Tag: مریم

لاہور:ایف آئی اے سے ریکارڈ چوری کا الزام لگانے والے پتہ کریں کہ کس نےکیا؟اطلاعات کےمطابق مریم اورنگزیب نے کہا ہے کہ ایف آئی اے سے ریکارڈ چوری کرنے کا الزام لگانے والے جھوٹے ہیں۔

مسلم لیگ ن کی ترجمان مریم اورنگزیب نے کہا ہے کہ ملک پر 4 برس سے مسلط ٹولہ عوام کو بے وقوف بناتا رہا، عوام سے صرف اور صرف جھوٹ بولا گیا۔انہوں نے کہا کہ ایف آئی اے سے ریکارڈ چوری کرنے کا الزام لگانے والے جھوٹے ہیں، ہم نے ریکارڈ چوری کرکے کیا کرنا ہے، ان کو جھوٹ بولتے ہوئے شرم آنی چاہیے۔

مریم اورنگزیب نے کہا ہے کہ ڈاکٹر رضوان ان کے دور حکومت میں چھٹی پر گئے تھے، تحریک انصاف نے انتقامی سیاست کے لیے نیب کو استعمال کیا، شہبازشریف کے خلاف جھوٹے مقدمات بنائے گئے۔

مسلم لیگ ن کی ترجمان نے کہا ہے کہ تحریک انصاف خود 4 سال ریکارڈ غائب کرتی رہی، جو ریکارڈ ہمارے حق میں ہوگا اس کو چوری کرنے کی ضرورت نہیں، کہا گیا گھڑی تحفے میں ملی اور ہم نے بیچ دی تو کیا ہوا، یہ لوگ ملک کے اثاثے بیچنے میں ملوث ہیں۔

انہوں نے کہا کہ آپ کو گھڑی، کفلنگ اورانگوٹھیاں ملیں، یہ تمام چیزیں 14 کروڑ مالیت کی تھیں، 2 کروڑ جمع کرائے گئے، کفلنگ ، گھڑی اور انگوٹھی انہوں نے 18کروڑ روپے میں فروخت کیں، ایک گولڈ پلیٹڈ کلاشنکوف بھی غائب ہے جو جلد بنی گالہ سے برآمد ہوگی۔

لاہور:مریم نواز نے حمزہ شہباز کووزیراعلیٰ کی مسند پربٹھانے کے لیےعوام کوکال دے دی،اطلاعات کے مطابق ن لیگ کی نائب صدر مریم نواز نے عوام کو کال دے دی ہے کہ وہ نکلیں اور حمزہ شہباز جیسے حقیقی عوامی لیڈرکووزیراعلیٰ کی مسند تک پہنچانے میں کردار ادا کریں

اس حوالے سے نیوز کانفرنس میں بات کرتے ہوئے مریم نواز نے کہا ہے کہ پنجاب کی عوام اب اپنی تقدیر بدلنے کے لیے حمزہ شہبازکوخدمت کا موقع دیں

مریم نواز نے اس دوران عمران خان کی حکومت پرتنقید کرتے ہوئے کہا کہ عمران خان کی حکومت کے آنے سےہرچیز بڑی مہنگی ہوگئی ہے ، اور پٹرول گیس سمیت دیگراشیا عوام الناس کی پہنچ سے دور ہوگئی ہیں‌

مریم نواز نے مزید کہ میں پاکستان کی بیٹی ہوں لیکن میری پیدائش پنجاب کی دھرتی پر ہوئی ہے.ہم نے پنجاب کے عوام کیلیے سٹینڈ لیا ہے انہیں انکے اصل نمائندے حمزہ شہباز تک پہنچایا ہے پنجاب کے عوام اٹھو اور اپنی تقدیر کو اپنے ہاتھوں میں لو.

