گزشتہ ہفتے مسجد نبوی میں زائرین کی تعداد میں زبردست اضافہ ہوا ہے.
باغی ٹی وی کو موصول عرب میڈیا کی رپورٹ کے مطابق گزشتہ ہفتے کے دوران مسجد نبوی ﷺ میں 54 لاکھ 10 ہزار 89 زائرین کی آمد ہوئی۔ اس ایک ہفتے کے دوران 2 لاکھ 30 ہزار 823 زائرین نے ریاض الجنہ میں نماز ادا کی۔ مدینہ منورہ میں گرمی کی شدت برقرار ہونے کے باعث زائرین میں چھتریوں اور ماسک کا استعمال بڑھ گیا۔ دوسری جانب مسجد نبوی ﷺ میں آبِ زم زم کی سپلائی بھی بڑھا دی گئی ہے۔
صدر آصف علی زرداری سے مسجد ِنبوی ﷺ کے امام ڈاکٹر صلاح بن محمد کی ملاقات ہوئی ہے
اس موقع پر صدر مملکت آصف زرداری کا کہنا تھاکہ مسلم امہ کو درپیش چیلنجز پر قابو پانے کیلئے مسلم ممالک کے درمیان مزید اتحاد اور تعاون کی ضرورت ہے ، پاکستان اور سعودی عرب کے درمیان مشترکہ عقیدے، تاریخ اور بھائی چارے پر مبنی بہترین تعلقات ہیں، دونوں برادر ممالک کے درمیان تعلقات مزید مستحکم ہو رہے ہیں،
قبل ازیں مسجد نبوی کے امام فضیلۃ الشیخ ڈاکٹر صلاح بن محمد البدیر 7 روزہ خیرسگالی دورہ پر پاکستان پہنچ گئے، ترجمان مذہبی امور کے مطابق وزیر مذہبی امور چوہدری سالک حسین، سعودی سفیر نواف سعید المالکی، سیکرٹری مذہبی امور ذوالفقار حیدر نے معزز مہمان کا استقبال کیا،مسجد نبوی کے امام فیصل مسجد میں نماز جمعہ کی اقتداء کریں گے،ڈاکٹر صلاح بن محمد البدیر وزیراعظم و دیگر رہنماؤں سے ملاقاتیں بھی کریں گے،امام مسجد نبوی الشیخ ڈاکٹر صلاح البدیر جید پاکستانی علمائے کرام سے ملاقاتیں بھی کریں گے،امام مسجد نبوی لاہور،کراچی کا دورہ بھی کریں گے ،
رپورٹ،محمد اویس،اسلام آباد
دہشتگردی اور انتہا پسندی کے خلاف جنگ میں پاکستان سعودی عرب کے ساتھ شانہ بشانہ کھڑا ہے،چیئرمین سینیٹ
چیئرمین سینٹ سید یوسف رضا گیلانی نے کہا ہے کہ پاکستان اور سعودی عرب کے درمیان مختلف شعبوں میں تعاون اور رابط کاری کی ایک طویل تاریخ ہے اور ہمارے تعلقات مذہبی ، ثقافتی اور اخلاقی اقدار پر مبنی ہیں اور یہ تعلقات ہی ہماری عوام کے درمیان محبت اور بھائی چارے کا مظہر ہے۔ انہوں نے کہا کہ حرمین شریفین خاص طور پر مکہ مکرمہ اور مدینہ منورہ پاکستانی مسلمانوں کے لیے انتہائی مقدس مقامات ہیں۔ چیئرمین سینٹ سید یوسف رضا گیلانی نے ان خیالات کا اظہار ڈاکٹر صلالح بن محمد البدیر ،امام مسجد نبوی صلی اللہ علیہ والہ وسلم کی سربراہی میں پاکستان کے دورے پر آئے وفد سے پارلیمنٹ ہاوس میں ملاقات کے دوران کیا۔
