Tag: ملازم

بنگلہ دیشی وزیراعظم کا چپڑاسی چار سو کروڑ کا مالک نکلا
بنگلہ دیش کی وزیراعظم حسینہ واجد کا سابق چپڑاسی کروڑ پتی نکلا، تحقیقات کا آغاز کر دیا گیا
بنگلہ دیشی وزیراعظم کے سابق چپڑاسی کے اکاؤنٹ سے چار سو کروڑ روپے برآمد ہونے کے بعد تحقیقات کا آغاز کر دیا گیا،بنگلہ دیش کے مرکزی بینک نے وزیراعظم شیخ حسینہ کے سابق پرسنل اسسٹنٹ جہانگیر عالم، اس کی اہلیہ اور وزیراعظم سے متعلق کئی اداروں کے بینک اکاؤنٹس کو ضبط کرنے کا حکم دیا ہے،اینٹی کرپشن کمیشن کے وکیل خورشید عالم خان کا کہنا ہے کہ ایک چپڑاسی یا پرسنل اسسٹنٹ کے پاس 400 کروڑ روپے نکلنا غیر معمولی ہے،لہٰذا کمیشن اس کی چھان بین کر سکتا ہے۔
دوسری جانب بنگلہ دیشی وزیراعظم کا ایک پریس کانفرنس میں کہنا تھا کہ جہانگیر عالم انکے گھر میں کام کرتا تھا، وہ چپڑاسی تھا اور اب وہ 400 کروڑ روپے کا مالک بن بیٹھا ہے،
پریس کانفرنس کے بعد بنگلہ دیش بینک کے فنانشل انٹیلی جنس یونٹ نے منی لانڈرنگ کی روک تھام ایکٹ کے تحت جہانگیر عالم اور ان کی اہلیہ کے بینک اکاؤنٹس منجمد کرنے کا حکم دیا ہے، اس ضمن میں جہانگیر عالم کا مؤقف بھی سامنے آیا وہ کہتے ہیں کہ انھوں نے کرپشن نہیں کی ’میرے تو پورے خاندان کے پاس اتنا پیسہ نہیں ہو گا اور میرے پاس جو کچھ ہے میں نے ٹیکس فائل میں اس کا ذکر کیا ہے
بنگلہ دیش کی وزیر اعظم شیخ حسینہ کا سابق چپڑاسی جہانگیر عالم نواکھلی کے چٹخیل کا رہائشی ہے، جہانگیر عالم نے جنوری 2009 سے دسمبر 2018 تک پہلے دو ادوار میں بنگلہ دیش کی وزیر اعظم کے ذاتی معاون کے طور پر کام کیا۔ بنگلہ دیشی وزیر اعظم شیخ حسینہ نے اپنے حالیہ دورہ چین کے بعد ایک پریس کانفرنس میں اس معاملے کا انکشاف کیا کہ ان کے گھر کا چپراسی 400 کروڑ روپے کا مالک بن گیا ہے۔ تب سے ان کہی چپراسی کے بارے میں قیاس آرائیاں شروع ہوگئیں۔
شیخ حسینہ نے کہا تھا کہ میرے گھر میں ایک چپراسی کام کرتا تھا، اب وہ 400 کروڑ کا مالک ہے۔ وہ ہیلی کاپٹر کے بغیر سفر نہیں کرتا! جب حقیقت سامنے آئی تو میں نے اس کا کارڈ چھین لیا اور اسے نوکری سے نکال دیا۔ میں نے اس کے خلاف یہی اقدامات کیے ہیں۔’
اگرچہ جہانگیر عالم وزیراعظم کے چپراسی تھے لیکن انہوں نے اپنا تعارف وزیراعظم کے ذاتی معاون کے طور پر کرایا۔ اس شناخت کو استعمال کرتے ہوئے اس نے باقاعدہ سیکرٹریٹ میں لابنگ کی۔ اس کے ساتھ ساتھ اس نے عوامی لیگ کے رہنماؤں سے مختلف سطحوں پر پیسے بٹورے ہیں۔ اسی شناخت کو استعمال کرتے ہوئے انہوں نے نواکھلی ضلع عوامی لیگ کے نائب صدر کا عہدہ بھی حاصل کیا۔ انہوں نے نواکھلی 1 پارلیمانی حلقہ میں اپنا سیاسی بلاک بھی بنایا۔جہانگیر عالم 12ویں قومی انتخابات میں حلقہ نواکھلی 1 سے عوامی لیگ کے امیدوار تھے۔ انہیں پارٹی کی نامزدگی نہیں ملی اور وہ آزاد امیدوار بن گئے۔ جہانگیر عالم پر الزام تھا کہ انہوں نے وزیراعظم آفس کی شناخت کا استعمال کرتے ہوئے انتظامیہ کے ذریعے عوامی لیگ کے امیدوار ایچ ایم ابراہیم کے پیروکاروں پر دباؤ ڈالا۔ بعد ازاں وزیراعظم کے پریس ونگ سے 23 دسمبر کو خصوصی نوٹیفکیشن جاری کیا گیا۔
