Tag: مظفرآباد

آزاد جموں وکشمیر میں ذخیرہ اندوزی کی روک تھام اورذخیرہ اندوزوں کے خلاف کارروائی کے لیے حکومت نے نیا آرڈیننس جاری کر دیا گیا۔ حکومت کی جانب سے جاری کردہ آرڈیننس کی تفصیلات بتاتے ہوئے چیف سیکرٹری آزاد کشمیر مطہر نیاز رانا نے کہا ہے کہ ذخیرہ اندوزی کی شکایات سامنے آنے کے بعد وزیر اعظم پاکستان عمران خان اور وزیر اعظم آزادکشمیر راجہ محمد فاروق حیدر خان نے اس اہم مسئلہ کی جانب فوری توجہ دی اور قانون سازی کی ہدایت کی جس کے بعد یہ آرڈیننس جاری کیا گیا ہے۔اس آرﮈیننس کے مطابق اشیاء خوردونوش اور ادویات کے 30 آ ئٹمز کی ذخیرہ اندوزی میں ملوث افراد کے لیے سزا کا تعین کیا گیا ہے.
ذخیرہ اندوزی میں ملوث افراد کو تین سال تک سزا اور ذخیرہ کیے گے مال کے پچاس فیصد کے برابر جرمانہ ہو گا۔انہوں نے کہا کہ آرڈیننس کے مطابق ذخیرہ شدہ مال کو ضبط کرنے کے بعد نیلام کیا جاے اور جس جگہ مال ذخیرہ کیا گیا ہوگا وہاں متعلقہ آفیسر بغیر وارنٹ داخل ہو کر مال ضبط کر سکے گا۔انہوں نے کہا کہ ذخیرہ اندوزی ناقابل ضمانت جرم ہوگا اور اسکا مقدمہ مجاز خصوصی مجسٹریٹ کی عدالت میں ٹرائل ہوگا۔
ذخیرہ اندوزی کے جرم میں کسی کمپنی، پارٹنرشپ یا کارپوریٹ باڈی کی صورت میں اسکے جملہ ڈائریکٹرز، مینجیرز،ایجنٹس اور ممبرز وغیرہ کے خلاف کارروائی کی جاے گی اور مقدمہ کی سماعت خصوصی مجسٹریٹ کی عدالت میں ہو گی۔مجسٹریٹ کو یہ بھی اختیار ہوگا کہ جہاں مال ذخیرہ کیا گیا ہو وہاں داخل ہو کر موقع پر ہی مقدمہ کی سماعت کرے گا۔ چیف سیکرٹری نے کہا کہ ذخیرہ اندوزی کے حوالہ سے غلط معلومات دینے والے افراد کو تین سال سزا اور دس لاکھ روپے جرمانہ ہوگا جبکہ ذخیرہ اندوزی کی اطلاع دینے والے شخص کو حکومتی خزانہ میں جمع ہونے والی رقم کے دس فیصد کے برابر ایوارڈ دیا جاے گا۔
ذخیرہ اندوزی آرڈیننس کو دیگر نافذ شدہ قوانین پر فوقیت حاصل ہوگی۔انہوں نے کہا کہ حکومت آزاد کشمیر نے کرونا وائرس کی وبا کے پھیلاؤ کے باعث اشیا خوردونوش اور ادویات کے ذخیرہ کرنے کے اقدامات کے انسداد کے لیے یہ آرڈیننس جاری کیا ہے جس سے آزادکشمیر کے اندر ذخیرہ اندوزوں کی حوصلہ شکنی ہوگی اور اشیا ضروریا کی قیمتیں کنٹرول میں رہیں گی۔ انہوں نے کہا کہ زخیرہ اندوزوں کے خلاف سخت سے سخت کاررای عمل میں لائے جانے کے لیے یہ قانون سازی کی گئی ہے۔

مظفرآباد: ڈپٹی کمشنر مظفرآبادنے بطور کنٹرولر شہری دفاع دوران لاک ڈاونCOVID-19 عوامی مفاد میں 52 رضاکاران سول ڈیفنس کو 8 سیکٹرز میں تعینات کرنے کا حکم جاری کردیا حکم نامہ کے مطابق ہیلتھ ایمرجنسی کے نفاذ کے بعد یہ رضاکاران واہلکاران متعینہ علاقوں میں خدمات سر انجام دیں گے کوئی رضاکار جائے تعیناتی سے ہٹ کر دوسرے ایریا میں ڈیوٹی نہیں کرسکے گا.
حکم نامہ کے مطابق عوامی شکایات کی وجہ سے ڈپٹی کمشنر نے رضاکاروں مطلع کیا ہے کہ وہ اپنے مختص شدہ علاقے میں ہی کام کرسکیں گے کسی دوسرے شخص کو سول ڈیفنس کی شرٹ پہننے کی اجازت نہیں دیں گے اور کوئی اجازت کے بغیر کام نہیں کرسکے گا خلاف ورزی پر کارروائی عمل میں لائی جائے گی.
ڈپٹی کمشنر کے دفتر سے جاری حکم نامہ کے مطابق یہ رضا کار اپر اڈہ, عید گاہ روڈ, پوسٹ گریجویٹ بوائز کالج, ڈی سی آفس,امبور,نلوچھی,کامسر,پلیٹ لاہوری ہوٹل اور چہلہ میں خدمات سرانجام دیں گے اور مختلف ایریاز کے انچارج سینئر رضا کار ایڈیشنل چیف وارڈن, ڈویژنل وارڈن,ڈپٹی چیف وارڈن, سیکٹر وارڈن, پوسٹ وارڈن,گروپ وارڈن, گروپ وارڈن انچارج اور ڈپٹی پوسٹ وارڈن شامل ہیں.
حکم نامہ کے مطابق دوسرے علاقوں میں رضا کاران کی ضرورت پڑنے پر مطابقاً رضاکار شفٹ کئیے جائیں گے مگر از خود کوئی یہ عمل نہیں کرسکے گا.