مریم نواز نے کہاکہ نوازشریف کے دور میں 55 روپے فروخت ہونے والی چینی اب عوام کی پہنچ سے دور ہے ، ان کا کہنا تھا کہ وہ اقتدار میں اگئے تو عوام الناس کو ہرقسم کا ریلیف دیں گے

ادھر رات کو گلبرگ کےہوٹل میں حمزہ شہبازوزیراعلیٰ بن گئے:حمایت میں199ووٹ ،اطلاعات کے مطابق پنجاب اسمبلی کو خاردار تاروں سے سیل کرنے کے بعد اپوزیشن کی جانب سے مقامی ہوٹل میں علامتی اجلاس کا انعقاد، مریم نواز اور دیگر ارکان بس میں سوار ہوکر ہوٹل پہنچے جہاں پر حمزہ شہباز کے وزارت اعلیٰ کے امیدوار کی قرارداد اکثریت سے منظور کر لی گئی۔

پاکستان مسلم لیگ (ن) کی نائب صدر مریم نواز نے حمزہ شہباز سے اظہار یکجہتی کیلئے پنجاب اسمبلی جانے کا اعلان کیا تھا جس کے بعد وہ مقامی ہوٹل پہنچیں، اجلاس میں حمزہ شہباز کو بطور وزیراعلیٰ 199 ووٹ ملے۔

مریم اور حمزہ ارکان پنجاب اسمبلی سے اظہار یکجہتی کیلئے بس میں سوار ہوئے۔ اس دوران مریم نواز ہاتھ ہلا کر کارکنوں کے نعروں کا جواب دیتی رہیں۔

مقامی ہوٹل میں ن لیگ،علیم خان گروپ، ترین گروپ اور چھینہ گروپ کے اراکین بھی پہنچے۔اس موقع پر ترین گروپ کے عون چوہدری بھی نجی ہوٹل پہنچے اور انہوں نے کہا کہ جہانگیرترین دو تین روز میں پاکستان پہنچ جائیں گے۔

ریڈزون میں پی ٹی آئی کارکنوں کو داخل کرنے کے لئے پولیس کے استعمال کی مذمت کرتے ہیںُ
وزارت داخلہ ، آئی جی اورکمشنر اسلام آباد سیاسی جماعت کے کارکن بننے سے باز رہیں پارلیمنٹ لاجز میں ہنگامہ آرائی کرانے، ارکان قومی اسمبلی کو دھمکانے، ان کا راستہ روکنے کا منصوبہ تشویشناک ہے

وزارت داخلہ، آئی جی، کمشنر اور اسلام آباد انتظامیہ عدالت عظمی کے احکامات کی پاسداری یقینی بنائیں چیف جسٹس پاکستان کو حکومت کی طرف سے پارلیمنٹ، پارلیمنٹ لاجز اور ارکان اسمبلی کے خلاف اس منصوبہ بندی کا نوٹس لینا چاہئے

مریم کا کہنا تھا کہ حکومتی اقدامات اٹارنی جنرل کی سپریم کورٹ میں دی گئی یقین دہانی کے منافی ہیں، یہ توہین عدالت ہے پی ٹی آئی کارکنوں اور بلوائیوں کو ڈی چوک اور اس سے آگے تک رسائی دینے کی سازش عدالتی فیصلے کے منافی ہے

آئینی وقانونی عمل میں مداخلت، رکاوٹ اور دخل اندازی میں جو بھی اہلکار، ادارہ ملوث ہوگا، اسے قانون کے سامنے کے لئے تیار رہنا ہوگا پارلیمنٹ میں ہنگامی آرائی کرانے کی حکومتی منصوبہ بندی کی اطلاعات عمران صاحب کی ہار بدل نہیں سکتیں

ریڈزون میں پی ٹی آئی کارکنوں کو داخل کرنے کے لئے پولیس کے استعمال کی مذمت کرتے ہیںُ
وزارت داخلہ ، آئی جی اورکمشنر اسلام آباد سیاسی جماعت کے کارکن بننے سے باز رہیں پارلیمنٹ لاجز میں ہنگامہ آرائی کرانے، ارکان قومی اسمبلی کو دھمکانے، ان کا راستہ روکنے کا منصوبہ تشویشناک ہے