چیئرمین سینٹ نے امام مسجد نبوی صلی اللہ علیہ وسلم کو خوش آمدید کہتے ہوئے کہا کہ آپ کی آمد ہمارے لیے باعث مسرت ہے ۔ آپ کی یہاں موجودگی پاکستان اور سعودی عرب کے درمیان مضبوط اور برادرانہ تعلقات کا مظہر ہے۔ انہوں نے کہا کہ شاہ سلمان بن عبدالعزیز السعود اور ولی عہد محمد بن سلمان کی قیادت میں سعودی عرب ہمیشہ پاکستان کا مخلص دوست رہا ہے۔ خطے کی مجموعی صورتحال کا ذکر کرتے ہوئے چیئرمین سینٹ نے کہا کہ دہشتگردی اور انتہا پسندی کے خلاف جنگ میں پاکستان سعودی عرب کے ساتھ شانہ بشانہ کھڑا ہے اور ہمیں خطے اور دنیا میں امن و استحکام کو یقینی بنانے کے لیے مل کر کام کرنا ہوگا۔چیئرمین سینٹ نے ملاقات میں یہ بھی کہا کہ دینی تعلیم اور تحقیق کے میدان میں تعاون کو فروغ دینا بہت ضروری ہے اور اس سلسلے میں علمی تبادلہ اور مشترکہ تحقیقی منصوبے شروع کرنے کے خواہش مند ہیں تاکہ اعتدال پسند اور روشن خیال معاشرے کی تشکیل ممکن ہو سکے۔ اس سلسلے میں چیئرمین سینٹ نے پارلیمانی وفود کے تبادلوں میں تیزی لانے پر بھی زور دیا انہوں نے کہا کہ پارلیمانی وفود کے تبادلوں سے دونوں ملکوں کی عوام کو مزید قریب لانے میں مدد ملے گی اور تجارتی و معاشی سطح پر تعلقات کو مزید استحکام دیا جا سکے گا۔ چیئرمین سینٹ نے ڈاکٹر صلاح بن محمد البدیر کے دورہ پاکستان کو بہت اہم قرار دیا اور کہا کہ یہ دورہ دونوں ممالک کے درمیان دوستی اور بھائی چارے کو مزید مستحکم کرنے میں معاون ثابت ہوگا۔
سید یوسف رضا گیلانی نے کہا کہ دہشت گردی اور انتہا پسندی پاکستان اور سعودی عرب کے لیے ایک مشترکہ چیلنج ہے اورمسلم امہ کو درپیش مسائل کے حل کےلئے مل کر کام کرنے کی ضرورت ہے۔ اس وقت مسلم امہ کی صفوں میں اتحاد وقت کی اہم ضرورت ہے ۔ چیئرمین سینیٹ نے دنیا میں بڑھتے ہوئے اسلامو فوبیا کے رجحان پر تشویش کا اظہار کرتے ہوئے کہا کہ اسلامو فوبیا کے تدارک کے لئے مشترکہ لایا عمل ناگزیر ہے ،چیئرمین سینٹ نے امام مسجد نبوی ﷺ سے ملاقات کے دوران مسئلہ کشمیر اور فلسطین کو بھی اجاگر کرتے ہوئے کہا کہ بھارتی افواج نے مقبوضہ کشمیر میں معصوم اور نہتے کشمیریوں پر ظلم کے پہاڑ ڈھا دیے ہیں۔مقبوضہ کشمیر میں انسانی حقوق کی پامالی کی بدترین مثال قائم کی گئی ہے ۔انہوں نے کہا کہ پاکستان کشمیریوں کی امنگوں اور اقوام متحدہ کی سیکیورٹی کونسل کی قراردادوں کے مطابق کشمیر کے مسئلے کا حل چاہتا ہے۔سید یوسف رضا گیلانی نے کہا کہ فلسطین میں اسرائیلی افواج نے ظلم و بربریت کی انتہا کر دی ہے۔اقوام عالم اور خاص طور پر مسلم ممالک کو ان تنازات کے حل کےلئے نا صرف موثر آواز اٹھانی چاہیئے بلکہ اب عملی طور پر اقدامات اٹھانا نا گزیر ہو چکا ہے ۔ آج مقبوضہ کشمیر اور فلسطین کے معصوم عوام دنیا اور خصوصا مسلم امہ کی طرف دیکھ رہے ہیں۔ چیئرمین سینٹ نے کہا کہ پاکستانی عوام کے دلوں میں مسجد نبوی صلی اللہ علیہ وسلم ایک خاص مقام رکھتی ہے اور یہ مسجد اتحاد، امن اور عقیدت کی علامت ہے۔ مسجد نبوی صلی اللہ علیہ وسلم سے ہمارا تعلق روحانی ہے اور یہاں ہمیں سکون اور رہنمائی ملتی ہے ۔انہوں نے سعودی عرب کی قیادت کے لیے نیک خواہشات کا اظہار کیا۔
