Baaghi TV

Tag: مرکزی مسلم لیگ

  • بجلی کی قیمتوں میں اضافہ،مرکزی مسلم لیگ کا ملک گیر احتجاجی تحریک کا آغاز

    بجلی کی قیمتوں میں اضافہ،مرکزی مسلم لیگ کا ملک گیر احتجاجی تحریک کا آغاز

    پاکستان مرکزی مسلم لیگ کے زیر اہتمام بجلی کی قیمتوں میں اضافے کے خلاف ملک گیر احتجاجی تحریک کا آغاز کر دیا گیا ۔ جس میں حکومت پاکستان سے بجلی کی قیمتوں میں اضافے اور غیر اعلانیہ ٹیکسز کا فیصلہ واپس لینے کا مطالبہ کیا گیا۔

    نگران حکومت کی جانب بجلی کی کی قیمتوں میں اضافے کے خلاف پاکستان مرکزی مسلم لیگ کی جانب سے لاہور، گوجرانولہ، سیالکوٹ میں احتجاجی مظاہرے کیے گئے۔جس میں ہر شعبہ ہائے زندگی سے تعلق رکھنے والے لاکھوں افراد نے شرکت کی۔ مظاہرین نے ہاتھوں میں کتبے اٹھا رکھے تھے جن پر حکومت مخالف، بجلی کی قیمتوں میں اضافے اور مہنگائی کخلاف نعرے درج تھے ۔مظاہرین نے حکومت کے خلاف شدید نعرے بازی بھی کی۔ ملک بھر ہونے والے احتجاجی مظاہرے سے مقررین نے حکومتی فیصلے کی پرزور مزمت کرتے ہوئے مطالبہ کیا کہ حکومت بجلی کی قیمتوں میں اضافے اور غیر اعلانیہ ٹیکسز کا فیصلہ واپس لے۔ پاکستان مرکزی مسلم لیگ کی جانب سے احتجاجی مظاہروں کا سلسلہ اس وقت تک جاری رہے گا جب تک حکومت بجلی کی قیمتوں میں اضافے کے اقدام کو واپس نہیں لے لیتی ہے۔ ملک میں دن بدن بڑھتی مہنگائی نے عام آدمی کا جینا دوبھر کردیا ہے، حکومت آہستہ آہستہ عوام سے جینے کا حق چھین رہی ہے۔ پاکستان مرکزی مسلم لیگ عوام کے ساتھ یہ ظلم نہیں ہونے دے گی۔ جو کل تک مہنگائی کے نام پر سیاست کررہے تھے آج اقتدار کے مزے لوٹ رہے ہیں۔ غریب عوام پر قیامت ڈھائی جارہی ہے اور حکمران عیاشیوں میں مصروف ہیں۔

    اس موقع پر پاکستان مرکزی مسلم لیگ کے صدر خالد مسعود سندھو، محمد اعظم چوہدری، محمد تابش،مزمل اقبال ہاشمی، سیف اللہ خالد،چوہدری محمد سرور انجنئیر حارث ڈار،احسان اللہ منصور ودیگر نے بجلی کی قیمتوں میں اضافے پر شدید ردعمل دیتے ہوئے اپنے مشترکہ بیان میں کہا کہ موجودہ حکومت کے دور میں بجلی، گیس، آٹا اور چینی سمیت پیٹرولیم مصنوعات کی قیمتوں میں کمی کے بجائے اندھا دھند اضافے نے غریب عوام کو جیتے جی مار دیا ہے۔ سیاسی جماعتوں اور حکومتوں کی نااہلی نے پاکستان کو اس مقام پر پہنچا دیا ہے کہ ہم آج عالمی اداروں کے غلام بن چکے ہیں آج ملک میں بجلی، گیس اور پٹرول کی قیمتوں وہ مقرر کررہے ہیں۔ ملک و قوم کو آج غلامی کی طرف دھکیل دیا گیا ہے۔ مرکزی مسلم لیگ پاکستان اور اس کے عوام کی نمائندہ جماعت ہے ہم عالمی اداروں کی غلامی کو قبول نہیں کرتے اور نہ غلامی کرنے دیں گے۔ آج ہمیں اپنے بل بوتے پر کھڑا ہونے کی ضرورت ہے۔ پاکستان میں بجلی کی پیداوار کے باوجود بجلی کے بلوں میں غیر اعلانیہ ٹیکسز کی برمار کسی صورت قبول نہیں کریں گے۔ حکمران جواب دیں کہ واپڈ کے ذریعے ملک سے کھربوں روپے کا ریونیو اکٹھا کرنے باوجود قومی خزانہ خالی کیوں ہے، موجودہ نگران حکومت نے عوام دوستی کا نہیں بلکہ عوام دشمنی کا ثبوت دیا ہے۔حکمرانوں کے موجودہ حکومتی اقدامات سے مہنگائی کا سونامی عوام کیلئے ناقابل برداشت ہوگیا ہے۔

