Tag: مشی خان

مشی خان جو کہ ایک عرصے سے اداکاری سے دور ہیں اور وہ سوشل میڈیا پر کافی متحرک دکھائی دیتی ہیں. ہر وقت عمران خان کے حق میں اور دوسرے سیاستدانوں کے خلاف بات کرتی رہتی ہیں. مشی خان سوشل ایشوز کو بھی ہائی لائٹ کرتی ہیں لیکن اس بات پر کافی کنونسڈ ہیں کہ ملک میں اس وقت جو کچھ ہو رہا ہےاسکی ذمہ دار دو پارٹیاں ہیں مسلم لیگ ن اور پاکستان پیپلز پارٹی. مشی خان نے حال ہی میں اپنے انسٹاگرام اکائونٹ پر اپنی ایک وڈیو شئیر کی ہے جس میں انہوں نے أپنے مداحوں کو بتایا ہے کہ انہوں نے اپنا ایک یوٹیوب چینل بنا لیا ہے اور وہاں پر وہ

کسی بھی موضوع پر لمبی گفتگو کیا کر سکیں گی. مشی خان نے کہا کہ انسٹاگرام پر کسی بھی وڈیو کو پوسٹ کرنے کی لمٹ ہوتی ہے جس کی وجہ سے کم بات کرنی پڑتی ہے اور بعض اوقات کسی بھی موضوع پر بات کرنے کی تشنگی باقی رہ جاتی ہے اس لئے میں نے اپنا یوٹیوب چینل بنا لیا ہے اور آپ سب اسے سبکرائب کریں اور میں وہاں نہ صرف سوشل ایشوز پر وڈیو اپ لوڈ کیا کروں گی بلکہ لائیو بھی آیا کروں گی. انہوں نے کہا کہ میرے یوٹیوب چینل کا نام مشی خان آفیشل ہے اور میری وہاں دو خوبصورت تصاویر بھی لگی ہوئی ہیں .

اداکارہ مشی خان جو کہ سوشل میڈیا پر کافی ایکٹیو رہتی ہیں انہوں نے اپنے انسٹاگرام پر اپنی ایک وڈیو جاری کی ہے جس میں انہوں نے لاہور میں کتوں پر ہونے والے ظلم پر افسوس کا اظہار کیا ہے. مشی خان اس وڈیو میں کہہ رہی ہیں کہ ” میں اس وقت جس طرح سے خاموش بیٹھی ہوئی اور اپنے غصے کو دبا کر بیٹھی ہوئی ہوں اس کا اندازہ کوئی نہیں لگا سکتا. لاہور میں نوری بٹ صاحبہ کے ڈاگ شیلٹر ہوم میں کچھ لوگ گھسے اورشیلٹر ہوم کی دیوار توڑ دی . اندر موجود کتے اور کتے کے چھوٹے چھوٹے بچوں کو ڈنڈے اور پتھر دیکر مار دیا یہاں تک کہ ان کو پھانسی بھی دی گئی یہ کتے یہاں خاموشی سے رہتے تھے کسی کو کچھ نہیں تھے لیکن ان پر اتنا ظلم کیا گیا. کاش مجھے وہ لوگ مل جائیں جنہوں نے بے زبان جانوروں پر

اس قدر ظلم کیا ہے مجھے یہ لوگ ایک بار مل جائیں سہی میں ان کو رسیوں سے باندھ کر ماروں ان کو پھانسی دوں.میرا خون بہت زیادہ خول رہا ہے ایسا ظلم کرنے والوں کو اللہ موت دے اور سسکیوں والی موت دے. جس ملک میں اتنا ظلم ہوتا ہو وہاں کیا کسی کا اچھا ہو گا. مت کریں ایسا، ایسا کرنے والوں پر اللہ کا عذاب آئیگا خدا کا خوف کھائیں. یوں مشی خان نے کتوں کو بے ردردی سے موت کے گھاٹ اتارنے پر غصے کا کیا اظہار.

