Tag: معمر رانا

پاکستان فلم انڈسٹری کو کئی یاد گار سپر ہٹ فلمیں دینے والے مسعود بٹ نے اپنے ایک حالیہ انٹرویو میں کہا ہے کہ فلمسٹار شان اور معمر رانا جو پنجابی فلموں کے بڑے سٹارز ہیں وہی اگر فلموں میں کام کرنے میں دلچپسی نہ لیں تو پھر کیا کیا جائے؟ شان نے اپنا معاوضہ ایسا رکھا ہوا ہے کہ اس سے کوئی بات نہیں بن پاتی۔ اسی طرح سے معمر رانا کی بھی فلمیں کرنے میں دلچپسی نہیں ہے۔ ایک سوال کے جواب میں کہا کہ گوگا لاہوریا یا اشتہاری ڈوگر جیسی فلموں کا موازنہ دا لیجنڈ آف مولا جٹ کے ساتھ نہ کریں۔ دا لیجنڈ آف مولا جٹ پچاس کروڑ سے بنی ہے اور ہم

جو فلمیں بناتے ہیں ان کا بجٹ ہی پچاس لاکھ ہوتا ہے تو پھر فرق تو ہو گا ہم جو فلمیں بنا رہے ہیں ان کی آڈینز جیسی ہے جتنا ان کا سرکٹ ہے یا جتنے ان کے پاس سینما ہیں اس ھساب سے وہ فلمیں اچھی ہیں۔ مسعود بٹ نے کہا کہ جب مجھے ناصر ادیب نے دا لیجنڈ آف مولا جٹ کا سینٹرل آئیڈیا سنا یا تھا تو میں نے کہہ دیا تھا کہ یہ ایک منفرد فلم بننے جا رہے رہی ہے جسے بہت پسند کیا جائیگا۔ اور وہی ہو رہا ہے دنیا فلم کے پیچھے پاگل ہو رہی ہے۔

نوجوان نسل کے نمائدہ کرکٹر نسیم شاہ کا کورونا مثبت آگیا ہے پہلے انہیں نمونیا بتایا گیا لیکن اب رپورٹس کے مطابق وہ کورونا میں مبتلا ہو گئے ہیں اور ابھی ہسپتال میں ہی زیر علاج ہیں. کہا جا رہا ہےکہ نسیم شاہ پاک انگلینڈ سیریز کے باقی میچز کے لیے اب دستیاب نہیں ہوں گے ۔ کرکٹر نسیم شاہ کے کورونا مثبت آنے پر اداکار معمر رانا نے تشویش کا اظہارکرتے ہوئے ان کی صحیتابی کی دعائوں کی سوشل میڈیا پر ایک پوسٹ لگائی ہے اداکار کا کہنا ہے کہ االلہ تعالی آپ کو مکمل صحیتابی دے میری بہت ساری دعائیں آپ کے ساتھ ہیں. معمر رانا کی اس پوسٹ کے

بعد سوشل میڈیا صارفین نے بھی نسیم شاہ کے لئے صحیتابی کے کمنٹس کئے. یاد رہے کہ کورونا کا آغاز 2019 کے مارچ میں پوری دنیا میں ہوا تھا اس کے بعد تقریبا ڈیڑھ برس تک اس نے پوری دنیا کی معمول کی زندگی کو مفلوج کر کے رکھ دیا تھا. لیکن اس کے اثرات ابھی بھی باقی ہے اور پوری دنیا میں آج بھی لوگ کورونا سے متاثر ہورہے ہیں اس لئے ضروری ہے کہ ہینڈ سینٹائزر اور ماسک کے استعمال کے ساتھ مجمع میں جانے سے پرہیز کیا جائے. نسیم شاہ کے کورونا مثبت آنے پر معمر رانا کے علاوہ بھی آرٹسٹ ان کی صحتیابی کے لئے دعا گو ہیں.

