Tag: معروف صحافی مبشر لقمان

معروف صحافی مبشر لقمان نے اپنے تازہ ترین وی لاگ میں انکشاف کیا ہے کہ بھارت نے ایک بار پھر پاکستان کے خلاف آبی جارحیت کا سلسلہ تیز کردیا ہے۔

اتوار کے روز بھارتی ہائی کمیشن نے وزارتِ خارجہ پاکستان کو اطلاع دی کہ دریائے ستلج میں نیا سلابی ریلا چھوڑا جارہا ہے۔ تاہم، مبشر لقمان کے مطابق، بھارت نے حسبِ روایت پانی کے اخراج اور مقدار سے متعلق کوئی ڈیٹا فراہم نہیں کیا، جس سے واضح ہوتا ہے کہ اس کی نیت پاکستان میں تباہی مچانے کی ہے۔یہ پانی بھارتی ڈیمز سے گزر کر پاکستان میں داخل ہوتا ہے اور یہاں کے زرعی نظام، کھیتوں اور کسانوں کے لیے سنگین خطرہ بنتا ہے۔ مبشر لقمان کا کہنا تھا کہ بھارت جان بوجھ کر یہ معلومات چھپاتا ہے تاکہ پاکستان کی زمینوں اور فصلوں کو نقصان پہنچے اور ہمارے کسان معاشی طور پر تباہ ہوں۔

دلچسپ بات یہ ہے کہ بھارت کے اپنے پنجاب میں بھی کسان شدید متاثر ہورہے ہیں۔ پورا صوبہ آفت زدہ قرار دیا جاچکا ہے لیکن مودی سرکار نے نہ کوئی ریسکیو آپریشن شروع کیا ہے اور نہ ہی متاثرین کے لیے امداد کا اعلان کیا ہے۔ اس غفلت پر بھارتی پنجاب کے عوام حکومت کے خلاف سخت احتجاج کر رہے ہیں۔ مبشر لقمان کے مطابق، چنڈی گڑھ سے امرتسر اور فیروزپور تک عوامی غصہ بڑھ رہا ہے اور سکھ کمیونٹی آزادی کے نعرے بلند کررہی ہے۔

پاکستان پر قرضوں کے تمام ریکارڈ ٹوٹ گئے، حجم 94 ہزار 197 ارب

وی لاگ میں یہ بھی کہا گیا کہ بھارتی میڈیا اور بالی ووڈ نے اس آفت پر خاموشی اختیار کی ہوئی ہے۔ نہ تو کسی بڑے اداکار نے متاثرہ علاقوں کا دورہ کیا اور نہ ہی کسی نے متاثرین کے حق میں آواز بلند کی۔ معروف گلوکار سدھو موسے والا، جو پنجاب کے حق میں گاتے تھے، بھارت کی سازشوں کا نشانہ بنے اور اب ان کے گانے بھی عالمی پلیٹ فارمز سے ہٹائے جارہے ہیں۔

مبشر لقمان کے مطابق، بھارت کے وزیراعظم نریندر مودی کی پالیسیوں نے دنیا میں بھی بھارت کو مشکلات سے دوچار کردیا ہے۔ امریکی صدر ٹرمپ سمیت دیگر عالمی رہنما بھارت پر تجارتی دباؤ ڈال رہے ہیں۔ یہاں تک کہ یوکرین کے صدر زیلنسکی نے بھی بھارت پر مزید پابندیاں لگانے کا مطالبہ کیا ہے۔مبشر لقمان نے کہا کہ پاکستان اپنی سکیورٹی فورسز کے ذریعے دہشتگردوں کے خلاف کامیاب آپریشنز کررہا ہے اور دنیا اس کی قربانیوں کو تسلیم کر رہی ہے۔ انہوں نے دعویٰ کیا کہ بھارتی سازشیں ناکام ہوں گی اور جلد ہی خطے سے دہشتگردی کا خاتمہ ہوجائے گا۔

بارشوں کا الرٹ، سندھ، پنجاب اور بلوچستان میں سیلاب و لینڈ سلائیڈنگ کا خدشہ

گلگت بلتستان: تاجروں کے دھرنے، پاک چین بارڈر بند، مسافر و سیاح پھنس گئے
فرانس میں سیاسی بحران، وزیرِ اعظم اعتماد کا ووٹ ہار گئے، مستعفی

قصور اور اس کے گردونواح میں حالیہ دنوں شدید بارشوں اور بھارت کی جانب سے پانی چھوڑنے کے باعث سیلابی صورتحال نے عوام کو شدید مشکلات میں ڈال دیا ہے۔ مقامی آبادی کے مطابق نہ صرف گھروں اور کھیتوں کو نقصان پہنچا ہے بلکہ متاثرین کے پاس پینے کا صاف پانی، کھانے پینے کی اشیاء اور ادویات تک میسر نہیں ہیں۔

معروف صحافی مبشر لقمان نے اپنے وی لاگ میں بتایا کہ وہ سیلاب زدہ علاقوں کے دورے پر گئے جہاں عوام کی حالت نہایت ابتر نظر آئی۔ ان کے مطابق، متاثرین گاؤں سے باہر آنے اور جانے میں بھی رکاوٹوں کا سامنا کر رہے تھے کیونکہ وزیراعلیٰ پنجاب مریم نواز کے دورے کے باعث مین روڈز اور گاؤں کے داخلی و خارجی راستے بند کر دیے گئے تھے۔

