اسلام آباد: سارک ممالک کے مرکزی بینکس کا اجلاس آج سے اسلام آباد میں شروع ہوگا۔
باغی ٹی وی : سارک ممالک کے مرکزی بینکس کا 2 روزہ اجلاس آج سے اسلام آباد میں گورنر اسٹیٹ بینک کی صدارت میں شروع ہوگا اجلاس میں سری لنکا، نیپال، افغانستان، مالدیپ، بنگلادیش کے مرکزی بینکس کے گورنرز شرکت کرینگے جبکہ بھارتی مرکزی بینک کے صدر نے شرکت کی تصدیق نہیں کی۔
سندھ کی آبادی ساڑھے 5 کروڑ سے تجاوز،مردم شماری کے نئے اعداد و شمار جاری
ذرائع کے مطابق عوام تک قرضہ جات کی فراہمی بھی ایجنڈے میں شامل ہے 2 مئی کو قرضہ جات کی فراہمی کو ڈیموکریٹائز کرنے سے متعلق سارک سیمینار اور 3 مئی کو کلائمیٹ کے منفی اثرات کم کرنے پر بینکوں کے کردار کا سمپوزیم ہوگا۔
کہہ چکا ہوں مئی اہم ہے10مئی تک پتالگ جائے گا آرہوگا یا پارہوگا،شیخ رشید
واضح رہے کہ جنوبی ایشیائی علاقائی تعاون کی تنظیم یا سارک جنوبی ایشیا کے 8 ممالک کی ایک اقتصادی اور سیاسی تنظیم ہے۔ یہ آبادی کے لحاظ سے دنیا کی سب سے بڑی علاقائی تنظیم ہے جو تقریباً 1 اعشاریہ 47 ارب لوگوں کی نمائندگی کرتی ہے۔ یہ تنظیم 8 دسمبر 1985ء کو بھارت، پاکستان، بنگلہ دیش، سری لنکا، نیپال، مالدیپ اور بھوٹان نے قائم کی تھی،3 اپریل 2007ء کو نئی دہلی میں ہونے والے تنظیم کے 14 ویں اجلاس میں افغانستان کو آٹھویں رکن کی حیثیت سےتنظیم میں شامل کیا گیا۔