اسلام آباد: تمباکونوشی کے خاتمے کےحوالے سے موثر آواز اٹھانے والی غیرسرکاری تنظیم کرومیٹک کے زیراہتمام منعقدہ ڈیجیٹل میڈیا انفلوئنسرز کانفرنس کے شرکاء نے حکومت سے نکوٹین پائوچز، ای سگریٹ اور شیشہ جیسی ماڈرن تمباکو مصنوعات پر فوری پابندی لگانے کا مطالبہ کردیا ہے۔

کرومیٹک کے زیر اہتمام مری میں ہونے والی ڈیجیٹل میڈیا انفلوئنسرز کانفرنس میں شرکا نے تمباکو کے جدید مگر منفی رجحانات پر روشنی ڈالی۔ اس موقع پر بتایا گیا کہ یہ مصنوعات صرف انسانی صحت کیلئے مضر نہیں بلکہ ملکی معیشت کے لئے بھی نقصان دہ ہیں۔ کرومیٹک کے چیف ایگزیکٹو آفیسر شارق خان نے کانفرنس کے شرکاء کو بتایا کہ پاکستان کی اکثریت آبادی نوجوانوں پر مشتمل ہے اور تمباکو انڈسٹری نے نوجوانوں کو ہی اصل ہدف بنارکھا ہے۔ تعلیمی اداروں کے آس پاس ماڈرن تمباکو مصنوعات کے آؤٹ لیٹس یا کیبنز دستیاب ہونے کےباعث ان مضرصحت اشیاء تک طالبعلموں کی رسائی بالکل بھی مشکل نہیں رہی۔ نشے کے جدید ذرائع کی لت میں مبتلا ہوکر نوجوان اپنے ہاتھوں سے ہی اپنا مستقبل برباد کرنے پر تلے ہوئے نظر آرہے ہیں۔

شارق خان نے اس سلسلے میں حکومتی سطح پر فوری اور جامع اقدامات کی ضرورت پر زور دیتے ہوئے خبردار کیا کہ نوجوانوں میں جدید تمباکو مصنوعات کا بڑھتا ہوا استعمال ملک کے مستقبل کیلئے انتہائی خطرناک ہوگا۔ شارق خان نے کانفرنس کے شرکاء کو بتایا کہ کن طریقوں سے نکوٹین پائوچز، ای سگریٹ اور ہیٹڈ ٹوبیکو پراڈکٹس بنانے والی کمپنیاں نوجوانوں کے ذہنوں سے کھیل کر انہیں مضرصحت اشیاء کے استعمال کا عادی بنا رہی ہیں۔

ڈیجیٹل میڈیا انفلوئنسرز کانفرنس کے شرکاء سے گفتگو کرتے ہوئے کیمپین فار ٹوبیکو فری کڈز کے کنٹری ہیڈ ملک عمران نے پاکستان میں تمباکو نوشی کے حوالے سے اعداد و شمار پیش کرتے ہوئے انکشاف کیا کہ پاکستان میں یومیہ بارہ سو بچے تمباکو استعمال کی جانب مائل ہوتے ہیں۔ ملک عمران نے جدید تمباکو ذرائع کے غیرمضر ہونے کا تاثر مسترد کرتے ہوئے باور کرایا کہ ویپ، ای سگریٹ، نکوٹین پاؤچز جیسی ماڈرن تمباکو مصنوعات بھی روایتی سگریٹ ہی کی طرح نقصان دہ ہیں۔ ملک عمران نے تمباکو نوشی کے خاتمے کی کوششوں کے سلسلے میں حکومت کی جانب سے تمباکو مصنوعات پر فیڈرل ایکسائز ڈیوٹی دگنی کرنے کے اقدام کو سراہتے ہوئے تمباکو مصنوعات پر ٹیکس مزید بڑھانے کی تجویز دی ہے۔ انہوں نے واضح کیا کہ تمباکو کی صنعت سے حاصل ہونےوالا ٹیکس سگریٹ جیسی مصنوعات سے جنم لینےوالی بیماریوں کے سالانہ علاج پر خرچ کی جانے والی رقم سے بہت کم ہے۔ ملک عمران نے ایک رپورٹ کا حوالہ دیتے ہوئے بتایا کہ ایک اندازے کے مطابق تمباکو نوشی سے ملکی معیشت کو سالانہ 615 ارب روپے خسارہ برداشت کرنا پڑتا ہے جبکہ تمباکو انڈسٹری سے حاصل ہونے والا سالانہ ریونیو 120 ارب سے 130 ارب کے درمیان ہے۔