پاکستان نے ہمیشہ برادر ملک سعودی عرب کا ہر فورم پر ساتھ دیا ،امام مسجد نبوی اس موقع پر ڈاکٹر صالح بن عبداللہ البدیر نے چیئرمین سینیٹ سید یوسف رضا گیلانی کا شاندار استقبال اور عقیدت پر شکریہ ادا کرتے ہوئے کہا کہ سعودی عرب پاکستان کے ساتھ تعلقات کو انتہائی قدر کی نگاہ سے دیکھتا ہے ۔ پاکستان ہمارے لیے ایک اہم ملک ہے پاکستان نے ہمیشہ برادر ملک سعودی عرب کا ہر فورم پر ساتھ دیا ہے۔ انہوں نے کہا کہ مجھے پاکستان آ کر بڑی خوشی ہوئی ہے اور امید ہے کہ ہم اس طرح کے دوروں میں مزید تیزی لائیں گے تاکہ ہم مشترکہ تعاون اور ادارہ جاتی رابطہ کاری کو مزید فروغ دے سکیں۔اس موقع پر پاکستان کی ترقی خوشحالی اور ملک میں امن و امان کے قیام حوالے سے دعا بھی کی گئی.
مکہ مکرمہ،مدینہ منورہ: مسجد الحرمین مکہ یعنی مکرمہ اور مسجد نبوی ﷺ میں 29 ویں تراویح میں ختم قرآن اور دعا کرائی گئی۔
باغی ٹی وی :ختم قرآن کی دعا میں شرکت کے لیے خصوصی انتظامات کیے گئے، دعا میں مظلوم فلسطینیوں کےلیے ہر آنکھ اشک بار نظر آئی، اس دعا میں میں لاکھوں افراد شریک ہوئے جس کے رقت آمیز مناظر دیکھنے میں آئے، مسجد الحرام کےاندرونی اوربیرونی صحنو ں کے علاوہ چھت اوراطراف کی سڑکیں زائرین سے بھر گئیں۔
https://x.com/wmngovsa/status/1776993333186883585
https://x.com/wmngovsa/status/1777091993111286131
https://x.com/wmngovsa/status/1776974121102160146
سعودی میڈیا کے مطابق 29ویں تراویح کے اختتام پر لوگوں کی بڑی تعداد مغرب سے قبل ہی مسجد الحرام اور مسجد نبوی پہنچ گئی تھی اور وہیں افطار کیا،مغرب اور اس کے بعد عشا و تراویح کی نمازیں بھی حرمین الشریفین میں ادا کیں۔
مدینہ منورہ : مسجد نبوی کی انتظامیہ نے رمضان المبارک کے آخری عشرے میں اعتکاف کرنے والوں کی رجسٹریشن کا آغاز کردیا ۔
باغی ٹی وی : عرب میڈیا کے مطابق مسجد نبوی میں اعتکاف کرنے کے خواہشمندوں کے لئے ’زائرون‘ ایپ لانچ کی گئی ہے جس کے ذریعے اپنی معلومات اپ لوڈ کرکے اعتکاف کا پرمٹ حاصل کیا جاسکتا ہے جبکہ اعتکاف کےلئے مقررہ ضوابط کا اعلان بھی پورٹل پر کیا گیا ہے جس پرعمل کرنا ضروری ہے، اعتکاف کےلئے رجسٹریشن کا عمل مکمل ہونے کے بعد پورٹل بند کردیا جائے گا، اعتکاف پر پہلے آئیے کی بنیاد پر کام جاری کیا جاتا ہے۔
دوسری جانب عرب میڈیا کے مطابق رواں برس رمضان المبارک میں معتمرین اور عبادت گزاروں کی مسجد الحرام اور مسجد نبوی میں آمد اور عبادتوں کا سابق تمام ریکارڈ ٹوٹ گیا، چنانچہ دیگر مقدس مقامات کی زیارتوں میں بھی بے پناہ اضافہ ہوا ہے،جبکہ کعبہ شریف سے شمال مشرق میں 4 کلومیٹر کے فاصلے پر واقع غارِ حرا میں ماہ رمضان کے دوران چوبیسوں گھنٹے معتمرین، زائر اور عبادت گزاروں کا ہجوم رہتا ہے باوجود اس کے کہ اس غار تک پہنچنے کے لیے گھنٹوں پہاڑ کی چوٹی پر چڑھنا ہوتا ہے۔
