Tag: معروف اینکر پرسن مبشر لقمان

معروف اینکر پرسن مبشر لقمان نے اپنے تازہ ولاگ میں انکشاف کیا ہے کہ بھارتی وزیر اعظم نریندر مودی کی پالیسیوں کے باعث خطے میں کشیدگی بڑھ رہی ہے۔ ان کے مطابق بھارت ریلیف آپریشن کے نام پر ایل او سی کے قریب ٹینک اور بھاری اسلحہ منتقل کر رہا ہے۔

مبشر لقمان کے مطابق مودی کا حالیہ دورہ چین بری طرح ناکام رہا۔ نہ کوئی معاہدہ ہوا، نہ کسی نئے تعاون کا اعلان۔ چینی صدر شی جن پنگ نے بھارتی وزیر اعظم کو نظر انداز کر کے سخت پیغام دیا، جبکہ چینی میڈیا نے مودی کی کوئی تصویر شائع نہ کر کے بھارت کی سفارتی حیثیت کو مزید کمزور کر دیا۔ولاگ میں بتایا گیا کہ بھارت سیلاب سے متاثرہ علاقوں میں ریلیف کے بہانے فوجی نقل و حرکت تیز کر رہا ہے۔ مبشر لقمان نے خبردار کیا کہ ٹینک اور توپوں کی موجودگی اس بات کا ثبوت ہے کہ بھارت کسی بڑے منصوبے کی تیاری کر رہا ہے۔

انہوں نے کہا کہ بھارت ڈیموں کے ذریعے پانی چھوڑ کر پاکستان میں مصنوعی سیلاب لارہا ہے۔ مبشر لقمان کے مطابق یہ "واٹر وار” دراصل پاکستان کے خلاف ایک خطرناک ہتھیار کے طور پر استعمال کی جا رہی ہے۔ولاگ میں مزید بتایا گیا کہ بھارتی پنجاب کے عوام اور سیاسی رہنماؤں نے بھی دہلی حکومت کو زمہ دار ٹھہرایا ہے کہ جان بوجھ کر ان کے علاقوں کو سیلاب میں ڈبویا گیا۔ ان کے مطابق دہلی حکومت کا یہ رویہ نہ صرف کسانوں کی معاشی تباہی کا باعث بن رہا ہے بلکہ مرکز کے خلاف غم و غصہ بھی بڑھا رہا ہے۔

مبشر لقمان نے بتایا کہ گلگت بلتستان کے علاقے چلاس میں آرمی ایوی ایشن کا ایک ہیلی کاپٹر حادثے کا شکار ہوا جس میں دو پائلٹس سمیت تین اہلکار شہید ہوئے۔ اس کے علاوہ افغانستان میں ہولناک زلزلے کے باعث سات سو سے زائد افراد جاں بحق اور ہزاروں زخمی ہوئے، جس پر مبشر لقمان نے افسوس کا اظہار کیا۔

یورپی یونین کا سیلاب متاثرین کیلئے 35 کروڑ روپے کی امداد کا اعلان

معروف اینکر پرسن مبشر لقمان نے اپنے تازہ پروگرام میں دعویٰ کیا ہے کہ بھارت پاکستان کے خلاف ایک خطرناک حملے کی تیاری میں مصروف ہے، جس کا عندیہ 14 اگست کے موقع پر دیا گیا۔

ان کا کہنا تھا کہ بھارت نے ایمرجنسی بنیادوں پر 700 رافیل طیاروں کی ڈیل سائن کی ہے، جو اسی ماہ سے ڈیلیور ہونا شروع ہو جائیں گے۔ مبصرین کے مطابق اس ہتھیاروں کی دوڑ کے پیچھے پاکستان کے خلاف جارحانہ عزائم واضح نظر آتے ہیں۔مبشر لقمان نے کہا کہ چین بھارت کے ساتھ زمینی تجارتی راستوں کو کھولنے کی خواہش رکھتا ہے، لیکن پاکستان کے لیے یہ صورتحال منفی بھی ثابت ہو سکتی ہے۔ ان کا کہنا تھا کہ اگر بھارت کسی بڑی اسٹرائیک کا منصوبہ بناتا ہے تو یہ پورے خطے کے لیے سنگین خطرہ ہوگا۔

پی ٹی آئی اور اسٹیبلشمنٹ کے درمیان ڈیل کا امکان؟
پروگرام میں پاکستان تحریک انصاف کے مستقبل پر بھی گفتگو کی گئی۔ مبشر لقمان نے صحافی سہیل وڑائچ کے انکشافات پر روشنی ڈالتے ہوئے کہا کہ اسٹیبلشمنٹ کی جانب سے پیغام دیا گیا ہے کہ اگر بانی پی ٹی آئی معافی مانگ لیں اور تعاون پر آمادہ ہوں تو ان کے لیے ملک میں دوبارہ جگہ بن سکتی ہے۔ بصورتِ دیگر، اگلے دس سال تک ان کے لیے کوئی سیاسی مستقبل نہیں ہوگا۔

انہوں نے مزید کہا کہ سہیل وڑائچ بطور رپورٹر صرف وہی بات سامنے لائے ہیں جو فیلڈ مارشل کی جانب سے کہی گئی، اور یہ کوئی خفیہ پیغام نہیں بلکہ عوامی سطح پر ایک واضح اشارہ ہے کہ حقیقی آزادی کا نعرہ ناکام ہو چکا ہے اور اب ملک کی بہتری کے لیے عملی سیاست کی طرف واپس آنا ہوگا۔

موسمیاتی تبدیلیاں، بطور قوم غلطی کہاں ہوئی
پروگرام میں حالیہ سیلاب کے حوالے سے بات کرتے ہوئے مبشر لقمان کا کہنا تھا کہ نشیبی علاقوں میں رہائش پذیر افراد اور وہ لوگ جنہوں نے برساتی نالوں یا پانی کے بہاؤ کے راستوں پر رہائش یا کمرشل تعمیرات کی ہیں، وہ سب سے زیادہ خطرے میں ہیں۔ حکام نے فوری طور پر ایسے رہائشیوں کو ری لوکیٹ (Relocate) یا ڈس لوکیٹ (Dislocate) کرنے کی ہدایت کی ہے تاکہ انسانی جانوں کا نقصان روکا جا سکے۔

انہوں نے اس صورتحال کو ماضی کی پالیسیوں اور سیاسی ترجیحات کا نتیجہ قرار دیا ہے۔ ان کا کہنا ہے کہ اگر ملک میں بڑے ڈیمز، خصوصاً کالا باغ ڈیم تعمیر کیا گیا ہوتا اور شجر کاری کو ترجیح دی جاتی تو آج یہ صورتحال نہ ہوتی۔ مگر بدقسمتی سے سیاست عوام کی زندگیوں پر حاوی رہی اور نتیجتاً آج لاکھوں لوگ براہِ راست متاثر ہو رہے ہیں.

صدر ٹرمپ کی زیلنسکی سے ملاقات، سہ فریقی مذاکرات کی پیشکش

پاک فضائیہ نے سیلاب متاثرین کے لیے 48 ٹن امدادی سامان پشاور پہنچا دیا

کراچی میں بارش کا امکان، وزیراعلیٰ سندھ کا ہنگامی اجلاس