جیسا کے ہر دوسرا انسان بجلی کے زیادہ بلوں سے بلک اٹھا ہے معمولی بل بھی بیس تیس ہزار سے کم نہیں بھیجا جا رہا. مشی خان بھی چیخ اٹھی ہیں انہوں نے حال ہی میں انسٹاگرام پر ایک وڈیو شئیر کی ہے جس میں انہوں نے حکومت پر جی بھر کر تنقید کرنے کے ساتھ ساتھ اپنا غصہ نکالا ہے، انہوں نے کہا ہے کہ گھر بند ہو اور صرف فریج چل رہا ہوں اس کا بھی بل اچھا خاصا آرہا ہے. فیول ایڈجسمنٹ کی مد میں غریب عوام کو لوٹا جا رہا ہے. مشی خان نے کہا کہ میری تو سمجھ میں نہیں آرہی کہ یہ حکومت آخر کرنا کیا چاہ رہی ہے. مجھے اتنا فرق پڑ رہا ہے تو دوسروں کو

کتنا پڑتا ہو گا اور خصوصی طور پر ایسے لوگوں کو جن کی تنخواہیں اتنی کم ہیں وہ گھر کا کرایہ دیں بچوں کی سکول کی فیسیں دیں یا صرف بجلی کا بل بھر کے بھوکے پیاسے بیٹھ جائیں. مشی خان نے حکومت سے سوال کیا کہ کیا آپ نے اللہ کو منہ نہیں دکھانا ، قبروں میں نہیں جانا ؟ یا ساری زندگی یہیں بیٹھے رہنا ہے خدا کا خوف کریں. یاد رہے کہ مشی خان عمران خان کی بہت بڑی سپورٹر ہیں اور ان کے علاوہ کسی کو لیڈر نہیں مانتیں یہی وجہ ہے کہ وہ عمران خان کے علاوہ آنے والی ہر گورنمنٹ کو آڑھے ہاتھوں لیتی ہیں.

مشی خان نے حال ہی میں اپنے انسٹاگرام پر ایک وڈیو جاری کی ہے اس میں انہوں‌ نے افغانیوں‌کو دیا ہے ایک خاص قسم کا پیغام . مشی خان نے وڈیو کے شروع میں دی مبارکباد سب پاکستانیوں‌کو میچ جیتنے کی. اس کے بعد انہوں‌ نے افغانیوں سے بات کی ان کو پیغام دیا . انہوں‌نے کہا کہ کل جو کچھ آپ لوگوں‌نے میچ ہارنے کے بعد سٹیڈیم میں کیا، وہ دیکھ کر افسوس ہوا. کاش آپ لوگ تہذیب تمیز بھی سیکھ لیتے اتنا عرصہ پاکستان میں رہے. ہم نے آپ کو بہن بھائیوں‌کی طرح ٹریٹ کیا. آپ کا ہر طرح‌سے خیال رکھا. اور ایک میچ ہارنے پر آپ لوگوں‌نے سٹیڈیم میں‌توڑ پھوڑ

کی ، کرسیاں اٹھا اٹھا کر ماریں، اتنی نفرت ہو گئی ہے آپ کو ہم سے ؟ سچ میں یہ سب دیکھ کر مجھے تو ایک دھچکا لگا اور افسوس ہوا کہ آپ وہ لوگ ہو جن کے ساتھ ہم نے اتنا پیار محبت کیا اتنی خاطر تواضع کی. آپ لوگوں‌کا جنگلیوں والا سلوک دیکھ کر پریشانی ہوئی ہے. مشی خان نے یہ بھی کہا کہ اگر آپ لوگ کرکٹ کی دنیا میں آ ہی گئے ہیں تو تھوڑی تمیز ہی سیکھ لیں اور سمجھ لیں کہ کرکٹ‌ میں‌ہار جیت تو ہوتی رہتی ہے اس طرح‌ نہیں کرنا چاہیے جو کل آپ لوگوں‌ نے کیا ، آپ لوگوں‌نے تو کل پتھر کے زمانے کے لوگوں کا روپ دکھایا. شرم آنی چاہیے آپ سب کو. مشی خان کی ویہ وڈیو کافی وائرل ہو رہی ہے اور ان کی اس میں کہی ہوئی باتوں کو سراہا جا رہا ہے.

