Tag: مریم اورنگزیب

وزیراطلاعات مریم اورنگزیب نے سال نو کے حوالے سے جاری پیغام پر چیئرمین پی ٹی آئی عمران خان کو شدید تنقید کا نشانہ بنایا ہے-

باغی ٹی وی : مریم اورنگزیب نے ٹوئٹر پر عمران خان کا پیغام ری ٹوئٹ کرتے ہوئے کہا ہے کہ اپنی ذات میں قید شخص کو آگے کی سوچ ہی نہیں، کیا بندہ ہے؟ عید ، شب برات کی تمیز ، نہ ہی نئے سال کا کوئی خیال؟ دعا اور نہ ہی کبھی خیر کا کوئی کلمہ؟-

ڈپارٹمنٹل کرکٹ بحال، پاکستان جونیئر لیگ ختم،رمیز راجہ کا ردعمل سامنےآ گیا

کیا بندہ ہے؟ عید شب رات کی تمیز نہ ہی نئے سال کا کوئی خیال؟ دعا اور نہ ہی کبھی خیر کا کوئی کلمہ؟ اپنی ذات میں قید شخص کو آگے کی سوچ نہیں، نہ کسی کے غم کا خیال نہ کسی کی خوشی کا احساس۔جسے دوسروں کی خوشی میں خوشی اور غم میں دکھ بانٹنا نہ آتا ہو وہ بائیس کروڑ عوام کا کیا سوچتا؟ https://t.co/Hsmm10ywSw

— Marriyum Aurangzeb (@Marriyum_A) January 1, 2023

وفاقی وزیر اطلاعات نے عمران خان کو آڑے ہاتھوں لیتے ہوئے کہا کہ نہ کسی کے غم کا خیال، نہ کسی کی خوشی کا احساس،جسے دوسروں کی خوشی میں خوشی اورغم میں دکھ بانٹنا نہ آتا ہو وہ 22 کروڑعوام کا کیا سوچتا؟-

دوسری جانب وفاقی وزیر برائے اقتصادی امور سردار ایاز صادق نے چیئرمین پاکستان تحریک انصاف کو مخاطب کرتے ہوئے کہا کہ عمران خان اب کیسز بھگتنے کی تیاری کریں۔

ایک تقریب سے خطاب کرتے ہوئے سردار ایاز صادق کا کہنا تھا عمران خان پر جس جس نے احسان کیا بدلے میں عمران خان نے سب احسان کرنے والوں کو ڈس لیا، کیا اب کوئی عمران خان پر اعتبار کرے گا؟علیم خان اور جہانگیر ترین نے عمران خان کے لیے کیا کچھ نہیں کیا مگر عمران خان نے انہیں بھی دھوکا دیا، اب لوگ بےوقوف بننے کو تیار نہیں ہیں۔

ایاز صادق نے کہا کہ اگلے الیکشن میں بیساکھیاں عمران خان کے پاس نہیں ہوں گی، عمران خان اب کیسز بھگتنے کی تیاری کریں، عمران خان تم اپنی بیٹی، توشہ خانہ اور فارن فنڈنگ کا بھی حساب دو گے، الیکشن جلدی نہیں ہونے والے، زیادہ تنگ نہ کرو پنجاب کی خیر مناؤ، ثاقب نثار کی بھی پکڑ ہو گی۔

انہوں نے کہا کہ چوہدری پرویز الہیٰ سے بھی کہتا ہوں کہ جس پر احسان کریں اس کے شر سے ڈریں، عمران خان کی خصلت نہیں بدلنی، آپ بھی عمران خان کی مدد کرکے خوش نہیں ہوں گے۔

ایاز صادق کا کہنا تھا کہ 2018 میں باجوہ صاحب کے کہنے پر ایم پی ایز توڑے گئے، ہمارا ایک شخص بھی وعدہ معاف گواہ نہیں بنا اب ایک لائن لگی ہوئی ہے، باجوہ صاحب نے ملک کے ساتھ اچھا نہیں کیا، اب اسٹیبلشمنٹ نیوٹرل ہوگئی تو انہیں برا بھلا کہنا شروع کر دیا، پی ڈی ایم کی حکومت باجوہ نے نہیں، سیاسی جماعتوں اور عوام کی نفرت نے بنائی 44 مہینے کی تباہی 7 آٹھ مہینے میں ٹھیک نہیں ہو گی، چیزیں ٹھیک کرنے کے لیے ہمیں وقت دیں۔

الیکشن کمیشن کو اختیار ہے کہ وہ کہیں سے بھی نفری لےکر الیکشن کروا سکتا ہے، حافظ نعیم الرحمان

وزیر اطلاعات مریم اورنگزیب نے عمران خان کے ٹویٹ پر جواب دیتے ہوئے کہا ہے کہ فارن ایجنٹ کو افسوس ہے کہ ملک کو دیوالیہ کرنے کی کمیٹمینٹ پوری نہیں ہوئی

