نائب وزیراعظم و وزیر خارجہ اسحاق ڈار نے ملائیشیا کے وزیر خارجہ سے ٹیلیفونک رابطہ کیا ہے۔
ترجمان دفتر خارجہ کے مطابق اسحاق ڈار نے ملائیشیا کے وزیرِ خارجہ محمد حسن کے ساتھ ٹیلی فون پر بات چیت کی، دونوں رہنماؤں نے حالیہ علاقائی اور بین الا قوامی معاملات پر تبادلہ خیال کیا اور موجودہ چیلنجز کا حل نکالنے کے لیے کشیدگی میں کمی، بات چیت اور سفارت کاری کی اہمیت پر زور دیا۔
ملائیشیا کے وزیر اعظم کے محکمہ برائے مذہبی امور کے وزیر ڈاکٹر ذوالکفلی حسن کے ایک بیان نے ملک میں شدید تنازع کھڑا کر دیا ہے-
ساؤتھ چائنہ مارننگ پوسٹ کی رپورٹ کے مطابق ڈاکٹر ذوالکفلی حسن نے دعویٰ کیا ہے کہ کام کا دباؤ، سماجی اثرات اور مذہبی عمل کی کمی ایسے عوامل ہیں جو لوگوں کو ہم جنس پرستی کی طرف لے جاتے ہیں، ان کے اس بیان پر عوام اور انسانی حقوق کے کارکنوں کی جانب سے سخت تنقید کا نشانہ بنایا جا رہا ہے۔
رپورٹ کے مطابق ڈاکٹر ذوالکفلی حسن نے یہ بیان ایک تحریری پارلیمانی جواب میں دیے، جو انہوں نے اپوزیشن کی اسلامی جماعت پاس (PAS) سے تعلق رکھنے والی رکنِ پارلیمنٹ سیتی زائلہ محمد یوسف کے سوال کے جواب میں پیش کیا۔
عالمی سطح پر سونے کی قیمت میں بڑا اضافہ
ملائیشین وزیر نے اپنے جواب میں کہا کہ سماجی اثرات، کام کا دباؤ اور دیگر ذاتی عوامل ان وجوہات میں شامل ہیں جنہیں وہ ہم جنس پرستی کی بنیاد قرار دیتے ہیں، 2022 سے 2025 کے دوران غیر اخلاقی سرگرمیوں سے متعلق مجموعی طور پر 135 کیسز گرفتاریاں یا عدالتی کارروائیوں کی صورت میں ریکارڈ کیے گئے۔
مسلح افواج وطن کی خودمختاری اور علاقائی سالمیت کے دفاع کیلئے ہر وقت تیار ہیں، فیلڈ مارشل
یہ بیان پارلیمنٹ میں ہم جنس پرستی کے بڑھتے رجحانات سے متعلق ایک سوال کے تناظر میں سامنے آیا، جس میں عمر، نسل اور ممکنہ وجوہا ت پر معلومات طلب کی گئی تھیں،وزیر ذوالکفلی حسن کے بیان کے بعد سوشل میڈیا پر شدید ردعمل دیکھنے میں آیا-
وزیراعظم شہباز شریف نے ملائشیا کے وزیراعظم کو ٹیلی فون کیا اور پاکستان بھارت حالیہ کشیدگی کے دوران ملائیشیا کی حمایت پر ان کا شکریہ ادا کیا۔
گفتگو کے دوران وزیراعظم شہباز شریف نے علاقائی امن و استحکام کے لیے مذاکرات کی ضرورت پر زور دیا کہا کہ پاکستان نے ہمیشہ خطے میں امن و استحکام کو ترجیح دی ہے، مگر بھارتی جارحیت کا فیصلہ کن جواب دینے کے سوا کوئی چارہ نہیں تھا ملک کی خودمختاری اور علاقائی سالمیت کو پامال کرنے کی کوشش کی گئی، جس پر پاکستان نے سنجیدہ اور موثر ردعمل دیا۔
وزیراعظم نے واضح کیا کہ پاکستان جموں و کشمیر سمیت تمام حل طلب مسائل پر بھارت سے مذاکرات کے لیے ہمیشہ تیار ہے، مگر بات چیت برابری کی سطح پر اور باہمی احترام کی بنیاد پر ہونی چاہیے،وزیراعظم نے توقع ظاہر کی کہ عالمی برادری، خاص طور پر مسلم ممالک، جنوبی ایشیا میں قیام امن کے لیے مثبت کردار ادا کریں گے۔
