Tag: مقبوضہ بیت المقدس

متحدہ عرب امارات نے مقبوضہ بیت المقدس میں مسجدِ اقصیٰ کے احاطے میں اسرائیلی وزیر کی اشتعال انگیز موجودگی پر شدید ردعمل دیتے ہوئے ابوظہبی میں تعینات اسرائیلی سفیر کو طلب کر کے احتجاج ریکارڈ کرایا۔

سرکاری اماراتی خبر ایجنسی کے مطابق اسرائیل کے دائیں بازو سے تعلق رکھنے والے وزیر برائے قومی سلامتی اتمار بین گوئیر نے سالانہ فلیگ مارچ کے دوران مسجدِ اقصیٰ کے احاطے کا دورہ کیا۔ ان کے ہمراہ یہودی انتہا پسندوں نے نہ صرف اشتعال انگیز نعرے بازی کی بلکہ صحافیوں اور فلسطینیوں کو ہراساں کرنے کی کوشش بھی کی۔

یو اے ای نے اس اقدام کو اشتعال انگیزی قرار دیتے ہوئے اس کی شدید مذمت کی اور کہا کہ "مسجدِ اقصیٰ جیسے مقدس مقام پر اس نوعیت کے اقدامات مسلمانوں کے جذبات مجروح کرنے کے مترادف ہیں۔”

اماراتی وزارت خارجہ نے مطالبہ کیا ہے کہ اس واقعے میں شامل تمام افراد، بشمول وزرا اور مشیروں، کو جواب دہ ٹھہرایا جائے۔ بیان میں کہا گیا ہے کہ ایسے واقعات خطے میں کشیدگی کو مزید بڑھا سکتے ہیں اور امن کی کوششوں کو نقصان پہنچا سکتے ہیں۔

غزہ: مقبوضہ بیت المقدس کے اولڈ ٹاؤن میں اسرائیلی فورسز کی فائرنگ سے ترک سیاح شہید ہوگیا۔

باغی ٹی وی : عرب میڈیا کے مطابق ترک شہری حسن سکلانان کو چاقو زنی کے واقعے کے دوران فائرنگ کر کے شہید کیا گیا،مبینہ چاقو زنی حملے کے بعد اسرائیلی فورسز نے اولڈ ٹاؤن میں متعدد گلیاں بند کردیں،واقعے کے بعد تحریک مجاہدین فلسطین کا کہنا ہے کہ ترک شہری نے ثابت کر دیا کہ مقبوضہ بیت المقدس جہاد کا قبلہ ہے۔

دوسری جانب اسرائیلی میڈیا نے دعویٰ کیا ہے کہ ترک حملہ آورکل سیاحتی ویزے پر اسرائیلی دارالحکومت تل ابیب پہنچا تھا ترک حملہ آور نے اسرائیلی پولیس اہلکار کو چاقو کے وار سے زخمی کیا تھا،اسرائیلی پولیس نے واقعے کی تحقیقات شروع کر دی ہیں۔

دوسری جانب متحارب فلسطینی دھڑوں حماس اور فتح نے ممکنہ مفاہمت کے حوالے سے بات چیت کے لیے چین میں ملاقات کی ہے چینی وزارت خارجہ نے پیر کے روز اس بات کی تصدیق کی ہے کہ دونوں دھڑوں کی قیادت نے حال ہی میں چین میں ملاقات کی ہے۔

چینی وزارت خارجہ کے ترجمان لِن جیان کا کہنا تھا کہ دونوں دھڑوں نے مفاہمت کے حوالے سے تفصیلی بات چیت کے لیے چین کا دورہ کیا تاہم انہوں نے یہ نہیں بتایا کہ یہ دورہ کب کیا گیا،طرفین نے مذاکرات کے ذریعے مفاہمت کے عزم کا اظہار کرتے ہوئے اہم معاملات پر گفتگو کی اور اس حوالے سے مثبت پیش رفت ہوئی ہے۔

واضح رہے کہ فلسطینی تنظیمیں حماس اور فتح ایک دوسرے کی حریف ہیں اور ماضی میں ان کے درمیان تصادم بھی ہوچکے ہیں2007 کے پارلیمانی انتخابات میں حماس نے فلسطینی صدر محمود عباس کی جماعت فتح کو شکست سے دوچار کیا تھا تاہم فتح کی جانب سے انتخابی نتائج تسلیم نہ کیے جانے کے بعد حماس نے فتح کو غزہ سے بے دخل کردیا تھا دونوں دھڑوں کے نمائندوں نے رواں سال روس میں بھی ملاقات کی تھی۔