ن لیگی رہنما مریم اورنگزیب کا کہنا تھا کہ الیکشن سے فارن ایجنٹ اور توشہ خانہ چور بھاگ رہا ہے عدم اعتماد کے ووٹ کا حق استعمال کر کے فارن ایجنٹ کو پارلیمان سے باہر پھینکا تھا دو سال تک اقتدار میں ہوتے ہوئے بلدیاتی الیکشن کیوں روکے عمران صاحب؟ پی ٹی آئی پنجاب اور خیبر پختونخواہ میں الیکشن کروانے کی "کمٹمنٹ” کی تھی، اس کا کیا ہوا؟ ایک کروڑ نوکری اور پچاس لاکھ گھر دینے کی کمٹمنٹ” کی تھی، اس کا کیا ہوا؟ آپ "کمٹڈ” صرف لوٹ مار، جھوٹ اور فراڈ سے تھے اور ہیں آپ کی "کمٹمنٹ” صرف فارن فنڈنگ لینے، توشہ خانہ کی چوری، پاکستانی معیشت دیوالیہ کرنے کی تھی آپ کی "کمٹمنٹ” صرف تاریخی قرضے ملک پر لادنے اور عوام کو مہنگائی میں غرق کرنے کی تھی آپ کی "کمٹمنٹ” صرف کشمیر کا سودا کرنے اور قومی مفاد بیچنے سے تھی

واضح رہے کہ گزشتہ روز اسلام آباد ہائیکورٹ نے آج اسلام آباد میں بلدیاتی الیکشن کروانے کا حکم دیا تھا، عدالتی فیصلے تحریک انصاف کے چیئرمین عمران خان کا کہنا تھا کہ پر الیکشن کمیشن نے اسلام آباد ہائیکورٹ کے حکم پر عمل نہ کرکے پھر ثابت کردیا کہ وہ امپورٹڈ حکومت اور اس کے سرپرستوں کی ٹیم ’بی‘ ہے، عوام سے خوفزدہ پی ڈی ایم کی حکومت ہر انتخابی میدان سے بھاگ رہی ہے

دوسری جانب بلدیاتی الیکشن کا معاملہ،وفاقی حکومت کی جانب سے بھی انٹراکورٹ اپیل دائرکر دی گئی، ایڈیشنل اٹارنی جنرل منور اقبال دُگل نے اپیل دائر کی، انٹرا کورٹ اپیل میں کہا گیا کہ کل کا سنگل بنچ کا فیصلہ کالعدم قرار دیا جائے،اپیل پر حتمی فیصلے تک سنگل بنچ کا فیصلہ معطل کیا جائے،

وزیر قانون اعظم نزیر تارڑ کا کہنا ہے کہ عمران خان سلیکشن اور ہم الیکشن چاہتے ہیں الیکشن کے عمل میں قانون اور شفافیت کے تقاضے پورے ہونے چاہئیں اسلام آباد کے لاکھوں شہریوں کو ووٹ کے حق سے کیسے محروم کیا جا سکتا ہے؟ پی ٹی آئی دانستہ الیکشن کمشن کو متنازعہ بنانے کی کوشش کر رہی ہے الیکشن کمشن کو متنازعہ بنانے کی وجہ الیکشن نہیں، فارن فنڈنگ اور توشہ خانہ کیسز ہیں شفاف، آزادانہ اور غیرجانبدارانہ الیکشن یقینی بنانا آئین اور قانون کا بنیادی تقاضا ہے،عدالتوں میں قانونی موقف پیش ہوگا،2020 میں بلدیاتی الیکشن ہونا تھے جو آج تماشا کر رہے ہیں کیوں نہیں کروائے؟

عدالتی حکم کے باوجود اسلام آباد میں بلدیاتی انتخابات نہ ہوسکے، فیصلے کیخلاف اپیل دائر
لوکل باڈی سسٹم یقینی بنانا وفاقی اور صوبائی حکومتوں کی بنیادی ذمہ داری ہے، عدالت عالیہ
2.9 ملین سے زیادہ کیپٹاگون گولیاں سمگلنگ کی دو کوششیں ناکام
فٹبال کے بادشاہ‘ اور لیجنڈری کھلاڑی پیلے 82 برس کی عمر میں دنیا چھوڑ گئے

اسلام آباد: وزیراطلاعات مریم اورنگزیب کا کہنا ہے کہ تسنیم حیدر نامی شخص پاکستان مسلم لیگ (ن) لندن کا ترجمان نہیں۔اطلاعات کے مطابق مریم اورنگزیب نے کہا کہ تسنیم حیدر کا مسلم لیگ (ن) سے کوئی تعلق نہیں، کوئی شخص زبردستی پارٹی ترجمان بننے کی کوشش نہ کرے۔

وزیراطلاعات نے کہا کہ تسنیم حیدر کے پاس اگر ( ارشدشریف قتل کیس ) کے حوالے سے ثبوت ہیں تو جے آئی ٹی کے قانونی فورم پر پیش کریں۔

بیان میں مزید کہا گیا ہے کہ تسنیم حیدر کے ساتھ تصویر میں نظر آنے والا شخص پی ٹی آئی لندن کا آرگنائزر ہے، جعلسازی، جھوٹ اور فیک نیوز سے ارشد شریف کے اصل قاتلوں سے توجہ نہیں ہٹائی جاسکتی۔