کانفرنس کے شرکاء سے گفتگو کرتے ہوئے ٹوبیکو کنٹرول سیل کے سابق ٹیکنیکل ہیڈ ڈاکٹر ضیاء الدین اسلام نے اس تاثر کو غلط قرار دیا کہ شیشہ، ای سگریٹ اور نکوٹین پائوچز جیسی اشیاء روایتی سگریٹ سے کم نقصان دہ ہیں، ڈاکٹر ضیاء الدین اسلام نے تمباکو نوشی سے انسانی صحت کو پہنچنے والے نقصانات کے حوالے سے گفتگو کرتے ہوئے کہا کہ روایتی سگریٹ اور تمباکو نوشی کی جدید اشیاء کے استعمال سے ملکی معیشت کو ناقابل تلافی نقصان پہنچ رہا ہے، سگریٹ کے استعمال سے کینسر اور دل کی بیماریوں میں مبتلا ہوکر لاکھوں افراد ہسپتالوں میں پہنچ جاتے ہیں جن کے علاج معالجے پر حکومت سالانہ کروڑوں روپے خرچ کرتی ہے۔

کرومیٹک ڈیجیٹل میڈیا انفلوئنسرز کانفرنس میں کیمپین فار ٹوبیکو فری کڈز کی ڈائریکٹر سائوتھ ایشیاء ڈاکٹر ماہین ملک نے بھی خصوصی طور پر شرکت کی اور پاکستان میں تمباکو نوشی کے خاتمے کے حوالے سے کیمپین فار ٹوبیکو فری کڈز کی طرف سے کی جانے والی کوششوں پر روشنی ڈالی۔

کانفرنس میں ڈیجیٹل پلیٹ فارم کے صحافیوں، طبی و سماجی کارکنوں سمیت مختلف شعبہ ہائے زندگی سے تعلق رکھنے والے افراد نے بھی شرکت کی۔

حکومت بچوں کو سگریٹ نوشی سے بچانے کیلئے ٹھوس اقدامات کرے، شارق خان

تمباکو جیسی مصنوعات صحت کی خرابی اور پیداواری نقصان کا سبب بنتی ہیں

” ہیلتھ لیوی کے نفاذ میں تاخیر کیوں” تحریر: افشین

 اگر کھلے مقام پر کوئی سگریٹ پی رہا ہو تو اسکو "گھوریں”

تمباکو سے پاک پاکستان…اک امید

تمباکو سے پاک پاکستان، آئیے،سگریٹ نوشی ترک کریں

تمباکو نشہ نہیں موت کی گولی، بس میں ہوتا تو پابندی لگا دیتا، مرتضیٰ سولنگی

سابق وزیراعظم نواز شریف نے مری میں ن لیگی کارکنان سے ملاقات کی ہے، اس موقع پر ن لیگی رہنما مریم نواز، مریم اورنگزیب بھی موجود تھیں،ملاقات کے بعد نواز شریف نے کارکنان کے ہمراہ گروپ فوٹو بھی بنوایا

مری میں ورکرز سے ملاقات کے بعد خطاب کرتے ہوئےنواز شریف کا کہنا تھا کہ یہاں کے بھائیوں سے بہت پرانا رشتہ ہے، یہ میرا دوسرا گھر ہے، اور میرا یہاں سے رشتہ بہت مضبوط ہے۔نواز شریف کا کہنا تھا کہ امریکہ کے صدر نے مجھے کہا کہ پانچ ارب ڈالر لے لیں، دھماکے نہ کریں، میں نے اچھا کیا پانچ ارب نہیں لئے اور دھماکے کر دیئے، میں کہتا پانچ ارب مجھے دے دو، مل جاتے ،بعد میں جو کچھ ہوتا وہ بعد کی بات تھی، ہمارا اپنا ایک ضمیر ہے، ایک اصول ہے،اللہ کے فضل و کرم سے خوف خدا ہے، عوام کی بہتری، خوشحالی کا خواب لے کر پھر رہے ہیں، ہمیں اس وطن سے، مٹی سے محبت ہے،

نواز شریف کا کہنا تھا کہ 20 ,25 ہزار روپے کمانے والا شخص جس کے دو تین بچے بھی ہوں بزرگ بھی ہوں کیا وہ ان پیسوں میں گزارہ کرسکتا ہے؟سوچیں کس نے اس ملک کو اس حال تک پہنچایا ہے، یہ سوچنے والی بات ہے، مہنگائی نے عوام کا جینا مشکل کر دیا ہے، ان لوگوں نے پاکستان کے ساتھ بھاری ظلم کیا ہے، قصے، کہانیاں تو انکی سن رہے ہیں،یہ کردار تھا ان لوگوں کا، بغل میں چھری اور منہ میں رام رام، مجھے اور مریم کو جیل میں رکھنا تھا، اسکو الیکشن جتوانا تھا، دھاندلی کرنی تھی اور پاور میں لانا تھا، مجھے نکالنے کا مقصد یہ تھا،میرے خلاف کچھ نہیں ملا تو بیٹے سے تنخواہ نہ لینے پر فارغ کر دیا،