جیسا کہ سیلاب نے پورے ملک میں تباہی پھیر دی ہے سینکٹروں لوگ بے گھر ہو چکے ہیں، گھر بار ، مال مویشی ہر چیز پانی کا ریلہ اپنے ساتھ بہا کر لے گیا ہے. لوگ بھوک سے بلک رہے ہیں. ایسے میں ان کی بھوک کا فائدہ اٹھا کر ان کے ساتھ زیادتی کی جا رہی ہے. ایک ایسا ہی کیس سامنے آیا ہے جس میں بچی رو رو کر کہہ رہی ہے کہ راشن دینے کے بہانے کچھ لوگوں نے اسکے ساتھ زیادتی کی اور بچی یہ بتاتے ہوئے پھوٹ پھوٹ کررو رہی ہے. مشی خان اس واقعہ پر بول پڑی ہیں انہوں نے انسٹاگرام پر ایک وڈیو پیغام میں کہا ہے کہ ” روز روز بچے بچیوں کے ریپ ہوتے ہیں ، انہیں قتل کر دیاجاتا ہے ، کیوں قانون حرکت میں نہیں آتا ، کیوں نہیں ان درندوں اور ہوس کے پجاریوں کو رسی کے ساتھ لٹکایا جاتا کیوں ان کو پھانسی

نہیں دی جاتی ؟ ایسے مجرموں‌کو پھانسی دی جائے اور مثال بنایا جائے تاکہ کوئی بھی ایسا گناہ کرنے سے پہلے ہزار بار سوچے. زینب سے یہ سلسلہ شروع ہوا تھا اور آج تک نہ جانے کتنے بچے بچیاں ریپ کا شکار ہوئے ہیں ، ایسا کچھ واقعہ رونما ہو جائے تو بس ٹویٹر پر ایک ٹرینڈ چلتا ہے دو دن کےلئے اس کے بعد کسی اور طرف بات چلی جاتی ہے. فلڈ وکٹم بچی کو آٹے کی بوری کے پیچھے زیادتی کا نشانہ بنایا گیا ، کیا ہو گیا ہے ہماری قوم کو ان کی ہوس کیوں نہیں‌کم ہوتی ؟ہمارا نظام کب بدلے گا کب ایسے ملزمان کو سزا ملے گی ، چھوٹی چھوٹی بچیوں کے ریپ ہورہے ہیں اور سب خاموش بیٹھے ہیں کیوں؟‌.

اداکاری کو خیر باد کہہ کر عمران خان کی سپورٹ میں دوسروں کو گالیاں دیتی مشی خان ہو گئیں آبدیدہ. مشی خان نے اپنے انسٹاگرام اکائونٹ پر اپنی ایک وڈیو شئیر کی جس میں انہوں نے براہ راست اپنے مداحوں سے بات کی . انہوں نے کہا کہ میں‌ نے ایک وڈیو دیکھی جس میں ایک بچے کو کھانے کےلئے نان ملا اور وہ نان ہاتھ میں پکڑ کر اتنا خوش ہوا کہ اس نے نان کو گلے لگا لیا اور خوشی سے جھوم اٹھا اسکی خوشی دیکھ کر ایسا لگ رہا تھا کہ جیسے اس کے ہاتھ کوئی سونا لگ گیا ہے یعنی اسکے لئے بھوک کے عالم میں نان کی کتنی اہمیت تھی. مشی خان یہ بات کرتے ہوئے آبدیدہ ہو گئیں اور انہوں نے اپنے مداحوں سے ریکویسٹ کی کہ خدا کے لئے کھانا ضائع نہ کیا کریں، میں دیکھتی ہوں کہ لوگ ریسٹورانٹس میں

جاتے ہیں وہاں اتنا زیادہ کھانا منگواتے ہیں چاہے وہ منگوایا ہوا سارا کھانا نہ کھائیں لیکن منگوا لیتے ہیں اور جتنا کھا سکیں کھا لیتے ہیں باقی چھوڑ دیتے ہیں. ایسا نہیں ہونا چاہیے، جتنا کھانا کھانا ہے اتنا ہی منگوائیں اور پلیٹیں مت بھریں اور ان لوگوں کا سوچیں جو ایک روٹی کے لئے ترس رہے ہیں. مشی خان نے اس وڈیو کی مثال دی جس میں‌انہوں نے بچے کے ہاتھ میں نان دیکھ کر اسکی خوشی دیکھی،. مشی خان نے پر زور اپیل کی کہ کھانا مت ضائع کریں.