مبشر لقمان کا کہنا تھا کہ علاقے میں بڑی تعداد میں پولیس، ایل ڈبلیو ایم سی اہلکار، اور دیگر محکموں کے لوگ تعینات تھے جبکہ مقامی افراد شدید پریشانی میں مبتلا تھے۔ ان کا یہ بھی کہنا تھا کہ متاثرین کے لیے کشتیوں اور ریسکیو کے دیگر انتظامات صرف دکھاوے کے لیے رکھے گئے تھے تاکہ فوٹیج میں دکھایا جا سکے کہ بڑے پیمانے پر امدادی کارروائیاں ہو رہی ہیں۔

ان کے مطابق وزیراعلیٰ مریم نواز تقریباً 70 سے 80 گاڑیوں کے قافلے کے ساتھ سیلاب زدہ علاقے میں پہنچیں، لیکن عوامی شکایات یہ تھیں کہ ان کی آمد سے قبل کئی گھنٹوں تک امدادی کارروائیاں روک دی گئیں۔ حتیٰ کہ جانوروں کو بھی ٹرکوں پر باندھ کر صرف وزیراعلیٰ کے سامنے پیش کرنے کے لیے لایا گیا، جبکہ انہیں چارہ تک فراہم نہیں کیا گیا۔مبشر لقمان نے اپنے وی لاگ میں کہا کہ سیلاب متاثرین کو نہ تو خاطر خواہ راشن ملا، نہ ادویات اور نہ ہی بچوں کے لیے دودھ فراہم کیا گیا۔ انہوں نے یہ بھی خدشہ ظاہر کیا کہ آئندہ چند دنوں میں ان علاقوں میں وبائی امراض پھوٹ سکتے ہیں۔

صحافی کے مطابق، حکومت کو فوری طور پر ریسکیو اور ری ہیبلیٹیشن (بحالی) کے اقدامات کرنے کی ضرورت ہے کیونکہ یہ پانی چند دنوں یا ہفتوں میں ختم ہونے والا نہیں، بلکہ کئی ماہ لگ سکتے ہیں۔ مزید برآں انہوں نے کہا کہ اس بار بین الاقوامی برادری بھی شاید زیادہ مدد نہ کرے کیونکہ پاکستان کی اپنی منصوبہ بندی اور حکومتی اقدامات غیر تسلی بخش ہیں۔

مبشر لقمان نے آخر میں پاکستانی بزنس ٹائیکونز اور مخیر حضرات سے اپیل کی کہ وہ آگے بڑھیں اور ملک کی تعمیر نو کے لیے مالی مدد فراہم کریں۔

5 سے زائد سمز استعمال کرنے پر موبائل بلاک ہونے کی خبر غلط قرار

آزاد کشمیر میں شدید بارشوں کا الرٹ، احتیاطی تدابیر اپنانے کی ہدایت

مرکزی مسلم لیگ کا دریائے سندھ میں فری بوٹ ریسکیو آپریشن شروع

عوامی احتجاج کامیاب،اراکین پارلیمنٹ کی مراعات کم کرنے کا اعلان

معروف صحافی مبشر لقمان نے اپنے تازہ وی لاگ میں انکشاف کیا ہے کہ بھارت کی معاشی اور سیاسی صورتحال شدید بحران کا شکار ہے۔

مبشر لقمان کے مطابق بھارتی پولیس نے گزشتہ رات صنعتکار انیل امبانی کے گھر چھاپہ مارا اور مبینہ طور پر ان کے خلاف 3000 کروڑ روپے کی ہیر پھیر کا الزام عائد کیا گیا ہے۔ امبانی پر یہ بھی الزام ہے کہ انہیں رافیل طیاروں کے سودے میں خصوصی نوازشات دی گئیں، جس سے اربوں ڈالر کے معاہدے ہوئے۔وی لاگ میں بتایا گیا کہ بھارت پر امریکہ کی جانب سے 50 فیصد ٹیرف عائد ہونے جا رہا ہے اور مزید پابندیوں کا بھی امکان ہے۔ اس صورتِ حال کے باعث غیر ملکی کمپنیاں بھارت میں اپنے آرڈرز منسوخ کر رہی ہیں جبکہ بڑے صنعتی ادارے ملازمین کو فارغ کر رہے ہیں۔ مثال کے طور پر ٹاٹا گروپ نے ہزاروں آئی ٹی ماہرین کو ملازمتوں سے نکال دیا ہے۔

مبشر لقمان کے مطابق بھارت میں سیاسی بحران بھی شدت اختیار کر گیا ہے۔ نائب صدر سمیت اعلیٰ فوجی افسران کے استعفے اور غائب ہونا نریندر مودی حکومت کے لیے بڑا دھچکہ ہے۔ وی لاگ میں کہا گیا کہ بھارتی فضائیہ کے اندر بھی اینٹی مودی جذبات پائے جاتے ہیں۔مزید بتایا گیا کہ کانگریس رہنما راہول گاندھی نے مودی پر انتخابی دھاندلی کے سنگین الزامات لگائے اور ثبوت پارلیمان میں پیش کیے۔ اسی طرح مودی کی ڈگری کے تنازع پر دہلی ہائی کورٹ نے اسے عوامی کرنے سے روک دیا۔

مبشر لقمان کا کہنا ہے کہ بھارت نہ صرف معاشی بحران کا شکار ہے بلکہ سیاسی طور پر بھی غیر یقینی کیفیت میں ہے۔ ان کے مطابق مودی حکومت پر دباؤ بڑھ رہا ہے اور حالات اس نہج پر پہنچ سکتے ہیں کہ بھارت کو بڑے پیمانے پر نقصان اٹھانا پڑے۔

بھارت کے پاس وقت کم،پی سی بی جوئے کو سپورٹ کرتی ہے

بازی پلٹ گئی،ڈھاکہ دلی کے تسلط سے آزاد،مودی پاکستان سے خوفزدہ