نواز شریف کا مزید کہنا تھا کہ ایک ہنستے بستے آگے بڑھتے ملک کو اجاڑ دیا گیا۔ اور دکھ یہ ہے کہ اس سے سبق نہیں سیکھا گیا اسی لیے ہمارا یہ حال ہے۔ ہمیں اسوقت دنیا کے ترقی یافتہ ممالک میں ہونا چاہیے تھا لیکن سب الٹ ہوگیا ہے،ہم ترقی کے حوالہ سے پست ترین ممالک میں شامل ہو گئے، یہ ساری باتیں یاد کر کے بہت دکھ ہوتا ہے، اس ملک کو خود اجاڑا ہے، اپنے ہاتھوں سے اجاڑا ہے،کیسا دور تھا جس میں پاکستان کے کلچر کو خراب کردیا گیا تباہی پھیر دی گئی، حسد بغض منافقت کا تو اس سطح پر وجود ہی نہیں ہونا چاہیے،اللہ اپنے حقوق معاف کرسکتا ،لیکن بندوں کے ساتھ کی گئی زیادتیوں کو معاف نہیں کرے گا، 40 سال نماز نہ پڑھنے پر معافی مل سکتی ہے مگر انسانوں کے ساتھ ناانصافی اللہ نہیں معاف کرتا،صرف اس لئے جھوٹ بولنا کہ میں اقتدار میں آجاؤں،لوگوں سے جھوٹ بولوں،ان کے ذہنوں کو خراب کروں درست نہیں،جو بات کہیں وہ سوچ سمجھ کر کریں اور عمل کریں، جھوٹ بول کرعوام سے ووٹ نہیں مانگے جاتے، مجھے اللہ نے سب کچھ دیا ہے، مجھے عہدے یا منصب کا کوئی لالچ نہیں، میں تین بار ملک کا وزیراعظم بن چکا ہوں،

اس موقع پر مریم نواز نے کہا کہ پاکستان کا کوئی لیڈر حقیقی معنوں میں اس مٹی کا بیٹا ہے تو وہ نواز شریف ہے۔ یہ وہی نواز شریف ہے جس نے ملک کو ایٹمی طاقت بنا کر ملک کو ہمیشہ کیلئے محفوظ کر دیا،ہ ملک کو ایٹمی طاقت بنانے کی خدمت اللہ تعالی نے نوازشریف سے لی،نوازشریف کو 4 سال ملک سے دوررہنا پڑا،مری سے ہمارے خاندان کی حسین یادیں وابستہ ہیں۔

بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

عمران خان، تمہارے لئے میں اکیلا ہی کافی ہوں، مبشر لقمان

ریحام خان جب تک عمران خان کی بیوی تھی تو قوم کی ماں تھیں

سابق وزیراعظم نوازشریف لاہور سے مری روانہ ہو گئے ہیں

نواز شریف مری میں دو سے تین دن قیام کریں گے، نواز شریف کل احتساب عدالت اور اسلام آباد ہائیکورٹ میں بھی پیش ہوں گے، مری میں نواز شریف کی اہم ملاقاتیں ہوں گی،نواز شریف سخت سیکورٹی میں روانہ ہوئے،مریم نواز، پرویز رشید، اسحاق ڈار بھی نواز شریف کے ہمراہ ہیں

دوسری جانب سابق وزیراعظم نواز شریف کی کل اسلام آباد ہائی کورٹ میں پیشی کے لئے سرکلر جاری کر دیا گیا جس میں کہا گیا ہے کہ کمرہ عدالت میں صرف ان افراد کو داخلے کی اجازت ہو گی جنہیں رجسٹرار آفس سے داخلہ کارڈ جاری ہوں گے، اٹارنی جنرل اور ایڈووکیٹ جنرل آفسز کے 10 افراد کو داخلے کی اجازت ہو گی، تیس صحافیوں کو کمرہ عدالت میں داخلے کی اجازت ہو گی، نواز شریف کی عدالت پیشی کے موقع پر سیکورٹی کے سخت انتظامات کئے جائیں گے

دوسری جانب ن لیگی رہنما سینیٹر عرفان صدیقی کا کہنا ہے کہ اس صدی میں پاکستان میں چار انتخابات ہوئے، نواز شریف کو تین انتخابات میں حصہ نہیں لینے دیا گیا،2002 میں نواز شریف کو نا اہل کر کے جلا وطن کر دیا گیا۔ 2008 اور 2018 کے انتخابات میں بھی نواز شریف کو نا اہل کیا گیا۔ نواز شریف نے صرف 2013 کا انتخاب لڑا، وزیراعظم بنے اور پھر نا اہل کر دئیے گئے۔ کیا لیول پلینگ فیلڈ کا واویلا کرنے والوں کو کچھ یاد ہے؟