مشی خان عفت عمر پر تنقید کرنے کا کوئی موقع ہاتھ سے جانے نہیں‌دیتیں. مشی خان کو عفت عمر پر یہ غصہ ہے کہ وہ پہلے عمران خان کی اگر حمایتی تھیں تو اب وہ کیوں ان کے خلاف بولتی ہیں دوسری طرف عفت عمر کہتی ہیں کہ عمران خان nے جس طرح کے دعوے کئے تھے وہ ویسے نہیں‌نکلے ان کے دعوے اور ان کی شخصیت دونوں مختلف ہیں. عفت عمر ادھر کوئی ٹویٹ کرتی ہیں ادھر مشی خان تنقید کرنے پہنچ جاتی ہیں. حال ہی میں جب عفت عمر نے اپنے شوہر کے ساتھ ٹویٹر پر تصویر لگائی اور کیپشن میں لکھا ” میں‌ ہوں اپنے صنم کی بانہوں میں ، تم جلو اور مرو یوتھیو” . اس تصویر پر مشی خان نے قوٹ ری ٹویٹ کر کے

لکھا کہ ”کیوں یہ کوئی بریڈ پٹ ہے جو ہمیں جلنا ہے ، ہمارا ٹیسٹ تم سے بہتر ہے ،ایسا صنم تمہیں مبارک ہمیں کیا ” .

عفت عمر نے اپنی ایک اور تصویر شئیر کرکے اسکا کیپشن لکھا ” برن ( جلو) . اس رپر بھی مشی خان پہنچ گئیں اور قوٹ ری ٹویٹ کرکے لکھا ” اس میں‌جلنے والی کیا بات ہے ڈارلنگ، بورنگ اور لنڈے کے ڈریس جیسی لک ہے ، خوش فہمی سے نکلو بہن” یاد رہے کہ مشی خان ہر اس انسان کو آڑھے ہاتھوں لیتی ہیں جو عمرا ن خان کا حمایتی نہیں ہے ان کے رویے میں اس حوالے رتی برابر بھی لچک نہیں ہے۔

ماضی کی اداکارہ مشی خان جو سوشل میڈیا پر کافی متحرک رہتی ہیں وہ ہر وقت عمران خان کے حق میں پوسٹیں لگاتی رہتی ہیں. وہ اپنی آزادی رائے اور حق کو استعمال کرنے کا ہنر تو جانتی ہیں لیکن اگر کوئی دوسرا آزادی رائے یا اپنے حقوق کو استعمال کرنا چاہیے تو انکو لیتی ہیں آڑھے ہاتھوں. ایسا لگتا ہے کہ مشی خان کے نزدیک عزت والا یا والی صرف وہ ہے جو عمران خان کے حق میں بولتا یا بولتی ہے کسی دوسرےکے حق میں بولنے والا یا والی نہ عزت والی ہے نہ ہی اسکی اپنی کوئی رائے ہے بلکہ اسکو پیسے دیکر بلوایا یا لکھوایا جاتا ہے. مشی خان نے انسٹاگرام پر ایک

وڈیو شئیر کی اس میں انہوں نے کہا کہ تین خواتین ریحام خان ، عفت عمر اورانگینڈ میں گالیوں میں ڈگری ھاصل کرنے والی شمع جونیجو مشہور ہونے کےلئے عمران خان کا نام استعمال کررہی ہیں وہ جان بوجھ کر اور زندہ رہنے کےلئے عمران خان کو دن رات گالیاں دیتی ہیں اور ان کے خلاف لکھتی ہیں. اگر یہ تینوں ایسا نہیں کریں گی تو شاید ان کا نام نہیں ہو گا اور یہ گمنامی کا شکار ہوجائینگی. ان کی پہچان اب صرف عمران خان کو گالی دینا ہی رہ گئی ہے.عمران خان کروڑوں دلوں پر راج کرتے ہیں پوری دنیا میں مشہور ہیں لہذا کرائے پر ہائر کی ہوئی یہ تینوں خواتین ان کو گالیاں دے کر اپنا نام بنا رہی ہیں اسی سے ان کا گزر بسر ہو رہا ہے.