وزیر اعظم شیخ حسینہ کے پریس ونگ نے ایک پریس ریلیز میں کہا ہے کہ جہانگیر عالم خود کو وزیر اعظم کا پرسنل اسسٹنٹ بتا کر غیر اخلاقی کام کر رہے ہیں۔ تمام لوگوں سے گزارش ہے کہ اس سلسلے میں احتیاط کریں۔ اگر ضروری ہو تو ان سے قانون نافذ کرنے والے اداروں سے مدد لینے کو کہا جاتا ہے۔
بنوں،دہشتگردانہ حملے میں آٹھ جوان شہید،دس دہشتگرد جہنم واصل
ژوب،ایک ماہ میں 29 دہشت گرد جہنم واصل
بلوچستان انٹیلی جنس بیسڈ آپریشن ،میجر بابر خان شہید ، 3 دہشت گرد جہنم واصل
خیبرپختونخوا، سیکورٹی فورسز کی کاروائی، 11 دہشتگرد جہنم واصل
کراچی ،غیر ملکیوں کی گاڑی پر خود کش حملہ،دو جاں بحق،حملہ آور ساتھی سمیت جہنم واصل
بونیر،سیکورٹی فورسز کا آپریشن،دہشتگردوں کا سرغنہ جہنم واصل،دو جوان شہید
ڈی آئی خان، سیکورٹی فورسز کا آپریشن، 8 دہشتگرد جہنم واصل
ڈی آئی خان ،دھماکے میں دو جوان شہید،پنجگور،ایک دہشتگرد جہنم واصل
شمالی وزیرستان، دہشتگردوں کیخلاف آپریشن،کمانڈر سمیت 8 جہنم واصل
شمالی وزیرستان ، چوکی پر حملہ، لیفٹیننٹ کرنل اور کیپٹن سمیت 7 جوان شہید
جولائی 16, 2024
ایف آئی اے کی کاروائی،جعلی ڈگری پر پی آئی اے میں 17 برس نوکری کرنیوالا گرفتار
17 سال تک جعلی دستاویزات کی بنیاد پر پی آئی اے میں نوکری کرنے والا ملازم گرفتار کر لیا گیا
ملزم محمد روف کو ضمانت قبل از گرفتاری منسوخ ہونے پر ایف آئی اے نے حراست میں لیا،اسپیشل جج سنٹرل اسلام آباد نے ملزم کی ضمانت قبل از گرفتاری منسوخ کی تھی، ایف آئی اے حکام کے مطابق ملزم سال 2003 میں پی آئی اے میں بطور کارگو اسسٹنٹ بھرتی ہوا تھا،ملزم نے بھرتی ہونے کے لئے بی اے کی جعلی ڈگری جمع کروائی تھی،ملزم 17 سال تک پی آئی اے میں ڈیوٹی سرانجام دیتا رہا، جعلی ڈگری کی بنیاد پر ملزم کو سال 2020 میں نوکری سے برطرف کر دیا گیا تھا، جعلی ڈگری کی بنیاد پر تنخواہوں کی مد میں قومی خزانے کو 41 لاکھ 42 ہزار روپے کا نقصان اٹھانا پڑا،
جون 28, 2024
سیکورٹی گارڈ کی فائرنگ سے کمپنی کا مالک قتل
پنجاب کے صوبائی دارالحکومت لاہور میں افسوسناک واقعہ پیش آیا ہے، نجی کمپنی کے سیکورٹی گارڈ نے اپنے مالک پر گولیاں چلا دیں، گولی لگنے سے مالک کی موت ہو گئی
واقعہ غالب مارکیٹ میں پیش آیا،اطلاع پر پولیس موقع پر پہنچ گئی اور سیکورٹی گارڈ کو حراست میں لے لیا، پولیس حکام کے مطابق نجی سیکورٹی کمپنی کا مالک غلام رسول دفتر کی پارکنگ میں پہنچا تھا اور اپنی گاڑی سے سامان نکال رہا تھا کہ سیکورٹی گارڈ نے اس پر گولیاں چلا دیں،مالک کو سر میں گولی لگی اور وہیں موت ہو گئی، سیکورٹی گارڈ نے پولیس کو ابتدائی بیان میں بتایا کہ نجی سیکورٹی کمپنی کا مالک ملازمین پر سختی کرتا تھا اس لئے اسکی جان لی.
پولیس نے لاش پوسٹ مارٹم کے لیے اسپتال منتقل کر کے مقدمہ درج کر لیا اور واقعے کی تفتیش شروع کر دی ہے.