اونٹ کے کوہان سے مشابہ پہاڑ پر واقع غار حرا وہ مقدس مقام ہے جہاں نبی آخری الزماں حضرت محمد صلی اللہ علیہ وآلہ وسلم پر پہلی وحی نازل ہوئی تھی اور ڈیڑھ ہزار سال میں شاید ہی کوئی دن ایسا گزرا ہو جب یہاں زائرین موجود نہ ہوں، ماہ رمضان میں یہ تعداد کئی گنا زیادہ ہوجاتی ہے اور اس سال یہاں زائرین کی آمد کا تمام ریکارڈ ٹوٹ گیا۔
علاوہ ازیں رمضان کے بابرکت مہینےکے پہلے عشرے میں 10 لاکھ معتمرین اور عبادت گزاروں نے روضہ رسول پر حاضری کا شرف حاصل کیا،پہلے عشرے میں عاشقان رسول بڑی تعداد میں مسجد نبوی میں حاضر ہوئے، عبادت کی اور خاتم النبین صلی اللہ علیہ وسلم کو سلام پیش کیا۔معذور افراد کے لئے مسجد نبوی نے خصوصی انتظامات کیے گئے ہیں جس سے استفادہ کرتے ہوئے 26 ہزار معذور افراد نے بھی روضہ رسول پر حاضری دینے کی سعادت حاصل کی۔
مسجد نبوی میں آنے والے عبادت گزاروں کی زم زم پانی، افطار اور کھانوں سے مہمان نوازی کی جا رہی ہے اور تمام تر ضروری سہولیات کی فراہمی کے لئے درجنوں ٹیمیں ہمہ وقت مصروف عمل ہیں۔مسجد نبوی میں داخلے اور اخراج کے لئے خصوصی انتظامات کئے گئے ہیں تاکہ عبادت گزاروں کو کوئی مشکل درپیش نہ ہو۔ جگہ جگہ رہنمائی کے لئے تربیت یافتہ عملہ موجود ہے۔
مسجد نبوی کی انتظامی کمیٹی کی ان کاوشوں اور مربوط و منظم نظام کی وجہ سے عبادت گزاروں کی ریکارڈ تعداد کو فرائض اور نوافل کی اطمینان کے ساتھ ادائیگی کا موقع ملا،انتظامی کمیٹی نے امید ظاہر کی ہے کہ آئندہ آنے والے دنوں میں عبادت گزاروں کی تعداد میں مزید اضافہ ہوگا۔
مدینہ منورہ: 5 روز کے وقفے سے مسجد نبویؐ کے ایک اور خادم انتقال کرگئے۔
باغی ٹی وی: عرب میڈیا کے مطابق مسجد نبویؐ میں رسول اللہ صلی اللہ علیہ وسلم کے حجرے کی خدمت پر مامور آغا علی بدیع اتوار کوانتقال کر گئے جن کی نماز جنازہ بعد نماز عصر مسجد نبویؐ میں ادا کی جائے گی۔
https://x.com/insharifain/status/1728766796302586307?s=20
واضح رہے کہ پانچ روز قبل 20 نومبر کو مسجد نبویؐ کے ایک اور خادم آغا عبدو علی ادریس کی وفات ہوئی تھی جو حجرہ رسول صلی اللہ علیہ وسلم کی خدمت کے ساتھ مسجد کو روشن اور معطر کرنے کی ذمہ داری ادا بھی کرتے تھے،مرحوم شیخ عبدہ علی ادریس شیخ روضہ شریفہ کے خدام (الاغوات) میں سے ایک تھے جس کے مطابق یہ حجرہ مبارکہ کی دیکھ بھال پر مامور اور اس کے کلید بردار بھی تھے۔
واضح رہے کہ مسجد نبوی شریف میں روضہ رسول صلی اللہ علیہ وسلم کی خدمت کے لیے مامور ’مخصوص افراد‘ اغوات کہلاتے ہیں۔