    لاہور میں ملتان چونگی چوک،کارپوریشن چوک، بند روڈ پکی ٹھٹھی چوک، سمن آباد اورٹھوکر نیاز بیگ چوک سمیت مرکزی مسلم لیگ کے کارکنان کی جانب سے بجلی کی قیمتوں میں اضافے کیخلاف احتجاجی مظاہرے کیے گئے،لاہور کے جنرل سیکرٹری محمد حارث ڈار نے کہا کہ اگر حکومت نے یہ ظالمانہ اقدام واپس نہ لیا تو نتائج کی ذمہ دار موجودہ حکومت ہوگی، سیالکوٹ خواجہ انور چوک میں مرکزی مسلم لیگ کی جانب سے بجلی کی قیمتوں میں اضافے کیخلاف احتجاجی مظاہرہ کیا گیا۔

    :نورمقدم کی مظلومیت کیوں بیان کی: ظاہر جعفر کے دوست ماہر عزیز کے وکیل نے مبشرلقمان کونوٹس بھجوا دیا

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نورمقدم قتل ، نوجوان جوڑے کو برہنہ کرنے کا کیس، ملزمان کے نفسیاتی ٹیسٹ کی آئی رپورٹ

    نور مقدم قتل کیس،مرکزی ملزم ظاہر جعفر کے ریمانڈ میں توسیع

    نور مقدم قتل کیس، ایک اور ملزم نے ضمانت کے لئے رجوع کر لیا

    نور مقدم کیس، سسٹم کا گھناؤنا چہرہ بے نقاب،کیس الجھ گیا، مال کی چمک دمک شروع

    بجلی کے بلوں میں اضافہ پرشہری سڑکوں پرنکل آئے

    نگران وزیراعظم انوار الحق کاکڑ نے بجلی کے نرخوں کے حوالے سے ہنگامی اجلاس طلب کرلیا

  • یوم آزادی،مرکزی مسلم لیگ کے زیر اہتمام ریلیاں

    یوم آزادی،مرکزی مسلم لیگ کے زیر اہتمام ریلیاں

    پاکستان مرکزی مسلم لیگ کے زیر اہتمام ملک بھر میں یوم آزادی کی مناسبت سے ریلیوں اور کیمپس کا انعقاد کیا گیا۔  پاکستان مرکزی مسلم لیگ کی جانب سے لاہور، اسلام آباد،گوجرانوالہ، ملتان، قصور،سرگودھا،گجرات، سیالکوٹ، راولپندی، چینوٹ رحیم یار خان، خیبرپختونخوا اور سندھ سمیت ملک بھر میں ریلیوں اور نظریہ پاکستان کے نام سے پروگرامات کا انعقاد کیا گیا۔جس میں ہر شعبہ ہائے زندگی سے تعلق رکھنے والے ہزاروں افراد نے شرکت کی۔شرکاء نے ہاتھوں میں قومی پرچم اور کتبے اٹھا رکھے تھے۔جن پاکستان سے والہانہ محبت اور یوم آزادی کی مناسبت سے جملے تحریر کیے گئے تھے۔ شرکاء کی جانب سے پاکستان سے والہانہ محبت کے فلک شگاف نعرے لگائے گئے۔ ریلیوں اور یوم جشن آزادی کیمپس میں شرکاء کا جذبہ دیدنی تھا۔جبکہ پاکستان مرکزی مسلم لیگ کی جانب سے لگائے آزادی کیمپس پر بچوں کے چہروں پر قومی پرچم بنانے کا اہتمام کیا گیا تھا۔ تمام کیمپس پر قومی اور ملی نغمے لگائے گئے تھے اس موقع پر عوام کا وطن سے محبت جوش وخروش دیکھنے میں آیا۔

