Tag: مریم اونگزیب

اسلام آباد:وفاقی وزیر اطلاعات مریم اورنگزیب کا عمران خان کے بیان پر ردعمل سامنے آگیا۔تفصیلات کے مطابق مریم اورنگزیب نے سماجی رابطے کی ویب سائٹ ٹویٹر پر اپنے ایک پیغام میں عمران خان کے بیان پر ردعمل دیتے ہوئے کہا کہنے کہا کہ عمران خان کو پتہ ہے کہ اُس کا کھیل ایکسپوز ہوگیا ہے۔

انہوں نے کہا کہ عمران خان اگر شرم ہو تو آڈیو لیکس کے بعد آپ کے جسم سے کپڑے اتر گئے ہیں جبکہ عمران خان کا امپورٹڈ حکومت اور سازش کا ڈرامہ ٹھس ہوگیا ہے۔

عمران خان کو پتہ ہے کہ اُس کا کھیل ایکسپوز ہو گیا ہے عمران خان اگر شرم ہو تو آڈیو لیکس کے بعد آپ کے جسم سے کپڑے اتر گئے ہیں عمران خان کا ایمپورٹڈ حکومت اور سازش کا ڈرامہ ٹھس ہو گیا تم عوام اور ریاست کے مجرم ہو عمران خان تم جیسے جھوٹے سازشی فتنے کو عبرت کا نشان بنانا چاہئیے

— Marriyum Aurangzeb (@Marriyum_A) October 2, 2022

وفاقی وزیر اطلاعات نے یہ بھی کہا کہ عمران خان تم عوام اور ریاست کے مجرم ہو، عمران خان تم جیسے جھوٹے سازشی فتنے کو عبرت کا نشان بنانا چاہیے۔ان کا کہنا تھا کہ عمران خان تم ملک کے خلاف امپورٹڈ سازش ہو اور تم ملک کے خلاف فارن فنٹڈ سازش ہو جس کا مقصد ایٹمی طاقت والے ملک کو کمزرو کرنا ہے۔

مریم اورنگزیب کا یہ بھی کہنا تھا کہ عمران خان فارن ایجنٹ تم ہو، رات کو پاؤں پکڑتے ہو ، روتے ہو چیختے ہو ، معافیاں مانگتے ہو۔انہوں نے کہا کہ تم نے ملک کے مفادات سے کھیلنے کا ڈرامہ کیا جبکہ تم نے قومی سلامتی اور کشمیر سے غداری کی۔

عمران خان تم ملک کے خلاف ایمپورٹد سازش ہو
تم ملک کے خلاف فارن فنٹڈ سازش ہو جس کا مقصد ایٹمی طاقت والے ملک کو کمزرو کرنا ہے
عمران خان جانور تم فارن ایجنٹ تم ہو رات کو پاؤں پکڑتے ہو ، روتے ہو چیختے ہو ، معافیاں مانگتے ہو

— Marriyum Aurangzeb (@Marriyum_A) October 2, 2022

وفاقی وزیر اطلاعات مریم اورنگزیب نے مزید کہا کہ فارن ایجنٹ نے قومی مفاد اور آئین سے غداری کی جبکہ اب ملک کی حقیقی آزادی فارن ایجنٹ اور غدار سے نجات ہے۔

اب ملک کی حقیقی آزادی فارن ایجنٹ اور غدار سے نجات ہے تم نے ملک کے مفادات سے کھیلنے کا ڈرامہ کیا تم نے قومی سلامتی اور کشمیر سے غداری کی فارن ایجنٹ نے قومی مفاد اور آئین سے غداری کی فارن ایجنٹ نے عوام سے غداری کی

— Marriyum Aurangzeb (@Marriyum_A) October 2, 2022

واضح رہے اس سے قبل پاکستان تحریک انصاف (پی ٹی آئی) کے چیئرمین عمران خان نے ٹیکسلا میں پارٹی جلسے سے خطاب کرتے ہوئے کہا کہ پاکستان کو ایسے سیاستدانوں کی ضرورت ہے جن کے ضمیر برائے فروخت نہیں ہوتے۔ان کا کہنا تھا کہ میرے گھر پر تیسری بار پولیس بھیجی گئی، حکمرانوں سن لو، مجھے دھمکیاں دینے کے بجائے جیل میں ڈالو پر پاکستان میں حقیقی تحری کی آزادی چل پڑی ہے، نہ ہمیں تمہارے جیلوں سے ڈر ہے اور نہ ہی نامعلوم فون لاکز سے ڈر لگتا ہے۔

