Baaghi TV

Tag: معدنیات

  • وزیراعظم سے امریکی کمپنیوں کے وفد کی ملاقات، 500 ملین ڈالر سرمایہ کاری کے معاہدے

    وزیراعظم سے امریکی کمپنیوں کے وفد کی ملاقات، 500 ملین ڈالر سرمایہ کاری کے معاہدے

    وزیراعظم شہباز شریف سے امریکی کمپنیوں یونائیٹڈ اسٹیٹس اسٹریٹجک میٹلز اور موٹا اینجل گروپ کے اعلیٰ سطحی وفد نے ملاقات کی، جس میں معدنیات، لاجسٹکس اور تعمیرات کے شعبوں میں سرمایہ کاری پر اتفاق ہوا۔ اس موقع پر دو اہم مفاہمتی یادداشتوں پر دستخط بھی کیے گئے۔

    سرکاری ٹی وی کے مطابق ملاقات میں نائب وزیراعظم و وزیر خارجہ اسحاق ڈار، فیلڈ مارشل سید عاصم منیر اور وفاقی وزرا بھی شریک تھے۔ وفد نے پاکستان میں تانبے، سونے اور رئیر ارتھ ایلیمنٹس سمیت معدنی ذخائر میں سرمایہ کاری اور کان کنی کے شعبے میں ویلیو ایڈیشن پراسیسنگ کے ساتھ بڑے انفراسٹرکچر منصوبوں میں تعاون کی خواہش ظاہر کی۔فرنٹیئر ورکس آرگنائزیشن اور یونائیٹڈ اسٹیٹس اسٹریٹجک میٹلز کے درمیان معاہدے کے تحت ابتدائی طور پر 500 ملین ڈالر کی سرمایہ کاری پر اتفاق ہوا، جس کے تحت پاکستان سے اینٹیمونی، تانبہ، سونا، ٹنگنسن اور رئیر ارتھ ایلیمنٹس کی برآمد کے علاوہ پاکستان میں جدید ریفائنری قائم کی جائے گی۔ یہ شراکت داری ٹیکنالوجی کی منتقلی، روزگار کے مواقع اور پائیدار ترقی کو فروغ دے گی۔

    اسی طرح نیشنل لاجسٹک کارپوریشن اور موٹا اینجل گروپ کے درمیان شراکت داری پر اتفاق کیا گیا، جس کے تحت پاکستان میں لاجسٹک اور تعمیرات کے شعبے میں عالمی معیار کے منصوبے شروع کیے جائیں گے۔یونائیٹڈ اسٹیٹس اسٹریٹجک میٹلز کمپنی امریکی ریاست میسوری کے شہر سینٹ لوس میں قائم ایک نمایاں مائننگ، ری سائیکلنگ اور پراسیسنگ کا ادارہ ہے، جبکہ موٹا اینجل گروپ مشرق وسطیٰ اور ایشیا میں انجینئرنگ و تعمیرات کے بڑے منصوبوں کے لیے شہرت رکھتا ہے۔

    یہ پیشرفت پاکستان میں معدنیات اور لاجسٹکس کے شعبے میں عالمی سرمایہ کاری کو فروغ دینے میں سنگ میل ثابت ہوگی۔

    سنجے سے سدھو تک،بھارتی کالے کرتوت،مودی کو تھپڑ، ٹرمپ نے ذلت لکھ دی

    بارشوں کا الرٹ، سندھ، پنجاب اور بلوچستان میں سیلاب و لینڈ سلائیڈنگ کا خدشہ

    فرانس میں سیاسی بحران، وزیرِ اعظم اعتماد کا ووٹ ہار گئے، مستعفی

    گلگت بلتستان: تاجروں کے دھرنے، پاک چین بارڈر بند، مسافر و سیاح پھنس گئے

  • شہابی پتھر سے دو نئی معدنیات دریافت

    شہابی پتھر سے دو نئی معدنیات دریافت

    صومالیہ میں گرنے والے غیر معمولی بڑے شہابی پتھر سے دو نئی معدنیات دریافت ہوئی ہیں-

    باغی ٹی وی : مشرقی افریقہ کے ملک صومالیہ کے ایک کم آبادی والے گاؤں میں گرنے والے دو میٹر طویل اور 15 ٹن وزنی شہابی پتھر کا ایک ٹکڑا کاٹ کر جامعہ البرٹا کے پروفیسر کرِس ہرڈ اور ان کےساتھیوں نے اس کا مشاہدہ کیا اوربتایا کہ اس میں دو بالکل نئی معدن موجود ہے اور تیسری نئی معدن کا شبہ بھی ہے جو سائنس کے لیے بالکل نئی ہوسکتی ہے۔

    ناسا نے چاند کی ایک نئی تصویر جاری کر دی

    یہ شہابی پتھر صومایہ کے صوبے ہیران کے گاؤں ال علی میں گرا تھا اور اسی مناسبت سے اسے ’ال علی‘ کا کا نام دیا گیا ہے صومالیہ کے اس خطےمیں برسوں سے شہابی پتھر ملتے رہے ہیں اس سے 70 گرام ٹکڑا توڑ کر کینیڈا بھجوایا گیا تھا جس کےحیران کن نتائج برآمد ہوئے ہیں۔ اس پتھر پر لوہا غالب ہے تاہم اس میں نئی معدنیات ملی ہیں۔