میڈیا رپورٹس کے مطابق نجی سیکورٹی کمپنی کے مالک پاک فوج سے ریٹائرڈ میجر تھے، جبکہ سیکورٹی گارڈ بھی پاک فوج سے ہی ریٹائرڈ تھا،ابتدائی تفتیش کے دوران گارڈ نے بتایا کہ مالک ان پر جادو ٹونا کرواتے تھے،ملازمین پر سختی کرتے تھے،واقعہ کی سی سی ٹی وی فوٹیج میں دیکھا جا سکتا ہے کہ سیکورٹی گارڈ نے پہلے ایک گولی چلائی تو مقتول گر گئے، سیکورٹی گارڈ دوبارہ قریب آیا اور سر کے قریب گن سے گولی چلائی.
بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا
بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے
سماعت سے محروم بچوں کے لئے بڑی خوشخبری
ایبٹ آباد میں "ہم جنس پرستی کلب” کے قیام کے لیے درخواست
ہنی ٹریپ،لڑکی نے دوستوں کی مدد سے نوجوان کیا اغوا
بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا
طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج
امجد بخاری کی "شادی شدہ” افراد کی صف میں شمولیت
جون 11, 2024
آفس میں کرسی پر بحث،ملازم نے اپنے ہی کولیگ کو گولی ماردی
بھارت کے شہر گوروگرام میں ایک مالیاتی کمپنی کے ملازم نے اپنے ہی کولیگ کو گولی ماردی۔
باغی ٹی وی : بھارتی میڈیا رپورٹس کے مطابق یہ انتہائی افسوسناک اور عدم برداشت کا واقعہ بدھ کی شام پیش آیا جب 23 سالہ وشال کی اپنے کولیگ امن جانگڑا سے آفس میں کرسی پر بحث شروع ہوئی جو ایک بڑی لڑائی میں تبدیل ہوگئی۔
فیصل آباد میں ایف آئی اے کی کارروائی،شہریوں کو کال کرکےلوٹنے والا منظم گروہ گرفتار
پولیس کے مطابق وشال گولی لگنے سے شدید زخمی ہوگیا جسے فوری طور پر اسپتال منتقل کیا گیا جہاں اس نے اپنا ابتدائی بیان ریکارڈ کرایا ملزم کے خلاف ایف آئی آر درج کی گئی ہے، جو ہریانہ کے حصار کا رہنے والا ہے متاثرہ کی شناخت گروگرام کے سیکٹر 9 میں فیروز گاندھی کالونی کے رہنے والے 23 سالہ وشال کے طور پر کی گئی ہے۔
واقعے کی اطلاع ملنے کے بعد پولیس موقع پر پہنچی اور وشال کو اسپتال پہنچایا۔ پولیس نے بتایا کہ وشال کے اہل خانہ کو اطلاع دی گئی اور متاثرہ کے بھائی کی شکایت کی بنیاد پر تعزیرات ہند کی دفعہ 307 (قتل کی کوشش) اور آرمس ایکٹ کی دفعہ 25-54-59 کے تحت مقدمہ درج کیا گیا۔
ملتان: میگا کرپشن اسکینڈل میں ملوث پی ٹی آئی گرفتار
اپنے بیان میں وشال نے کہا کہ منگل کے روز دفتر میں کرسی کو لے کر اس کی اپنی ساتھی امان جانگڑا کے ساتھ جھگڑا ہوا چھٹی کا وقت ہوگیا تھا اس لیے میں غصے سے آفس سے نکل گیا بدھ کے روز ایک مرتبہ پھر کرسی کو لے کر تکرار شروع ہوئی جس کے بعد وہ جب آفس سے نکل کر سڑک کنارے چل رہا تھا تو امن نے اسے پیچھے سے آکر گولی ماردی اورموقع سے فرار ہو گیا-
پولیس کا کہنا ہے کہ ملزم امن کی تلاش شروع کردی گئی ہے ملزم کی شناخت ہو گئی ہے اور ہم اسے پکڑنے کے لیے چھاپے مار رہے ہیں۔ اسے جلد ہی گرفتار کر لیا جائے گا-
اے این ایف کی ملک بھر میں کارروائی،بھاری مقدار میں منشیات برآمد،ملزمان گرفتار
مارچ 30, 2023
شیخوپورہ:قتل کرکےلاش جانوروں کی گوبرکےڈھیرمیں دبا دی گئی
شیخوپورہ:ضلع شیخوپورہ کے علاقے چوک پھلروان سے صفدر آباد روڈ پر تقریباً ایک کلومیٹر دور گائوں گجر پورہ کے زمیندار بھائیوں صدیق گجر، حبیب گجر اور شفیق گجر پسران بشیر گجر نے ایک نامعلوم کے ہمراہ اپنے ملازم ولایت علی ولد کالا کو اپنے ڈیرہ پر شدید تشدد کا نشانہ بنایا جس کے نتیجے میں ولایت علی کی موت واقع ہوگئی،