نوے کی دہائی کی پاکستانی فلموں میں تازہ ہوا کا جھونکا ثابت ہونے والے معمر رانا آج کی فلموں پر برس پڑے ہیں. انہوں نے کہا کہ ہے آج جو فلمیں بن رہی ہیں وہ ڈرامہ زیادہ اور فلمیں کم لگتی ہیں .انہوں نے کہا کہ فلم اور ڈرامے کی تکنیک میں‌فرق ہوتا ہے اس فرق کو سمجھنے کی ضرورت ہے. انہوں نے یہ بھی کہا کہ جو لوگ میرے اس نقطے کو سمجھنتے ہیں کہ میں اصل میں‌کہنا کیا چاہ رہا ہوں وہ اتفاق کریں گے کہ فلم اور ٹی وی کی تکینیک میں زمین آسمان کا فرق ہوتا ہے نئے فلم میکرز کو اس فرق کو سمجھنا چاہیے. میں نئے کام کرنے والوں پر یا آج جو کام کررہے ہیں ان پر تنقید نہیں‌کررہا ہوں لیکن میں سمجھانے

کی کوشش کررہا ہوں کہ فلم فلم لگنی چاہیے اور ڈرامہ ڈرامہ لگنا چاہیے. انہوں نے مزید کہا کہ فلمیں زیادہ سے زیادہ بننی چاہیں اور بن بھی رہی ہیں اچھی بات یہ ہے کہ بزنس بھی اچھا کررہی ہیں لیکن کیا ہی اچھا ہو کہ اگر فلم فلم لگے ڈرامہ نہ لگے. یاد رہے کہ معمر رانا کی رواں برس پنجابی فلم گوگا لاہوریا ریلیز ہوئی تھی اس فلم نے پنجاب کی حد تک اچھا بزنس کی تھا لیکن بہت سارے لوگوں نے سوشل میڈیا پر تنقید کی تھی اور کہا تھا کہ 2022 میں بھی گوگا لاہوریا جیسی فلمیں بنائی جا رہی ہیں.

نوے کی دہائی کے سپر ہٹ اداکار معمر رانا کہتے ہیں کہ انہوں نے توپاکستان فلم انڈسٹری کا ایسا سنہرا دور بھی دیکھا ہے کہ جب پرڈیوسرز فلمیں بنا لیا کرتے تھے لیکن ان کو نمائش کے لئے سینما میسر نہیں ہوتے تھے.، یہ وہ دور تھا جب پاکستان فلم انڈسٹری اپنے عروج پر تھی سال میں کافی تعداد میں فلمیں بنتی تھیں اور سب فلموں‌کو شائقین کی جانب سے اچھا ریسپانس ملتا تھا. اداکار معمر رانا نے اپنے حالیہ انٹرویو میں کہا ہے کہ فلم اور سینما گھر لازم و ملزوم ہیں، ہمیں سینما گھروں‌کی تعداد بڑھانے کے ساتھ ٹکٹوں کی قیمتوں کو بھی مناسب کرنا ہو گا تاکہ ایک غریب آدمی اپنی فیملی کے ساتھ جا کر فلم دیکھ سکے.

معمر رانا نے مزید کہا کہ جب فلمی صنعت تباہی کی طرف جانے لگی تو پھر سینما گھر بھی ٹوٹنے لگے سینما مالکان نے فلموں کا کاروبار چھوڑ کر دوسرے کاروبار کرنا شروع کر دئیے سینما گھر توڑ کر پلازے تعمیر کر لئے تاکہ وہ بھوکے نہ مریں. اب جب ایک بار پھر فلم انڈسٹری اپنے پائوں پر کھڑے ہو رہی ہے تو پھر ہمیں چاہیے کہ ہم جدید تقاضوں کو مد نظر رکھتے ہوئے نہ صرف سینما گھر بنائیں بلکہ فلمیں‌بھی بنائیں تاکہ شائقین کو وہ سب ہماری فلموں میں دیکھنے کو ملے جو وہ باہر کی فلموں میں دیکھنا پسند کرتے ہیں. یاد رہے کہ معمر رانا کا شمار پاکستان فلم انڈسٹری کے ان ہیروز میں‌ہوتا ہے جن کے کریڈٹ پر بے شمار ہٹ فلمیں ہیں انہوں نے اردو پنجابی دونوں طرح کی فلموں میں‌کام کیا.