مظفرآباد(عطاءالرحمٰن) دارلحکومت مظفرآباد میں کورونا وائرس کے پہلے متاثرہ مریض کی تشخیص کے بعد اسے آئیسولیشن اسپتال بینک روڈ منتقل کردیا گیا, ڈپٹی کمشنر نے اپنی نگرانی میں ایمز کے بعض حصوں کو سیل کروادیا.
جمعہ کے روز ڈی سی بدر منیر اور ایس ایس پی یاسین بیگ نے ڈی ایچ او ڈاکٹر سعید اعوان کے ہمراہ عباس انسٹی ٹیوٹ آف میڈیکل سائنسز کا دورہ کیا اور محکمہ صحت کے حکام سے ملاقات کے بعد طے پایا کہ مریض سے ملنے والے جملہ 36 افراد بشمول رشتہ داروں کی فہرست مریض سے مکمل معلومات کے بعد تیار کرکےسب کے کورونا ٹیسٹ لئیے جائیں اور انہیں قرنطینہ کیا جائے گا.
اس سلسلہ میں ٹیموں کی تشکیل کردی گئی ہے جن میں محکمہ صحت,جس کے بعد ٹیمیں مختلف مقامات پر پہنچ چکی ہیں ضلعی انتظامیہ اور پولیس افیسران و عملہ شامل ہے جو مکمل جانچ و شناخت کے بعد ٹیسٹ لیں گے اور سب کو پی پی ایز بھی فراہم کئیے جارہے ہیں,ضلعی انتظامیہ اور ہیلتھ کی ٹیمیں ثناءاللہ کے ملاقاتیوں کو تلاش کر کے قرنطینہ سنٹر میں منتقل کرنے کی کاروائی کر رہی ہیں.
اس موقع پر ڈپٹی کمشنر بدر منیر اور ڈی ایچ اوڈاکٹر سعید اعوان نے کہا کہ عوام سے اپیل کرتے ہیں کہ وہ اب مکمل طور پر گھروں میں خود کو پابند کرلیں تاکہ اس وبا پر قابو پایا جاسکے اس کے ساتھ عوام ایسے افراد کی ضرور نشاندہی کریں جو بیرون ملک سے آئیں ہیں ایسے افراد رضاکارانہ طور پر خود کو گھروں میں ہی قرنطینہ کریں اور اگر کورونا کی علامات ظاہر ہوں تو فوری اپنے ٹیسٹ کروالیں.

ایمز میں مریض میں کرونا وائرس کی تصدیق کے بعد "وزیراعظم آزادکشمیر راجہ محمد فاروق حیدر خان نے انتظامیہ کو سخت ترین اقدامات اٹھانے کی ہدایت کر دی” ایمز میں غفلت کے مرتکب آفیسران کے حوالے سے فوری رپورٹ طلب اعلی سطحی اجلاس طلب کر لیا راجہ محمد فاروق حیدر خان نے انتظامیہ کو ہدایت کی ہے کہ ہسپتال کے تمام عملے جو متعلقہ مریض سے رابطے میں رہے کے ٹیسٹ کروائے جائیں اور نتائج آنے تک انہیں قرنطینہ میں رکھا جاے اس شخص سے ملنے عیادت کرنے کے لیے آنیوالے ہر شخص کو ٹریس کیا جائے اور اس کے رابطے والوں کو بھی قرنطینہ کیا جاے اس معاملے میں کوئی غفلت اور لاپرواہی کی گنجائش نہیں.
وزیراعظم آزادکشمیر کا کہنا تھا کہ جب عوام تعاون نہیں کریگی ہم کچھ نہیں کرسکتے خدارا ہسپتالوں میں نا جائیں عیادت بعد میں بھی ہو جائیگی میں دست بدستہ آپ سے عرض کرتا ہوں ہدایات پر عمل کریں ہمارے ساتھ تعاون کریں اب کسی سے نرمی نہیں برتی جائیگی وزیراعظم آزادکشمیر کی ہدایت پر ڈپٹی کمشنر بدر منیر اور ایس ایس پی نے ایمز کا دورہ کیا اور ہسپتال میں عملے اور مریضوں کی صورتحال کا جائزہ لیا علاقے میں مکمل لاک ڈاون کر دیا گیا ہے مظفرآبادایمز میں کورونا کا مریض سامنے آنے کے بعد اس سے رابطے میں رہنے اور عیادت کرنے والے علاج کرنے والے تمام ڈاکٹرز کو قرنطینہ منتقل کیا جارہا ہے ہسپتال کو ڈس انفیکٹ کرنے کے لیے سپرے جاری ہے.
متاثرہ مریض کا ٹیسٹ امبور میں ہی لیا گیا تھا اور پہلی بار ہی پازیٹیو آیا وزیراعظم نے محکمہ صحت کو ہدایت کی ہے کہ ہسپتالوں میں عیادت کے لیے آنے والے افراد پر پابندی کو مزید سخت کیا جاے امبور میں پیش آنے والے واقعے کو ٹیسٹ کیس سمجھتے ہوے اس کے تمام رابطوں کو بھی سکرین کیا جاے وزیراعظم نے عملے کو حفاظتی کٹس کی باقاعدگی سے فراہمی اور تمام سہولیات فراہم کرنے کا بھی حکم دیا.