لاہور کے علاقے لکشمی چوک میں پولیس مقابلے کا ڈراپ سین ہوگیا، مرنے والا شہری کامران خود پولیس کا اہلکار نکلا۔ پولیس کے مطابق لکشمی چوک میں ڈولفن اہلکاروں کی فائرنگ میں مارا گیا کامران خود پولیس اہلکار نکلا ہے۔

عینی شاہد کے مطابق پولیس کے ہاتھوں مارے گئے کانسٹیبل کامران کا منشیات فروش پطرس سے جھگڑا ہوا، جس کی فائرنگ سے پطرس زخمی ہوگیا۔ اہل علاقہ کے مطابق فائرنگ کے بعد کامران اپنے بہنوئی غضنفر کے ہمراہ موٹر سائیکل پر فرار ہوگیا، جس پر ڈولفن اہلکاروں نے اُس کا تعاقب کیا اور انہیں روکنے کی کوشش کی۔

اہل خانہ کے مطابق کامران کے نہ رکنے پر ڈولفن اہلکاروں نے فائرنگ کی، جس میں وہ مارا گیا جبکہ اُس کا بہنوئی غضنفر زخمی ہوا۔اہل خانہ کے مطابق ڈولفن اہلکاروں کی فائرنگ میں مارا گیا اہلکار کامران فی الحال نوکری سے معطل تھا۔ پولیس کے مطابق واقعے کے بعد مارے گئے کانسٹیبل کامران کی لاش اور 2 زخمیوں کو اسپتال منتقل کردیا گیا ہے۔

وزیراعلیٰ پنجاب چودھری پرویز الٰہی نے لکشمی چوک میں ڈولفن فو رس کے اہلکاروں کی فائرنگ سے شہری کے جاں بحق ہونے کے واقعہ کا سخت نوٹس لے لیا،وزیراعلیٰ چودھری پرویز الٰہی نے انسپکٹر جنرل پولیس کو فوری فون کیا اور فائرنگ میں ملوث اہلکارو ں کے خلاف سخت قانونی کارووائی کا حکم دیا.

چودھری پرویز الٰہی نے کہا کہ فائرنگ کرنے والے اہلکاروں کو قانون کی گرفت میں لا کر مزید کارروائی کی جائے،جاں بحق شہری کے لواحقین کو ہر صورت انصاف فراہم کریں گے ،ایسا واقعہ ناقابل برداشت ہے ، ڈولفن فورس کے اہلکار عوام کی جان و مال کے محافظ ہیں ،فائرنگ کرنے والے اہلکاروں نے قانون ہاتھ میں لیا اور اب قانون اپنا راستہ لے گا، وزیر اعلی چودھری پرویز الٰہی نے جاں بحق شہری کے لواحقین سے دلی ہمدردی و اظہار تعزیت کیا.

وزیر اعلی پنجاب حمزہ شہباز شریف کی زیر صدارت صوبائی پارلیمانی پارٹی کا مشترکہ اجلاس منعقد ہوا.مسلم لیگ ن، پیپلزپارٹی، اتحادی جماعتوں اور آزاد اراکین پنجاب اسمبلی نے اجلاس میں بھرپور شرکت کی. مشترکہ اجلاس میں تمام اراکین نے ہاتھ بلند کر کے وزیر اعلی پنجاب حمزہ شہباز کی قیادت پر مکمل اعتماد کا اظہار کیا.

پی ٹی آئی کور کمیٹی کی وزیراعلیٰ کیلئے پرویزالٰہی کے نام کی توثیق، 14 ووٹوں کی برتری کا دعویٰ

وزیر اعلی پنجاب حمزہ شہباز شریف اس موقع پر کہا کہ سدا بادشاہی اللہ تعالٰی کی ہے،1993 سے بحیثیت سیاسی کارکن محاذ پر ڈٹا ہوا ہوں۔ خوب جانتا ہوں کہ مقابلہ کیسے کیا جاتا ہے، نہ ہار ابدی ہے نہ کسی جیت کو دوام حاصل ہے، مشن پاکستان کو بچانا اور سنوارنا ہے جو انشاءاللہ جاری رہے گا۔ ہم چاہتے تو پی ٹی آئی کی طرح ریاست کو نقصان پہنچا کر سیاست کر سکتے تھے لیکن ہم نے ریاست کو مقدم رکھا۔

حمزہ شہبازکا کہنا تھا کہ وطن عزیز پاکستان ہمیں ہر چیز پر مقدم ہے، پاکستان کو پی ٹی آئی کی مچائی تباہی سے نکال لیا تو خود کو کامیاب سمجھیں گے۔ خوشحال پاکستان ہماری منزل ہے جس تک انشاءاللہ ضرور پہنچیں گے۔

حکومت اپنی مدت پوری کرےگی، فارن فنڈنگ کیس کا فیصلہ جلد کیا جائے،پی ڈی ایم

صوبائی وزیر داخلہ عطا اللہ تارڑ نے پارلیمانی پارٹی کے اجلاس کی غرض وغایت بیان کی، انہوں نے کہا کہ میدان خالی نہیں چھوڑیں گے، بھرپور مقابلہ کریں گے ، اجلاس میں پنجاب اسمبلی کے 22 جولائی کو ہونے والے اجلاس کے بارے میں حکمت عملی طے کی گئی،صوبائی پارلیمانی پارٹی نے رکن پنجاب اسمبلی جگنو محسن کے والد کے انتقال پر افسوس کا اظہار کیا.اجلاس کے شرکاء نے جگنو محسن کے والد کی روح کے ایصال ثواب کیلئے فاتحہ خوانی کی.پارلیمانی پارٹی کے اجلاس میں ضمنی الیکشن جیتنے والے نومنتخب ارکان پنجاب اسمبلی کو مبارکباد دی.