Tag: مفت آٹا

لاہور ہائیکورٹ: آٹے کی تقسیم کے دوران ہلاکتوں اورتقسیم کے طریقہ کارکے خلاف درخواست کا تحریری فیصلہ جاری کر دیا گیا

عدالت نے سبسنڈی کی مد میں بنیادی اشیائے ضروریہ کی تقسیم کی میڈیا پر تشہیر روکنے کا حکم دے دیا، عدالت نے تحریری فیصلے میں کہا کہ تقسیم کےعمل کو کسی خبر، میڈیا اور پریس پر جاری نہ کیا جائے۔ انسانی وقار کو مجروح کرنے والے تقسیم کے ہرعمل کو روکنے کا حکم دیا جاتا ہے۔ عوامی رقم سے مستحقین کولائنوں میں کھڑا کرکےسبسڈی کی تقسیم انسانی وقار کے منافی ہے تقسیم کےعمل کی تشہیر جلتی آگ پر تیل چھڑکنے کے مترادف ہے۔حکومتی کارکردگی کی اس انداز سے تشہربےایمانی اور بددیانتی ہے۔

عدالتی فیصلے میں قرآنی آیات کےحوالے دئیے گئے ہیں اور کہا گیا کہ قرآن ذاتی حیثیت سے دی گئی خیرات کی تشہیر کے عمل سے بھی روکتا ہے قرآن پاک اور ملکی آئین انسانی تقدس اور تکریم کے تحفظ کی ہدایت کرتا ہے خاص طور پر اہسے مستحقین کی جو حکومتی امداد وصول کرتے ہوں جسٹس شاہد جمیل نےتین صفحات پر مشتمل عبوری تحریری فیصلہ جاری کیا ایڈیشنل ایڈووکیٹ جنرل نے بتایا کہ مستحقین کو بے نظیر انکم سپورٹ کےذریعے امداد دی جاتی ہے۔

عدالت میں دائر درخواست میں کہا گیا تھا کہ پنجاب میں آٹے کی تقسیم کے دوران ہلاکتوں کے واقعات ہوئے ۔ رجسٹریشن اور میکنزم بنائے بغیر آٹے کی تقسیم سے عوام کواذیت میں مبتلا رکھا گیا ہے۔ پنجاب حکومت کی جانب سے فراہم کیے جانے والے آٹے کا معیار انتہائی غیر معیاری ہے ۔پنجاب حکومت آٹے کی تقسیم کے لیے بہترین انتظام نہیں کرسکی۔حکومت کی غلط پالیسی اور طریقہ کار کے باعث ہلاکتیں ہوئی ہیں ۔ مفت آٹا فراہمی کے لیے اکثر آٹا ملوں کو فراہم کی جانے والی گندم غیر معیاری ہے۔ عدالت غیر معیاری آٹا فراہمی اور ہلاکتوں کا نوٹس لے کر کارروائی کرے۔

عامرمیر نے مری میں قائم مفت آٹا پوائنٹ کا دورہ کیا 

مفت آٹے کی ذلت آمیز دستیابی نے نااہلی کے پول کھول دیے، خالد مسعود

مفت آٹے کی تقسیم کے دوران پنجاب میں مزید دو افراد جان کی بازی ہار گئے

مفت آٹے کی تقسیم،بھگدڑ مچنے سے ایک اور خاتون کی موت

جہانیاں میں مفت آٹا پوائنٹ پر پولیس تشدد سے بھگڈر خاتون کا بازو ٹوٹ گیا

باغی ٹی وی کی رپورٹ کے مطابق حکومت کی طرف سے پہلی بار غریب شہریوں کے لئے مفت آٹے کی تقسیم کا سلسلہ شروع ہوا تو پنجاب کے کئی شہروں میں بدامنی، دھکم پیل دیکھنے میں آئی ، آٹے کی تقسیم کے دوران بھگدڑ مچنے سے کئی اموات ہو چکی ہیں،

جہانیاں میں خواتین کے مفت آٹا پوائنٹ پر پولیس نے تشدد کیا جس کے بعد بھگدڑ مچ گئی، اس دوران خاتون کا بازو ٹوٹ گیا,ریسکیو 1122 نے شدید زخمی خاتون کے ساتھ ملنے والا مفت آٹا بھی ہسپتال منتقل کردیا, خواتین کے مفت آٹا سنٹر میں بد نظمی دھکم پیل دینے میں آئی، پولیس نے مفت آٹا لینے آنے والی خواتین کے رش کو کنٹرول کرنے کیلئے ڈنڈے اٹھا لئے آٹا لینے آئی 2 خواتین پولیس تشدد اور بھگدڑ سے شدید زخمی ہوگئی, زخمی خاتون آمنہ بی بی زوجہ محمد ارشد کے بازو کی ہڈی ٹوٹ گئی دوسری زخمی خاتون کو فسٹ ایڈ کو بعد گھر چھوڑ دیا گیا, شدید زخمی خاتون آمنہ بی بی کے ساتھ ریسکیو نے آٹا کے ملنے والے مفت تھیلے بھی ہسپتال میں منتقل کردیئے. شدید زخمی خاتون کو تشویش ناک حالت میں ڈسٹرکٹ ہسپتال خانیوال منتقل کردیا,

