Tag: مستقل جنگ بندی

اقوام متحدہ کے سیکریٹری جنرل انتونیو گوتریس نے غزہ جنگ بندی معاہدے کا خیرمقدم کرتے ہوئے امریکا، قطر، مصر اور ترکیہ کی کوششوں کو سراہا ہے۔

انتونیو گوتریس نے کہا کہ جنگ بندی کا معاہدہ ایک نہایت اہم پیش رفت ہے۔ اقوام متحدہ اور شراکت دار ادارے غزہ میں پانی، طبی امداد اور پناہ گاہوں کی فراہمی کے لیے مکمل طور پر تیار ہیں۔انہوں نے زور دیا کہ انسانی امدادی کارکنوں کو محفوظ اور مستقل رسائی دی جائے اور غزہ کے تباہ شدہ انفرااسٹرکچر کی بحالی میں حائل رکاوٹیں ختم کی جائیں۔

سیکریٹری جنرل کا کہنا تھا کہ تمام یرغمالیوں کی رہائی یقینی بنانا ہوگی اور مستقل جنگ بندی کو برقرار رکھنا ضروری ہے۔ انہوں نے کہا کہ اس تنازع کی ناقابلِ برداشت انسانی قیمت کو کبھی فراموش نہیں کرنا چاہیے۔

سینیٹ میں ہنگامہ آرائی: پی ٹی آئی کا قائم مقام چیئرمین کے استعفے کا مطالبہ

گوگل کا پاکستانی طلبا کو مفت جیمینائی اے آئی پرو پلان دینے کا اعلان

امریکی صدر ڈونلڈ ٹرمپ کے پیش کردہ غزہ امن منصوبے پر مصر میں جاری مذاکرات میں حماس نے مستقل جنگ بندی اور اسرائیلی افواج کے مکمل انخلا سمیت متعدد مطالبات پیش کیے ہیں۔

قطری نشریاتی ادارے الجزیرہ کے مطابق حماس نے مذاکرات کے دوران اپنی بنیادی شرائط کی تفصیلات جاری کر دیں۔ حماس کے ترجمان فوزی برہوم نے کہا کہ وفد ایک ایسے معاہدے تک پہنچنے کی کوشش کر رہا ہے جو غزہ کے عوام کی امنگوں پر پورا اترے۔فوزی برہوم کے مطابق حماس کے اہم مطالبات میں شامل ہیں جن میں مستقل اور جامع جنگ بندی،اسرائیلی افواج کا غزہ کے تمام علاقوں سے مکمل انخلا،انسانی و امدادی سامان کی بلا روک ٹوک فراہمی،بے گھر افراد کی اپنے گھروں کو واپسی،غزہ کی تعمیر نو کا فوری آغاز، جو ایک فلسطینی قومی ٹیکنوکریٹس ادارے کی نگرانی میں ہو اور قیدیوں کے تبادلے کا منصفانہ معاہدہ شامل ہیں.

حماس کے ترجمان نے اسرائیلی وزیراعظم بنیامین نیتن یاہو پر الزام عائد کیا کہ وہ موجودہ مذاکرات کو ناکام بنانے کی کوشش کر رہے ہیں، جیسا کہ ماضی کے تمام مراحل کو بھی جان بوجھ کر سبوتاژ کیا گیا۔انہوں نے مزید کہا کہ وحشیانہ فوجی طاقت، لامحدود حمایت اور غزہ میں نسل کشی کی جنگ میں امریکی شراکت داری کے باوجود اسرائیل جھوٹی فتح کی تصویر پیش کرنے میں ناکام رہا ہے اور آئندہ بھی کامیاب نہیں ہوگا۔

نیشنل پریس کلب حملہ،جوائنٹ کمیٹی کا چارٹر آف ڈیمانڈ وزارت داخلہ کے حوالے

تجارت اور سرمایہ کاری،سعودی کاروباری وفد اسلام آباد پہنچ گیا

مریم نواز وزیراعظم بننے کی تیاری کر رہی ہیں، رانا ثنااللہ

فلسطینی مزاحمتی تنظیم حماس نے امریکی جنگ بندی تجویز پر اپنا باضابطہ جواب ثالثوں کے ذریعے جمع کرا دیا ہے، جس میں غزہ میں مکمل اور مستقل جنگ بندی، اسرائیلی فوج کے انخلا، اور انسانی امداد کی فراہمی کا مطالبہ شامل ہے۔

رائٹرز کے مطابق، حماس نے یہ جواب امریکی صدر کے مشرق وسطیٰ کے ایلچی اسٹیو وٹکوف کی پیش کردہ تجویز پر دیا۔ حماس کے مطابق، اس معاہدے کے تحت وہ 10 زندہ یرغمالی اور 10 لاشیں اسرائیل کے حوالے کرے گی، جبکہ اسرائیل متعدد فلسطینی قیدیوں کو رہا کرے گا۔ایک فلسطینی اہلکار نے رائٹرز کو بتایا کہ حماس نے تجاویز میں چند ترامیم کی خواہش ظاہر کی ہے، لیکن مجموعی طور پر اس کا جواب مثبت تھا۔

بیان میں کہا گیا ہے کہ تجویز کا مقصد مستقل سیز فائر، غزہ سے صہیونی افواج کا مکمل انخلا، اور متاثرہ فلسطینیوں کے لیے امداد کی فراہمی کو یقینی بنانا ہے۔ حماس کا کہنا ہے کہ یہ جواب طویل مشاورت کے بعد دیا گیا ہے، تاہم کسی تبدیلی یا ترمیم کا ذکر نہیں کیا گیا۔اسرائیلی وزیر اعظم آفس نے اس پیش رفت پر کوئی ردِعمل ظاہر نہیں کیا، اگرچہ اسرائیلی میڈیا نے قبل ازیں رپورٹ کیا تھا کہ وزیراعظم بینجمن نیتن یاہو نے یرغمالیوں کے اہل خانہ کو بتایا کہ اسرائیل اس تجویز کو قبول کر چکا ہے۔

واضح رہے کہ اسرائیل غزہ سے تمام یرغمالیوں کی رہائی، حماس کے ہتھیار ڈالنے، اور تنظیم کے عسکری و سیاسی کردار کے خاتمے پر مصر ہے، جبکہ حماس ان شرائط کو مسترد کر چکی ہے۔یاد رہے کہ 7 اکتوبر 2023 سے جاری اسرائیلی بمباری میں اب تک 54 ہزار سے زائد فلسطینی شہید ہو چکے ہیں اور غزہ کی پٹی شدید تباہی کا شکار ہے۔

ایف آئی اے کارروائی، کروڑوں کا فراڈ کرنے والے باپ بیٹا گرفتار

وفاقی حکومت کا انرجی سیور پنکھے اقساط پر دینے کا فیصلہ

وزیراعظم کا بلوچستان کے لیے 250 ارب روپے مختص کرنے کا اعلان