئی پار چھاپے مار چکی ہے۔ جبکہ انکے فار ماسیوٹیکل فیکٹری کے ملازمین کو گرفتار کرکے فیکٹری کو سیل کردیا گیا۔ دوسری جانب مردان میں سابق ایم پی اے ظاہر شاہ طورو کے گھر پر بھی پولیس نے چھاپا مارا لیکن ظاہر طورو گھر پر موجود نہیں تھے، پولیس کے مطابق گھر پر چھاپے کے وقت لیڈیز پولیس اہلکا ر بھی موجود تھی،ظاہر شاہ طورو اور سابق وزیر عاظف خان پر 9 اور 10 مئی کے پر تشدد واقعات کے مقدمات درج ہے،
پولیس مردان سے اب تک کسی سابق رکن صوبائی اسمبلی کو گرفتار کرنے میں کامیاب نہ ہوسکی ہے
مردان فائرنگ،2 افراد جاں بحق
مردان کاٹلنگ جمال گڑھی میں فائرنگ کے نتیجے میں 2 افراد جاں بحق جبکہ ایک شخص شدید زخمی ہو گیا،ریسکیو 1122 کے مطابق اطلاع موصول ہوتے ہی ریسکیو1122 ایمبولینس اور میڈیکل ٹیم موقع پر پہنچ گئی۔ ریسکیو1122 میڈیکل ٹیم نے 2 افراد کو ہسپتال منتقل کر دیا جبکہ زخمی کو فوری طورپر لوکل ٹرانسپورٹ کے ذریعے منتقل کیا گیا ،جانبحق افراد میں اشتیاق ولد روشن ملک عمر 40 سال اور زوار ولد سردار علی عمر 30 سال ہے دونوں افراد جمال گڑھی کے رہنے والے ہے،۔ابتدائی اطلاعات کے مطابق مقتولین گھر کے باہر دکان پہ بیٹھے تھے کہ اچانک موٹر سائیکل سواروں نے اندھا دھند فائرنگ کر کے 2 افراد کو جاں بحق اور ایک کو زخمی کر کے فرار ہو گئے،تاحال فائرنگ کی وجہ معلوم نہ ہو سکی،
چارسدہ کے عوام کو ناروا لوڈشیڈنگ کا سامنا
چارسدہ عید الضحٰی کے موقع پر بھی ظالمانہ لوڈشیڈنگ جاری، چارسدہ گریڈ سٹیشن سے منسلک مختلف فیڈر پر 8 سے 12 گھنٹے لوڈشیڈنگ اور ساتھ میں مختلف فیڈر پر وولٹیج نہ ہونے کے برابر ہے جس کی وجہ سے عوام کو شدید مشکلات کا سامنا ہے،حکومتی دعؤوں کے باوجود عید پر بلا تعطل بجلی فراہم نہ کی گئی،8 سے 12 گھنٹے کی لوڈ شیڈنگ معمول بن چکی ہے لیکن عید الاضحی کے موقع پر عوام اس ظالمانہ لوڈ شیڈنگ سے تنگ آچکے ہے،چارسدہ مردان صوابی اور دیگر اضلاع کے عوام کا حکومت سے پر زور مطالبہ ہے کہ عید کے دوران انکو بجلی فراہم کی جائے،ورنہ شدید احتجاج کا سامنا کرنا پڑے گا،
دوسری جانب چارسدہ میں تنگی گریڈ سٹیشن سے منسلک فیڈر پر 8 سے 16 گھنٹے لوڈشیڈنگ جاری ہونے کے ساتھ ولٹیج نہ ہونے کے برابر ہے، اسکے علاوہ بار بار ٹرپنگ بھی جاری جن کی وجہ گھروں مارکیٹوں اور مساجد میں بجلی کے آلات کو شدید نقصان پہنچ رہا ہے،عوام کا مطالبہ ہے کہ ہمیں پورے ولتیج کے ساتھ بجلی فراہم کی جائے،
