اسلام آباد: مسلم لیگ ق کے مرکزی سیکرٹری اطلاعات مصطفیٰ ملک کو حکومت میں اہم ذمہ داریاں سونپ دی گئیں، مصطفیٰ ملک کو وزارت مذہبی امور کا اور وزارت اوورسیز پاکستانیز، ہیومن ریسورس ڈیولپمنٹ کا فوکل پرسن مقرر کر دیاگیا-

باغی ٹی وی : تفصیلات کے مطابق مصطفیٰ ملک کو وزارت اوورسیز پاکستانیز، ہیومن ریسورس ڈیولپمنٹ کا فوکل پرسن مقرر کر دیا گیا ہے، مصطفیٰ ملک وزارت مذہبی اموروبین المذاہب ہم آہنگی کا فوکل پرسن بھی مقرر کیا گیا ہے-

مصطفیٰ ملک وفاقی وزیر چوہدری سالک کی وزارتوں میں بطور رابطہ کار اور مشیر خدمات انجام دیں گے، دونوں وزارتوں کی جانب سے مصطفیٰ ملک کی تعیناتی کے باقاعدہ نوٹیفیکشن بھی جاری کر دیئے گئے ہیں۔

کورونا وبا کے پھیلاؤ سے متعلق امریکی سینٹرل انٹیلی جنس نے موقف بدل لیا

وفاقی وزیر برائے مذہبی امور چوہدری سالک کا کہنا ہے کہ مصطفیٰ ملک کی تقرری سے پارٹی ورکروں کے مسائل حل کرنے میں مدد ملی، مصطفیٰ ملک کی تقرری وزارتی امور میں بھی مدد دے گی وزارتیں پارٹی اور قوم کی امانت ہیں، ملکی ترقی اور عوامی خوشحالی کیلئے جدوجہد جاری رکھیں گے۔

جبکہ اس حوالے سے مصطفیٰ ملک کا کہنا ہے کہ اعتماد پر چوہدری شجاعت حسین اور ان کے بیٹوں کا مشکور ہوں، کوشش ہو گی چوہدری شجاعت کا سیاسی رواداری اور حب الوطنی کا مشن آگے بڑھاؤں۔

وزیراعظم کا سیکیورٹی فورسز کو خراج تحسین

مسلم لیگ ق کے صدر چوہدری شجاعت حسین نے ڈاکٹر محمد امجد کو پارٹی کا چیف آرگنائزر مقرر کر دیا، جس کا نوٹیفکیشن بھی جاری کر دیا گیا۔

باغی ٹی وی: صدر مسلم لیگ (ق) چوہدری شجاعت حسین نے ڈاکٹر امجد کو ہدایت کی ہے کہ ناراض ساتھیوں کو منا کر ملک گیر تنظیم سازی کریں، ونگز کو متحرک بنایا جاِئے اور بیرون ممالک میں پارٹی کی تنظیم نو کی جائے،سیاسی استحکام کے لیے دوسری جماعتوں سے رابطے بہتر بنائے جائیں، ملک کی دیگر سیاسی جماعتوں کے بھی آپس میں قریبی روابط ہونے چاہئیں، روابط سے سیاسی استحکام میں مدد ملے گی۔

صدر ق لیگ نے کہا کہ دیگر سیاسی جماعتوں کے ساتھ قریبی روابط ہونے چاہئیں کیونکہ روابط سے سیاسی استحکام میں مدد ملے گی، سیاسی ڈائیلاگ ہی ملکی مسائل کا حل ہے پائیدار معاشی ترقی سیاسی استحکام سے وابستہ ہے اور سیاسی جماعتیں استحکام کے لیے اپنا کردار ادا کریں۔

مشرق وسطی میں کشیدگی:پروازیں متبادل، طویل راستے اختیار کرنے پر مجبور

ڈاکٹر محمد امجد کا کہنا تھا کہ چیف آرگنائزر تقرری اور چوہدری شجاعت حسین کا اعتماد میرے لیے اعزاز ہے، چوہدری شافع حسین اور چوہدری سالک حسین کا بھی شکرگزار ہوں، کوشش ہے میں چوہدری شجاعت حسین کے اعتماد پر پورا اتروں، چوہدری شجاعت حسین کے نظریہ اور رواداری کے پیغام کو ہر پاکستانی تک پہنچانا ہے۔

فواد چوہدری اورروؤف حسن کے درمیان سوشل میڈیا پر سرد جنگ،گالم گلوچ کا تبادلہ

پاکستان تحریک انصاف (پی ٹی آئی) کی سابق ممبر قومی اسمبلی عائشہ گلالئی نے مسلم لیگ ق میں شمولیت اختیار کرلی۔

باغی ٹی وی: ذرائع کا کہنا ہے کہ پاکستان مسلم لیگ ق میں ابھی مزید اہم سیاسی رہنما بھی شمولیت اختیار کریں گےذرائع کے مطابق پاکستان پیپلز پارٹی پیٹریاٹ کے سابق مرکزی نائب صدر ملک عزت مہمند بھی ق لیگ میں شامل ہوگئے۔

بھارتی کرکٹ بورڈ کی پاکستان کےہائبرڈ ماڈل کو ماننے والی خبروں کی تردید

عائشہ گلالئی نے چوہدری شجاعت حسین کے ساتھ پریس کانفرنس کرتے ہوئے پارٹی میں شمولیت کا اعلان کیا اس موقع پر چوہدری سرور بھی موجود تھے جنہوں نے کہا کہ چوہدری شجاعت حسین کی قیادت میں ق لیگ میں لوگ شامل ہو رہے ہیں۔

پی ٹی آئی کی سابق ایم این اے عائشہ گلالئی نے 2017 میں چیئرمین پی ٹی آئی عمران خان اور پارٹی کے دیگر اعلیٰ ارکان پر الزامات کی بوچھاڑ کرتے ہوئے پارٹی سے علیحدگی کا اعلان کردیا تھا۔

دوسری جانب ڈاکٹر حید رعلی نے تحریک انصاف چھوڑ کر پیپلزپارٹی میں شمولیت کا اعلان کر دیا فیصل کریم کنڈی نے انہیں پیپلز پارٹی میں شمولیت پر مبارکباد پیش کی فیصل کریم کنڈی کا کہنا تھا کہ بینظیر بھٹو پر جب حملہ ہوا تو وہ اگلے روز ورکرز کی عیادت کرنے پہنچ گئی تھیں بینظیر بھٹو کے لیے ورکرز اہمیت رکھتے تھے-

پاکستان ایران سے بھی گیس پائپ لائن منصوبہ مکمل کرنے کا خواہشمند ہے،مصدق ملک

ادھر ملتان میں تحریک انصاف حقیقی بنانے کا اعلان کر دیا گیا، راؤ یاسر نے پریس کانفرنس کے دوران پی ٹی آئی حقیقی کے قیام کا اعلان کر دیاراؤ یاسر کا کہنا تھا کہ بہت جلد پی ٹی آئی حقیقی رجسٹرڈ کراؤں گا،ان کا کہنا تھاکہ عمران خا ن نے نیاپاکستان کا خواب دکھایاتھا۔

راؤ یاسر نے کہا کہ نشان الاٹ کراکے انتخابی مہم کا اعلان کروں گا،پارلیمنٹ میں نوجوان قیادت جائے گی اور ملک کو ترقی کی طرف گامزن کرے گی عمران خان کے یوٹرن نے ملک کو اس صورتحال پر کھڑا کیا ہے،ریاست ہے تو سیاست ہےعمران خان کو بشریٰ بی بی کی جانب سے غلط گائیڈ کیاگیا،عمران خان نے بشریٰ بی بی کی کرپشن پر آنکھیں بند کر لیں-

عمران خان کی سیاست پر تا حیات پابندی لگائی جاائے،کامران ٹیسوری