وفاقی بجٹ میں ملازمین کی تنخواہیں کتنی بڑھیں گی،تجویز سامنے آ گئی
پاکستان میں عیدالاضحیٰ جوش و جذبے سے منائی جا رہی،قربانیوں کا سلسلہ جاری
نائب وزیراعظم و وزیر خارجہ اسحاق ڈار کا آئندہ ماہ ملائشیا اور بنگلہ دیش کا دورہ متوقع ہے۔
باغی ٹی وی کے مطابق نائب وزیراعظم و وزیر خارجہ اسحاق ڈار کی آئندہ ماہ دورہ ملائشیا و بنگلہ دیش کی تیاریاں شروع ہوگئی ہیں، جبکہ اسحاق ڈار 3 فروری سے 5 فروری تک ملائشیاء کا دورہ کریں گے۔ دفتر خارجہ نے ملائشیا کے دورے کے حوالے سے معاملات کو حتمی شکل دینا شروع کر دی ہے، جبکہ انہیں ملائشیا کے دورے کی دعوت ملائشیائی وزیر اعظم انور ابراہیم نے دی ہے۔ اسحاق ڈار اپنے دورہ ملائشیا میں ملائشیا کے وزیر خارجہ داتو سری اتامہ حاجی محمد بن حاجی حسن سے ملاقات کریں گے، اس کے علاوہ نائب وزیراعظم کی ملائشیا کے وزیر اعظم انور ابراہیم سمیت دیگر قیادت سے بھی ملاقاتیں متوقع ہیں۔ ذرائع نے بتایا کہ دورہ ملائشیا کا بنیادی مقصد تجارت، سرمایہ کاری اور اقتصادی تعاون کا فروغ ہے، جبکہ دورے کے دوران پاک ملائشیا تعلقات، تجارت، باہمی منسلکی، توانائی اور زراعت پر بات چیت ہوگی۔ حلال انڈسٹری اور سیاحت، سیاحتی تبادلوں، عوامی سطح کے روابط اور بزنس ٹو بزنس روابط پر خصوصی بات چیت کی جائے گی، جبکہ دورہ ملائشیا میں پاک ملائشیا باہمی تجارت کا حجم بڑھانے پر غور کیا جائے گا۔سفارتی ذرائع کے مطابق نائب وزیراعظم و وزیر خارجہ آئندہ ماہ ہی بنگلہ دیش کا دورہ بھی کریں گے، وہ یہ دورہ بنگلہ دیش کے چیف ایڈوائزر ڈاکٹر محمد یونس کی دعوت پر کر رہے ہیں، جبکہ دورہ بنگلہ دیش کے پروگرام کو دونوں ممالک کی وزارت خارجہ حتمی شکل دے رہی ہیں۔
وزیراعظم کی یو اے ای کے صدر سے ملاقات، تعلقات میں بہتری پرگفتگو
آفتاب اقبال کی مانچسٹر میں بداخلاقی، اوورسیز پاکستانی پھٹ پڑے
ملائشیا میں نماز عید کے لیے جاتے ہوئے چھ پاکستانیوں کو تیز رفتار گاڑی نے کچل دیا۔
باغی ٹی وی: ملائشیا کی ریاست پیراک کے شہر ایپوہ میں نماز عید کے لیے جاتے ہوئے چھ پاکستانیوں کو تیز رفتار گاڑی نے کچل دیاجس میں سے تین پاکستانی موقع پر جاں بحق ہوگئے، جبکہ تین افراد کو انتہائی تشویش ناک حالت میں ہسپتال میں داخل کروا دیا گیا۔
اس حادثہ کے فوراً بعد مقامی پاکستانی کمیونٹی نے اپنی مدد آپ کے تحت حادثے کے ذمہ دار ڈرائیور کو پکڑ کر پولیس کے حوالہ کردیا، جس سے ابتدائی تفتیش جاری ہے عید کے دن اس سانحہ سے ملائشیا میں مقیم پوری پاکستانی کمیونٹی انتہائی دکھ کا شکار ہے، پاکستانی شہریوں کا گاڑی کے حادثہ کا شکار ہو کر جاں بحق ہونے کا یہ ایک ہی ہفتہ میں دوسرا مسلسل واقعہ ہےپاکستانی کمیونٹی کی طرف سے قانون نافذ کرنے والے اداروں کی جانب سے بلا تفریق انصاف کی فراہمی کا پرزور مطالبہ کیا جارہا ہے۔