عمران خان نے کہا کہ قوم تیار ہے جیل بھیج کر دکھاؤ، جیل جانے کیلئے میں اور میری قوم تیار ہے، 28 مارچ کو قوم کو مراسلہ دکھایا جس میں سازش واضح تھی، مراسلے میں کہا گیا کہ اگر عمران خان کو ہٹا دیا گیا تو پاکستان کو معاف کر دیں گے۔

باغی ٹی وی کی رپورٹ کے مطابق وفاقی وزیر اطلاعات مریم اورنگزیب نے کہا ہے کہ پی ٹی آئی والوں نے 4 سال میں معیشت کا دیوالیہ نکالا،

مریم اورنگزیب کا کہنا تھا کہ عمران خان پکڑے گئے،جرم ثابت ہوگیا، فیصلہ آگیا،مالم جبہ، بی آرٹی، آج تک کوئی جرم ثابت نہیں ہوسکا ،ایک بیانیہ بنا لیا جب عدالت میں ثبوت کی باری آئی تو کچھ نہیں،ان کی صداقت اور امانت کا جنازہ نکل چکا ہے، یہ جھوٹے بھی ہیں،کے ایس بی بینک کے اکاؤنٹ کے پیسے نکل کر ذاتی اکاؤنٹس میں جاتے رہے،دو کمپنیز آف شور ہیں، ایڈریس زمان پارک کا ہے جب پوچھا گیا کہ آپ کی ہیں تو کوئی جواب نہیں ؟الیکشن کمیشن میں 11 پٹیشنز کیں کہ میں جواب نہیں دوں گا، اپوزیشن نے سوال کیے کہا جواب نہیں دوں گا، جھوٹے الزامات لگائے،کوئی پیش نہیں ہورہا، کوئی قانون کے آگے جواب دہ نہیں، جج کو کہہ رہے ہیں سن لیں تمہیں چھوڑوں گا نہیں، جہاں جہاں ان کو جواب دینا ہے وہاں سے بھاگ جاتے ہیں،

مریم اورنگزیب کا مزید کہنا تھا کہ جو لوگ آپ کی کال پر اکٹھے ہوتے ہیں ان کے ساتھ تو کھڑے ہوں، بنی گالہ سے بھاگ گئے، لوگوں کو بلا کے تماشہ کھڑا کر کے عمران خان پھر بھاگ گئے، قانون کے مطابق تمام کارروائی ہوگی عمران خان ڈرامے بازی کے ایکسپرٹ ہیں، یہ 8 سال احتساب سے بھاگتے رہے،یہ جھوٹے بھی ہیں، چور بھی ہیں، فارن ایجنٹ بھی ہیں،عمران خان کا مقصد انتشار پھیلاکر معیشیت تباہ کرنا ہے،

مریم اورنگزیب کا مزید کہنا تھا کہ سیلاب سے جاں بحق افراد کے لواحقین کو 10،10لاکھ روپے دیئے جائیں گے، وزیراعظم سیلاب متاثرین کے معاملے کو بغور دیکھ رہے ہیں،اتحادی حکومت کی اولین ترجیح معیشت کی بحالی ہے،سب کو سیلاب زدگان کی مدد کرنی ہوگی

قبل ازیں وفاقی وزیر اطلاعات و نشریات مریم اورنگزیب سے پاکستان فلم پروڈیوسرز ایسوسی ایشن کے چیئرمین شیخ امجد کی قیادت میں وفد نے ملاقات کی، اس موقع پر وفاقی وزیر اطلاعات مریم اورنگزیب کا کہنا تھا کہ فلم انڈسٹری پر عائد ود ہولڈنگ ٹیکس کے خاتمہ کے لئے ایف بی آر سے بات چیت جاری ہے جلد ہی لائحہ عمل طے کرلیا جائے گا حکومت سینما گھروں کی بحالی، نئے سینما گھروں کی تعمیر اور فنکاروں کو مراعات دینے کے لئے عملی اقدامات اٹھا رہی ہے حکومت اس ضمن میں فلم سازوں کو ٹیکس میں استشنا سمیت فلم انڈسٹری کے لئے آلات کی درآمد میں ہر ممکن تعاون فراہم کرے گی

وفد نے وفاقی وزیر اطلاعات و نشریات کو فلم انڈسٹری کو درپیش مسائل سے بھی آگاہ کیا وفاقی وزیرمریم اورنگزیب نے وفد کے مطالبات، مسائل اور ان کے حل کے لئے ہر ممکن اقدامات کی یقین دہانی کرائی

شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

نعرے ریاست مدینہ کےاورغلامی امریکہ کی واہ شہبازگل باجوہ

شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان