Tag: مشی خان

اداکارہ و میزبان مشی خان نے حالیہ دنوں میں بڑھتے ہوئے کاسمیٹک طریقہ علاج پر تحفظات کا اظہار کیا ہے۔

شیفالی جریوالا گزشتہ ہفتے 42 برس کی عمر میں انتقال کرگئیں، 27 جون کو شیفالی کو ممبئی میں ان کی رہائش گاہ سے اسپتال منتقل کیا گیا جہاں ڈاکٹرز نے انہیں مردہ قرار دیا 2 روز قبل شیفالی کی ابتدائی پوسٹ مارٹم رپورٹ میں بلڈپریشر میں تیزی سے کمی اور ہارٹ اٹیک کو ان کی موت کی وجہ قرار دیا گیا تھا جس کے بعد شیفالی کی گہری دوست اداکارہ پوجا گھئی نے بتایا تھا کہ ’مرنے سے قبل شیفالی نے دوپہر کے وقت وٹامن سی آئی وی ڈرپ لگائی تھیں‘

مشی خان نے حال ہی میں بھارتی اداکارہ شیفالی کی اچانک دل کا دورہ پڑنے سے ہونے والی موت کا حوالہ دیتے ہوئے کہا کہ اگرچہ موت کی اصل وجہ سامنے نہیں آئی، لیکن ایسی افواہیں گردش کر رہی ہیں کہ انہوں نے جوان رہنے کیلئے انجیکشنز استعمال کیے تھے، جو ان کی صحت پر اثر انداز ہوئے۔

اداکارہ نے لوگوں کو خبردار کیا ہے کہ وہ بغیر تحقیق کے صرف خوبصورتی کے نام پر اپنے جسم پر تجربات نہ کریں آج کل لوگ (شوبز شخصیات) وٹامن ڈرپس اور گلوٹاتھیون جیسی کیمیکل ڈرپس کا سہارا لے رہے ہیں، جو طویل مدتی نقصان پہنچا سکتی ہیں، خوبصورتی کے لیے کورین گلاس اسکن یا سفید رنگ حاصل کرنے کی کوششیں ترک کریں اس کے بجائے متوازن غذا کھائیں اور ورزش کو معمول بنائیں،مشی خان نے شوبز شخصیات سمیت عام لوگوں کو مشورہ دیا کہ قدرتی خوبصورتی کو اپنائیں اور مصنوعی طریقوں سے پرہیز کریں۔

ان کے بیان پر سوشل میڈیا صارفین نے مشی کی بات سے اتفاق کیا جبکہ بعض نے شیفالی کی موت کو بیوٹی ٹریٹمنٹ کروانے والوں کیلئے ایک خوفناک مثال قرار دیا۔

پاکستانی اداکارہ مشی خان نے بالی وڈ اداکارہ کنگنا رناوت کو بھارتی مصنف اور شاعر جاوید اختر کی جانب سے دیئے گئے بیان کے بعد ان کی حمایت کرنے پر کھری کھری سنادیں۔

باغی ٹی وی :بھارتی شاعرجاوید اخترنے گزشتہ دنوں لاہورمیں معقد ہونیوالے فیض فیسٹول میں ایک سیشن کے دوران اظہارخیال کرتے ہوئے کہا کہ ’ہم ممبئی کے لوگ ہیں ہم نے دیکھا کیسے حملہ ہوا تھا، وہ لوگ ناروے سے تونہیں آئے تھے اورنہ ہی مصر سے آئے تھے، وہ لوگ ابھی بھی آپ کے ملک میں گھوم رہے ہیں،ایک ہندوستانی کے دل میں شکایات ہوتوآپ کوبرانہیں ماننا چاہیے-

جاوید اختر نے فیض فیسٹیول کے دوران پاکستانیوں سے متعلق متنازع گفتگو کی تھی جس کے بعد سے جاوید اختر سوشل میڈیا پر تنقید کی زد میں ہیں اور اب شوبز شخصیات کی جانب سے بھی ان کے بیان سے متعلق ناراضگی کا اظہار کیا جارہا ہے۔

جاوید اختر کے پاکستان مخالف اس بیان کو لے کر بھارتی میڈیا اور اداکار اُن کی خوب تعریف کر رہے ہیں بھارتی اداکارہ کنگنا رناوت نے جاوید اختر کے فیض احمد فیض فیسٹیول میں دیئے گئے بیان کو ٹوئٹر پر شیئر کرتے ہوئے پاکستان کی مخالفت میں ایک طنزیہ ٹوئٹ کی تھی اداکارہ کنگنا رناونت نے بھی جاوید اختر کے اس بیان پر خوشی کا اظہار کرتے ہوئے انہیں خوب سراہا اورکہا تھا کہ جاوید اختر نے پاکستان کو گھر میں گُھس کر مارا ہے۔

جس کے ردعمل میں اب پاکستانی اداکارہ مشی خان نے ایک ویڈیو بیان جاری کیا ہےجس میں انہوں نے کنگنا کو مخاطب کرتے ہوئے جواب دیا کہ’ گھر میں گھس کر مارنے کی تو تمہاری اوقات نہیں ہے، جو تم اپنی ٹوئٹس میں اتنا کچھ لکھ رہی ہوتی ہو-

مشی خان نے کہا کہ جہاں تک جاوید اختر کی بات ہے وہ ہمارے مہمان تھے، مہمان اگر گھر میں آئے تو ہم میں اتنی تمیز اور تہذیب ہے کہ ہم مہمانوں کے ساتھ وہ نہیں کرتے جو ایک مینٹل قسم کی عورت کرتی ہے اس لیے اپنی زبان کو لگام دے کر بات کیا کرو۔

مشی خان نے جاوید اختر کو مخاطب کرتے ہوئے کہا کہ ہمیں اندازہ نہیں تھا کہ یہ 3 دن انجوائے کرکے دودھ میں مکھی ڈال دیں گے، آپ ایک ادبی فیسٹیول میں آئے تھے، آپ کا کام اس فیسٹیول کے بارے میں بات کرنا تھا لیکن آپ نے واپس جا کر جو خوشامدی دکھائی یہ کہتے ہوئے کہ میری بات پر سب نے تالیاں بجائیں تو بتائیں کیا کرتے اسی وقت آپ کو تھپڑ مارتے؟-

اداکارہ مشی خان جو کہ ایک عرصے سے اداکاری سے دور ہیں لیکن وہ سوشل میڈیا پر کافی متحرک رہتی ہیں انہوں نے حال ہی میں انسٹاگرام پر ایک وڈیو جاری کی ہے اس میں انہوں نے کہا ہے کہ میں‌نے لاہور میں چند لوگوں کو آٹے کی بوری کے پیچھے جان سے ہاتھ دھوتے ہوئے دیکھا ہے. کیا سوچیں گے ان کے بچے جن کے باپ آٹے کی بوری کے پیچھے جان سے ہاتھ دھو بیٹھے. خدا کے لئے کچھ سوچیں ملک کس طرف جا رہا ہے؟‌. کچھ لوگ آٹے کی بوری کے پیچھے جان سے جا رہے ہیں یہاں کراچی میں‌ فوڈ فیسٹیول کئے جا رہے ہیں ، شرم آنی چاہیے ایسے لوگوں کو جن میں انسانیت نام کی چیز نہیں ہے. انہوں نے کہا کہ بے حسی نہیں تو اور کیا ہے کہ ایک طرف آٹے کی بوری کے پیچھے لوگ جان سے چلے جائیں اور دوسری طرف موج مستیاں اور کھانے پینے کے فیسٹیول کئے جائیں. یوں‌مشی خان نے سوسائٹی میں موجود بے حسی اور مہنگائی کے عالم پر بات کی .

یاد رہے کہ مشی خان عمران خان کی بہت بڑی سپورٹر ہیں اس لئے وہ ہر دوسری سیاسی جماعت کو لیتی ہیں آڑھے ہاتھوں . وہ دوسری سیاسی جماعتوں کی کلاس کرنے کا کوئی موقع ہاتھ سے نہیں جانے دیتیں . مشی سیاسی معاملات کے علاوہ سوشل ایشوز پر بھی بہت زیادہ آواز اٹھاتی ہیں.

اداکارہ مشی خان جو کا فی عرصے سے اداکاری سے دور ہیں، لیک سوشل میڈیا پر کافی متحرک رہتی ہیں ، وہ سیاسی سے لیکر سماجی مسائل پر بات کرتی ہوئی نظر آتی ہیں. مشی خان کافی بولڈ ہیں اور جو کہنا چاہتی ہیں ڈنکے کی چوٹ پر کہتی ہیں. حال ہی میں مشی خان نے ایک وڈیو پیغام جاری کیا ہے جس میں وہ کافی غصے میں نظر آرہی ہیں. انہوں نے اس وڈیو پیغام میں ان لوگوں‌کو شرم دلانے کی کوشش کی ہے جو ہر کسی کو ان کی بڑھتی ہوئی عمر کے طعنے دیتے ہیں. مشی خان نے اس وڈیو میں کہا ہے کہ میں سوشل میڈیا پر دیکھ رہی ہوتی ہوں کہ میرے کولیگز وغیرہ اپنی کوئی پکچر پوسٹ کردیں یا اپنی سالگرہ منا رہے ہوں تو ان پر تنقید کی جاتی ہے اور کہا جاتا ہے کہ اپنی عمر دیکھو اور حرکتیں دیکھو ،

تمہارے تو پائوں قبر میں‌لٹک رہے ہیں‌، اس عمر میں اللہ اللہ کرو ، تو میں ایسی باتیں کرنے والوں سے کہنا چاہتی ہوں‌کہ اللہ اللہ کرنا تو پیدا ہونے سے شروع ہو کر تب تک جاری رہتا ہے جب تک انسان اس دنیا سے رخصت نہ ہوجائے. صرف عمر بڑھنے پہ ہی اللہ اللہ نہیں کرنا ہوتا. اور مطلب کیا ہے کہ اگر کسی کی عمر تھوڑی سی بھی زیادہ ہو گئی ہے تو وہ اپنی سالگرہ نہ منائے ، اپنی تصاویر کیوں نہ بنوائے اور پوسٹ کرے. ایسی باتیں‌کرنے والے خود بھی تو سوشل میڈیا پر ہی بیٹھے رہتے ہیں وہ کیا کرتے ہیں . آپ کونسا ڈریکولا کی فیملی سے ہیں جنہوں نے کبھی بوڑھے ہونا ہی نہیں ہے.

مشی خان جو کہ سوشل میڈیا پر کافی متحرک رہتی ہیں سیاست کے علاوہ وہ سوشل ایشوز پر بھی بات کرتی رہتی ہیں . حال ہی میں جب نیوز کاسٹر رابعہ انعم نے ندا یاسر کے شو میں صرف اس لئے بیٹھنے سے انکار کر دیا کیونکہ اس میں محسن عباس حیدر موجود تھے. تو انہیں جہاں بہت زیادہ سراہا گیا وہیں تنقید کا نشانہ بھی بنایا گیا.مشی خان نے لے لیا ہے رابعہ انعم کو آڑھے ہاتھوں اور کہا ہے کہ رابعہ ایک اٹینشن سیکر ہے اس کو بس ہر حال میں توجہ چاہیے ہوتی ہے. یہ بہت ہی غلط بات ہے کہ آپ کسی شو میں بیٹھ کر ہزاروں لوگوں کے سامنے ایک انسان کی تضحیک کریں. رابعہ انعم نے آکر میک اپ کروایا ہو گا شو سے پہلے ڈسکشنز ہوئی ہوں گے تو کیا انہیں پتہ نہیں چلا کہ محسن عباس حیدر اس

شو میں بطور مہمان شریک ہو رہے ہیں. انہوں نے یہ بھی کہا کہ ایسا لگتا ہے کہ رابعہ انعم نے پروگرام شروع ہونے کا انتظار کیا اور شو میں بیٹھ کر پبلسٹی سٹنٹ کھیل کر اٹھ گئیں جو کہ بہت ہی غلط بات ہے . یاد رہے کہ محسن عباس حیدر اداکار ، وی جے اور گلوکار ہیں، انہوں نے رابعہ انعم کی اس حرکت پر ابھی تک کسی قسم کا ردعمل نہیں دیا .

اداکارہ مشی خان جو سوشل میڈیا پر کافی متحرک رہتی ہیں اکثر وہ شہباز شریف اور مریم نواز کی نہ صرف نقل اتارتی رہتی ہیں بلکہ ن لیگ اور پیپلز پارٹی کو آڑھے ہاتھوں لیتے ہوئے عمران خان کی حمایت کرتی ہوئی نظر آتی ہیں. مشی خان کو لگتا ہے کہ اس ملک کو اگر کوئی بچا سکتا ہے تو وہ ہے صرف اور صرف عمران خان . مشی خان سیاست کےعلاوہ سوشل ایشوز پر بھی آواز اٹھاتی رہتی ہیں حال ہی میں انہوں نے ایک ایسے ایشو پر آواز اٹھائی ہے جس پر ہر کوئی آواز اٹھا رہا ہے. جی ہاں مشی خان نے بھی فیروز خان پر نکال دیا ہے اپنا غصہ اور ان کی بہن حمائمہ ملک کو لیا ہے آڑھے ہاتھوں . مشی خان نے حمائمہ ملک سے کہا ہے کہ اپنے بھائی کے بھیجے میں بھی

تھوڑی عقل بھر دو ، شرم آنی چاہیے تم سب کو. یاد رہے کہ حمائمہ ملک اپنے بھائی فیروز خان کے معاملے میں بولتی ہوئی نظر نہیں آرہیں. ان کے لئے یہ تو ایسا ہے کہ جیسے کچھ ہوا ہی نہیں. فیروز خان مسلسل اپنی سابقہ اہلیہ پر تشدد کرتے رہے اس چیز کے بارے میں ہر کسی کو لاعلمی تھی لیکن جب سے فیروز خان کا یہ روپ سامنے آیا ہے ان کے خلاف لوگوں میں کافی غم و غصہ پایا جاتا ہے لگتا تو ایسے ہے کہ جیسے اس واقعہ کی وجہ سے فیروز کے کیرئیر کی کشتی ڈوب رہی ہے.