Tag: مسلح افواج

قائداعظم محمد علی جناح کے یوم پیدائش کے موقع پر چیئرمین جوائنٹ چیفس آف اسٹاف کمیٹی، سروس چیفس اور پاکستان کی مسلح کا افواج بابائے قوم کو زبردست خراجِ تحسین کیا ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری ہونے والےاعلامیے میں کہا گیا ہے کہ اس قومی دن کے موقع پر ہم ان کے رہنما اصولوں "اتحاد، ایمان، اور تنظیم” پر اپنے غیر متزلزل عزم کی تجدید کرتے ہیں، جو آج بھی قوم کے لیے مشعلِ راہ ہیں۔ پیغام میں کہا گیا ہے کہ مسلح افواج قائد اعظم کی پائیدار بصیرت اور بے مثال قیادت کو خراج عقیدت پیش کرتی ہیں، جن کی انتھک محنت نے قوم کو یکجا کیا اور ایک خودمختار اور آزاد پاکستان کی بنیاد رکھی۔اس کے علاوہ مسلح افواج نے کرسمس کے موقع پر مسیحی برادری کو دلی مبارکباد پیش کی اور کہا کہ ہم اپنے مسیحی بھائیوں اور بہنوں کے ساتھ محبت، ہمدردی، اور امن کی ان آفاقی اقدار کا جشن مناتے ہیں جو اس موقع کی روح ہیں۔اعلامیے میں کہا گیا ہے کہ پاکستان کی مسلح افواج قوم کی حفاظت، انصاف اور ہم آہنگی کے اصولوں پر کاربند رہتے ہوئے اپنی عوام اور وطن کی خدمت کے لیے پرعزم ہیں۔

فلڈ ریلیف کے لیے 45 کروڑ ڈالر کا اضافی قرضہ منظور

مقبوضہ کشمیر : گاڑی کھائی میں گرنے سے 5 بھارتی فوجی ہلاک

ڈومیسٹک ٹی 20 کپ میں بہترین کھلاڑیوں کی نشاندہی کر لی گئی

ٹیکس پالیسی اورآپریشنزکے شعبےالگ کرنے کا فیصلہ

پی اے ایف ایئر وار کالج انسٹی ٹیوٹ میں منعقدہ 36 ویں ایئر وار کورس کی گریجویشن تقریب

پی اے ایف ایئر وار کالج انسٹی ٹیوٹ، کراچی میں آج 36 ویں ایئر وار کورس کی کانووکیشن اینڈ گریجویشن تقریب منعقد ہوئی۔ ائیر مارشل عبدالمعید خان ڈپٹی چیف آف دی ایئر سٹاف (ایئر ڈیفینس) اس موقع پر مہمان خصوصی تھے۔

فارغ التحصیل ہونے والے افسران سے خطاب کرتے ہوئے مہمان خصوصی نے انہیں کورس کی کامیاب تکمیل اور اپنے کیریئر میں اس اہم سنگِ میل کو عبور کرنے پر مبارکباد دی۔ انہوں نے اس بات پر زور دیا کہ بدلتا ہوا جغرافیائی سیاسی منظر نامہ، قومی سلامتی کی پیچیدہ صورتحال اور مسلسل تغیر پزیر عسکری ماحول، حصولِ علم کے تقاضوں میں تکنیکی ترقی سے باخبر رہنے اور قومی دفاعی آلات کے دانشمندانہ استعمال کی اہمیت کو اجاگر کرتا ہے۔ انہوں نے عسکری عناصر کے باہمی تعاون کی اہمیت پر مزید زور دیتے ہوئے کہا کہ روایتی اور غیر روایتی جنگی صورتحال میں کوئی بھی عسکری فوج تنہا کامیابی حاصل نہیں کر سکتی اور اس زمرے میں مشترکہ تزویراتی منصوبہ بندی کے کردار کو رد نہیں کیا جا سکتا۔ انہوں نے قومی سلامتی کے ماحول میں ملکی استحکام اور خودمختاری کو یقینی بنانے کے لیے ریاستی طاقت کے بہترین آلہ کار کی حیثیت سے ایئر پاور کے استعمال کی اہمیت پر بھی زور دیا۔ ایئر وائس مارشل حسین احمد صدیقی، صدر ایئر وار کالج انسٹی ٹیوٹ نے وار کورس اور اس کے دوران نمایاں کارکردگیوں کا جائزہ پیش کیا۔ بعد ازاں مہمان خصوصی نے فارغ التحصیل ہونے والے افسران میں اسناد تقسیم کیں۔