    ڈاکٹرکرس کےمطابق یہ ایک غیرمعمولی دریافت ہےکیونکہ ان میں ایلالائٹ اورایلکنسٹینٹونائٹ نامی معدنیات ہیں جنہیں اس سےقبل مصنوعی طور پرتجربہ گاہ میں بنایا گیا تھا لیکن اب آسمانی پتھر میں یہ قدرتی حالت میں ملی ہیں تاہم اب سائنسداں اسی شہابی پتھرکےمزید کچھ گوشے دیکھ رہے ہیں اور ان کا مفصل جائزہ لیں گے۔

    روسی زبان بولنے والے ہیکرز کی خلیجی خطوں اور سعودی عرب میں ہیکنگ کی کارروائیاں تیز

    اس دریافت سے سائنسدانوں کو شہاب ثاقب اور الکا کی تشکیل کے بارے میں کچھ اہم اشارے مل سکتے ہیں ان معدنیات کی دریافت کا اعلان کینیڈا میں یونیورسٹی آف البرٹا کے سیاروں کے ماہر ارضیات کرس ہرڈ نے 21 نومبر کو اسپیس ایکسپلوریشن سمپوزیم میں کیا۔

    ہرڈ کا کہنا ہے کہ جب بھی آپ کو کوئی نیا معدنیات ملتا ہے، تو اس کا مطلب یہ ہوتا ہے کہ اصل ارضیاتی حالات، چٹان کی کیمسٹری اس سے مختلف تھی جو پہلے ملی تھی یہی چیز اس کو دلچسپ بناتی ہے-

    اربوں سال قبل مریخ 300 میٹر گہرے سمندروں سے ڈھکا ہوا تھا،تحقیق

  • ’بلیک بیوٹی‘ نامی شہابی پتھرمیں قدیم ترین مریخی معدنیات موجود

    ’بلیک بیوٹی‘ نامی شہابی پتھرمیں قدیم ترین مریخی معدنیات موجود

    پرتھ: سائنس دانوں کا کہنا ہے کہ NWA 7034 المعروف ’بلیک بیوٹی‘ نامی شہابی پتھرمیں قدیم ترین مریخی معدنیات موجود ہیں-

    باغی ٹی وی : غیرملکی میڈیا کے مطابق نیچر کمیونی کیشنز میں شائع کی گئی رپورٹ کےمطابق محققین نے مصنوعی ذہانت کا استعمال کرتے ہوئے مریخ کے مطالعے کے لیے بھیجے گئے متعدد مشنز کی جانب سے عکس بند کی گئی مریخی سرزمین کی ہزاروں اعلیٰ ریزولوشن کی حامل تصاویر کا جائزہ لیا۔

    کسی خلائی شے کا کسی سیارے کے قریب سے گزرنا بھی نظامِ شمسی کو تباہ کر سکتا ہے،تحقیق

    تحقیق کے دوران محققین کو معلوم ہوا کہ ’بلیک بیوٹی‘ خلاء میں تب نکلا جب 50 لاکھ سے 1 کروڑ سال قبل ایک سیارچہ مریخ سے ٹکرایا اور اس کے نتیجے میں چھ میل چوڑا گڑھا پڑا تھا۔

    320 گرام وزنی ’بلیک بیوٹی‘ 2011 میں مغربی ریگستان صحارا سے دریافت ہوا اور اس کی دریافت کے بعد ایک نئے قسم کے شہابی پتھر کی درجہ بندی شروع ہوئی۔ اس پتھر میں قدیم ترین مریخی معدنیات موجود ہیں جو 4 ارب 48 کروڑ سال قبل وجود میں آئے-

    واٹس ایپ نے اسٹیٹس سے متعلق دلچسپ فیچر پر کام شروع کر دیا

    بلیک بیوٹی مریخ کا واحد ٹوٹی چٹان کا نمونہ ہے جو اس وقت دنیا میں موجود ہے اس میں متعدد اقسام کی چٹانوں کے ٹکرے یکجا ہیں یہ خصوصیت اسے دیگر مریخی پتھروں سے ممتاز بناتی ہے جوایک قسم کی چٹان کے ہوتے ہیں۔

    آسٹریلیا کی یونیورسٹی آف کرٹِن سے تعلق رکھنے والے ماہر اور تحقیق کے مصنف ڈاکٹر اینتھونی لیگین کا کہنا تھا کہ مریخ پر بھیجے گئے ناسا کے مشن کے نمونے واپس دنیا میں لانے سے 10 سال قبل ہم پہلی بار مریخ کے ارضیاتی سیاق و سباق کو اس پتھر کے ٹکڑے کی وجہ سے جانتے ہیں۔

    نظامِ شمسی کے قریب زمین جیسے دو چٹانی سیارے دریافت