مسجد نبوی کے امور کی ایجنسی نے اپنی ہفتہ وار رپورٹ میں انکشاف کیا ہے کہ اس سال 7 سے 14 ذوالحجہ کے دوران 4 ملین 252 ہزار سے زائد نمازیوں اور زائرین کی مسجد نبوی میں آمد ہوئی ہے جبکہ ایجنسی نے سکیورٹی، صحت، اور رضاکارانہ ایجنسیوں کے تعاون سے 271,173 ہزار سے زائد زائرین کے داخلے کا انتظام اور عبادات کی ادائی کے لیے سہولیات فراہم کیں اور 75,529 ہزار زائرین کی روضہ رسول اللہ صلی اللہ علیہ وسلم تک رسائی ممکن بنائی۔
ایجنسی نے انکشاف کیا کہ ایک ہفتے کے دوران 6,782 ہزار سے زائد افراد نے معمر افراد کے لیے مختص جگہوں سے استفادہ کیا، جبکہ 14,766 ہزار نے مسجد نبوی میں علمی دروس سے استفادہ کیا ہے۔ 46,138 ہزار تحائف تقسیم کرنے کے علاوہ فیلڈ آؤٹ ریچ سے 64,703 ہزار سے زیادہ اور 11,534 ہزار نے مذہبی رہنمائی کی خدمت سے استفادہ کیا ہے۔
مزید یہ بھی پڑھیں؛
صفائی کی مد میں کروڑوں روپے خورد برد کر لیے گئے، میر صادق عمرانی
عمرانی دورحکومت میں 29 افراد کو فوجی عدالتوں سے سزا سنائی گئی،درخواست دائر
بھارت کی جانب سے پانی چھوڑنے سے دریائے ستلج میں پانی کا بہاؤ بڑھ سکتا ہے
اسٹاک ایکسچینج میں مندی کا رجحان
4.279 ہزار افراد مواصلاتی چینلز اور نمائشی خدمات سے 17,650,000 سے زائد مستفید ہوئے ہیں۔ رپورٹ کے مطابق زبان کی خدمات سے استفادہ کنندگان کی تعداد 3,001,001 تھی۔ 10,158,000 افراد نے لائبریری سروسز سے استفادہ کیا۔115,090,000 افراد نقل و حرکت اور 8,296,000 افرا مقامی رہنمائی سے مستفید ہوئے۔ اس دوران مسجد نبوی کی صدارت نے 203,294 آب زمزم کے پیکجز اور 426,457 ہزار کھانے بھی تقسیم کئے۔
سعودی عرب :حرمین شریفین میں 29 ویں شب میں ختم القرآن کا عظیم اجتماع ہوا جبکہ مسجد نبوی میں بھی تراویح کے موقع پر روح پرور مناظر دیکھے گئے۔
باغی ٹی وی: عرب میڈیا رپورٹس کے مطابق رمضان المبارک کی 29 ویں شب مسجد الحرام میں ختم القرآن کی دعا میں 25 لاکھ سے زائد افراد نےشرکت کی جبکہ مسجدالحرام اور مسجد نبوی میں 29 ویں تراویح اور ختم القران کی دعا میں مجموعی طور پر30 لاکھ افراد نے شرکت کی۔
رپورٹ کے مطابق مسجدالحرام میں ختم القرآن کے بعد امام حرم شیخ عبدالرحمٰن السدیس نے رقت آمیز دعا کرا ئی ،امام حرم شیخ عبدالرحمٰن السدیس نے امت مسلمہ خصوصاً سعودی عرب اور مسلم ممالک کے لیے دعائیں کیں۔
دوسری جانب سعودی وزیر برائے حج اور عمرہ توفیق الربیعہ نےبدھ کو مسجد الحرام کی دو تصاویر پوسٹ کیں3 سال کے فرق سے پہلی تصویر 1441 ہجری (2020 ع) کی ہے جب دوران وبا حرم میں عمرہ اور زیارت کے لیے پابندی عائد کر دی گئی تھی اور دوسری تصویر 1444 ہجری (2023 ع) میں لی گئی ہے-
من غيابٍ مُحزن، إلى امتلاءٍ مُفرح 🕋🤲🏻
الحمد لله على فضله ومنّته، فقد زال الوباء، وعاد المسلمون لأداء العمرة؛ وزيارة الحرمين الشريفين.
