Tag: مسیحی

صوبائی وزیر برائے اقلیتی امور رمیش سنگھ اروڑا نے کہا ہے کہ وہ مسلم لیگ ن کی قیادت کے شکر گزار ہیں جنہوں نے اتنی اہم ذمہ داری سونپی ہے اور وزیراعلی پنجاب مریم نواز کی قیادت میں مذہبی اقلیتوں کے حقوق کا تحفظ بنانے کے لیے اپنے تمام تر وسائل بروئے کار لائیں گے ۔

سردار رمیش سنگھ اروڑا ایک منجھے ہوئے سیاستدان ہیں جنہوں نے پنجاب یونیورسٹی لاہور سے گریجویشن کیا۔ وہ ایک سرکردہ کاروباری اور ممتاز سکھ رہنما ہیں جو 2020 میں مسلسل دوسری مدت کے لیے رکن صوبائی اسمبلی پنجاب منتخب ہوئے۔ 2013 سے 2018 کے دوران اپنے پہلے دور میں، وہ پنجاب اسمبلی کے پہلے پارلیمنٹیرین تھے جو 1947 میں پاکستان کی آزادی کے بعد سکھ برادری سے آئے تھے۔ انہوں نے 2014 سے 2017 کے دوران کامرس اینڈ انویسٹمنٹ کی قائمہ کمیٹی کے چیئرمین کے طور پر کام کیا اور بطور چیئرمین، قائمہ کمیٹی برائے انسانی حقوق اور اقلیتی امور سے 2017 سے 2018 کے دوران انسانی حقوق کے ایک معروف کارکن اور سماجی کارکن کی حیثیت سے بھی کافی معروف رہے۔

رمیش سنگھ نے پاکستان میں سکھ برادری کے حقوق کے تحفظ اور "پنجاب سکھ آنند کارج میرج ایکٹ 2018” کی منظوری کے لیے نمایاں کردار ادا کیا۔ ان کی کوششوں سے پاکستان پہلا ملک بن گیا ہے جہاں سکھ میرج رجسٹریشن ایکٹ نافذ ہے۔ انہوں نے بطور ممبر، ایویکیو ٹرسٹ پراپرٹی بورڈ (ETPB) گورنمنٹ کی خدمات انجام دیں۔ پنجاب میں 2011 سے 2013 کے دوران وزارت قومی ہم آہنگی کے تحت اقلیتوں کے قومی کمیشن کے رکن کے طور پر اور 2009 سے 2013 کے دوران پاکستان سکھ گوردوارہ پربھندک کمیٹی کے جنرل سیکرٹری کے طور پر بھی اپنی خدمات پیش کر چکے ہیں۔انہوں نے جولائی 2011 میں امریکہ کے تین ہفتوں پر محیط ایک خصوصی سیشن میں "شہریوں کے مساوی حقوق کے فورمز” میں پاکستان کی نمائندگی کر چکے ہیں۔ رمیش سنگھ کو 2016 میں صدر اسلامی جمہوریہ پاکستان کی طرف سے قومی انسانی حقوق کے ایوارڈ سے بھی نوازا گیا

آئی جی پنجاب عثمان انور نے جڑانوالہ سانحہ کے حوالہ سے پریس کانفرنس میں اہم انکشافات کئے ہیں

آئی جی پنجاب عثمان انور کا کہنا ہے کہ جڑانوالہ اور سرگودھا میں قصوروار لوگ گرفتار ہو چکے ہیں۔ کچھ شرپسندوں نے جڑانوالہ میں گھروں اور عبادت گاہوں کو نقصان پہنچایا، جڑانوالہ میں قانون کو ہاتھ میں لیا گیا ،سانحہ جڑانوالہ کے تانے بانے دشمن انٹیلی جنس ایجنسیوں سے ملتے ہیں، نیٹ ورک توڑ دیا ،مسلمانوں کو مسیحی بھائیوں سے لڑانے کی کوشش کی گئی،واقعات میں مسلمان علما اور مسحیی پادریوں کا مثبت کردار قابل تعریف ہے،سرگودھا میں کچھ دن پہلے قرآن پاک کی بے حرمتی کا واقعہ ہوا،سانحہ جڑانوالہ میں ملوث 3 مرکزی ملزمان کو گرفتار کرلیا، جس شخص کی لکھائی تھی جہاں پر لکھا گیا بے حرمتی ہوئی تینوں کو گرفتار کرلیا ،جڑانوالہ کے متاثرین کو اکیلا نہیں چھوڑیں گے متاثرین کی ہرممکن مدد کی جارہی ہے،حکومت اورانتظامیہ متاثرین کیساتھ ہیں علماء اور سول سوسائٹی نے بہترین اندازمیں اپنا کرداراداکی ،کسی کو قانون ہاتھ میں لینے کی اجازت نہیں پنجاب پولیس نے تمام مراکز میں میشاق سینٹر بنائے ہیں،جڑانوالہ واقعہ کے تانے بانے دشمن انٹیلی جنس ایجنسی سے ملتے ہیں،دشمن کے آلہ کاروں کو کیفر کردار تک پہنچانے کا وعدہ کرتے ہیں ،

دوسری جانب سانحہ جڑانوالہ سے متاثرہ کرسچن کالونی میں زندگی کی بحالی سست روی سے دوچار ہے ،مکینوں کی مشکلات کم نہیں ہو سکیں، رفاہی ادارے بھی مدد کے لئے آ رہے ہیں تاہم ابھی تک بربادی کے آثار ہر طرف نظر آتے ہیں، امدادی رقم ملی تو لوگوں کا کہنا ہے کہ کم ہے، جو رقم ملی اس سے گھر بنائیں، یا گھر کے لئے سامان خریدیں، رہنے کے لئے تو اور بھی مسائل ہیں،

دوسری جانب گریس بائبل فیلو شپ چرچ کی جانب سے سانحہ جڑانوالہ کے متا ثرہ مسیحی خا ندا نوں کے ساتھ ملاقات کی اور متاثرہ خاندانوں میں نقد مالی رقم ،بچوں ، خواتین کے کپڑے ، کھانا ، پینے کیلئے منرل واٹر کی بوتلیں ، جوس ، بسکٹ سمیت دیگر اشیاءضروریہ بھی تقسیم کی گئیں۔ گریس بائبل فیلو شپ چرچ کے چیئرمین پیٹر چارلس سہوتراکی قیادت میں جڑانوالہ میں کرسچین کالونی،عیسیٰ نگری ، محلہ چمڑہ منڈی، ٹیلی فون ایکسچینج ،فاروق پارک اورمہاراں والاکے علاقوںکا دورہ کیا اورشر پسند عناصر کی جانب سے نذر آتش کیے گئے چرچ اور مکانات کی صورتحال کا جائزہ لیا۔گریس بائبل فیلو شپ چرچ کے چیئرمین پیٹر چارلس نے جلاو گھیراو کے نتیجے میں بے گھر ہونے والے افراد سے ریلیف کیمپ میں ملاقاتیں کیں اور متاثرہ خاندا نوں کی دادرسی کی اورانہیں حو صلہ دیا ۔اس موقع پر گریس بائبل فیلو شپ چرچ کی جانب سے سانحہ جڑانوالہ کے متا ثرہ مسیحی خا ندا نوں میں نقد رقم ، کھانے پینے کی اشیاءکیساتھ ساتھ دیگر امدادی ساما ن اور تحائف بھی تقسیم کیے ۔ گریس بائبل فیلو شپ چرچ کے چیئرمین پیٹر چارلس نے نگران پنجاب حکومت کی جانب سے سانحہ جڑانوالہ کے متا ثرین میں 20 لاکھ روپے فی کس مالی مدد کرنے کی ستائش کی اور وفاقی وصوبائی حکومت سے مطالبہ کیا کہ سانحہ جڑانوالہ کے متا ثرین کو فوری طور پرنئے مکانات بنا کر دیئے جائیں اورگھریلو استعمال کا سامان فراہم کیا جائے جبکہ جن بچیوں کے جہیز کا سامان جل کر راکھ ہوا ہے انہیں جہیزبنا کردیا جائے جبکہ سانحہ جڑانوالہ کی سازش کے اصل کرداروں کو بے نقاب کرکے نشان عبرت بنایا جائے

نگران وزیر اعظم انوار الحق کاکڑ نے جڑانوالہ واقعہ کا نوٹس لیا ہے

جڑانوالہ واقعہ انتہائی افسوسناک ہے

 مسیحی قائدین کے پاس معافی مانگنے آئے ہیں،

جڑانوالہ ہنگامہ آرائی کیس،گرفتار ملزمان کو عدالت میں پیش کر دیا گیا

توہین کے واقعہ میں ملوث ملزم کو قرار واقعہ سزا دی جائے،تنظیم اسلامی

جسٹس قاضی فائز عیسیٰ نے اہلیہ کے ہمراہ متاثرہ علاقے کا دورہ کیا