— Marriyum Aurangzeb (@Marriyum_A) April 2, 2022

مریم اورنگزیب نے کہا کہ عمران صاحب پارلیمنٹ، پی ٹی وی اور سرکاری عمارتوں پر حملوں کی اپنی سیاہ روایت پھر سے دوہرانے جارہے ہیں عمران صاحب پھر سے کنٹینر سیاست شروع کررہے ہیں، ملک کو فساد کی بھٹی میں نہ جھونکیں

مریم اورنگزیب کہتی ہیں کہ آپ ہار چکے ہیں، آئین اور قانون سے نہ لڑیں.آپ کی ہار کے ذمہ دار آپ خود ہیں، قوم کو سزا نہ دیں، خود کو سزا دیں پی ٹی آئی تحریک دہشت گردی اور فساد بن گئی ہے

گوجرانوالہ:ابواوربھائی کےمتعلق عمران خان کےسوالات کی جوابات کی بجائےمریم نوازنےعمران خان سے سوالات کردیئے ،اطلاعات کے مطابق وزیراعظم پاکستان کے اسلام آباد کے پریڈ گراونڈ میں ہونے والے خطاب میں مریم نواز کے والد اور بھائی کی پاکستان دشمنوں سے ملاقات سے متعلق سوالات کے جوابات دینے کی بجائے مریم نواز نے الٹے سخت سوالات کردیئے،

اطلاعات کے مطابق پاکستان مسلم لیگ (ن) کی نائب صدر مریم نواز نے کہا ہے کہ پریڈ گراؤنڈ میں چیں چیں کرنے والے خود سب سے بڑے چوہے، 2018 میں ووٹ کی پرچی کترنے والے قوم کا آٹا، چینی، گھی اور سکون سب کچھ کھا گئے، پاکستان کا سب سے بڑا چوہا عمران خان کھا، کھا کر موٹا ہوگیا ہے، بلاول کو اردو نہ سیکھنے کے طعنےدیتے ہو، خود 75 برس میں تمیز بھی نہیں سیکھ سکے، یہ کسی سازش کے نتیجے میں نہیں، اپنے اعمال کی وجہ سے ڈی چوک پہنچے ہیں، ان کی اپنی پارٹی عدم اعتماد کرچکی، اب دو، دو سیٹوں والوں کے ہاں ماتھا ٹیک رہے ہیں۔

گوجرانوالہ میں پاکستان مسلم لیگ (ن) کے مہنگائی مکاؤ مارچ سے خطاب کرتے ہوئے مریم نواز نے وزیراعظم عمران خان پر تنقید کرتے ہوئے کہا کہ پریڈ گراؤنڈ میں جلسہ کرنے والو گوجرانوالہ آکر دیکھو 24 گھنٹے میں جلسہ کیسے ہوتا ہے، اسلام آباد والوں نے عمران خان کے جلسے میں نہ جا کر اس کی سیاست ہمیشہ کے لیے دفن کر دی، اب کہیں اپنے جلسے کی ناکامی کا الزام نوازشریف پر نہ لگا دینا۔

ن لیگ کی نائب صدر نے مزید کہا کہ عمران خان جب کوئی ایئرپورٹ جاتا ہے تو 50 سے 60 بندے رخصت کرنے جاتے ہیں، تمہارے ساتھ تو اتنے بندے بھی نہیں تھے، عمران کی بدتمیزی کا منہ توڑ جواب ملے گا، ہم سرکاری وسائل کے بغیر لانگ مارچ کر رہے ہیں،24 گھنٹے میں گوجرانوالہ نے ثابت کر دیا کسی وسائل کی ضرورت نہیں، ایک پریڈ گراؤنڈ میں زور سے رو رہا ہے، کہتا تھا دس لاکھ لوگ آئیں گے، دس لاکھ تو کیا اس کے جلسے میں دس ہزار بندہ نہیں آیا، اس کا جلسہ فیل ہوگیا ہے۔