دوسرے جانب مسلم لیگ ن لندن کے رہنما زبیرگل نے کہا کہ تسنیم حیدر کے الزامات پر انہیں برطانوی عدالت لیکر جائیں گے۔زبیرگل کے مطابق تسنیم حیدر مسلم لیگ(ن) کے ہر گز ترجمان نہیں، یہ ڈرامہ ارشد شریف کے اصل قاتلوں سے توجہ ہٹانے کیلئے رچایا گیا ہے۔

یاد رہے کہ تسنیم حیدر شاہ نے سنگین الزام عائد کیا ہے کہ عمران خان پر حملہ اور صحافی ارشد شریف کے قتل کی سازش لندن میں ہوئی، نواز شریف کے ساتھ حسن نواز کے دفتر میں 3 ملاقاتیں ہوئیں، مجھے میٹنگ کے لیے بلا کر بتایا گیا کہ ارشد شریف اور عمران خان کو قتل کرنا ہے۔

تسنیم حیدر نے بتایا کہ پہلی میٹنگ 8 جولائی، دوسری 20 ستمبر اور تیسری 29 اکتوبر کو ہوئی، مجھ کہا گیا کہ نئے آرمی چیف کی تقرری سے پہلے ارشد شریف اور عمران خان کو راستے سے ہٹانا ہے، ناصر بٹ نے نواز شریف سے میرا تعارف گجرات کے مضبوط شخص کے طور پر کرایا۔

پاک فوج ملکی سلامتی کی ضامن۔ شہدا کی قربانیوں پر فخر
پاکستانی طلبا و طالبات نے 14 ممکنہ نئے سیارچے دریافت کرلیے
ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

اسلام آباد:عمران خان کالانگ مارچ ورک فرام ہوم میں تبدیل ہو گیا ہے،اطلاعات کے مطابق مریم اورنگزیب نے کہا ہے کہ عمران خان کا لانگ مارچ اب ایک اور صورت اختیار کرگیا ہے ، جس کی وجہ سے اب لانگ مارچ ورک فرام ہوم بن چکا ہے ، مریم اورنگزیب کہتی ہیں‌کہ گھڑی بیچ کر پیسے منی لانڈرنگ کے ذریعے ملک لائے گئے،

مریم اورنگزیب کا کہنا تھا کہ عمران خان نے ہینڈلرز کے ذریعے گھڑی بیچی،ہماری گھڑی ہمیں وقت بتاتی ہے،عمران خان کی گھڑی عمران خان کی اوقات بتاتی ہے،عمران خان نے توشہ خانہ کی گھڑی بغیر خریدے فروخت کی،عمران خان صاحب آپ کو جواب دینا پڑے گا،

وفاقی وزیراطلاعات مریم اورنگزیب کا کہنا تھا کہ عمران خان اب کہتے ہیں امریکی سازش والا بیانیہ پیچھے رہ گیا،عمران خان نے ملکی مفاد کو پس پردہ ڈال کر سائفر سے کھیلنے کی بات کی،عمران خان کے کہنے پر اسپیکر نے آئین شکنی کی،

وفاقی وزیرکا کہنا تھا کہ جب عدم اعتماد کامیاب ہونے لگی تو عمران خان نے کہا میں ملک بند کردوں گا،آرمی چیف نے بات ماننے سے انکار کیا تو عمران خان کے الزامات شروع ہوگئے،عمران خان کے اتحادیوں نے پی ٹی آئی حکومت کیخلاف ووٹ دیا،

وفاقی وزیراطلاعات عمران خان ایسا انسان ہےجو روپ بدل کر جھوٹ بولتا ہے،جب عدم اعتماد ہوا توعمران خان نے کہا کہ ہمارے خلاف بیرونی سازش ہوئی،میں عمران خان کی بیماری کا مذاق نہیں اڑا رہی ہوں،مریم اورنگزیب کہتی ہیں کہ عوام کو عمران خان کامقصد سمجھ آگیا ہے،

وفاقی وزیراطلاعات مریم اورنگزیب کا کہنا تھا کہ عمران خان کالانگ مارچ ورک فرام ہوم میں تبدیل ہو گیا ہے،پنجاب میں آپ کی حکومت ہے لوگوں کو انصاف دیں، عمران خان چاہتے ہیں جس کانام میں نامزد کروں اس پر ایف آئی آر درج ہو،خیبرپختونخوا میں 10سال سے احتساب کمیشن بند پڑا ہے،مریم کا کہنا تھا کہ ن لیگ کے رہنماوں نے 40،40سال کاحساب دیا ہے،

مریم اورنگزیب کا کہنا تھا کہ عمران خان کے پاس نیب نہیں تھابلکہ نیب کی ویڈیوز تھیں،وفاقی وزیراطلاعات کہتی ہیں کہ عمران خان کے دور میں اپوزیشن رہنماوں کو جیل میں ڈالا گیا،اپنے اوپر الزام لگےتو کہتے ہیں میں یوکے اور یو اے ای جاوں گا،

فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

چائلڈ پورنوگرافی ویڈیوز سوشل میڈیا پر پھیلانے کا کیس، سپریم کورٹ کا بڑا فیصلہ

چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

لڑکی کو نازیبا ،فحش تصاویر بھیجنے والا ملزم گرفتار

مریم اورنگزیب کو وزیر بنائے جانے کیخلاف درخواست پر عدالت نے فیصلہ سنا دیا
باغی ٹی وی کی رپورٹ کے مطابق اسلام آباد ہائیکورٹ نے ن لیگی رہنما، وفاقی وزیر مریم اورنگزیب کو خوشخبری سنا دی

عدالت نے مریم اورنگزیب کو وفاقی وزیر بنائے جانے کے خلاف درخواست ناقابل سماعت قرار دے دی، عدالت نے درخواست کو خارج کر دیا، عدالت نے آج محفوظ فیصلہ سنایا، اسلام آباد ہائیکورٹ کے ۔چیف جسٹس جسٹس عامرفاروق نے شہری طالب حسین کی درخواست پر فیصلہ سنایا

عدالت نے فیصلے مین کہا کہ قانون واضح ہے ممبر قومی اسمبلی یا سینیٹر وفاقی وزیر بن سکتا ہے قانون میں ایسا کچھ نہیں کہ مخصوص نشست پر منتخب ممبر وفاقی وزیر نہیں بن سکتا ممبر اسمبلی کو وفاقی وزیر یا وزیر مملکت تعینات کرنا وزیراعظم کا اختیار ہے

توہین مسجد نبوی ٫عمران خان۔ شیخ رشید٫فواد چودھری پر مقدمہ درج

تمام مکاتب فکرکو اکٹھا کرکےعمرانی فتنے کا خاتمہ کرنا ہوگا،جاوید لطیف

عدالت کا شہباز گل کو وطن واپسی پر گرفتار نہ کرنے کا حکم

پی ٹی آئی قیادت کے خلاف درج توہین مذہب کے مقدمات چیلنج 

گزشتہ سماعت پر وکیل نے عدالت میں کہا تھا کہ مریم اورنگزیب مخصوص نشست پر ممبر قومی اسمبلی بنی ہیں انہیں وزیر بنایا گیا ، جسٹس عامر فاروق نے استفسار کیا تھا کہ کیا قانون میں ایسی چیز ہے کہ مریم اورنگزیب وزیر نہیں بن سکتیں؟ وکیل نے کہا کہ انتخاب جیت کر آنے والوں کو وزیر بنایا جائے تاکہ علاقوں میں ترقیاتی کام ہومیرے علاقے میں ترقیاتی کام نہیں ہو رہے،وہ کافی عرصہ سے وزیر بنتی آ رہی ہیں، جسٹس عامر فاروق نے ریمارکس دیتے ہوئے کہا کہ قانون دیکھ لیتے ہیں کہ کیا کہتا ہے

عمران صاحب اب آپ کے تماشے بند ہونے کا وقت ہو چکا ہے،مریم اورنگزیب

باغی ٹی وی کی رپورٹ کے مطابق وفاقی وزیر اطلاعات مریم اورنگزیب نے کہا ہے کہ عمران خان خود تماشا بن چکا ہے،

وفاقی وزیر اطلاعات مریم اورنگزیب کا کہنا تھا کہ چار سال سے فارن ایجنٹ نے ملک و قوم کو تماشا بنا رکھا ہے عمران خان کے تمام تماشے بے نقاب ہو چکے ہیں، چار سال نالائقی نااہلی اور جھوٹ کا تماشہ لگایاعمران خان نے عوام کے روزگار اور مہنگائی پہ تماشہ لگایا گھڑیوں اور ہاروں کے لوٹ مار کے تماشے ہوتے رہے لوگوں کی پگڑیاں اچھالنے شہداء کے خلاف غلیظ مہم چلانے اداروں میں بغاوت کے تماشے لگائے، ذاتی سیاست پر قومی مفادات قربان کرنے کے تماشے لگائے

وفاقی وزیر اطلاعات مریم اورنگزیب کا مزید کہنا تھا کہ لوگوں کی پگڑیاں اچھالنے کے تماشے کئے، عمران صاحب اب آپ کے تماشے بند ہونے کا وقت ہو چکا ہے

قبل ازیں مریم اورنگزیب کا اپنے ایک بیان میں کہنا تھا کہ ڈیلی میل نے ڈیڑھ سال حیلے بہانوں سے کیس کو تاخیر کا شکار کیا، ہم اپنے کیس کو بیان کرنے کا مقدمہ جیت چکے ہیں ان درخواستوں پر مقدمے کی لاگت ادا کی جا رہی ہے ڈیلی میل کے شہباز شریف پر عائد کردہ الزامات کی سماعت کے لئے جج نے آئندہ ماہ 13 دسمبر کی تاریخ مقرر کی ہے، ان الزامات پر تفصیلی جواب 13 دسمبر 2022 ء تک جمع کرانا ہے شہباز شریف کی جانب سے مقدمے میں مختصر جواب پہلے ہی جمع کرایا جا چکا ہے۔ ہتک عزت کے مقدمے کا ٹرائل دسمبر 2023ء میں ہوگا۔ ڈیلی میل عدالت میں اپنے الزامات کو تاحال ثابت نہیں کرسکا، اب اسے قانون کا سامناکرنا پڑے