ملائیشیا نے اسرائیلی مال بردار بحری جہازوں کے داخلے پر پابندی لگا دی ہے۔
باغی ٹی وی : عالمی خبررساں ادارے ملیشین وزیر اعظم انور ابراہیم کے دفتر سے جاری ایک بیان میں کہا گیا کہ ’غزہ میں فلسطینیوں کے خلاف اسرائیل کی کارروائیوں کے جواب میں زِم شپنگ کمپنی پر فوری پابندی عائد کردی گئی ہے اسرائیل فلسطینیوں کے خلاف ”قتل عام اور بربریت“ کا ارتکاب کر رہا ہے، اسرائیل سے منسلک کسی بھی بحری جہاز کو ملک میں ڈاکنگ کی اجازت نہ دینے کا فیصلہ کیا گیا ہے اس کے علاوہ، اسرائیل جانے والے کسی بھی جہاز کے ملائیشیا کی بندرگاہوں پر سامان لوڈ کرنے پر پابندی ہوگی، یہ دونوں پابندیاں فوری طور پر موثر ہیں۔
دوسری جانب عالمی ادارے ریڈ کراس نے غزہ تنازع کو عالمی برادری کی اخلاقی ناکامی قرار دے دیا ہے، ریڈکراس کی جانب سے جاری ایک بیان میں کہا گیا کہ انتہا کی حد تک درپیش مصائب کو روکنے میں ناکامی کا اثر صرف غزہ پر نہیں دیگر نسلوں پر بھی پڑے گا اور غزہ کی 90 فیصد سے زیادہ آبادی بے گھر ہو چکی ہے غزہ کا 60 فیصد سے زیادہ انفراسٹرکچر تباہ ہو گیا اور غزہ کے لوگوں کی جبری بے دخلی سب کی آنکھوں کے سامنے ہو رہی ہے غزہ کی تباہی اتنی حیران کن ہے جس کی کوئی مثال نہیں ملتی۔
دوسری جانب فرانس کا کہنا ہے کہ اسرائیل بار بار کی تنبیہ کے باوجود تشدد رکوانے میں ناکام ہے لہٰذا مغربی کنارے میں فلسطینیوں پر تشدد کے ذمہ دار انتہا پسند یہودی آباد کاروں پر پابندیاں عائد ہوتی ہے قبل ازیں امریکہ اور برطانیہ بھی مغربی کنارے میں فلسطینیوں پر حملے اور تشدد کے واقعات میں اسرائیل پر یہودی آباد کاروں کی پشت پناہی کا الزام عائد کر چکے ہیں۔
بھارت کو دفاعی برآمدات کے حوالے سے بڑا دھچکا پہنچا ہے، مصر کے بعد ملائشیا نے بھی بھارتی تیجا طیارے خریدنے سے انکار کر دیا۔
باغی ٹی وی: ہندوستان دفاعی معاہدے کو حتمی شکل دینے کیلئے ملائیشیا کی حکومت کو قائل کرنے میں ناکام رہا، ملائیشیا نے بھارتی طیارے کو ناقابل عمل آپشن قرار دے دیا، ملائیشیا کو ہوائی جہاز کے پروگرام میں تاخیر کی اور تیجا کی پائیداری اور قابل بھروسہ دستیابی پر اعتراض تھا-
بھارت کی کوششوں کے باوجود ملائیشیا کی حکومت اس پر قائل نہیں رہی اوردفاعی معاہدہ عملی شکل اختیار کرنے میں نا کام رہا ہے ملائیشیا نے تیجا کی پائیداری اور قابل اعتماد دستیابی پر خدشات کا حوالہ دیتے ہوئے بھارتی طیارے کو ایک ناقابل عمل انتخاب سمجھا اور ان اعتراضات کی وجہ سے ہوائی جہاز کے پروگرام میں تاخیر ہوئی اور ملائیشیا کے بازار میں ہندوستان کے امکانات کو مزید کم کر دیا ہے۔
اس سے قبل مصر نے بھی اسی طرح کی وجوہات کی بنا پر تیجا طیارے کی بھارت کی پیشکش کو ٹھکرا دیا تھا، تیجا کی ناقص کارکردگی اور بین الاقوامی منڈیوں میں کامیابی کی کمی نے بھارت کی دفاعی پیداواری صلاحیتوں پر سوالیہ نشان لگا دیئے ہیں۔