اپنے خطاب میں انہوں نے مزید کہا کہ الزام نواز شریف پر لگاتے ہو چلو بھر پانی میں ڈوب کر مرجاؤ، نوازشریف نے جعلی مقدمے، سزائیں کاٹیں، ابسولٹیلی ناٹ کر کے نوازشریف نے بھارت کے مقابلے میں 6 دھماکے کیے تھے، ابسولٹیلی ناٹ کا نعرہ لگانے والا چند دن پہلے سر جھکا کر کہتا تھا بائیڈن، مودی فون نہیں کرتا، نوازشریف نے لندن سے عمران کی دو درجن وکٹیں گرا دیں، نوازشریف وہ بیٹسمین ہیں جب عمران نے فل ٹاس کرائی تو چھکا مار کر گیند باہر پھینک دیا، ہارا ہوا شخص منہ لٹکا کر پویلین واپس جا رہا ہے، تقریر میں کہتا ہے نوازشریف لندن میں چھپ، چھپ کر ملتا ہے، نوازشریف جس سے بھی ملتا ہے عوام کے مفاد میں ملتا ہے،

تمہاری طرح بھارت جا کر فوج کے خلاف بیانات نہیں دیتا، تم محلے کی ماسی، چالاک لومڑی کی طرح کبھی ادھر، کبھی ادھر چغلی لگاتے ہو، تم اداروں کو ڈراتے ہو کہ نوازشریف آئے گا اور چھوڑے گا نہیں، کان کھول کر سن لو یہ مٹی، ادارے نوازشریف کا ہے، کھسیانی بلی بن کر کہتا ہے بڑے راز ہے کھولوں گا نہیں، اس کو پتا ہے اس نے زبان کھولی تو وہاں اس کے کرپشن کے پلندے کھل جائیں گے، ایل این جی کی 122 ارب کی ڈیلیں کھل جائیں گی۔

اسلام آباد:مریم نواز نے عمران خان کو ڈیزل قرار دیا کہا "چوہا” آٹا چینی کھا گیا،اطلاعات کے مطابق ن لیگ کی نائب صدرمریم نواز کو فضل الرحمن کو ڈیزل کہنا کھا گیا ، مریم نواز نے فضل الرحمن کو ڈیزل کہنے کا بدلہ لیتے ہوئے کہا کہ عمران خان بھی ڈیزل ہے

مریم نواز نے کہا کہ کیا لوگوں کے منہ سے نوالہ چھین لینا امربالمعروف ہے،مریم نواز نے مزید کہا کہ تحری انصاف کی حکومت میں عوام دوائی لینے سے قاصر ہیں،عمران خان عوام کا آٹا اورچینی کھانے والا چوہاہے،دوسروں کو چوہا کہنے والا عمران خود چوہاہے،

مریم نواز نے کہا کہ کیا عمران خان کو شرم آتی ہے کہ سیاستدانون کے خلاف غلط زبان استعمال کرتاہے،عمران خان کے دور میں ڈیزل کی قیمت سب سے زیادہ ہوئی ہے،پاکستان میں ڈیزل کا نام عمران خان سے منسوب ہوناچاہیے،

مریم نوازکا کہنا تھا کہ عوام کی محنت کی کمائی جلسوں میں اڑائی جارہی ہے،قوم آپ سے سیاسی وسائل کے استعمال کا حساب لے گی،حکومت عوام کے ٹیکس کا پیسہ سیاسی جلسے میں استعمال کررہی ہے،تحریک انصاف کے جلسےمیں سرکاری وسائل کا استعمال کیاجارہاہے،یہ ان کا خاندانی پیسہ تو نہیں یہ پاکستان کے عوام کا پیسہ ہے،

مریم نوازنے کہا کہ بتایا جائے انہیں سرکاری وسائل استعمال کرکے جلسے کرنے کا حق کس نے دیا؟گوجرانوالہ میں لوگ رات2بجے تک انتظار میں تھے، گوجرانوالہ کے عوام کا شکریہ ادا کرنا چاہتی ہوں،

چالاک لومڑی بننے کی کوشش مت کرو ۔نواز شریف پاکستان کا بیٹا ہے امر بالمعروف کا نام لے کر مزہب استعمال کرتے ہوئے شرم نہیں آتی سرکاری ملازمین کو جلسے میں بلایا فرح نامی خاتون کا سیکنڈل آئے گا تو سامنا نہیں کر سکو گے حمزہ نے دو سال جیل کاٹی سب ن لیگیوں نے جیل کاٹی اب تمہاری باری ہے ۔