ایران ڈونلڈ ٹرمپ کو قتل کرنے کی سازش کر رہا ہے:امریکی میڈیا کا الزام
شیخوپورہ سے ذرائع کے مطابق ملزمان نے مقتول کی لاش جانوروں کے باڑے ساتھ گوبر کے ڈھیر میں دبا دی، ملزمان نے ظلم کی انتہا کرتے ہوئے مقتول کے گھر والوں کو کہا کہ ولایت علی کام چھوڑ کر بھاگ گیا ہے، قتل کے تیسرے روز شدید بارش میں گوبر بہہ جانے سے تعفن زدہ لاش برآمد ہوگئی، اہل علاقہ نے پولیس کو اطلاع دی،
چوکی انچارج چوک پھلروان نے موقع پر پہنچ کر مقتول کے بیٹے کو بذریعہ فون اطلاع کی جس پر مقتول کا بیٹا تعظیم اپنے چچا ودیگر رشتے داروں کے ہمراہ اپنے گائوں ملیانوالی سے شام سات بجے گجر پورہ گئے اور پولیس کی موجودگی میں مقتول ولایت علی کی پھولی ہوئی تعفن زدہ لاش جانوروں کی گوبر کے ڈھیر سے نکالی،
سابق امریکی صدر ڈونلڈ ٹرمپ کےگھر پر ایف بی آئی کا چھاپہ:اہم دستاویزات ساتھ لے گئے
مقتول کے ورثاء کا کہنا ہے کہ پولیس نے پیٹی بھائی پولیس حبیب اور دیگر ملزمان کو تاحال گرفتار نہیں کیا، بااثر ملزمان صلح کیلئے اور کیس واپس لینے کیلئے دبائو ڈال رہے ہیں اور انکار کی صورت میں مقتول کے اکلوتے بیٹے مدعی مقدمہ محمد تعظیم کو بھی قتل کئے جانے کا خدشہ ظاہر کیا ہے، مقتول کے ورثاء نے وزیر اعلیٰ پنجاب چوہدری پرویز الٰہی سے معاملے کا نوٹس لینے اور مدد کی اپیل کی ہے
اگست 9, 2022
خدا کے بندے بندوں کے خدا کیسے بن جاتے ہیں؟ — محمد علی وٹو
اللّہ کریم قرآن مجید میں فرماتے ھیں کہ اے میرے بندوں بیشک تمہیں آزمایا جائے گا مال دے کر آولاد دے کر اور حاکمیت یا اختیار دے کر اب جب اللّہ کریم اپنے کسی بھی بندے کو اپنی نعمتوں سے نوازتا ھے تو یہاں سے اس بندے کی آزمائش شروع ھوتی ھے۔
اللّہ کریم آزمائش اس طریقے سے لیتا ھے کہ آپ کو اور نوازتا جاتا ہے اور آپ کے اختیارات میں اور اصافہ کرتا جاتا ہے لیکن یہاں یہی پنج وقتہ نمازی اور بڑے اہتمام سے اپنے آپ کو حاجی صاحب، صوفی صاحب کہلوانے والے صدقہ و خیرات دینے والے سخی حضرات اور حقوق اللّہ کو پورے اھتمام کے ساتھ ادا کرنے والوں کو جب حقوق العباد پورے کرنے کی باری آئے تو مختلف حیلے بہانوں سے بات کرتے نظر آئیں گے کہ ھم نے کاروبار چلانا ھے.
اور کاروبار چلانے میں جس قانون و ضوابط کو بھی بالا طاق رکھنا پڑے رکھ لیں گے تو یہاں آکر یہ اللّہ کریم کے بندوں کے خدا بننا شروع ھو جاتے ھیں اور لوگوں کی مجبوریوں سے کھیلتے ہیں اور مجبور بے روزگار ان جیسوں کے ھاتھوں اپنی مجبوریوں کا اونے پونے داموں سودا کرتے ھیں کیونکہ سلسلہ حیات بھی تو چلانا ھے کسی نا کسی طرح چاھے اس کے لیئے آپ کو اپنا آپ کو گروی ھی کیوں نہ رکھنا پڑے (یہاں میں ایک تصیح کرتا جاؤں کہ سبھی کاروباری حضرات اور اختیارات کے حامل لوگ ایک جیسے نہیں ہوتے بلکہ بہت سے اللّہ کریم کے بندے حقوق اللّہ کے ساتھ ساتھ حقوق العباد بھی پورے اھتمام سے ادا کرتے ہیں).
اب ھمارے معاشرے میں ھمارے ملک میں بہت سے شعبہ ھائے زندگی میں کاروبار اور ادارے چل رھے ھیں تو ان میں سے ایک ریسٹورنٹ انڈسٹری ھے اور ریسٹورنٹ انڈسٹری بھی آگے بہت سے سیکٹرز میں تقسیم ھے اور فاسٹ فوڈ ریسٹورنٹ بھی ریسٹورنٹ انڈسٹری کے اندر آتے ہیں اب آگے جو انٹرنیشنل فاسٹ فوڈ ریسٹورنٹ ھیں وہ کسی نا کسی طریقے سے گورنمنٹ کے قانون و ضوابط کو اپنی کمپنی میں لاگو کرتے ھیں.
