Tag: مشعال ملک

بھارت میں اسیر حریت رہنما یاسین ملک کی اہلیہ مشعال ملک نے مقبوضہ کشمیر میں سیاحوں پر حملے میں بھارتی حکومت اور میڈیا کے مشترکہ کردار کو بے نقاب کرتے ہوئے کہا کہ پہلگام میں سیاحوں پر حملہ بھارتی میڈیا اور را کے گٹھ جوڑ کا نتیجہ ہے۔

باغی ٹی وی کے مطابق مشعال حسین ملک نے کہا کہ بھارتی میڈیا ہمیشہ کشمیریوں کے خلاف پروپیگنڈا میں پیش پیش رہا ہے، اور بھارت نے پہلے بھی غیر ملکی سربراہوں کے دوروں کے دوران ایسی حرکتیں کی ہیں۔ بھارت کشمیریوں کے خلاف مظالم کو چھپانے کے لیے اس طرح کے جھوٹے اور تخریبی ہتھکنڈے استعمال کرتا ہے۔

ان کا مزید کہنا تھا کہ فالس فلیگ آپریشن کے بعد کشمیریوں کے گھروں پر چھاپے مارے جاتے ہیں تاکہ ان پر دباؤ ڈالا جا سکے اور ان کے حقوق کو مزید سلب کیا جا سکے۔مقبوضہ کشمیر میں انسانی حقوق مکمل طور پر سلب ہیں اور کشمیری عوام مسلسل ظلم و ستم کا شکار ہیں۔ مشعال ملک نے عالمی برادری سے اپیل کی کہ وہ مقبوضہ کشمیر میں بھارتی مظالم کا نوٹس لے اور کشمیریوں کے حقوق کے تحفظ کے لیے موثر اقدامات کرے۔

مقبوضہ کشمیر میں بھارتی سیاحوں پر حملہ، 26 افراد ہلاک

سابق اداکارہ عفت عمر نے حکومتی عہدہ ٹھکرا دیا

کراچی، ڈمپر ڈرائیور نے ریس لگاتے ہوئے کارسوار خاندان کچل دیا

پی آئی اے نجکاری، پھر درخواستیں طلب کرنے کا فیصلہ

پی آئی اے نجکاری، پھر درخواستیں طلب کرنے کا فیصلہ

حریت رہنما یاسین ملک کی اہلیہ مشعال ملک نے کہا ہے کہ دنیا بھارتی دہشتگردی کا نوٹس لے۔ بھارتی دہشتگردی کا نیٹ ورک پھیلتا جا رہا ہے۔

باغی ٹی وی کے مطابق مشعال ملک نے تقریب سے خطاب کرتے ہوئے کہا کہ مقبوضہ کشمیر کے عوام اپنے حق آزادی کے لیے برسرپیکار ہیں۔ اور مقبوضہ کشمیر کے عوام کو بھارت کی بدترین ریاستی دہشتگردی کا سامنا ہے۔ بھارت دنیا بھر میں دہشت گردی میں ملوث ہے۔ اور تحریک آزادی کشمیر کے لیے پاکستان کی مسلسل حمایت قابل ستائش ہے۔ بھارتی قید میں موجود یاسین ملک سے رابطے کی بھی اجازت نہیں۔مشعال ملک نے کہا کہ کشمیریوں کی آواز اٹھانے والوں کی ٹارگٹ کلنگ کی جاتی ہے۔ اور بھارتی دہشت گردی کا نیٹ ورک پھیلتا جا رہا ہے۔انہوں نے کہا کہ دنیا بھارتی دہشت گردی کا نوٹس لے۔ جبکہ بھارتی ہتھکنڈے کشمیریوں کی جدوجہد آزادی کو دبا نہیں سکتے۔

سندھ،زرعی آمدن پر ٹیکس لگانے کا قانون، مسودہ سامنے آگیا

پیپلز پارٹی کی وزیر اعظم کیخلاف تحریک عدم اعتماد پیش کرنے کی دھمکی

ایف آئی اے کی کراچی ائیرپورٹ پر کارروائی، 10 افراد گرفتار

بشریٰ انصاری جھوٹی خبریں پھیلانے والے یوٹیوبرز پر برس پڑیں

چیئرپرسن پیس اینڈ کلچر آرگنائزیشن اور حریت رہنما یسین ملک کی اہلیہ مشعال ملک نے کہا ہے کہ بھارت یاسین ملک کو پھانسی گھاٹ چڑھانا چاہتا ہے۔