اگر نواز شریف لندن سے ادروں کو کنٹرول کر رہا تو پھر تم کس چیز کے حکمران ہو استعفی دو ڈرپوک کو اب بھاگنے نہیں دیں گے استعفی دے کر ہمیشہ کے لیے سیاست سے کنارہ کش ہو جاؤ بہتان لگانے کی سزا آج تمہیں مل رہی ہے نواز شریف قوم کا بیٹا اور واپس آئے گا ۔

عمران نیازی نے انتقام لیا اب بچ نہیں سکے گا اس کی باری ہے الیکشن کمیشن نوٹس دیتا ہے آپ پیش نہیں ہوتے اداروں کو آپ نہیں مانتے آنا نے تمہیں آج اسی جگہ پہنچا دیا جہاں حکومت میں آنے سے پہلے تھے

لاہور: عمران صاحب پشاور سے فون کالز کرانا بند کریں: مریم اورنگزیب اداروں پرالزامات سے باز نہ آئیں ،اطلاعات کے مطابق پاکستان ن لیگ کی ترجمان مریم اورنگزیب پھر اداروں کو بدنام کرنے میں پیش پیش ہیں اور یہ سب کچھ شریف فیملی کی ڈکٹیشن پر کررہی ہیں ، مریم اورنگزیب نے کہا ہے کہ تحریک عدم اعتماد ہر سیاسی جماعت کا آئینی حق، دن قریب آتے ہی عمران خان ہمارے ارکان کو دباؤ میں لانے کی کوششیں کر رہے ہیں، پشاور سے فون کالز کرانا بند کریں اور سیاست کے میدان میں سیاسی انداز میں مقابلہ کریں۔

ترجمان پاکستان مسلم لیگ (ن) مریم اورنگزیب نے اپنے بیان میں کہا کہ تحریک عدم اعتماد ہر سیاسی جماعت کا آئینی و قانونی حق ہے، اپوزیشن اور پی ڈی ایم میں شامل تمام جماعتیں مشاورت سے یہ تحریک لا رہی ہیں۔

انہوں نے مزید کہا کہ جیسے جیسے دن قریب آ رہے ہیں، خوف میں مبتلا عمران صاحب ہمارے اراکین پارلیمان کو دباؤ میں لانے کی کوشش کر رہے ہیں، خبردار کر رہی ہوں کہ عمران صاحب پشاور سے فون کالیں کرانا فوری بند کریں، آپ سیاست کے میدان میں سیاسی انداز میں مقابلہ کریں، عمران صاحب یہ غیر آئینی حرکتیں آپ کے خوف اور شکست کا واضح ثبوت ہیں۔

لاہور:زرداری اور نوازشریف کی آل اولاد اورخاندان نے وزیراعظم عمران خان کی طرف توپوں کے رُخ‌ کردیئے،اطلاعات کے مطابق شہبازشریف اور حمزہ شہباز نے اپنی نااہلی سے بچنے کےلیے پرمارنے شروع کردیئے ہیں اور اپنے بچاوکی خاطر آصف علی زرداری کی بھی منتیں کرنی شروع کردی ہیں جن کا کبھی شہبازشریف پیٹ پھاڑنے کا دعوے کرتےتھے

اس سلسلے کی پہلی منصوبہ بندی کا شرف بھی شریف فیملی کو ہی حاصل ہوا اور کھانے کے بہانے بھٹوزرداری فیملی کو بلا کریہ پیغآم دیا گیا ہےکہ اگرآج کچھ نہ کرسکے تو نہ نام ونشان ہوگا ہمارا زمانے میں

شاید یہی وجہ ہےکہ اس اہم اجلاس کےبعد بھٹو زرداری اور شریف فیملی کی آل اولاد نے اپنی توپوں کے رُخ وزیراعظم عمران خان کی طرف کردیئے ہیں اس سلسلے جس اہم شخصیت سے خیر کی توقع نہیں تھی وہ تھیں مریم نوازصاحبہ ، اجلاس کے فوری بعد سب سے پہلے مریم نواز نے بیان داغا