لیکن جو ریسٹورنٹ مقامی طور پر کام کرتے ہیں لگتا ہے گورنمنٹ نے ان کو کھلی چھٹی دے رکھی ہے کہ وہ جس طرح چاہیں گورنمنٹ کے قانون و ضوابط کی دھجیاں بکھیرتے رھیں اور گورنمنٹ کے قانون نافذ کرنے والے اداروں میں بیٹھی ھوئی کالی بھیڑیں ان مقامی ریسٹورنٹ کی انتظامیہ کی طرف سے قانون و ضوابط کی کھلم کھلا کھلاف ورزی پر کچھ لے اور کچھ دے کر مک مکا کر کے اپنی آنکھیں بند کر لیں اور ان مقامی ریسٹورنٹ کی انتظامیہ جس طرح مرضی چاھیے بنیادی انسانی حقوق اور گورنمنٹ کے قانون و ضوابط کو اپنے گھر کی لونڈی بنا کر استعمال کر سکیں.
اب جیسا کہ میرا تعلق ریسٹورنٹ انڈسٹری سے ھے اور میں پچھلے سات سے آٹھ سال سے اس انڈسٹری سے وابستہ ھوں اور اس دوران مختلف انٹرنیشنل اور مقامی ریسٹورنٹ میں کام کر چکا ہوں اس دوران بہت سے معاملات نظروں سے گزرے اور اپنے سامنے گورنمنٹ کے قانون و ضوابط کی دھجیاں بکھرتے ھوئے دیکھتا رہا لیکن باامر مجبوری یا آپ اس کو جو بھی نام دینا چاہیں دے لیں خاموش رھے لیکن اب اس پلیٹ فارم جس کا نام ھی باغی بلاگرز ھے اپنے تائیں اور نا سہی اس پلیٹ فارم کے ذریعے اپنی آواز تو بلند کر ھی سکتے ہیں.
جیسے کہ میں پہلے عرض کر چکا ہوں کہ میں انٹرنیشنل و مقامی ریسٹورنٹ میں کام کر چکا ھوں اس دوران انٹرنیشنل ریسٹورنٹ تو کسی نہ کسی طرح گورنمنٹ کے قانون و ضوابط پر عمل کرتے ہوئے پایا مکمل نہ سہی لیکن کسی حد تک لیکن جتنے بھی مقامی ریسٹورنٹ میں کام کا تجربہ ھوا اس میں مقامی ریسٹورنٹ کی انتظامیہ گورنمنٹ کے اصول و ضوابط کو بالائے طاق رکھتے ہوئے پائے گئے جیسا کہ مقامی ریسٹورنٹ میں ملازم کی سیلری اور کام کے اوقات گورنمنٹ کے طے شدہ قوانین کے مکمل الٹ ھیں.
اور اور تو اور ان کو تنخواہیں گھنٹوں کے حساب سے دی جارھی ھیں اور وھاں استحصال ھی استحصال ھو رھا ھے ملازمین سے8 گھنٹے کے تیرہ سے چودہ ھزار دس گھنٹے کے پندرہ سے سے سولہ ھزار اور بارہ گھنٹے کے صرف اٹھارہ سے بیس ھزار تنخواہیں دے رھے ھیں حالانکہ ان کی روزانہ کی سیل ایوریج بھی لاکھوں میں ھوتی ھے اور یہ ریسٹورنٹ فیڈرل بورڈ آف ریونیو کے ساتھ رجسٹرڈ بھی نہیں ھوتے ھیں.
مطلب کوئی ٹیکس بھی نہیں دیتے اور لیبر انسپکٹر صرف دکھاوے کے طور پر انسپکشن کر کے اپنی جیب گرم کروا کر ستو پی کر سبھ اچھا ہے کی رپورٹ دے کر سو رھے ھے وھاں کوئی سوشل سیکورٹی والہ کوئی ای او بی آئی والہ کوئی پوچھنے والہ نہیں آتا کوئی میڈیکل کی سہولت نہیں اور جب ان کا دل کرے یہ کھڑے کھڑے کسی بھی ملازم کو جوب سے نکال دیتےہیں.