باغی ٹی وی کے مطابق مشعال ملک نے میڈیا سے گفتگو کرتے ہوئے کہا کہ مقبوضہ کشمیر میں بھارتی مظالم پرعالمی برادری خاموش ہے، مقبوضہ کشمیرمیں بدترین مظالم ڈھائے جارہے ہیں۔ اسرائیل نے غزہ میں مظالم کی انتہا کردی، دنیا فلسطینی عوام کی نسل کشی رکوائے۔چیئرپرسن کا کہنا تھا کہ بھارت نے یاسین ملک کو ڈیتھ سیل میں رکھا ہوا ہے، بھارت یاسین ملک کو پھانسی گھاٹ چڑھانا چاہتا ہے۔مشعال ملک نے کہا کہ مقبوضہ کشمیرمیں کیمرا،انٹرنیٹ کی اجازت نہیں، مقبوضہ کشمیرمیں عالمی مبصرین، فیکٹ فائنڈنگ مشن کو اجازت نہیں۔واضح رہے کہ اسین ملک کو بھارتی حکام نے 2019 میں سری نگر میں ان کے گھر سے گرفتار کیا تھا، یاسین ملک مئی 2022 سے تہاڑ جیل میں عمر قید کی سزا کاٹ رہے ہیں۔بھارتی قید میں موجود یاسین ملک کی طبیعت کئی بار خراب بھی ہوئی اور انہیں علاج کے لیے اسپتال بھی منتقل کیا گیا۔اس سے قبل حریت پسند کشمیری رہنما یاسین ملک کی اہلیہ مشعال ملک نے ایک بیان میں کہا تھا ان کے شوہر کو بھارتی جیل میں تھرڈ ڈگری چارجر کا نشانہ بنایا جا رہا ہے۔واضح رہے کہ 25 مئی 2022 کو پٹیالہ ہاؤس کورٹ نے یاسین ملک کو ٹیرر فنڈنگ ​​کیس میں عمر قید کی سزا سنائی تھی۔اس کے علاوہ ملک کو پانچ مختلف مقدمات میں 10-10 سال اور تین مختلف مقدمات میں 5-5 سال قید کی سزا سنائی گئی۔

مری میں برف باری،سیاحوں کے لئے ہدایات جاری

ہمارے 200 کارکن لاپتہ ہیں،بیرسٹر گوہر کا دعویٰ

پاکستان اسٹاک ایکسچینج،100 انڈیکس ایک لاکھ 10 ہزار سے تجاوز کر گیا

حریت رہنما یاسین ملک کی اہلیہ،نگران مشیر برائے انسانی حقوق مشعال ملک نے اڈیالہ جیل کے باہر میڈیا سے گفتگو کرتے ہوئے کہا ہے کہ چارج سنبھالنے کے بعد میرا پہلا دورہ ہے اور ہم خود اس سے متاثرہ ہیں

مشعال ملک کا کہنا تھا کہ جیل کے اندر کے لوگ بھی انسان ہے، ہر کشمیری ایک قیدی ہے کشمیری قید کی زندگی گزار رہے ہیں، لوگوں کے حقوق کی بات کرتے رہے ہیں۔قیدیوں کے مسائل کو حل کریں گے خواتین کی جیل کا بھی دورہ کیا ہے جیل کی کافی چیزوں کے حوالے سے مطمئن ہوں، قیدی بچوں سے ملاقات بھی کی ،صفائی ستھرائی اور کھانے کے انتظامات کا بھی جائزہ لیا، ٹیکنیکل کی سہولیات بھی دی جارہی ہیں ہائی پروفائل قیدیوں کو فیملیز کے ساتھ ملاقات کی بھی اجازت ہے ، قیدی کو دی جانے والی سہولیات کی تمام فہرست قیدی کو بھی دی جاتی ہے .قیدی کی کونسلنگ کی اشد ضرورت ہے، قیدی بھی ہماری طرح انسان ہے

مشعال ملک کا کہنا تھا کہ اڈیالہ جیل کے قیدیوں کو علامہ اقبال یونیورسٹی سے تعلیم حاصل کرنے کی اجازت ہے ،ہندوستان کی جیلوں میں گنجائش سے زیادہ قیدی موجود ہیں،اسلام آباد کی جیل نہ ہونے کی وجہ سے قیدی یہاں منتقل کیے گئے ہیں ،8200 قیدی راولپنڈی کی اڈیالہ جیل میں قید ہیں اور 150 کیمرے لگائے گئے ہیں،500 قیدی خیبر پختونخوا سے ہیں ان قیدیوں کو خیبر پختونخوا منتقل کیا جائے گا ،بچوں کو کمپوٹر کی سہولت دی گئی ہے، قیدیوں کی سہولیات پر کوئی سمجھوتہ نہیں ہو گا