واضح رہے کہ نواز شریف ہفتہ کو پاکستان واپس پہنچے ہیں، انہوں نے مینار پاکستان گراؤنڈ میں جلسہ سے بھی خطاب کیا تھا، نواز شریف بعد ازاں جاتی امرا گئے، نواز شریف کی زیر صدارت گزشتہ روز ایک اہم اجلاس بھی ہوا ، نواز شریف نے اسلام آباد ہائیکورٹ سے حفاظتی ضمانت لی ہے، کل 24 اکتوبر کو نواز شریف کو عدالت نے طلب کر رکھا ہے، نواز شریف احتساب عدالت اور اسلام آباد ہائیکورٹ میں پیش ہوں گے

سات منٹ پورے نہیں ہوئے اور میاں صاحب کو ریلیف مل گیا،شہلا رضا کی تنقید

پینا فلیکس پر نواز شریف کی تصویر پھاڑنے،منہ کالا کرنے پر مقدمہ درج

نواز شریف کے خصوصی طیارے میں جھگڑا،سامان غائب ہونے کی بھی اطلاعات

میری دعا ہے کہ اللہ تعالیٰ میرے دل کے اندر کبھی کوئی انتقام کا جذبہ نہ لے کر آنا، نواز شریف

نواز شریف ،عوامی جذبات سے کھیل گئے

وزیراعظم شہباز شریف لاہور سے مری پہنچ گئے ہیں۔

باغی ٹی وی: وزیر اعظم ہیلی کاپٹر کے ذریعے مری پہنچے ہیں، جہاں شہباز شریف کے ہمراہ ان کی فیملی بھی ہےوزیر اعظم شہباز شریف اپنی فیملی کے ساتھ مری میں قیام کریں گے۔

دوسری جانب وفاقی دارالحکومت اسلام آباد پولیس کا کہنا ہے کہ سیاحوں کو کنٹرول کرنے کے لیے گاڑیوں کا مری میں داخلہ عارضی طور پر بند کردیا ہے،ترجمان اسلام آباد پولیس نے سماجی رابطے کی ویب سائٹ ٹوئٹر پر ٹریفک الرٹ جاری کرتے ہوئے کہا ہے کہ راولپنڈی پولیس نے مری میں داخلے کو عارضی طور پر بند کر دیا ہے۔ اسلام آباد اور مری کے درمیان واقع 17 میل ٹول پلازہ سے گاڑیاں واپس بھیجی جارہی ہیں۔

پاکستان اور بھارت کےدرمیان قیدیوں کی فہرستوں کا تبادلہ

اسلام آباد پولیس نے کہا کہ یہ بندش عید کی تعطیلات کے دوران ہل اسٹیشن پر آنے والے سیاحوں کے بھاری بہاؤ کو منظم کرنے کے لیے ایک عارضی اقدام کے طور پر عائد کی گئی ہے شہریوں پر زور دیا جاتا ہے کہ وہ اس معلومات کی بنیاد پر اپنے سفر کی منصوبہ بندی کریں، رش کو کم کرنے اور شہریوں کی سہولت کے لیے اسلام آباد کیپیٹل پولیس کے افسران داخلی اور خارجی راستوں پر موجود ہیں۔

ایک اور ٹویٹ میں ترجمان اسلام آباد پولیس نے کہا کہ 17 میل اسلام آباد سے ٹریفک کا داخلہ کھلا ہے تاہم رش کی وجہ سے تاخیر سے بچنے کے لیے مارجن ٹائم 20 سے 30 منٹ رکھیں اسلام آباد پولیس کے افسران ٹریفک رش کی روانی کو یقینی بنانے کے لیے داخلی/ خارجی راستوں پر موجود ہیں۔

سرکاری اسپتالوں میں حکیموں اور ہومیوپیتھک ڈاکٹروں کی نشستیں ختم کرنے کا فیصلہ

اسلام آباد پولیس نے کہا کہ مری سے داخلے کو عارضی طور پر محدود کرنے کے فیصلے کا مقصد علاقے میں آنے والے سیاحوں کی تعداد کو کنٹرول کرنا اور مقامی انفراسٹرکچر کے ہموار کام کو یقینی بنانا ہے یہ اقدام رہائشیوں کو ہونے والی کسی بھی قسم کی تکلیف سے بچنے اور سیاحوں کی آمدورفت کو برقرار رکھنے کے لیے اٹھایا گیا ہے۔