مطلب مجبوریوں کے ساتھ کھیلنے کے ساتھ ساتھ کوئی جاب سیکورٹی بھی نہیں اور جو تنخواہیں دیتے ھیں وہ بھی کیش میں دیتے ہیں تاکہ کوئی ریکارڈ بھی نہ رھے کیونکہ ریسٹورنٹ انتظامیہ نے مقامی انتظامیہ کی پہلے ھی مٹھی گرم کی ھوتی ھے اور یہ لوگوں کی مجبوریوں سے کھلواڑ کر کے اپنے آپ میں ھی اللّہ کے بندوں کے خدا کیسے بن جاتے ہیں؟
جولائی 25, 2022
شہباز گل نے جاسوسی کے الزام میں پکڑے گئے ملازم کا موبائل اور پرس رکھ لیا
چیئرمین پاکستان تحریک انصاف (پی ٹی آئی) اور سابق وزیراعظم عمران خان کی رہائش گاہ بنی گالہ ہاؤس سے گرفتار شخص کے معاملے پر اسلام آباد پولیس کا موقف سامنے آگیا۔
پولیس کا کہنا ہے کہ بنی گالہ کے بیریئر سے پولیس کے حوالے کیا گیا شخص عاشر سیکٹر جی 8 کا رہائشی ہے، وہ بطور خاکروب 5 سال سے بنی گالہ ہاؤس کا ملازم ہے۔
اسلام آباد پولیس کا کہنا ہے کہ چیئرمین تحریک انصاف عمران خان، شہباز گل یا بنی گالہ ہاؤس سے کسی نے اس شخص سے متعلق معلومات نہیں دیں۔
پولیس کے مطابق اس شخص نے بیان دیتے ہوئے کہا کہ شہباز گل اور عمران خان کے ملازمین نے 2 روز سے حبس بےجا میں رکھا ہوا تھا، عمران خان کی رہائش گاہ پر تعینات گلگت بلتستان پولیس کے اہلکاروں نے تشدد کا نشانہ بنایا۔اس شخص کی جانب سے پولیس کو دیے گئے بیان میں کہا گیا کہ موبائل، شناختی کارڈ شہباز گل نے واپس نہیں کیا۔
پولیس حکام کے مطابق عمران خان کے کسی نمائندے یا پی ٹی آئی رہنما نے واقعے سے متعلق پولیس کو کوئی اطلاع یا درخواست نہیں دی، عمران خان یا ان کے ملازمین درخواست نہیں دیتے تو پولیس کیسے کوئی کارروائی کرسکتی ہے۔
حکام کا کہنا تھا کہ یہ شخص تشدد، موبائل اور پرس وغیرہ واپس لینے کی درخواست دے تو کارروائی کریں گے، بنی گالہ ہاؤس میں تعینات ملازمین کی لسٹ ابھی تک فراہم نہیں کی گئی۔تاہم پولیس کا کہنا ہے کہ اس شخص کی جسمانی اور دماغی حالت جاننے کے لئے میڈیکل ٹیسٹ کروایا جائے گا۔
اسلام آباد پولیس کا کہنا ہے کہ ملازمین کی لسٹ دینے کے حوالے سے عمران خان سے متعدد بار درخواست کی، قانون نافذ کرنے والے اداروں کے لیے بنی گالہ ہاؤس میں کام کرنے والے ملازمین کی شناخت ایک چیلنج ہے، جب تک ملازمین کی مکمل لسٹ فراہم نہیں کی جاتی ان کا بیک گراؤنڈ معلوم نہیں کیا جاسکتا۔
جون 26, 2022
خودکشی یا حادثہ،واجبات کی عدم ادائیگی پرریٹائرڈ ریلوے ملازم بالائی منزل سے کود گیا
واجبات نہ ملنے پر ریلوے کے ریٹائرڈ ملازم روبن کی خودکشی کی کوشش ، بزرگ شہری نے ریلوے ہیڈکوارٹر کی بالائی منزل سے چھلانگ لگا دی
باغی ٹی وی کی رپورٹ کے مطابق ریٹائرڈ ریلوے ملازم روبن کو چھ ماہ سے جی پی فنڈ نہیں ملا تھا،کیس پاس کرنے کے لیے ریلوے افسران کی جانب سے حیلے بہانے کئے جارہے تھے، ریلوے کے پاس فنڈز کی شدید قلت کے باعث ریٹائرڈ ملازمین ایک سال سے خوار ہو رہے ہیں، ذرائع کے مطابق خودکشی کی کوشش کرنے والا شخص آج بھی اپنے کیس کے سلسلے میں دفتر آیا تھا،حکام کی جانب سے کوئی مثبت جواب نہ ملنے پر دلبرداشتہ ہوگیا، ریٹائرڈ ملازم نے ریلوے حکام کو کوستے ہوئے ہیڈ کوارٹر کی بالائی منزل سے چھلانگ لگا دی،بالائی منزل سے گرنے پر ریٹائرڈ ریلوے ملازم کی ٹانگیں ٹوٹ گئیں،ریلوے ریٹائرڈ ملازم کو شدید زحمی حالت میں سروسز اسپتال منتقل کردیا گیا.
