Tag: مردان

ضلع مردان عید الاضحی کے موقع پر جانوروں کی باقیات کو ٹھکانے لگانے کے لئے مردان شہر میں ڈبلیو ایس ایس سی ایم نے صفائی آپریشن کا آغاز کر دیا ہے۔
ایڈیشنل ڈپٹی کمشنر مردان سید شاہ زیب نے ڈبلیو ایس ایس سی ایم کے جنرل منیجر انجنیئر محمد خلیل اکبر کے ہمراہ مردان شہر میں صفائی آپریشن کا آغاز کر دیا۔صفائی آپریشن میں ڈبلیو ایس ایس سی ایم کے چھ سو اہلکار حصہ لے رہے ہیں جبکہ70چھوٹی بڑی گاڑیوں کے ذریعے آلائشوں کو اٹھا کر اسے محفوظ طریقے سے ٹھکانے لگایا جائے گا۔جانوروں کی باقیات کو اٹھانے کے لئے 200کلیکشن پوائنٹس بنائے گئے ہیں جبکہ تین ٹرانسفر اسٹیشن میں آلائشوں کو جمع کر کے وہاں سے بڑی گاڑیوں کے ذریعے ڈمپنگ سائٹ لے جایا جائے گا۔ صفائی آپریشن تین دن تک جاری رہے گا اور شہر کو مکمل طور پر صاف کیاجائے گا۔

خیبر پختو نخوا ضلع مردان میں بھی عید الاضحی مذہبی جوش او جزبے کے ساتھ منائی جا رہی ہے۔نماز عید کے اجتماعات میں ملک کی سلامتی اور استحکام کے لئے خصوصی دعائیں مانگی گئی۔نماز عید کے بعد شہریوں نے سنت ابراھیمی کی ادائیگی کے مطابق اپنے جانور ذبح کر رہے ہے،
مردان شہر میں سنت ابراھیمی کی ادائیگی کے بعد صفائی اپریشن کا آغاز بھی ہو چکا ہے،شہر کے چودہ یونین کونسلوں میں ڈبلیو ایس ایس سی ایم کی جانب سے صفائی اپریشن جاری ہے،ڈبلیو ایس سی ایم کے حکام کے مطابق مردان صفائی کے عمل میں چھ سو اہلکار حصہ لے رہے ہیں۔
اور70 مختلف گاڑیوں کے ذریعے جانوروں کے آلائشوں کوٹھکانے لگایا جائے گا۔مردان شہر کو تین زونز میں تقسیم کر دیاگیاہے۔جس میں شہر میں صفائی کے لئے 176کلیکشن پوائنٹس بنائے گئے ہیں۔ڈبلیو ایس سی ایم کے حکام نے کہا ہے کہ صفائی آپریشن رات گئے تک جاری رہے گا۔
مردان نکاسی آب اور سڑکوں کی صفائی کے لئے جیٹنگ مشین اور روڈ واشرز کو استعمال کیا جائے گا۔اسکے علاوہ ڈمپنگ سائٹ میں آلائشوں پر مٹی کی تہہ چڑھانے کے بعد چونا بھی ڈالا جائیگا، انہوں نے بتایا کہ شہری کسی بھی مسئلے کی صورت میں شکایات سیل سے رابطہ کرسکتے ہیں۔

ریسکیو 1122 کے مطابق ضلع مردان کاٹلنگ کالو شاہ روڈ کے قریب موٹر کار بے قابو ہو کر نہر میں جا گری۔حادثے کے نتیجے میں 2 افراد جانبحق ہوئے،ریسکیو حکام کے مطابق اطلاع موصول ہونے پر ریسکیو 1122 میڈیکل ٹیم اور ایمبولینس جائے حادثہ پہنچ گئ۔جہاں انہوں نے حادثے میں متاثر دو افراد کو نہر سے نکال کر ٹی ایچ کیو ہسپتال درگئی منتقل کر دیا جہاں ڈاکٹرز نے ان کے موت کی تصدیق کر دی۔

عبدالولی خان یونیورسٹی مردان انتظامیہ کی جانب سے کالجز داخلہ فیسوں میں بےتحاشا اضافے کے خلاف تخت بھائی ملاکنڈ روڈ اسلامی جمعیت طلباء کی جانب سے احتجاجی مظاہرہ کیا گیا ہے۔ طلبہ نے ہاتھوں میں بینر اٹھا رکھے تھے اور عبدالولی خان یونیورسٹی انتظامیہ کے خلاف شدید نعرہ بازی کی،۔طلبہ کی جانب سے موقف اختیار کیا گیا کہ یونیورسٹی انتظامیہ کو داخلہ فیسوں میں اضافہ واپس لینا چاہئے،
احتجاجی مظاہرے کی قیادت اسلامی جمعیت طلبہ مردان ڈویژن کے ناظم محمد انیس، مردان جنوبی کے ناظم زوار حسین، گورنمنٹ ڈگری کالج تخت بھائی کے ناظم اسامہ صادق اور دیگر کررہے تھے ۔ احتجاجی ریلی سے خطاب کرتے ہوئے مقررین نے خبردار کیا کہ اگر یونیورسٹی انتظامیہ نے فیسوں میں اضافے کا فیصلہ واپس نہیں لیا تو طلبہ تنظیم احتجاجی تحریک چلانے کے ساتھ اعلیٰ عدالتوں کا دروازہ کٹکھٹا ئیں گے ۔ انہوں نے کہا داخلہ فیسوں میں اضافہ غریب طلبہ اور طالبات پر تعلیم کے دروازے بند کروانے کے مترادف ہے۔ لہذا غریب عوام کو تعلیم جیسی روشنی سے محروم نہ کیا جائے،