ڈی پی او خانیوال رانا عمر فاروق بھی مفت آٹا کے لئے آنے والی خواتین کے رش کو کنٹرول کرنے کے لئے کرکٹ اسٹیڈیم کے مین گیٹ پر موجود تھے، خواتین کا کہنا ہے کہ مفت آٹا سنٹر پر انتظامیہ کی جانب سے ناقص انتظامات کئے گئے ہیں گزشتہ روز مفت آٹا کے لئے ایک خاتون جانبحق اور دو بے ہوش ہوئی تھیں, مفت آٹا سنٹر پر انتظامات بہتر کئے جائیں,

دوسری جانب پنجاب میں مفت آٹے کی تقسیم ،نگرانی کے لئے وزیر اعلیٰ محسن نقوی کی ہدایت پر وزرا کی ڈیوٹیاں لگا دی گئیں۔ وزیر بلدیات ابراھیم مراد ڈیرہ غازی خان ڈویژن میں مفت آٹے کی تقسیم کی نگرانی کریں گے ۔ وزیر بلدیات ابراھیم مراد ڈیرہ غازی خان ڈویژن روانہ ہو گئے۔ ابراھیم مراد راجن پور ، ڈیرہ غازی خان ، مظفر گڑھ اور ضلع لیّہ میں مفت آٹا تقسیم کرنے کی نگرانی کریں گے ۔

علاوہ ازیں ملتان میں جامعۃالعلوم نزد مدنی چوک کے قریب فری آٹا تقسیم سینٹر کے دوران دھکم پیل ہوئی جس کی وجہ سے تین سے زائد لوگ زخمی ہوگئے۔ ریسکیو حکام کے مطابق ریسکیو کمانڈ کنٹرول نے فوری طور پر موقع پر موجودہ موٹر بائیک سٹاف کو الرٹ کیا اور قریبی اسٹیشن سے مزید ریسکیو ایمبولینس , موٹر بائیک بھجوا دی۔ریسکیو 1122 کے اہلکاروں نے فوری طور مریضوں کی فوری طبی امداد شروع کردی۔ ریسکیو اہلکاروں کے مطابق اب تک 10 سے زائد مریضوں کو موقع پر ابتدائی طبی امداد دی جاچکی ہیں جن میں پولیس اہلکار بھی شامل ہیں اور دو مریضوں کو فوری طبی امداد کے بعد نشتر ہسپتال شفٹ کیا جا رہا ہے۔

عامرمیر نے مری میں قائم مفت آٹا پوائنٹ کا دورہ کیا 

مفت آٹے کی ذلت آمیز دستیابی نے نااہلی کے پول کھول دیے، خالد مسعود

مفت آٹے کی تقسیم کے دوران پنجاب میں مزید دو افراد جان کی بازی ہار گئے

مفت آٹے کی تقسیم،بھگدڑ مچنے سے ایک اور خاتون کی موت

مفت آٹے کی ذلت آمیز دستیابی نے نااہلی کے پول کھول دیے، خالد مسعود

پاکستان مرکزی مسلم لیگ کے صدر خالد مسعود سندھو نے کہا کہ حکومتی بدانتظامی نے عوام کو ذلیل خوار کرکے رکھ دیا ہے- مفت آٹے کے حصول کے لیے عوام کو لائنوں میں کھڑا کرکے کا تشدد کا نشانہ بنوایا جارہا ہے- جس میں سینکڑوں افراد زخمی اور 2 سے 3 اموات واقع ہوچکی ہیں- حکمران اپنی پالیسیوں پر غور کریں وگرنہ پاکستان کے عوام کو بھیڑ بکریوں کی طرح دھکیلنا بند کریں- حکومتی اشرافیہ نے عوام کو 5 ارب کی مفت آٹا سکیم دے کر عوام پر 10 ارب کا اضافی بوجھ ڈال دیا ہے، 648 روپے والا 10 کلو آٹے کے تھیلا 510 روپے مہنگا کرکے 1158 روپے کردیا گیا ہے،اس سے بڑا عوام کا معاشی قتل اور کیا ہوگا کہ غریب سے ایک وقت کا نوالہ بھی چھین لیا گیا ہے۔ جو کسی صورت برداشت نہیں ہے،