اطلاع ملنے پر متعلقہ پولیس بھی موقع پر پہنچ گئی۔ ڈاکٹر کے مطابق مضروب بیان دینے کے قابل نہ ہے۔لیکن پتہ جوئی پر مضروب نے بتایا ہے۔کہ اسے چکر آگئے تھے۔اور وہ گر گیا۔
روبن نے بیان دیا ہے کہ وہ واجبات کے بارے معلومات لینے آیا تھا ، کسی سے منہ ماری نہیں ہوئی نہ کسی نے بد تمیزی کی ہے ، ابھی کسی سے ملاقات بھی نہ ہوئی تھی اور میں گرلِ کے ساتھ کھڑا تھا کہ مجھے چکر آگیا اور میں اوپر سے نیچے جا گرا ،سی ای او ریلوے فرخ تیمور غلزئی نے روبن کے بیٹے شیرون سے اسپتال میں ملاقات کی اوررابن کے بہترین علاج کی سہولیات فراہم کرنے کی یقین دھانی کرائی ہے ۔
ترجمان ریلوے کے مطابق جی ایم ویلفئیر اور چیف میڈیکل آفیسر ریلوے بھی مریض کے ساتھ سروسز اسپتال میں موجود ہیں، مریض کی حالت خطرے سے باہر ہے ۔ روبن نے نہ تو خود کشی کی کوشش کی اور نہ ہی اسُ کا پنشن سٹاف سے جھگڑا ہوا،خرابیِ صحت کی وجہ سے اور چکر آنے کی وجہ سے وہ لڑھک کر گر گیا ۔
وزیر ریلوے خواجہ سعد رفیق نے ریلوے ریٹائرڈ ملازم روبن کا ریلوے ہیڈکوارٹر سٹور بلڈنگ سے گرنے کا واقعہ کا نوٹس لے لیا، وزیر ریلوے خواجہ سعد رفیق نے ایم ایس سروسز ہسپتال کو فون کر کے ریٹائرڈ ملازم روبن کی خیریت دریافت کی۔ایم ایس سروسز کو ہدایت کی کے ہر ممکن بہتر ین علاج معالجہ کی سہولیات مفت فراہم کی جائیں۔ وزیر ریلوے کی ہدایت پر تین رکنی اعلی افسران پر مشتمل کمیٹی تشکیل دے دی جو وزیر ریلوے کو رپورٹ پیش کرے گی۔
جون 21, 2022
عامر لیاقت رات رو رہے تھے، کہہ رہے تھے میں مر جاؤں گا، ملازم
عامر لیاقت رات رو رہے تھے، کہہ رہے تھے میں مر جاؤں گا، ملازم
باغی ٹی وی کی رپورٹ کے مطابق پی ٹی آئی کے رکن اسمبلی عامر لیاقت حسین وفات پا گئے ہیں
عامر لیاقت حسین کے ملازم نے انکشاف کیا ہے کہ عامر لیاقت رات کو رو رہے تھے، عامر لیاقت کہہ رہے تھے کہ میری بیوی نے مجھ سے بے وفائی کی، ساتھ یہ بھی بول رہے تھے میں مر جائوں گا،میں مر جائوں گا
عامر لیاقت کا ملازم ہسپتال سے کسی کو فون پر تفصیلات بتا رہے تھے کہ رات کو ہی بول رہا تھا کہ میں مر جاؤں مر جاؤں گا، ملازم کا کہنا تھا کہ رات کو بالکل صحیح تھے، صبح ڈرائیور کی طبیعت خراب ہوئی اسکو باہر لائے اسکو پانی ڈالا، لائئٹ آئی تو جنریٹر بند کیا اور جب عامر لیاقت کو اٹھانا چاہا تو وہ نہیں اٹھے، ایمبولینس منگوائی گئی ، عامر لیاقت کا کوئی اہلخانہ میں سے کوئی فرد موجود نہیں تھا، رات کو عامر لیاقت نے یہ بھی کہا تھا کہ میں صبح اسلام آباد جا رہا ہوں،
عامر لیاقت کی موت کے بعد انکی میت ہسپتال منتقل کر دی گئی، پولیس کا کہنا ہے کہ لاش کا پوسٹ مارٹم کروایا جائے گا،
عامر لیاقت کی وفات کی خبر آئی تو قومی اسمبلی کا اجلاس جاری تھا، سپیکر قومی اسمبلی راجہ پرویز اشرف نے کہا کہ افسوسناک خبر ہے کہ رکن اسمبلی عامر لیاقت کا انتقال ہوگیا ہے ایوان کی کاروائی فوری روکنی چاہیے عامر لیاقت کے انتقال کے باعث قومی اسمبلی کا اجلاس کل شام پانچ بجے تک ملتوی کر دیا گیا