گا

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

پاکستان کو ایک مرتبہ پھر انتہا پسندی اور مذہبی جنونیت کا سامنا 

تحریک انصاف کا احتجاج، راستے بند، شہریوں کی زندگی اجیرن

ویڈیو:عمران خان پر حملہ کرنیوالا ملزم گرفتار،عمران خان کیسے آئے باہر؟

وزیراطلاعات مریم اورنگزیب نے عمران خان کی جانب سے صحافیوں پر الزامات کی مذمت کی گئی

مریم اورنگزیب کا کہنا ہے کہ عمران خان نے حامد میر، مرتضیٰ سولنگی اور وقار ستی کو ملوث کرنے کی کوشش کی عمران خان سیاست کریں فساد فتنہ اور انتشار نہ پھیلائیں ،عمران خان نے حکومت میں رہ کر صحافیوں پہ حملے کیے اور اب مقدمے کر رہے ہیں عمران خان سیاست کریں صحافیوں کی جان خطرے میں نہ ڈالیں ،عمران خان کو سیاسی مخالفین کے ساتھ سیاسی جنگ لڑنی ہی نہیں آتی سیاسی مخالفین کے ساتھ سیاسی مخالفت کریں ملک دشمنی تو نہ کریں اقتدار میں آنے کے لئے پورے ملک کو آگ لگانا چاہتے ہیں ملک کو آگ لگا کر،خون بہا کرلاشیں گِرا کر کیا کرنا چاہتے ہیں

دوسری جانب آر آئی یو جے نے پی ٹی آئی کے چیرمین عمران خان کی جانب سے سینئر صحافیوں حامد میر، مرتضی سولنگی اور وقار ستی کو سانحہ وزیر آباد میں ملوث کرنے کی کوشش پر تشویش کا اظہار کیا اور کہا کہ عمران خان نے ایک غیر تصدیق شدہ خبر کی بنیاد پر نامور صحافیوں کو سانحہ وزیر آباد میں ملوث قرار دے دیا عمران خان نے حامد میر، مرتضی سولنگی، وقار ستی پر الزام لگایا، عمران خان نے صحافیوں کی پیشہ وارانہ ذمہ داریوں پر اثر انداز ہونے کی کوشش کی اس طرح کے بیانات آزادی اظہار پر ڈاکہ ڈالنے کی کوشش ہے،آر آئی یو جے کے اعلٰی عہدیداروں نے عمران خان پر حملے کی خبر دی تھی عمران خان نے خبر دینے والوں کو ہی اپنے پروپیگنڈے کا نشانہ بنا لیااگر عمران خان نے ایسے بیانات جاری رکھے تو آر ائی یو جے عدالتی کاروائی کا حق استعمال کرے گی

جھوٹ پھیلانے والا رنگے ہاتھوں پکڑا گیا ،عمران خان کی نااہلی پر بلاول کا ردعمل

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

اسلام آباد:وفاقی وزیر اطلاعات و نشریات مریم اورنگزیب نے اسلامو فوبیا کے مسئلے سے نمٹنے کی کاوشوں کو تیز کرنے اور دنیا بھر میں مسلمانوں کے بنیادی حقوق اور مسلم اقلیتوں کے مفادات کے تحفظ کے لئے او آئی سی کے کردار کی ضرورت کو اجاگر کرتے ہوئے کہا ہے کہ اسلامو فوبیا کا گھنائونا رجحان کم نہیں ہوا، جنوبی ایشیاءمیں مسلمانوں کے خلاف نفرت انگیز تقاریر اور جرائم گہری تشویش کا باعث ہیں، بھارت میں بے گناہوں کا قتل، فرقہ وارانہ فسادات اور الیکٹرانک و سوشل میڈیا پر اسلام کی منفی تصویر کشی میں مسلسل اضافہ ہوا ہے، ہمیں سچائی پر مبنی خبروں کے ذریعے جعلی خبروں کا مقابلہ کرنا ہوگا، پاکستان اور نائیجیریا جیسے او آئی سی کے کئی رکن ممالک دنیا میں موسمیاتی تبدیلی کے خطرے سے سب سے زیادہ دوچار ہیں، پاکستان میں حالیہ سیلاب سے تقریباً 40 ارب ڈالر کا نقصان ہوا، متاثرہ ممالک میں موسمیاتی تبدیلی سے نمٹنے کیلئے فنانسنگ کو بڑھایا جائے۔