ان خیالات کا اظہار انہوں نے لاہور میں موجود پاکستانی مرکزی مسلم لیگ کے اجلاس میں مرکزی کابینہ اور امیدواران سے خطاب کرتے ہوئے کیا- انہوں نے مزید کہا کہ انتظامیہ سے درخواست ہے کہ مفت آٹے کے حصول کے لیے انتظامات کو ترجیح بنیادوں پر بہتر کیا جائے تاکہ عوام کو کسی پریشانی کا سامنا نہ کرنا پڑے،انہوں نے مزید کہا کہ ہم پورے پاکستان میں یونین کونسل لیول پر سستی روٹی تندور لگا کر عوام کو 10 روپے کی روٹی فراہم کرنے کی کوشش کررہے ہیں جبکہ اوپن مارکیٹ میں روٹی 20 سے 25 روپے میں فروخت کی جارہی ہے دوسری جانب مرکزی مسلم لیگ کے زیر اہتمام کراچی اور پنجاب میں بڑے پیمانے پر سستے بازار لگا کر عوام کو معاشی ریلیف فراہم کرنے کی کوشش کی جارہی ہے- جہاں پر کسی کی عزت کو مجروح نہیں بلکہ اس پارٹی کے کارکن خوش دلی سے عوام کے لیے اپنی فلاحی خدمات سر انجام دے رہے ہیں- کیونکہ قوم کی خدمت پاکستان مرکزی مسلم لیگ کا مشن ہے اور اس مقصد کے لیے لوگوں کی نبض پر ہاتھ رکھنے والے اور ان کے دکھ درد میں شریک ہونے والے امیدواران کو ہم نے میدان میں اتارا ہے۔

مفت آٹے کی فراہمی کے حوالے سے بعض شہروں میں بد نظمی کے واقعات پر نگران وزیراعلیٰ پنجاب محسن نقوی نے نوٹس لے لیا اور صوبائی انتظامیہ سے رپورٹ طلب کر لی ،نگران وزیراعلیٰ پنجاب نے مفت آٹے کی فراہمی کے سنٹرز پر انتظامات کو بہتر بنانے کی ہدایت کر دی،اور کہا کہ کمشنرز،آرپی اوز، ڈپٹی کمشنرز اور ڈی پی اوز اپنے شہروں میں سنٹرز کے دورے کریں ، اوکاڑہ میں مفت آٹا پوائنٹ پر بھگدڑ مچنے سے 4 خواتین بے ہوش ہو گئیں جس کا وزیراعلیٰ محسن نقوی نے نوٹس لے لیا ، نگراں وزیراعلیٰ محسن نقوی نے بھگدڑ مچنے کے واقعے کا فوری نوٹس لیا اور خواتین کو طبی امداد فراہم کرنے کی ہدایات دیں، انہوں نے کمشنر ساہیوال سے واقعے کی رپورٹ بھی طلب کر لی۔

دوسری جانب پاکپتن میں آٹے کے حصول کیلئے آنے والے شہری پر پولیس نے تھپڑوں کی بارش کر دی۔ پاکپتن پلے گراؤنڈ پوائنٹ پر مفت آٹے کی تقسیم کے دوران جھگڑا ہوا تھا

سماجی رابطے کی ویب سائٹ ٹویٹر پر ایک صارف نے ویڈیو ٹویٹ کرتے ہوئے کہا کہ پنجاب میں مفت آٹے کے حصول کیلئے ایک اور شہری کی جان گئی، فیصل آباد میں آٹا لینے آیا بزرگ شہری چل بسا، جس کے بعد دو روز میں تین افراد جاں بحق ہوچکے ہیں۔گزشتہ روز بھی اس پوائنٹ پر بھگدڑمچنےسے متعددافرادزخمی ہوئےتھے جبکہ گزشتہ روزپولیس کی جانب سے شہریوں پر تشدد بھی کیا گیا تھا

https://twitter.com/ZayanHasan1/status/1638142843024809985

پاکپتن پلے گراونڈ میں مفت آٹا پوائنٹ پر آٹے کے حصول کے لیے آنے والے شہری پر پولیس اہلکار نے تھپڑوں کی بارش کردی ملازم نے خواتین کو بھی دھکے دیئے۔شہری پر تشدد کی فوٹیج میڈیا کو موصول ہو گئی جس میں دیکھا جا سکتا ہے پولیس اہلکار کس طرح شہری کو تشدد کا نشانہ بنا رہا ہے۔ pic.twitter.com/qC1K25M6Dq

— SAMI ULLAH JOURNALIST (@SDailydin) March 21, 2023