    اس موقع پر مقررین کا کہنا تھا کہ پاکستان کی بقا لا الہ الا اللہ میں ہے، جو ہمیں ترقی اور خوشحالی کے لیے جدوجہد کرنے کی تحریک دیتا ہے۔ پاکستان کی اس خطے پر قائم ہونے کی وجہ صرف اور صرف لا الہ الا اللہ کی بنیاد ہے الحمدللہ نظریے پاکستان کی بنیاد پر قائد اعظم محمد علی جناح نے ہمیں متحد کیا ہے اور ان شاءاللہ ہم متحد ہی رہیں گے۔پاکستان کا نظریہ ایک شعلہ ہے، اور اس کی بقا کا انحصار اس کو روشن رکھنے کے لیے ہماری اجتماعی کوششوں پر ہے۔ پی ایم ایم ایل اس شعلے کی حرارت سے ایمان کی حرارت بڑھانا چاہتی ہے۔ اس منور دئیے کو طوفانوں سے بچانا چاہتی ہے۔پاکستان مرکزی مسلم لیگ اس بات پر یقین رکھتی ہے کہ نظریہ پاکستان کی حفاظت اور بقا کے لئے اس نظام کی ضرورت ہے جس کی بنیاد پر پاکستان وجود میں آیا۔پاکستان کی تحریک کی کامیابی کی بنیادی وجہ لا الہ الا اللہ کا مضبوط نظریہ تھا آج پاکستان کی تعمیر و ترقی کے لیے بھی اسی نظریہ پر عمل پیرا ہونا ضروری ہے۔آزادی کے 76 برسوں میں ارض وطن نے مختلف موسموں کے رنگ دیکھے۔ سیاسی اکھاڑ پچھاڑ، طاقت اور اختیار کے حصول کی جنگ، اقرباء پروری، بددیانتی اس ملک کے لیے ناسور بنی رہی اور اس کی ترقی کی راہ میں حائل رہی مگر پاکستان مرکزی مسلم لیگ نے خدائے ذوالجلال کی رحمت و عنایت سے اب حالات بدلے گی۔

    مفتی عزیز الرحمان کا اعتراف جرم، کہا بہت شرمندہ ہوں

    مفتی عزیزالرحمان ویڈیو سیکنڈل کی حمایت کرنیوالا مفتی اسماعیل بھی گرفتار

    مفتی عزیز الرحمان کو دگنی سزا ملنی چاہئے، پاکستان کے معروف عالم دین کا مطالبہ

    مفتی عزیزالرحمان ویڈیو سیکنڈل، پولیس نے مانگا مفتی کا مزید”جسمانی” ریمانڈ

    مدرسہ ویڈیو سیکنڈل ،مفتی عزیز الرحمان کی عدالت پیشی، عدالت کا بڑا حکم

  • مینار پاکستان ، تکبیر کانفرنس کی تیاریاں و انتظامات مکمل

    مینار پاکستان ، تکبیر کانفرنس کی تیاریاں و انتظامات مکمل

    پاکستان مرکزی مسلم لیگ کے صدر خالد مسعود سندھو و دیگر رہنماؤں نے کہا ہے کہ پاکستان کو قرضوں کی دلدل میں پھنسا کر ایٹمی پروگرام کے خلاف سازشیں کی جارہی ہیں۔دشمن قوتوں کے مذموم عزائم ناکام بنانے کیلئے پوری قوم کو متحدوبیدار کرنا ہو گا۔28مئی کو مینار پاکستان ہونے والی تکبیر کانفرنس کی تیاریاں و انتظامات مکمل کر لئے گئے۔مرکزی مسلم لیگ کے علاوہ دیگر سیاسی و مذہبی جماعتوں کے مرکزی قائدین اور رہنما خطاب کریں گے۔کانفرنس میں شہر اور گردونواح سے لاکھوں افراد شریک ہوں گے۔ملکی دفاعی اداروں پر حملوں اور توڑ پھوڑ کے واقعات کی شدید مذمت کرتے ہیں۔ملک کی سلامتی وبقا اتحادویکجہتی اورخودانحصاری کی راہ اختیار کرنے میں ہے۔