مریم نواز کہتی ہیں کہ جو سلیکٹڈ تھا وہ اب جانے والا ہے۔

میڈیا سے گفتگو کرتے ہوئے لیگی نائب صدر نے کہا کہ سیاسی جماعتوں میں اختلافات ہوتے ہیں لیکن ہم کو عوام کی مشکلات اکٹھا رکھتی ہیں، عوام کے مسائل پر باہمی اختلافات بھلاکر ہم اکٹھے ہو جائیں گے۔

اپنی بات کو جاری رکھتے ہوئے انہوں نے کہا کہ جو سلیکٹڈ تھا وہ اب جانے والا ہے، جب ہم عوام کی امیدیں پوری کرنے جا رہے ہوتے ہیں تو اس سے بڑھ کر کوئی خوشی نہیں ہوتی۔

مریم نواز کے ہم پلہ بھٹو زرداری فیملی سے بلاول بھٹو نے وفا کرتے ہوئے مریم نواز کا بھرپورساتھ دیا اور کہا کہ پاکستان پیپلز پارٹی کے چیئر مین بلاول بھٹو زرداری کا کہنا ہے کہ حکومت سے عوام کا اعتماد اٹھ گیااور اب پارلیمان کا اعتماد بھی اٹھنا چاہیے۔

بلاول نے کہا کہ وزیراعظم کو ہر صورت جانا ہوگا، عمران خان کو ہٹانےکیلئے ہم سب اکٹھےہیں، حکومت کےخلاف احتجاج کے ساتھ تحریک عدم اعتماد کے آپشن کھلے ہیں۔

انہوں نے کہا کہ پیپلزپارٹی نے اپنی مجلس عامہ کے اندر تفصیلی مشاورت کے بعد سیاسی فیصلے کیے تھے، میں نے اپنی جماعت کی سوچ شہباز شریف کے سامنے رکھی ہے، انہوں نے اپنے اور اتحادیوں کے پلان ہمارے سامنے رکھے ہیں

آصف علی زرداری بے بلاول اور مریم نواز کے بیان کو کمک پہنچاتے ہوئے کہا کہ حکومت کے بہت سے لوگ ہمارے سے رابطے میں ہیں۔

شہبازشریف جن کی نااہلی بہت جلد ہونے جارہی ہے وہ اپنی نااہلی سے بچنے کے ساتھ ساتھ نااہلی کی صورت میں‌ ہونے والی سزا سے بچنے کےلیے کہہ رہے ہیں کہ ملک میں کرپشن عروج پرہے اور ہر طرف لوٹ مار کا بازار گرم ہے ، اگرعمران خان کو نہ ہٹایا گیا تو شاید کہیں بڑا نقصان نہ ہوجائے

پاکستان پیپلز پارٹی کے چیئر مین بلاول بھٹو زرداری اور سابق صدر آصف علی زرداری سے ملاقات کے بعد قومی اسمبلی میں اپوزیشن لیڈر میاں محمد شہباز شریف کا پارٹی قائد نواز شریف اور پی ڈی ایم سربراہ مولانا فضل الرحمان سے ٹیلیفونک رابطہ ہوا ہے۔

اس ساری صورت حال کے بعد جو منظرنامہ سامنےآیا ہے اس سے لگتا ہے کہ شہبازشریف اورحمزہ شہباز جعلی اکاونٹ اور کرپشن کے ٹھوس ثبوتوں کی وجہ سے نااہل ہورہےہیں‌اور وہ اپنی نااہلی کو بچانے کےلیے اب آخری کوششیں کررہےہیں ،

لیکن ان کو یاد رہنا چاہیے کہ شہباز شریف نے جو نقصان پی پی قیادت کو پی پی کی حکومت کے دوران پہنچایا تھا اس کا ازالہ اگر شہبازشریف کی نااہلی ہوتی ہے تو پھر بھی ممکن نہیں‌آصف علی زرداری ایک منہجے ہوئے سیاستدان ہیں اور اپنے مبارک ہاتھوں سے شریف فیملی کی سیاست کو دفن کریں گے اور جمہوریت کا ساتھ بھی دیں گے