شكرًا لخادم الحرمين الشريفين وسموّ ولي عهده -حفظهما الله-، على اهتمامهما براحة وسلامة وخدمة ضيوف الرحمن.#مكة_والمدينة_في_انتظاركم_بشوق pic.twitter.com/Ih6SkJopE0
— توفيق الربيعة (@tfrabiah) April 19, 2023
ٹوئٹر پر سعودی وزیر کی جانب سے شئیر کی گئی پہلی تصویر میں صحن حرم کو 1441 ہجری میں کرونا وبا کے دوران نمازیوں اور عمرہ ادا کرنے والوں سے بالکل خالی دکھایا گیا ہے جبکہ دوسری تصویر میں مسجد الحرام کو دکھایا گیا ہے، جو نمازیوں اور معتمرین سے مکمل طور پر بھری ہوئی ہے۔ کہا گیا ہے کہ ماہ رمضان میں حرم کے ارد گرد، 3 کلومیٹر تک کا علاقہ نمازیوں سے سے بھرا ہوتا ہے۔
تصاویر شئیر کرتے ہوئےسعودی وزیر برائے حج اور عمرہ توفیق الربیعہ نے لکھا کہ غم انگیزغیرحاضری سے خوشگوار حاضری تک،اللہ کے فضل و کرم کے لیے حمد ہے، جیسا کہ وبا ختم ہو چکی ہے، اور مسلمان عمرہ ادا کرنے اور حرمین شریفین کی زیارت کے لیے واپس آ گئے ہیں-
واضح رہے کہ سعودی عرب میں آج شام عید کا چاند نظر آنا ممکن نہیں ہے ،13 ممالک سے تعلق رکھنے والے فلکی علوم کے 25 ماہرین نے مشترکہ اعلامیہ جاری کر دیاماہرین کے مطابق سعودی عرب میں رمضان المبارک 30 روز کا ہوگا ، عید ہفتہ 22 اپریل کو ہوگی ۔
دوسری جانب سعودی سپریم کورٹ نے سعودی عرب کے تمام مسلمانوں سے کہا ہے کہ وہ 20 اپریل کی مناسبت سے 29 رمضان المبارک 1444 ہجری کی شام کو شوال کا چاند دیکھنے کی کوشش کریں۔
عدالت نے لوگوں سے اپیل کی کہ کھلی آنکھوں سے یا دوربین کے ذریعے چاند دیکھیں تو قریبی عدالت کو مطلع کریں وہاں اس کی گواہی ریکارڈ کرائیں۔ یا قریبی مرکز سے رابطہ کریں اور انہیں آگاہ کریں۔
سپریم کورٹ نے اس امید کا اظہار بھی کیا کہ جو لوگ اس معاملے میں دلچسپی اور اہلیت رکھتے ہیں وہ اس مقصد کے لیے خطوں میں بنائی گئی کمیٹیوں میں شامل ہوں گے اور نیکی کے اس کام میں معاونت کریں گے۔
متحدہ عرب امارات کے خلاباز سلطان النیادی نے بین الاقوامی خلائی اسٹیشن (آئی ایس ایس) سے سعودی عرب کی مسجد الحرام اور مسجد نبوی ﷺ کی ویڈیو شیئر کردی۔
باغی ٹی وی: اماراتی خلاباز سلطان النیادی اس وقت بین الاقوامی اسپیس اسٹیشن میں ناسا کے 6 ماہ طویل مشن پر موجود ہیں اور وہیں سے وہ اپنے ٹوئٹر اکاؤنٹ سے باقاعدہ اپ ڈیٹس شیئر کر تے رہتے ہیں۔
پیر کو رمضان کی27 ویں شب کے موقع پر سلطان النیادی نے اپنے آفیشل ٹوئٹر اکاؤنٹ پر خلا سے مسجد الحرام اور مسجد نبوی ﷺ کے مناظر شیئر کیے سلطان النیادی کی جانب سے شیئر کی گئی ویڈیو میں دیکھا جاسکتا ہے کہ خلا سے نیچے زمین پر دکھنے والے اندھیرے میں بظاہر مسجدالحرام اور مسجد نبوی ﷺ روشن دکھائی دے رہی ہیں۔
من محطة الفضاء الدولية،
إهداء لعيال سلمان في هذه الليالي المباركة 🌙⭐️
إهداء لبلاد الحرمين الشريفين، مهبط الوحي وأرض الرسالة، المملكة العربية السعودية. 🇸🇦 pic.twitter.com/3OQTg4CgXb— Sultan AlNeyadi (@Astro_Alneyadi) April 17, 2023