    وہ مقامی ہوٹل میں یوم تکبیر کے موقع پر مینار پاکستان گراؤنڈ میں ہونے والی تکبیر کانفرنس کے حوالے سے پریس کانفرنس کر رہے تھے۔ اس موقع پر سیکرٹری جنرل پی ایم ایم ایل محمد اعظم چوہدری، صدر مرکزی مسلم لیگ لاہور انجینئر عادل خلیق،سیکرٹری جنرل لاہور انجینئر حارث ڈار اور حمید الحسن بھی موجود تھے۔ مرکزی مسلم لیگ کے صدر خالد مسعود سندھو، محمد اعظم چوہدری و دیگر نے کہا کہ وطن عزیز کے دفاع کے ضامن ایٹمی پروگرام کے خلاف سازشیں ہو رہی ہیں۔پاکستان اور اس کا ایٹمی پروگرام ہماری ریڈ لائن ہے۔اس ملک کی بقاء ایٹمی پروگرام سے وابستہ ہے، اس حوالے سے کسی قسم کا سمجھوتہ ملک کی سالمیت کیلئے خطرہ ہے۔پاکستان کا ایٹمی پروگرام دشمن قوتوں کے ناپاک عزائم میں رکاوٹ ہے۔اس کے خلاف کسی قسم کی سازش کامیاب نہیں ہونے دیں گے۔ملک اس وقت شدید مشکلات سے دوچار ہے۔ یہ وقت ہے کہ ہم اپنے ذاتی مفادات سے بالاتر ہو کر پاکستان کیلئے متحد ہو جائیں۔مرکزی مسلم لیگ قومی مفاد کیلئے ہر سیاسی جماعت کے پاس جائے گی۔انہوںنے کہاکہ کراچی اور کوئٹہ میں اتحادکانفرنسوں کے بعد اب 28مئی کو لاہورکے مینار پاکستان گراؤنڈ میں ایک تاریخی تکبیر کانفرنس منعقد کی جارہی ہے جس میں ملک بھر کی تمام سیاسی، مذہبی و سماجی تنظیموں اور دیگر شعبہ جات سے تعلق رکھنے والی اہم شخصیات کو شرکت کی دعوت دی گئی ہے۔اس سلسلہ میں پی ایم ایم ایل کی جانب سے لاہور اور گردونواح میں بڑے پیمانے پر تشہیری مہم چلائی گئی ہے۔ گلی محلوں اور چوکوں و چوراہوں کی سطح پر بینرز، ہورڈنگز اور سائن بورڈز لگائے گئے ہیں جس پر شہریوں میں کانفرنس میں شرکت کے حوالے سے زبردست جوش و جذبہ پایا جاتا ہے۔

    مرکزی مسلم لیگ کی اس تکبیر کانفرنس میں تمام مکاتب فکر اور شعبہ ہائے زندگی سے تعلق رکھنے والے لاکھوں افراد شرکت کریں گے اور ملک دشمن قوتوں کو واضح پیغام دیا جائے گاکہ پاکستانی قوم لاکھوں جانوں کا نذرانہ پیش کر کے حاصل کئے گئے ملک کو کمزور کرنے کی کوششیں کامیاب نہیں ہونے دے گی۔مرکزی مسلم لیگ کے رہنماؤںنے کہاکہ ملک میں اس وقت نفرت و انتقام پر مبنی سیاست ہو رہی ہے جو ملکی سلامتی و استحکام کے لیے خطرے کا باعث ہے۔پاکستان مرکزی مسلم لیگ ملک گیر سطح پر ہونے والے پروگراموں کے ذریعے اتحادویکجہتی کا پیغام دے رہی ہے۔ضرورت اس بات کی ہے کہ سیاسی جماعتیں باہمی مفادات کو پس پشت ڈال کر ملک کو مضبوط و مستحکم بنانے کے لیے کردار ادا کریں۔انہوںنے کہاکہ ملکی دفاعی اداروں پر حملے کرنے والے عناصر کے خلاف سخت کاروائی کی جائے ، البتہ ہم یہ بھی مطالبہ کرتے ہیں کہ اگر کوئی بے قصور سیاسی کارکن گرفتارہوئے ہیں تو انہیں رہا کیا جائے۔خالد مسعود سندھو و دیگر رہنماؤںنے کہاکہ مرکزی مسلم لیگ ملک کو درپیش چیلنجز سے نکالنے کیلئے قومی سطح پر وسیع تر اتحاد کی فضاقائم کرنے کیلئے سنجیدہ کوششیں کریں،

    ملک کی ترقی میں مزدوروں اور محنت کشوں کا بنیادی کردار ہوتا ہے

    بہن بھائیوں کو بھی عید کی خوشیوں میں اپنے برابر کاشریک کریں 

    قرضے لیکر معیشت میں کبھی بھی استحکام پیدا نہیں کیا جا سکتا،

  • پاکستان مرکزی مسلم لیگ نے لاہورسے امیدواروں کا اعلان کر دیا

    پاکستان مرکزی مسلم لیگ نے لاہورسے امیدواروں کا اعلان کر دیا

    پاکستان مرکزی مسلم لیگ کے صدر خالد مسعود سندھو نے کہا کہ ہم کھوکھلے نعروں پر نہیں بلکہ عملی خدمت کی سیاست پر عمل پیرا ہیں, اس وقت پورے ملک میں پاکستان مرکزی مسلم لیگ عوام الناس کے لیے سحری و افطاری کے دسترخوان لگا رہی ہے، جس کا مقصد عوام کی خدمت کرکے اللہ کی رضا کو تلاش کرنا ہے، ہم ملکی وسائل کو بروئے کار لاتے ہوئے خود انحصاری کی پالیسی اپنائیں گے,ہم کسی کو بھی تنقید کا نشانہ بناۓ بغیر قوم میں ہر ممکن آسانیاں پیدا کرنے کے لیے ہر ممکن کوشش کررہے ہیں- ہم خدمت کی سیاست پر یقین رکھتے ہیں اور اس کی بنیاد پر ملک و قوم کو ترقی پر گامزن کریں گے

    ان خیالات کا اظہار انہوں نے پاکستان مرکزی مسلم لیگ لاہور کی جانب سے ایک نجی ہوٹل میں دعوتِ افطار کی تقریب میں شرکاء سے خطاب کرتے ہوئے کیا،جس میں پاکستان مرکزی مسلم کے لاہور کے نامزد امیدواران براۓ ایم این ایز اور ایم پی ایز نے شریک ہوئے اس موقع پر پاکستان مرکزی مسلم لیگ کے جنرل سیکرٹری چوہدری محمد اعظم ،پاکستان مرکزی مسلم لیگ لاہور کے جنرل سیکرٹری انجنئیر حارث ڈار سمیت دیگر نے خطاب کیا صدر پاکستان مرکزی مسلم لیگ خالد مسعود سندھو نے تقریب سے خطاب کرتے ہوئے مذید کہا کہ اس وقت پاکستان مرکزی مسلم لیگ خدمت کے سیاست پر یقین رکھتے ہوئے ملک کے تمام صوبوں میں عوام الناس کے لیے سستی روٹی سستی سبزی اور سستے بازار لگا کر معاشی ریلیف فراہم کرنے کی کوشش کررہی ہے