اداکارہ مشی خان جنہوں نے نوے کی دہائی میں کیرئیر کا آغاز کیا اور دیکھتے ہی دیکھتے شہرت کی بلندیوں پر پہنچ گئیں وہ ایک عرصے سے اداکاری سے دور ہیں اور سوشل میڈیا پر زیادہ تر سیاسی پوسٹیں کرتی نظر آتی ہیں. انہوں نے حال ہی میں گلوکارہ نیرہ نور کے انتقال پر افسوس کا اظہار کرتے ہوئے ایک ٹویٹ کیا ہے انہوں نے لکھا ہے کہ ” بہت ہی خوفناک خبر ہے یقینا اسے سن کر دل ٹوٹ گیا ہے اور یہ پاکستان کا بہت بڑا نقصان ہے، ان کی روح کو سکون ملے. مشی خان کے اس ٹویٹ کے بعد ان کے چاہنے والوں‌ نے کمنٹس باکس میں‌ گلوکارہ کی مغفرت کی دعا کرتے ہوئے ان کے کام کو یاد کیا اور انہیں ایک بہترین گلوکارہ قرار دیتے ہوئے پاکستان میوزک انڈسٹری کو ایک دھچکا قرار دیا.

یاد رہے کہ مشی خان پچھلے کچھ عرصے سے سوشل میڈیا پر صرف پی ٹی آئی کے حق میں‌پوسٹیں کرتی ہیں اور عمران خان کے علاوہ دیگر سیاسی جماعت کے لیڈروں کا نہ صرف تمسخر اڑاتی ہیں بلکہ ان کے خلاف بولتی بھی ہیں، مشی خآن عمران خان کے جلسوں میں بھی شریک ہوتی ہیں اور ان کو پاکستان کا مسیحہ گردانتی ہیں. مشی خان کا شمار ان اداکارائوں‌میں ہوتا ہے جنہوں نے اپنی اداکاری میں کمائی ہوئی عزت اور نام شہرت کو سیاسی وابستگی پر قربان کر دیا ہے.

سب جانتے ہیں کہ اداکارہ مشی خان عمران خان کی بہت بڑی مداح ہیں اور انہی کو پاکستان کا ایماندار لیڈر مانتی ہیں وہ صبح سے لیکر شام تک سوشل میڈیا پر انہی کے گن گاتی رہتی ہیں. گزشتہ روز چونکہ پنجاب اسمبلی میں پنجاب کے ویزاعلی کا چنائو تھا تو اس دوران جس جس نے پی ٹی آئی کے خلاف معمولی بات بھی کردی مشی خان اسکو آڑھے ہاتھوں لیتی رہیں. عفت عمر جو کہ ماضی میں خود پی ٹی آئی کی بہت بڑی سپورٹر رہی ہیں انہوں‌نے جب ٹویٹ کیا کہ ” سن رہے ہو نہ تم رو رہا ہے عمران” اس پر مشی خان کو غصہ آیا اور انہوں نے لکھاکہ رونے کے دن تو تمہارےبھی آنے والے ہیں سن رہی ہو خفت اوہ سوری عفت . اسی طرح سے سینئیر سحافی سلیم صافی نے عمران خان کا بولا ہوا ایک جملہ قوٹ کرکے لکھا کہ اخلاقیات اور عمران خان قیامت کی نشانی تو مشی خان نے لکھا ”قیامت کی نشانی تو تم جیسے منافق اور کریکٹر لیس انسان ہیں تمہاری شکل دیکھ کر قیامت سامنے نظر آتی ہے خوشامدی. اینکر و تجزیہ کار ثناء بچہ نے لکھا کہ کیا پنجاب کے سب سے بڑے ڈاکو کو ووٹ دینا ضمیر فروشی ہو گی یا ضمیر کا جاگنا تحریک انصاف کا کیا کہنا ہے اس پر مشی خان نے قوٹ ری ٹویٹ کرکے لکھا کہ سمجھ میں نہیں آتی کہ تمہیں Breath mint دوں یا ٹوئلٹ پیپر. ریحام خان نے ٹویٹ کیا کہ پاکستان اس وقت فتنہ خان اور اس کے سپورٹرز کے ہاتھوں یرغمال ہے ان کو لگام ڈالی جائے تو مشی خان نے قوٹ ری ٹویٹ کرکے لکھا تم ایسی عورت ہو جسکی کوئی عزت نہیں، لگام کی تمہیں ضرورت ہے.