ان خیالات کا اظہار انہوں نے گزشتہ روزیہاں او آئی سی وزراءاطلاعات کانفرنس کے 12 ویں اجلاس سے خطاب کرتے ہوئے کیا۔ کانفرنس میں 57 ممالک کے مندوبین نے شرکت کی۔ وفاقی وزیر اطلاعات نے او آئی سی وزراءاطلاعات کانفرنس کے اجلاس کے دوران پرتپاک اور فراخدلانہ مہمان نوازی پر ترکیہ کے عوام اور حکومت کا شکریہ ادا کرتے ہوئے کہا کہ پاکستان سمجھتا ہے کہ سوشل میڈیا کا دور آنے کے بعد پیدا ہونے والے مسائل سے نمٹنے کے لئے او آئی سی نے نمایاں کوششیں کی ہیں، ہم ذرائع ابلاغ اور پبلک پالیسی پر او آئی سی ایکشن پروگرام 2025ءکے ساتھ اپنی بھرپور وابستگی کا اعادہ کرتے ہیں، اس ضمن میں ہم او آئی سی کے رکن ممالک کی استعداد کار میں اضافہ اور بہترین طریقے استعمال میں لانے کے پختہ عزم پر بھی کاربند ہیں۔ وفاقی وزیر اطلاعات نے او آئی سی کے رکن ممالک کو درپیش چند بڑے چیلنجز اور ان سے نمٹنے میں میڈیا کے کردار کی جانب توجہ مبذول کرواتے ہوئے کہا کہ موسمیاتی تبدیلی ہمارے دور کا سب سے بڑا مسئلہ ہے، حال ہی میں پاکستان کو موسمیاتی تبدیلی کی وجہ سے تباہ کن سیلاب کا سامنا کرنا پڑا جس کے نتیجہ میں بڑے پیمانے پر جانی و مالی نقصان ہوا۔ پاکستان کا ایک تہائی سے زائد رقبہ زیر آب ہے، 33 ملین سے زائد لوگ سیلاب سے متاثر ہوئے، 10 لاکھ مکانات کو نقصان پہنچا جبکہ پانچ لاکھ سے زائد افراد امدادی کیمپوں میں رہنے پر مجبور ہیں۔ پاکستان میں تباہ کن سیلاب کے باعث 40 ارب ڈالر کا نقصان ہوا۔

انہوں نے کہا کہ حکومت پاکستان نے سیلاب سے متاثرہ علاقوں میں بڑے پیمانے پر ریلیف و بحالی کا کام انجام دیا، ہم عالمی برادری بالخصوص او آئی سی کے رکن ممالک کے مشکور ہیں جنہوں نے سیلاب سے متاثرہ علاقوں میں جاری ریلیف سرگرمیوں میں بھرپور تعاون فراہم کیا۔ وفاقی وزیر اطلاعات نے کہا کہ پاکستان میں تباہ کن سیلاب موسمیاتی ناانصافی کی ایک بڑی مثال ہے جس کا آج بہت سے ممالک سامنا کر رہے ہیں۔ پاکستان اور نائیجیریا جیسے او آئی سی کے کئی رکن ممالک دنیا میں سب سے زیادہ موسمیاتی تبدیلی کے خطرے سے دوچار ممالک میں شامل ہیں حتیٰ کہ ہمارا ملک میں کاربن کا اخراج نہ ہونے کے برابر ہے۔

انہوں نے کہا کہ او آئی سی کے رکن ممالک میں میڈیا کی ذمہ داری ہے کہ وہ عالمی برادری کی جانب سے بالخصوص ترقی پذیر ممالک میں موسمیاتی تبدیلی سے نمٹنے کے لئے فوری، اجتماعی اور فیصلہ کن کوششوں کی اہمیت کو اجاگر کرے اور کلائمیٹ فنانسنگ کو بڑھایا جائے۔ اسلامو فوبیا کا ذکر کرتے ہوئے وفاقی وزیر اطلاعات نے کہا کہ اسلامو فوبیا کا گھنائونا رجحان کم نہیں ہوا، ہمارے خطے، جنوبی ایشیا میں مسلمانوں کے خلاف نفرت انگیز تقاریر اور جرائم بڑھتی ہوئی تشویش کا باعث ہیں۔ ہماری کوششوں کے باوجود ہندوستان میں بے گناہوں کا قتل، منصوبہ بندی کے تحت فرقہ وارانہ فسادات اور الیکٹرانک و سوشل میڈیا میں اسلام کی منفی تصویر کشی میں مسلسل اضافہ ہوا ہے۔ ہمیں اسلامو فوبیا سے نمٹنے کے لئے اپنی کوششوں کو تیز کرنا چاہئے۔ انہوں نے کہا کہ مسلم امہ کی نمائندہ تنظیم ہونے کی حیثیت سے او آئی سی انفرادی طور پر اس کوشش کیلئے صف اول کا کردار ادا کرنے کو تیار ہے اور دنیا بھر میں مسلمانوں کے بنیادی حقوق اور مسلم اقلیتوں کے مفادات کے تحفظ کے لئے اپنا کردار ادا کرنا چاہئے۔

