قومی اسمبلی کی قائمہ کمیٹیوں سے مستعفی نہ ہونے والے سنی اتحاد کونسل کے اراکین کی فہرست سامنے آگئی ہے۔
مستعفی نہ ہونے والے سنی اتحاد کونسل کے اراکین کی فہرست کے باوجود 26 اراکین نے کمیٹیوں کی رکنیت برقرار رکھی۔پی ٹی آئی کے بانی چیئرمین عمران خان نے پارٹی سے وابستہ اراکین کو تمام پارلیمانی کمیٹیوں سے مستعفی ہونے کی ہدایت دی تھی۔ اس ہدایت کے بعد پبلک اکاؤنٹس کمیٹی کے چیئرمین جنید اکبر سمیت 51 اراکینِ قومی اسمبلی نے استعفے جمع کرا دیے تھے، تاہم 26 اراکین نے استعفیٰ نہیں دیا۔پارلیمنٹ ہاؤس کے ذرائع کے مطابق یہ اراکین اب بھی اپنی کمیٹیوں کے رکن ہیں اور پارلیمانی کارروائی کا حصہ بنے ہوئے ہیں۔ سیاسی حلقوں میں سوال اٹھایا جا رہا ہے کہ پارٹی قیادت کی واضح ہدایت کے باوجود ان اراکین نے استعفیٰ کیوں نہیں دیا۔
استعفیٰ نہ دینے والے اراکین کی فہرست
سلیم رحمان، سہیل سلطان، محمد بشیر خان، محمد نواز خان، محمد عاطف، شیر علی ارباب، ذوالفقار علی، نسیم علی شاہ، شیر افضل خان، محمد مبین عارف، اسامہ احمد میلا، محمد مقداد علی خان، غلام محمد، علی افضل ساہی، محمد سعد اللہ، عمر فاروق، محمد ریاض خان فتیانہ، محمد محبوب سلطان، سردار محمد لطیف خان کھوسہ، عائشہ نذیر، میاں غوث محمد، محمد معظم علی خان، فیاض حسین، عنبر مجید اور خواجہ شیراز محمود۔
پارلیمانی ذرائع کے مطابق اس فیصلے نے پارٹی کے اندرونی اختلافات کو مزید نمایاں کر دیا ہے۔
حماس کی جامع جنگ بندی کی پیشکش، اسرائیل نے مسترد کر دی
پنجاب کے دریاؤں میں طغیانی، پی ڈی ایم اے نے شہریوں کو خبردار کر دیا
پاکستانی کرکٹر حیدر علی کے خلاف ریپ کیس خارج، وطن واپسی کی راہ ہموار