چودھری شجاعت حسین اور چودھری پرویز الہی کا صبا قمر اور بلال سعید کے بارے میں کہنا ہے کہ افسوس صد افسوس، مسجد وزیر خان کا تقدس پامال کرنے والے ابھی تک آزاد ہیں-
باغی ٹی وی : چودھری شجاعت حسین، چودھری پرویزالٰہی نے دونوں فنکاروںً کی گرفتاری کا مطالبہ کرتے ہوئے کہا کہ مسجد وزیر خان میں ناچ گانے کے تمام ذمہ داروں کو جلد از جلد گرفتار کیا جائے تاکہ آئندہ کوئی ایسی ناپاک جسارت نہ کر سکے-
چودھری شجاعت حسین، چودھری پرویزالٰہی نے مزید کہا کہ مسجد وزیر خان میں ناچ گانے کی قبیح حرکت کی پرزور الفاظ میں مذمت کرتے ہیں-
چوہدری برادران نے سوالیہ انداز اپناتے ہوئے کہا کہ اسلام کے نام پر لاکھوں قربانیاں دے کر یہ ملک کیا اس لیے قائم کیا گیا تھا کہ یہاں مساجد میں رقص و سرور ہو-
چودھری شجاعت حسین، چودھری پرویزالٰہی نے کہا کہ مساجد میں کتنی دیدہ دلیری سے ناچ گانا ہو رہا ہے جو کہ شریعت کی کھلم کھلا خلاف ورزی ہے سرعام ایسا کرنے اور اس کی اجازت دینے والوں کو ابھی تک پکڑ کر جیل میں نہیں ڈالا گیا-
چودھری شجاعت حسین، چودھری پرویزالٰہی نے مزید کہا کہ اس سانحہ کے ذمہ داروں کو فوری طور پر گرفتار کر کے مقدمہ چلایا جائےانہیں قرار واقعی اور مثالی سزا دی جائے تاکہ آئندہ کوئی ایسی قبیح حرکت کی جرات نہ کر سکے-