وفاقی وزیر اطلاعات نے اس ضمن میں چند سفارشات پیش کرتے ہوئے کہا کہ ہمیں اطلاعاتی استعماریت کا مقابلہ کرنا ہوگا اور ایک نیا انفارمیشن رجیم قائم کرنا ہوگا۔ انہوں نے کہا کہ بہت سے مسلم ممالک میں آزاد میڈیا ہے جس نے اسلام کے تشخص کے بارے میں لوگوں کے ذہنوں میں جگہ بنا لی ہے لیکن مسلم ریاستوں میں اطلاعاتی ہم آہنگی پیدا کرنے کیلئے ہمیں مزید کام کرنے کی ضرورت ہے۔ وفاقی وزیر اطلاعات نے کہا کہ مسلم ریاستوں کو اسلام اور مسلم معاشروں کے بارے میں غلط تصورات سے نمٹنے کی بھی ضرورت ہے۔ انہوں نے کہا کہ غلط معلومات سے نمٹنے کے لئے زیادہ جمہوریت کے مزید فروغ، زیادہ عوامی شرکت، اجتماعیت میں اضافے اور اظہار رائے کی آزادی پر توجہ مرکوز کرنا ہمارا مقصد ہونا چاہئے۔ حساس مگر عالمی سطح پر نمایاں ہونے والے یہ موضوعات ہمارا ہدف ہونے چاہئیں جنہیں مسلمانوں اور مسلمان ممالک کے خلاف غلط اور گمراہ کن نیت سے استعمال کیا جاتا ہے۔

انہوں نے کہا کہ ہمیں فیک نیوز کا سچی خبروں کے ذریعے مقابلہ کرنا ہوگا، جدید ٹیکنالوجی سے سوشل میڈیا پر رجحان بنانے والے طریقوں کا مقابلہ کرنے کی حکمت عملی بنانا ہوگی، ہمیں عوام کے حقیقی جذبات کی ترجمانی کی راہ ہموار کرنا ہوگی، روبوٹس سے عوامی رائے پر اثراندا ہونے کے ہتھکنڈوں سے نمٹنا ہوگا، ٹرولز کی جگہ حقیقی رائے شماری اور آگہی کے طریقوں کی حوصلہ افزائی کرنا ہوگی، ایسے قوانین کی ضرورت ہے جس کے تحت نفرت پھیلانے اور دھوکہ دہی کرنے والوںکی نشاندہی ہو اور انہیں سزا مل سکے، ان اقدامات کے ساتھ ساتھ بنیادی آزادیوں کا تحفظ یقینی بنانا ہوگا۔

انہوں نے کہا کہ اقوام متحدہ کی جنرل اسمبلی سے 15 مارچ کو اسلاموفوبیا کا عالمی دن منانے کی قرارداد کی منظوری بڑا قدم ہے، ہمیں اس قرارداد سے پیدا ہونے والی تحریک کی رفتار اور دائرے میں وسعت لانے کے لئے کام کرنا ہوگا۔ انہوں نے کہا کہ ہم ”او آئی سی“ کے سیکریٹری جنرل سے درخواست کرتے ہیں کہ اسلاموفوبیا کے لئے خصوصی نمائندے کا تقرر کریں، اسلاموفوبیا کے لئے نمائندہ خصوصی کے تقرر کا فیصلہ اسلام آباد میں او آئی سی وزرا خارجہ کونسل کے اجلاس میں منظور کردہ قرار داد میں ہوا تھا۔ انہوں نے کہا کہ او آئی سی کی قیادت میں ماہرین کا پینل تشکیل دیا جائے جو اسلامو فوبیا کے واقعات سے نمٹنے کے لئے تنظیم کو تجاویز دے۔ اس پینل کے ذریعے اسلامو فوبیا کا نشانہ بننے والوں کی حمایت کی جائے۔ وفاقی وزیر اطلاعات نے کشمیری اور فلسطینی عوام کی ثابت قدمی کو خراج تحسین پیش کرتے ہوئے رکن ممالک کے میڈیا سے مطالبہ کیا کہ وہ کشمیری اور فلسطینی عوام کے مصائب اور جرات مندانہ جدوجہد کی زیادہ سے زیادہ کوریج جاری رکھیں جو بھارتی اور اسرائیلی قابض افواج کے ہاتھوں مسلسل جارحیت اور بنیادی حقوق کی خلاف ورزیوں کا سامنا کر رہے ہیں۔

انہوں نے کہا کہ او آئی سی کے رکن ممالک کا میڈیا منظم خلاف ورزیوں کو اجاگر کرنے کے ساتھ ساتھ مقبوضہ علاقوں میں انسانی حقوق کی خلاف ورزیوں اور انسانی المیوں کی حقیقت اور شدت سے دنیا کو ترجیحی بنیادوں پر آگاہ کرے۔ وفاقی وزیر اطلاعات نے کہا کہ پاکستان خطے میں امن کی کوششوں کے لئے آگے بڑھ رہا ہے۔ ہم امید کرتے ہیں کہ خطے میں پائیدار امن اور طویل المدتی ترقی کے لئے پاکستان کی جدوجہد کا بھرپور ادراک کیا جائے گا۔ انہوں نے کہا کہ او آئی سی کے رکن ممالک کو اسلام اور اس کی تعلیمات کی حقیقی تصویر پیش کرنے، رواداری اور پرامن بقائے باہمی کو فروغ دینے اور انتہاءپسندی و دہشت گردی کو مسترد کرنے کے لئے وسیع پیمانے پر میڈیا ٹولز اور آپشنز کو استعمال کرنے کی کوششوں کو مربوط کرنا چاہئے۔ وفاقی وزیر اطلاعات نے اس ضمن میں سفارشات پیش کرتے ہوئے کہا کہ ہمیں او آئی سی کے رکن ممالک میں میڈیا تنظیموں کے درمیان اسٹریٹجک شراکت داری قائم کرنی چاہئے، ہمیں اسلام کی حقیقی روح کے مطابق غلط معلومات کے تدارک اور رواداری جیسی اسلامی اقدار کے فروغ کے لئے مشترکہ اسلامک میڈیا ایکشن انسٹیٹیوشنز قائم کرنے چاہئیں۔