عامر لیاقت حسین کی وفات پر انکی سابق بیوی کی جانب سے بھی تعزیت کا اظہار کیا گیا ہے، دانیہ جن کی شادی کے چند ماہ بعد طلاق یو گئی تھی نے عامر لیاقت کی وفات کے بعد انسٹا گرام پر افسوس کا اظہار کیا اور کہا کہ اللّٰہ پاک عامر کی مغرت فرمائے اور اُن کو جنت الفردوس میں اعلیٰ مقام عطا فرمائے آمین ثم آمین۔
تحریک انصاف کے رکن قومی اسمبلی ڈاکٹر عامر لیاقت انتقال کر گئے ہیں
جون 9, 2022
شیخ رشید اور……کا مقابلہ حسن کروایا جائے، مولانا جج ہوں.سینیٹ میں مطالبہ آ گیا
شیخ رشید اور……کا مقابلہ حسن کروایا جائے، مولانا جج ہوں.سینیٹ میں مطالبہ آ گیا
چیئرمین صادق سنجرانی کی زیرصدارت سینیٹ اجلاس ہوا
اسلامی نظریاتی کونسل کی سفارش کردہ پیغام پاکستان سینیٹ میں پیش کر دیا گیا،مشیر پارلیمانی امور بابر اعوان نے دستاویز ایوان میں پیش کی ،
وزیر مملکت پارلیمانی امور علی محمد خان نے اپوزیشن پر تنقید کی اور کہا کہ عمران خان نہ خود کھاتا ہے نہ کسی کو کھانے دیتا ہے، موجودہ حکومت نے عوام کا پیسہ پانامہ اور سوئس بینکوں میں نہیں بھیجا، چیئرمین سینیٹ نے وزیر مملکت علی محمد خان کو سوال کا جواب دینے کی ہدایت کر دی،علی محمد خان کا کہنا تھا کہ سوال سیاسی ہوا اس لیے جواب بھی سیاسی دیا ہے،روٹی کپڑا مکان کا نعرہ لگانے والوں نے تو کچھ نہیں کیا،
سینیٹ اجلاس میں شور شرابہ،اپوزیشن نے چیئرمین کے ڈائس کا گھیراو کر لیا،چیئرمین سینیٹ صادق سنجرانی نے کہا کہ جس نے احتجاج کرنا ہے اپنی نشستوں پر جا کر کریں،سینیٹ میں ہنگامہ قومی سلامتی پالیسی پر بحث کے دوران ہوا ، اپوزیشن نے قومی سلامتی پالیسی پر شدید تنقید کی چیئرمین سینیٹ صادق سنجرانی کا کہنا تھا کہ اپوزیشن غلط روایت ڈال رہی ہے سب کو بولنے کا موقع دیا جائے گا،قومی سلامتی پالیسی پارلیمنٹ میں پیش نہ کرنے پر اپوزیشن نے احتجاج کیا،ڈاکٹر شہزاد وسیم کا کہنا تھا کہ آج تک کس حکومت نےقومی سلامتی پالیسی دی،جہاں وردی والے ہوں اپوزیشن والے بھاگ کر آتے ہیں، جب الیکشن قریب آتا ہے تو وفاداریاں بدلتی رہتی ہیں پی ٹی آئی حکومت سے پہلے پاکستان21 مرتبہ آئی ایم ایف میں جا چکا ہے،قومی سلامتی کمیٹی اجلاس میں وردی والے نہیں تھے، اس لیے پوزیشن نے بائیکاٹ کیا،
سینیٹر دوست محمد نے وزیر داخلہ شیخ رشید پر تنقید کی اور کہا کہ شیخ رشید ٹی وی پر روزانہ نظر آتے ہیں،ایوان میں آج تک ہم نے ان کی شکل تک نہیں دیکھی، چیئرمین سینیٹ صادق سنجرانی نے کہا کہ شیخ رشید ایوان کو اپنا دیدار کرائیں، علی محمد خان نے کہا کہ شیخ رشید اور دوست محمد کا مقابلہ حسن کرایا جائے،سینیٹر مولانا عطاء الرحمن کو مقابلہ حسن کا جج مقرر کیا جائے،
وزارت داخلہ نے ایوان میں تحریری جواب جمع کرواتے ہوئے کہا کہ نادرا میں 13 ہزار 997 ملازمین کام کر رہے ہیں ،مسلح افواج کا کوئی ریٹائرڈ یا حاضر سروس ملازم ڈپوٹیشن پر نادرا میں کام نہیں کر رہا .فنڈز کی عدم دستیابی کی وجہ سے 2018 سے اب تک فیصل مسجد پر پینٹ نہیں کیا گیا ،فیصل مسجد کی صفائی کا ٹھیکہ تین سال کے لیے 1 کروڑ 37 لاکھ روپے میں دیا ہے ،جموں کشمیر ہاوسنگ سوسائٹی فراڈ کیس کی 15 انکوائیریاں ہوئیں جس میں 400 ارب روپے کی خورد برد کا پتہ چلا سکا ہے
پیپلز پارