Tag: مس ماورل

آسکر ایوارڈ‌یافتہ شرمین عبید چنائے کی صلاحیتوں سے کون واقف نہیں‌ہے؟ِ انہوں‌نے بین الاقوامی سطح پر اپنی صلاحیتوں کا لوہا منوایا ہے. شرمین نے پاکستانیوں‌ کا ہمیشہ ہی سر فخر سے بلند کیا ہے. مس ماورل کی ہدایتکاری کے بعد انہیں پہلے سے بھی زیادہ سراہا جا رہا ہے اور ان کی بہترین ہدایتکاری کو دیکھتے ہوئے انہیں ہالی وڈ سے ایک اور پراجیکٹ‌آفر ہوا ہے جس کے لئے انہیں ہدایتکاری کرنی ہو گی. اس پراجیکٹ کی تفصیلات کیا ہیں اس ھوالے سے ابھی کوئی تفصیلات سامنے نہیں آئیں. شرمین اس پراجیکٹ کو کریں گی یا نہیں کریں گی اس ھوالے سے بھی تدصیلات سامنے نہیں آئیں. لیکن یہ خبر ضرور سامنے آئی ہے کہ شرمین عبدی چنائے کو ہالی وڈ سے ہداتیکاری

کے لئے ایک فلم آفر ہوئی ہے. فلم ابھی تحریری مراحل میں ہے،اس فلم کے رائٹر ڈیمن لنڈلوف فلم کیلئے ایسا ہدایت کار چاہتے تھے جو اسکرپٹ کو ماڈرن ٹچ دے سکے۔یاد رہے کہ اس فلم کو 2019 کی اسٹار وار فلم دی رائز آف سکائزواک کے بعد بڑی اسکرین کیلئے پہلی بڑی فلم قرار دیا جارہا ہے۔ شرمین عبید چنائے خواتین کے لئے آواز اٹھاتی ہیں اور ان کے ایشوز کو ہائی لائٹ کرتی ہیں.شرمین آج صرف پاکستانی ہی نہیں دنیا کے بہت سارے ممالک کی بہت ساری خواتین کی انسپریشن ہیں ان کا کام بھی انسپریشن ہے.

مس مارول سے ہالی ووڈ ڈیبیو کرنے والی مہوش حیات کے کردار کی پہلی جھلک سامنے آتے ہی ان کے پرستاروں میں خوشی کی لہر دوڑ گئی ہے۔مہوش حیات اس سیریز کی تیسری قسط کے دوران فلیش بیک میں کمالہ خان کی دادی کی جوانی کا کردار ادا کرتی نظر آ رہی ہیں جس میں ان کا نام عائشہ ہے جبکہ حال میں یہ کردارثمینہ احمد نبھارہی ہیں۔سیریز میں پاکستانی کینیڈین ایمان ویلانی پہلی پاکستانی اور مسلم سپر ہیرو کا کردار نبھا رہی ہیں جبکہ یہ سیریز نامور ہدایت کار شرمین عبید چنائے، العربی، بلال فلاح اوربھارتی نژاد امریکی خاتون میرامینن کی ہدایتکاری میں بنائی گئی ہے۔مس مارول‘ کا پریمیئر تین جون کو امریکی شہر لاس اینجلس میں ہوا، س میں مہوش حیات اور سینیئر اداکارہ ثمینہ احمد کی شرکت نے مداحوں کو حیرانگی میں مبتلا کردیاتھا سب حیران تھے کہ آخر یہ اس پریمئیر میں کیوں گئی ہیں ،ان دونوں نے اس سے قبل اپنے کسی بھی انٹرویو میں مس ماورل کے حوالے سے گفتگو نہیں کی تھی نہ کوئی اشارہ دیا تھا۔

مہوش حیات جب ویب سیریز مس مارول کے پریمئیر پر نظر آئیں تو ایک کھلبلی سی مچ گئی کہ شاید یہ اس سیریز کا حصہ ہیں لیکن کہیں سے کوئی تصدیق نہیںہو پا رہی تھی لیکن ان کے پرستاروں میں بے چینی ضرور تھی ہر کوئی یہ جاننے کے لئے بے چین تھا کہ آخر حقیقت کیا ہے کیوں مہوش حیات ویب سیریز مس ماورل کے پریمئیر پر دیکھی گئی ہیں۔مہوش حیات نے اپنے پرستاروں کی اس بے چینی کو خودہی ختم کر دیا انہوں نے انسٹاگرام پر پریمئیر کی کچھ تصاویر شئیر کیں اور لکھا کہ میں مس مارول کا حصہ ہوں اور میں نے اپنے اس خوب پورا ہونے پرشکرانے کے نفل بھی ادا کئے ہیں۔ مہوش حیات کی اس پوسٹ کے بعد ان کے پرستاروں میں خوشی ایک لہر دوڑ گئی اور پاکستان کا سر فخر سے بلند کرنے پر مہوش کا شکریہ ادا کرتے رہے ۔مس مارول میں مہوش حیات کس قسم کا کردار ادا کریں گی اسکی تفصیلات ابھی سامنے نہیں آئیں تاہم خبریں ہیں کہ ممکنہ طور پر مہوش حیات اور فواد خان ویب سیریز کی ہیروئن کمالہ خان یعنی مس مارول کے پڑ پوتے اور پڑ پوتی کا کردار ادا کرتے دکھائی دیں گے۔
یاد رہے کہ مہوش حیات نے ٹی وی اور فلم دونوں جگہ اپنی صلاحیتوں کا لوہا منوایا ہے کافی برس کے بعد وہ ٹی وی پر ”میں منٹو نہیںہوں“ سے واپسی کررہی ہیںاس ڈرامے میں ان کے ساتھ ہمایوں سعید اور مایا علی دکھائی دیں گے ۔