ایئر وار کالج انسٹی ٹیوٹ پاک فضائیہ کا ایک بہترین ادارہ ہے، جہاں پاکستان کی مسلح افواج اور دوست ممالک کے سینئر اور درمیانے درجے کے افسران کو ایئر پاور کےنظریات، حکمت عملی اور اعلیٰ فوجی قیادت میں بہترین کردار ادا کرنے کے لیئے مختلف شعبے میں تربیت دی جاتی ہے۔ فارغ التحصیل ہونے والے افسران میں افواج پاکستان سمیت بحرین، بنگلہ دیش، مصر، انڈونیشیا، ایران، عراق، اردن، ملائیشیا، نائیجیریا، سعودی عرب، جنوبی افریقہ، سری لنکا اور زمبابوے کے فوجی افسران بھی شامل تھے۔ تقریب میں دوست ممالک سے اعلیٰ سفارت کاروں سمیت سول و عسکری حکام نے بھی شرکت کی۔

ہمیشہ امن کے لئے کھڑے ہیں، پاکستان کے کپتان نے مودی سمیت دنیا کو دیا اہم پیغام

ذمہ داریاں جانتے ہیں، وطن عزیز کے دفاع کیلیے ہر لمحہ تیار ہیں ،سربراہ پاک فضائیہ

سربراہ پاک فضائیہ نے 54 ویں کمبیٹ کمانڈرز کورس کی گریجویشن تقریب میں دشمن کو دیا اہم پیغام

بھارتی جارحیت پر پاکستان کا ذمہ دارانہ جواب،ہو گی تقریب، وزیراعظم دیں گے مودی کو اہم پیغام

پاک فضائیہ خطے میں پاکستان کی سالمیت اور وقار کے دفاع کیلئے مکمل تیار ہے: سربراہ پاک فضائیہ

عسکری قیادت کا پاک فضائیہ کے آپریشنل ایئر بیس پر جاری کثیر ملکی عسکری مشق کا جائزہ

تحریک انصاف کے سینیٹرز کی جانب سے نو مئی کے واقعات سے متعلق مذمتی قرارداد سینیٹ میں جمع کروائی گئی ہے

تحریک انصاف سے تعلق رکھنے والے سینیٹرز نے نو مئی کے واقعات کی مذمت کی ہے اور اس حوالہ سے ایک قراردار سینیٹ میں جمع کروائی ہے، قرارداد پر تحریک انصاف کے سینیٹر کے دستخط ہیں، قرارداد فیصل سلیم، سیمی ایزدی، فلک ناز چترالی، زرقا سہروردی اور دہگر کی جانب سے جمع کروائی گئی ہے، قرارداد جمع کروانے کے بعد میڈیا سے بات کرتے ہوئے سینیٹر فیصل سلیم کا کہنا تھا کہ 9 مئی کے واقعات کی بھرپور مذمت کرتے ہیں ہم نے ایوان بالا میں ایک قرار داد جمع کرائی ہے دفاعی تنصیبات کو نشانہ بنایا گیا ہم اس پر شرمندہ ہیں

سیمی ایزدی کا کہنا تھا کہ کہ میرا خاندان آرمی سے تعلق رکھتا ہے ہم تصور بھی نہیں کرسکتے کہ کوئی آرمی تنصیبات پر حملہ کرے جو لوگ اس واقعے میں ملوث ہیں انہیں واقعی سزا ملنی چاہیے سینیٹر فلک ناز کا کہنا تھا کہ کہ 9 مئی کا دن میری زندگی کا سب سے منحوس دن ہے 9 مئی کو پاکستان کے شہدا کی یادگار اور املاک کو نقصان پہنچانے کی کوششوں کو مسترد کرتے ہیں میرا بھائی اور بھتیجا فوج میں حاضر سروس ہیں ،ڈاکٹر زرقا سہروردی نے کہا کہ 9 مئی کو جو ہوا ہم اس کی شدید مذمت کرتے ہیں ہم سب سے پہلے پاکستانی ہیں اور اس کے بعد باقی چیزیں ہیں جو لوگ 9 مئی کے واقعے میں ملوث ہیں انہیں قرار واقعی سزا ہونی چاہیے بے گناہ لوگوں کو رہا کیا جانا چاہیے

قرارداد کے متن میں کہا گیا ہے کہ عسکری اور تاریخی عمارتوں پر حملوں کی شدید مذمت کرتے ہیں یہ ایوان 9 مئی کو جی ایچ کیو، جناح ہاؤس پر ہونے والے پرتشدد حملوں کی شدید مذمت کرتا ہےجناح ہاؤس لاہور میں کور کمانڈر رہائش پذیر ہیں اسے بھی آگ لگا دی گئی تھی بانیٔ پاکستان قائداعظم محمد علی جناح کے قیمتی سامان کو بھی نذر آتش کیا گیا جب کہ شہداء کی یادگاریں بھی جلادی گئیں ہ تاریخی عمارتوں، مساجد اور اسکولوں کو آگ لگائی گئی اور نقصان پہنچایا گیایہ ایوان اپنے اداروں کے ساتھ اظہار یکجہتی اورغیر متزلزل حمایت کرتا ہے مسلح افواج ،سیکیورٹی ایجنسیوں اور بڑے پیمانے پر ان واقعات سے متاثر ہونے والے عوام کے ساتھ یکجہتی کا اظہار کرتے ہیں

 پرامن احتجاج ہرکسی کا حق ہے،9 مئی کو جو کچھ ہوا اسکےحق میں نہیں 

عدالت کے گیٹوں پر پولیس کھڑی ہے آنے نہیں دیا جارہا 

کنیز فاطمہ کا کہنا تھا کہ کوئی بھی محب وطن پاکستانی ایسی واقعات کو پسند نہیں کرتا،

،اٹارنی جنرل روسٹرم پر آ گئے اور کہا کہ میں کچھ کہنا چاہتا ہوں

آخر یہ القادر ٹرسٹ کیس ہے کیا؟

عمران خان ذہنی طور پر ٹھیک نہیں ہے.

ملک بھر میں آج یوم تکریم شہدائے پاکستان منایا جارہا ہے، یوم تکریم کی مرکزی تقریب جی ایچ کیو میں منعقد کی گئی

اسکے علاوہ پاکستان کے تمام چھوٹے بڑے شہروں میں یوم تکریم شہدا کے حوالہ سے سیمینار،کانفرنسوں و وریلیوں کا انعقاد کیا گیا، پاکستان کے بچے بچے نے آج اس عزم کا اظہار کیا ہے کہ وہ مسلح افواج کے شہداء کی قربانیوں کو نہیں بھولیں گے، جی ایچ کیو میں ہونے والی تقریب میں آرمی چیف جنرل سید عاصم منیر، سابق آرمی چیف جنرل ر باجوہ سمیت اعلیٰ حکام شریک ہوئے،تا ہم مسلح افواج کے سپریم کمانڈر صدر مملکت ڈاکٹر عارف علوی یوم تکریم شہداء کی تقریب میں نظر نہیں آئے

یوم تکریم شہداء پاکستان کی تقریب میں صدر مملکت ڈاکٹر عارف علوی کیوں شریک نہیں ہوئے؟ اس حوالہ سے چہ میگوئیاں ہو رہی ہیں، یوم تکریم شہداء منانے کا اعلان عمران خان کی گرفتاری کے بعد پی ٹی آئی کارکنان کی جانب سے شہداء کی یادگاروں کے بے حرمتی کرنے کے بعد کیا گیا تھا، شہداء کی یادگاروں کی بے حرمتی پر پاکستانی قوم میں شدید غم و غصہ پایا جا رہا تھا، ایسے میں یوم تکریم شہداء کا اعلان کیا گیا اور آج ملک کے چپے چپے میں تقریبات منعقد ہوئیں، آج یوم ترکیم شہداء کے موقع پر تحریک انصاف کے چیئرمین عمران خان کی جانب سے نہ کوئی پیغام آیا اور نہ ہی صدر مملکت ڈاکٹر عارف علوی جو مسلح افواج کے سپریم کمانڈر ہیں وہ تقریب سے غائب رہے، ایسے میں عوامی حلقوں کا کہنا ہے کہ صدر مملکت عارف علوی کو صدارت سے استعفیٰ دینا چاہئے اور اگر وہ نہیں دیتے تو انہیں ہٹا دینا چاہئے، جو ریاست سے وفاداری کی بجائے پارٹی کے ساتھ وفاداری کر رہا ہے وہ اس عہدے کا اہل نہیں، عارف علوی کو فوری گھر بھیجنا چاہئے

صدر عارف علوی یوم تکریم شہداء کی تقریب میں نہ تو شریک ہوئے اور نہ ہی اس حوالہ سے ابھی تک کوئی وضاحت پیش کی ہے، عارف علوی کے بارے میں سوشل میڈیا پر کہا جا رہا ہے کہ وہ بھی یا صدارت چھوڑنے والے ہیں یا پارٹی، کیونکہ وہ ایسے کام کر رہے ہیں جو ایک صدر کو نہیں کرنے چاہئے، آج جب ملک بھر میں یوم تکریم شہداء منایا جا رہا ہے، مسلح افواج کے سپریم کمانڈر کو جی ایچ کیو میں ہونیوالی تقریب میں شریک ہونا چاہئے تھا لیکن شاید عمران کی وفاداری کی وجہ سے وہ اس تقریب میں شریک نہیں ہوئے،

جانیں قربان کرنے والے شہدا کی قبروں پر ان کے اہل خانہ نے حاضری دی۔

اے دشمن دیں تو نے کس قوم کو ہے للکارا

ملک بھر میں آج یوم تکریم شہدائے پاکستان منایا جارہا ہے-

یوم تکریم شہدائے پاکستان کے موقع پر جنرل ہیڈ کوارٹرز (جی ایچ کیو) میں مرکزی تقریب 

یوم تکریم شہدائے پاکستان کی مناسبت سے نغمہ جاری

ہندو برادری بھی شہداء کی عزت و تکریم کے لئے میدان میں آ گئی