پاکستان کا ہر جوان تحریک کشمیر کا ترجمان ہے،ورلڈ کالمسٹ کلب کے زیر اہتمام یکجہتی کشمیر سیمینار سے میاں اسلم اقبال کا خطاب

یوم یکجہتی کشمیر،وزیرخارجہ نے کیا عالمی دنیا سے بڑا مطالبہ

کشمیری قیادت جیلوں میں، مودی کا ڈرامہ نہیں چلے گا، مشعال ملک کا اے پی سی پر ردعمل

راولپنڈی:مشعال ملک نے کہا ہے کہ حریت رہنما سیدعلی گیلانی اوریاسین ملک کواپنی قوم کے لئے راتوں کو روتے دیکھا ہے۔راول پنڈی بارکونسل سے خطاب کرتےہوئے کشمیری رہنما مشعال ملک نے کہا کہ پاکستانیوں نے جو محبت مجھے دی وہ کوئی نہیں دے سکتا۔ انھوں نے کہا کہ اللہ نے مجھے اتنے بڑے مرد مجاہد (یاسین ملک) کی بیوی بننا نصیب کیا اس پر مجھے کوئی غرور نہیں ہے۔

حریت رہنما علی گیلانی سے متعلق مشعال ملک کا کہنا تھا کہ سید علی گیلانی کی محبت پاکستان کے ساتھ تھی،اتنے بڑے رہنما کے ساتھ جو سلوک بھارتی فوج نے کیا ایسا کبھی نہیں ہوا۔انھوں نے کہا کہ جب تک ہم تاریخ کونہیں سمجھیں گے اس وقت تک ہماراعمل درست نہیں ہوگا۔

مشعال ملک کا یہ بھی کہنا تھا کہ سید علی گیلانی جس بات پر اڑجاتے تھے تو ان کو اس مقصد سے کوئی پیچھے نہیں کرسکتا تھا۔ جس دلیری سے کشمیری قوم نے نریندر مودی کا مقابلہ کیا اس سے متعلق تاریخ بتائے گی۔مشال نے کہا کہ ’ہم پاکستانی ہیں، پاکستان ہمارا ہا‘ کا نعرہ سید علی گیلانی نے لگایا تھا۔

مشعال نے کہا کہ 249 سال قبل بابا بلھے شاہ کے جسد خاکی کی بھی بے حرمتی کی گئی تھی جس کے جنازے کی اجازت بھی نہیں دی گئی۔ اسی طرح انہوں نے کہا کہ گیلانی کی نماز جنازہ ادا کرنے کی اجازت نہیں دی گئی اور تدفین کے بعد بھی ان کی قبر کو سب جیل قرار دیا گیا جو کہ بھارتی حکومت کے ناقابل تصور خوف کی عکاسی کرتا ہے۔

انہوں نے یہ بھی کہا کہ کشمیری عوام نےسید علی شاہ گیلانی کی پہلی شہادت کی برسی پر مقبوضہ وادی کشمیر میں مکمل شٹرڈاؤن کیا تاکہ ہندوتوا حکومت کو یہ پیغام دیا جا سکے کہ وہ کشمیری عوام کو دیرینہ حق خودارادیت کے حصول کے اپنے مشن کی تکمیل تک آرام سے نہیں بیٹھیں گے۔

انہوں نے کہا کہ بھارت کو یہ نہیں بھولنا چاہیے کہ کشمیری عوام نے اپنی لازوال قربانیوں سے آزادی کو زندہ رکھا اور وہ اس تحریک کو اس کے منطقی انجام تک پہنچائیں گے جو بھی ہو۔چیئرپرسن نے کہا کہ تنازعہ کشمیر ایک آتش فشاں ہے جو عالمی امن کے لیے سنگین خطرہ ہے۔ اس لیے دنیا کو اقوام متحدہ کے متفقہ فارمولے کے مطابق حل کرنے پر سنجیدگی سے غور کرنا چاہیے اس سے پہلے کہ بہت دیر ہو جائے۔

اس موقع پر ارشد مجید ملک ایڈووکیٹ صدر بار راولپنڈی، سیکرٹری جنرل ایڈووکیٹ مبشر رفیق، سابق صدر ہائی کورٹ سردار عبدالرزاق اور سبین حسین سمیت دیگر نے بھی خطاب کیا۔