2016 سے فروخت کے لیے دستیاب ہونے کے باوجود، تیجا کو ابھی تک بھارتی فضائیہ کے بیڑے میں شامل نہیں کیا گیا ہے، جس سے اس کی تیاری اور صلاحیتوں کے بارے میں خدشات بڑھ رہے ہیں تیجا بھارتی یوم جمہوریہ کی حالیہ تقریبات سے نمایاں طور پر غیر حاضر تھی جس نے بھارت میں اپنی محدود کامیابی اور قبولیت کو مزید نمایاں کیا۔
اسلام آباد: ملائیشیا کی عدالت نے کوالالمپور میں پی آئی اے کے طیارے کو وطن واپسی کی اجازت دے دی جس کے بعد طیارہ پاکستان پہنچ گیا ہے۔
باغی ٹی وی : ملائیشیا کی عدالت سے احکامات جاری ہوتے ہی کوالالمپور سے روانہ ہونے والا پی آئی اے کا طیارہ پاکستان پہنچ گیا۔ بوئنگ 777 طیارے نے اسلام آباد میں لینڈنگ کی،پرواز پی کے 6893 نے ہفتہ کی رات 11 بجے اسلام آباد ائیرپورٹ پر لینڈنگ کی رجسٹریشن APBMH کا بوئنگ 777 طیارہ لیزنگ کمپنی سے ادائیگی کے تنازع پر عدالتی حکم پر کوالالمپور میں روک لیا گیا تھا۔
پی ائی اے کے ملکیتی بوئنگ 777 طیارہ ملائیشیا کی مقامی عدالت کے حکم امتناع پر روکا گیا تھا ،عدالت نے طیارہ روکنے والے حکم کو معطل کر دیا پی آئی اے لیگل ٹیم نے3 دن میں عدالتی حکم کو معطل کروا کے طیارہ واگزار کروا لیا ،26 مئی کو ملائیشیا کی مقامی عدالت نے بغیر پی آئی اے کو طلب یا نوٹس کئے طیارہ روکنے کے احکامات جاری کئے تھے ،طیارہ روکنے کے احکامات 29 مئی کو طیارے کی روانگی سے چند منٹ قبل پی آئی اے اور ائیرپورٹ حکام کو وصول کروائے گئے-
ذرائع کے مطابق مقامی عدالت نےجمعے کو طیارہ روکنے کے حکم کو پی آئی اے کے حق میں ختم کردیا تھا تاہم بھارتی ایوی ایشن اتھارٹی کی جانب سے بھارتی فضائی حدود میں داخلے کی اجازت نہ دینے پر پی آئی اے کے طیارہ روانگی میں تاخیر ہوئی۔
ملائیشیا میں 22 سالہ نوجوان نے 48 سالہ سابق استانی سے شادی کر لی-
باغی ٹی وی : ملائیشیا میں اس وقت ایک نوجوان محمد دانیال احمد علی کی اپنی استانی کی شادی کی خبریں وائرل ہو رہی ہیں جن کے درمیان کم ازکم 26 سال کا فرق ہے۔
میڈیا رپورٹس کے مطابق محمد دانیال احمد علی نےجمیلہ محمد سے اس وقت ملاقات کی تھی جب وہ اسکول میں پڑھتے تھے۔ 2016 میں جمیلہ نے انہیں پڑھایا تھادانیال اس وقت آٹھویں جماعت میں تھے اور جمیلہ نے ایک سال تک انہیں قومی زبان ’ملائے‘ کا مضمون پڑھایا تھا۔ وہ اپنی استانی کی شفقت، توجہ اور تدریس کے طریقے سے بہت متاثر ہوئے لیکن ان کے دل میں اب بھی استاد اورشاگرد کےجذبات ہی تھے۔
اس کے بعد وہ نویں جماعت میں چلے گئے اور یوں جمیلہ نے اسے صرف ایک سال تک ہی پڑھایا۔ تاہم ایک ہی اسکول میں ہونے کے وجہ سے استانی سے علیک سلیک کرتے رہے۔ پھر دسویں جماعت میں جمیلہ نے ان کی تاریخِ پیدائش یاد رکھتے ہوئے انہیں سالگرہ مبارک کہا۔ اس کے بعد محمد دانیال جمیلہ سے قریب ہوتے گئے شادی کا اظہار کیا تو جمیلہ نے عمر کے فرق کے وجہ سے مسترد کردیا۔