انہوں نے کہا کہ ”او آئی سی جنرل سیکریٹریٹ کا ڈیپارٹمنٹ آف انفارمیشن“ غلط معلومات اور اسلامو فوبیا کے تدارک کے لئے اجتماعی کوششوں کی قیادت کرے۔ یہ رکن ممالک سے صحافیوں کا انتخاب کر سکتا ہے اور متعلقہ ذرائع ابلاغ کے ذریعے تحقیقی صحافت اور حقائق پر مبنی رپورٹنگ کی سہولت فراہم کرنے کے مقصد سے جموں و کشمیر اور فلسطین کے دوروں کا اہتمام کر سکتا ہے۔ انہوں نے کہا کہ او آئی سی کو ثقافتی اور میڈیا وفود کے تبادلوں کے لئے ٹھوس اہداف اختیار کرنے چاہئیں، ہم اپنی ثقافتوں اور عوام کی باہمی افہام و تفہیم کیلئے سکرین ٹورازم کی بڑی صلاحیت بھی استعمال کر سکتے ہیں۔ انہوں نے کہا کہ ہمیں سوشل میڈیا اور سائبر اسپیس کے دور میں غلط معلومات اور اسلامو فوبیا پر ایک ورکنگ گروپ قائم کرنا چاہئے، ورکنگ گروپ تجربات کو شیئر کرنے اور ان مسائل پر تفصیل سے بات کرنے کے مقصد کے ساتھ باہم نشست کے طریقہ کار کے تحت کام کر سکتا ہے، پلیٹ فارم کو بہترین طریقوں کو بروئے کار لانے کے لئے بھی استعمال کیا جا سکتا ہے۔ پاکستان ورکنگ گروپ کے پہلے اجلاس کی میزبانی کی پیشکش کرتا ہے۔ انہوں نے اس یقین کا اظہار کیا کہ او آئی سی وزراءاطلاعات کانفرنس با معنی غور و خوض غلط معلومات اور اسلامو فوبیا سے نمٹنے کیلئے اجتماعی کوششوں اور باہمی تعاون کو بڑھانے میں اہم کردار ادا کرے گا۔

فارن فنڈڈ فتنہ ملک پہ مسلط ہوتا ہے تو ملک تباہ ہوتے ہیں،مریم اورنگزیب

وزیراطلاعات مریم اورنگزیب نے سرگودھا یونیورسٹی میں عمران خان کے خطاب پر ردعمل میں کہا ہے کہ حق اور سچ نہیں آپ چاہتے ہیں عوام بشرا بی بی فرح گوگی اور آپ کی کرپشن کے ساتھ کھڑی ہو

مریم اورنگزیب کا کہنا تھا کہ نالائق ، چور جھوٹا فارن فنڈڈ فتنہ ملک پہ مسلط ہوتا ہے تو ملک تباہ ہوتے ہیں فارن فنڈڈ فتنے نے 45 ہزار ارب کا قرض ملک پر چڑھا دیا فارن فنڈڈ فتنے نے تین سال میں 25000 ارب کا تاریخی قرض لیا خیبرپختونخوا میں پی ٹی آئی حکومت نے ہاتھ پھیلا کر تاریخی 651 ارب روپےکا قرضہ لے لیا ،دس سال خیبر پختونخواہ کو بے روزگار ، مہنگا ، غریب اور قرض میں ڈبوبا دیا

دوسری جانب ترجمان پیپلزپارٹی اور وزیر اعظم کے معاون فیصل کریم کنڈی کا کہنا تھا کہ جس کے باپ کو چوری ثابت ہونے پر نوکری سے نکالا گیا دوسروں پر الزام تراشی کر رہا ہے عمران خان اقتدار سے نکالے جانے کے بعد دربدر پھر رہا ہے ،وہ کون تھا جس نے ادویات کی قیمتوں میں اضافہ کرکے عوام کو لوٹا ،بنی گالہ میں سنسان مکان کیسے شاہی محل بن گیا،بی آر ٹی، مالم جبہ اور بلین ٹری منصوبوں میں کرپشن کوئی راز کی بات نہیں ہے،ہاں تمہیں صدر زرداری نے جمہوری انداز میں ووٹ آؤٹ کیا ،

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

پی ڈی ایم اجلاس،عمران خان کے خلاف کارروائی سے متعلق غور