سلطان النیادی نے ویڈیو کے کیپشن میں لکھا کہ ‘بین الاقوامی خلائی اسٹیشن سے ان بابرکت راتوں پر سعودی شاہ سلمان کے بچوں کے لیے تحفہ ‘۔
واضح رہے کہ سلطان النیادی 28 اپریل کو ناسا کے فلائٹ انجنیئر اسٹیفن باؤن کے ہمراہ ساڑھے 6 گھنٹے طویل ’اسپیس واک‘ کا حصہ ہوں گےجس کےبعد وہ خلا میں چہل قدمی کرنے والےپہلے عرب خلا بازکا اعزازحاصل کرلیں گے سلطان النیادی نے ناسا کے خلا میں مائیکرو گریوٹی میں انسانی خلیےکی نشونما پر تجربات کیلئے بھیجے گئے مشن کے ہمراہ 2 مارچ کو کینیڈی اسپیس اسٹیشن سے خلا کا سفر شروع کیا تھا –
یو اے ای کے خلاباز احمد النیادی کو اسپیس واک کیلئے ناسا کی جانب سے جونسن اسپیس سینٹر کی نیوٹرل بویانسی لیبارٹری میں 55 گھنٹے کی تربیت بھی دی گئی تھی۔
مسلم لیگ (ن) کے قائد اور سابق وزیراعظم نوازشریف نے مسجد نبوی ﷺ میں رمضان المبارک کی 27 ویں شب گزاری۔
باغی ٹی وی: گزشتہ روز نوازشریف وزیر خزانہ اسحاق ڈار سمیت دیگر اراکین کے ہمراہ قیام الیل کے لئے مسجد نبوی پہنچے تھے جہاں انہوں نے رمضان المبارک کی 27 ویں شب گزاری،نواز شریف نے اسحاق ڈار اور دیگر کے ساتھ ریاض الجنہ میں نوافل ادا کیے-
ماشااللہ ❤🤲 pic.twitter.com/mRp16jfjM4
— Team MNS (@TeamMNSharif) April 17, 2023
سابق وزیراعظم نے مسجد نبوی میں ریاض الجنہ میں نوافل ادا کیے اور ملک و قوم کی خوشحالی اور سلامتی کے لئے خصوصی دعائیں بھی کیں۔
واضح رہے کہ نواز شریف رمضان کا آخری عشرہ اپنے خاندان کے افراد کےساتھ سعودی عرب میں گزار رہے ہیں انہوں عمرے کی سعادت بھی حاصل کی دورہ سعودی عرب میں نواز شریف اور مریم نواز شاہی خاندان کے خصوصی مہمان ہیں نواز شریف عید کے بعد برطانیہ واپسی سے پہلے کچھ دن دوحا میں بھی قیام کریں گے۔
واضح رہے کہ سعودی شاہی حکام نے مسلم لیگ ن کے قائد نواز شریف کے ساتھ وزیراعظم شہباز شریف کو بھی عمرے کے لیے مدعو کیا ہے وزیراعظم شہباز شریف کی فیملی پہلے سے ہی جدہ میں موجو د تھی-
مدینہ منورہ: مسجد نبوی میں روضہ رسول ﷺ کے اطراف سونے اور تانبے کے نئے حصار کا افتتاح کردیا گیا۔
باغی ٹی وی: عرب میڈیا کے مطابق روضہ اطہرکے گرد نیا حصار 87 میٹر لمبا اور ایک میٹر اونچا ہے یہ الگ الگ یونٹس اور ٹھوس تانبے، پیتل اور سونے کے حصوں پر مشتمل ہے۔
حرمین شریفین کے امور کی نگرانی کرنے والے ادارے کے صدر شیخ ڈاکٹر عبدالرحمن السدیس نے مسجد نبوی صلی اللہ علیہ وسلم میں روضہ مبارک کے اطراف تانبے اور سونے سے بنے نئے حصار کا افتتاح کیا۔
یہ اقدام مسجد نبوی کی مشاہداتی شناخت کے تحفظ کے فریم ورک کے اندر آتا ہےرسول ﷺکی عمارت کے اردگرد لکڑی کے حصار کی جگہ تانبے کے سنہری حصار نے لے لی تھی ابتدا میں رسول ﷺ کی عمارت کے اردگرد لکڑی کا حصار قائم تھا جس کو ہٹا کر تانبے کا سنہری حصار لگایا گیا تھا۔