جمیلہ 2007 میں اپنے پہلے شوہر سے طلاق کے بعد کام پر توجہ رکھنا چاہتی تھیں۔ لیکن دانیال کے بار بار کے اصرار پر ان کا دل موم ہوگیا اور جمیلہ نے شادی کی حامی بھرلی اس کے بعد محمد دانیال اور جمیلہ 2021 کی نومبر میں رشتہ ازدواج میں منسلک ہوگئے۔ تاہم ان کی داستان اب دوبارہ سوشل میڈیا پر وائرل ہوئی ہیں۔
واضح رہے کہ اس سے قبل فرانسیسی صدر عمانویل میکروں بھی خود سے 24 برس زیادہ عمر کی اپنی استانی سے شادی کے بعد خبروں کا موضوع بنے رہےوہ اس سکول میں استاد تھیں جہاں میکرون نے تعلیم حاصل کی تھی ان دونوں کی محبت کی کہانی اس وقت شروع ہوئی جب 15 سالہ عمانویل میکروں شمالی فرانس کے ایک سکول میں زیر تعلیم تھے۔
کوالالمپور: ملائیشیا میں حزب اختلاف کے رہنما اورسینئر سیاستدان انور ابراہیم ملک کے نئے وزیراعظم بن گئے۔
باغی ٹی وی : ملائیشیا کے بادشاہ کے محل کی جانب سے جاری بیان کے مطابق شاہ سلطان عبداللہ سلطان احمد شاہ کی جانب سے انور ابراہیم کو ملائیشیا کا نیا وزیراعظم مقرر کردیا گیا۔
امریکی نشریاتی ادارے سی این این کی رپورٹ کے مطابق ملائیشیا کے انور ابراہیم نے جمعرات کو وزیر اعظم کے طور پر حلف اٹھایا ان کی تقرری سے انتخابات کے بعد کے پانچ دن کے بے مثال بحران کا خاتمہ ہو گیا ہے، لیکن ان کے حریف، سابق وزیر اعظم محی الدین یاسین کے ساتھ ایک نئے عدم استحکام کا آغاز ہو سکتا ہے، جس نے انہیں پارلیمنٹ میں اپنی اکثریت ثابت کرنے کا چیلنج دیا ہے۔
دونوں افراد ہفتے کے روز ہونے والے انتخابات میں اکثریت حاصل کرنے میں ناکام رہے لیکن آئینی بادشاہ شاہ السلطان عبداللہ نے کئی قانون سازوں سے بات کرنے کے بعد انور کو مقرر کیا۔
انور نے ایک مشکل وقت میں اقتدار سنبھالا معیشت سست روی کا شکار ہے اور ملک ایک سخت انتخابات کے بعد تقسیم ہو گیا جس نے محی الدین کے زیادہ تر قدامت پسند نسلی-مالائی، مسلم اتحاد کے خلاف انور کے ترقی پسند اتحاد کو کھڑا کیا۔
سیاسی تعطل کے خاتمے کے بعد بازاروں میں اضافہ ہوا۔ رنگٹ کرنسی نے دو ہفتوں میں اپنا بہترین دن پوسٹ کیا اور ایکوئٹی میں 3 فیصد اضافہ ہوا۔
انورابراہیم کی پارٹی اور ان کی اتحادی جماعتوں نے حالیہ انتخابات میں 82 سیٹیں جیتی تھیں اور وہ دیگر چھوٹی پارٹیوں کی حمایت سے وزارت اعظمی حاصل کرنے میں کامیاب ہوئے ہیں۔انور ابراہیم 90 کی دہائی میں سابق وزیراعظم مہاتیرمحمد کے ڈپٹی وزیراعظم تھے۔ انہیں کرپشن اور دیگر الزامات پر قید کی سزا سنائی گئی تھی۔
ملائیشیا میں قبل از وقت عام انتخابات میں سابق وزیراعظم مہاتیر محمد 53 سالوں میں پہلی بار شکست سے دوچار ہوئے ہوئے تھے جبکہ 75 سالہ انور کو کئی برسوں میں شاندار فاصلے پر رہنے کے باوجود بار بار وزارت عظمیٰ سے انکار کیا گیا وہ 1990 کی دہائی میں نائب وزیر اعظم اور 2018 میں سرکاری وزیر اعظم کے منتظر تھے۔