    اس موقع پر پاکستان مرکزی مسلم لیگ کے جنرل سیکرٹری چوہدری محمد اعظم نے شرکاء سے گفتگو کرتے ہوئے کہا کہ پاکستان مرکزی مسلم لیگ اس تھیم کے ساتھ میدان عمل میں آئی ہے ہم نے پاکستان اور عوام کی خدمت کوئی کسر نہیں چھوڑیں گے،پورے پاکستان میں اس ایجنڈے کو ہم عام کریں گے کہ وہ پارٹی باقی رہے گی جو قوم کی خدمت کی سیاست کرے گی، پاکستان مرکزی مسلم لیگ لاہور کے جنرل سیکرٹری انجنئیر حارث ڈار نے کہا کہ خدمتِ خلق کے جذبے سے سرشار اور باکردار امیدواران براۓ قومی و صوباٸی اسمبلی ہر قومی خوشی و دکھ میں اپنے حلقے کی قوم کے شانہ بشانہ ہیں اور اس وقت جب ہمارے پاس کوٸی سرکاری اختیارات بھی نہیں ہیں ان حالات میں بھی ہم قوم کے لیے ہر ممکن آسانی پیدا کر رہے ہیں اس تقریب کے موقع پر صدر پاکستان مرکزی مسلم لیگ خالد مسعود سندھو نے صوباٸی الیکشن شیڈول کے مطابق پاکستان مرکزی مسلم لیگ کے لاہور کے 30 امیدواران برائے صوباٸی اسمبلی کو پارٹی ٹکٹ جاری کٸے جس کے مطابق
    پی پی 144 سے عادل خلیق
    پی پی 145 سے میاں کاشف
    پی پی 146 سے شیخ صداقت
    پی پی 147 ڈاکٹر مقبول احمد
    پی پی 148 سے شاٸمان بٹ
    پی پی 149 سے حافظ عبید اللہ
    پی پی 150 سے رضوان اکرم
    پی پی 151 سے حاجی اسحٰق مغل
    پی پی 152 سے رانا آصف
    پی پی 153 سے محمد ارشد
    پی پی 154 سے عمر عبداللہ
    پی پی 155 سے عبدالرحمن نقوی
    پی پی 156 سے خواجہ عمران
    پی پی 157 سے عمر بن عبدالعزیز
    پی پی 158 سے چوہدری عبدالسلام
    پی پی 159 سے محمد رضوان
    پی پی 160 سے محمود الاسلام
    پی پی 161 سے یاسمین سیف
    پی پی 162 سے حافظ عبدالماجد
    پی پی 163 سے سیٹھ اکرم
    پی پی 164 سے احمد یاسین
    پی پی 165 سے ناٸلہ خالد
    پی پی 166 سے ریاست وڑاٸچ
    پی پی 167 سے چوہدری عبدالرزاق
    پی پی 168 سے طلحہ احسان
    پی پی 169 سے سے عابد رحمٰن
    پی پی 170 سے محمد ارسلان
    پی پی 171 سے عباس بھٹی
    پی پی 172 سے ریاض احمد احسان
    اور پی پی 173 سے ناصر محمود گھمن
    پاکستان مرکزی مسلم لیگ کے پلیٹ فارم سے الیکشن میں حصہ لیں گے

  • پنجاب اسمبلی کے انتخابات کے لیے کاغذات نامزدگی جمع

    پنجاب اسمبلی کے انتخابات کے لیے کاغذات نامزدگی جمع

    لاہور سے پاکستان مرکزی مسلم لیگ کے پانچ امیدواران نے پنجاب اسمبلی کے انتخابات کے لیے کاغذات نامزدگی جمع کروا دئیے۔

    پی پی 159 سے محمد رضوان منیر، ، پی پی 167 سے چوہدری عبد الرزاق، پی پی 171 سے عباس بھٹی اور پی پی 172 سے ریاض احمد احسان نے اپنے متعلقہ ریٹرننگ افسران کو اپنے کاغذات نامزدگی جمع کروادئیے۔ اس موقع حلقے سے سپورٹران کی بڑی تعداد بھی امیدواران کے ساتھ موجود تھی۔ پارٹی کے سیکرٹری جنرل لاہور انجنئیر حارث ڈار کا کہنا ہے کہ پاکستان مرکزی مسلم لیگ لاہور کے تمام صوبائی حلقوں سے باکردار اور فعال امیدواروں کا انتخاب کرکے انتخابی میدان میں لارہی ہے۔

    پاکستان مرکزی مسلم لیگ کا کوئی امیدوار ایسا نہیں جس کے کردار پر کوئی داغ ہو۔ قوم کی خدمت پارٹی کا مشن ہے اور اس مقصد کے لیے لوگوں کی نبض پر ہاتھ رکھنے والے اور ان کے دکھ درد میں شریک ہونے والے امیدوار انتخابات میں حصہ لیں گے۔ انہوں نے کہا ان شاءاللہ آئندہ دو روز میں تمام حلقوں سے امیدواران اپنے کاغذات نامزدگی جمع کروا دیں گے۔