ضلع مردان ہسپتال ڈاریکٹر ڈاکٹر طارق محمود نے 23 جون کو میڈیا پر گردش کرنے والے ہیٹ اسٹروک کے سبب 18 اموات کےخبر کی تردید کر دی ہے،انہوں نے کہا گزشتہ ہفتہ کے دوران مختلف وجوہات کی بناء پر 24 اموات ہوئی ہے لیکن ہیٹ اسٹروک کے بناء پر کوئی بھی موت رپورٹ نہیں ہوئی۔ داکٹر طارق محمود نے کہا کہ 24 اموات ہاٹ اٹیک اور دیگر وجوہات کی بناء پر ہوئی ہے۔واضح رہے کہ 23 جون کو ایک مقامی ٹی وی پر مردان میں ہیٹ اسٹروک کے سبب 18 افراد کی اموات کی خبر چلائی تھی جس پر ہسپتال ڈاریکٹر ڈاکٹر طارق محمود کی میڈیا سے گفتگو کرتے ہوئے تردید کر دی ہے،

مردان میں گھریلو ناچاقی پر شوہر نے بھائیوں سے مل کر اپنی بیوی کو تشدد کا نشانہ بنا کر بے دردی سے قتل کر دیا صوابی کے علاقہ نارنجی کے رہائشی سردار علی نے مردان کے تھانہ پارہوتی پولیس کوبتایاکہ اس کی 25سالہ بیٹی ماریہ  کی زاہد علی کے ساتھ شادی ہوئی تھی دونوں میاں بیوی حسن آباد سنگ مرمر میں رہائش پذیر تھے وقوعہ کے روز داماد نے اطلاع دی کہ ماریہ وفات پاگئی ہے آکردیکھا تو اسے تشدد سے موت کے گھا ٹ اتاردیاگیاتھا اس نے پولیس کو مزید بتایاکہ اسے یقین ہے کہ اس کی بیٹی کو اس کے شوہر زاہد علی اوراس کے بھائیوں اعجازعلی،فضل امین پسران فضل ربی اوردوسرے رشتہ نذر محمد نے تشدد کرکے موت کے گھاٹ اتاردیاہے پولیس نے مقدمہ درج کرکے تفتیش شروع کردی۔

ٌمردان تھانہ جبر چوکی ساولڈھیر میں پولیس کی کامیاب کارروائی کے دوران اسلحے کی نوک پر عوام کو لوٹنے والے گروہ کا مرکزی ملزم گرفتار کر کے مال مسروقہ اور اسلحہ بھی برآمد کر لیا،راہزن گروہ کی وجہ سے علاقہ ساولڈھیر میں واردتوں سے شہریوں میں خوف و ہراس پھیلا ہوا تھا، جس پر شہریوں نے سوشل میڈیا پر پولیس سے نوٹس لینے کا مطالبہ کیا ، گرفتار ملزم کے دیگر شریک واردات ساتھیوں کی گرفتاری کیلئے پولیس ٹیمیں تشکیل دی گئی ،ڈی ایس پی رورل سرکل فضل شیر خان نے پریس بریفنگ دیتے ہوئے کہا کہ، علاقہ تھانہ جبر چوکی ساولڈھیر پولیس کو مدعی مقدمہ انعام اللہ سکنہ سورے غر ساولڈھیر نے شکر تنگی مقبرہ کے قریب اسلحے کی نوک پر نامعلوم ملزمان نے اس سے اسلحے کی نوک پر نقدی، موٹرسائیکل، موبائل فون چھیننے کی رپورٹ درج کرائی، رپورٹ موصول ہوتے ہی ڈی ایس پی رورل سرکل فضل شیر خان کی نگرانی میں تھانہ جبر چوکی ساولڈھیر پولیس کی آپریشن و تفتیشی پولیس ٹیموں نے ایس ایچ او فواد خان اور انچارج چوکی اے ایس آئی فاروق خان کی قیادت میں جدید سائنسی ذریعوں اور پیشہ ورانہ حکمت عملی و تفتیش کی بدولت واردات میں ملوث راہزن گروہ کے مرکزی ملزم فیاض احمد سکنہ بابو کلے سخاکوٹ ضلع مالاکنڈ تک رسائی حاصل کرکے گرفتار کرلیا،
اس حوالے سے ڈی ایس پی فضل شیر خان نے سرکل آفس میں میڈیا کو پریس بریفنگ دیتے ہوئے مزید کہا کہ گرفتار ملزم نے دوران انٹاروگیشن اعتراف جرم کرلیا جس کی نشاندہی پر مختلف واردتوں میں لوٹی گئی مال مسروقہ، 04عدد موٹرسائیکل، 15700نقدی، 15عدد مختلف اقسام کے موبائل فونز، ایک بنک چیک اور موٹرسائیکلوں کے سپیئرپارٹس (جن میں پیٹرول ٹینکی، فریم و دیگر اشیاء شامل ہیں) سمیت ایک پستول معہ کارتوس بھی برآمد کر لیا گیا ہے، گرفتار راہزن نے اپنے دیگر شریک واردات ساتھیوں کے نام بھی بتا دیئے ہے جن کی گرفتاری کیلئے پولیس ٹیمیں کاروائی میں مصروف ہے،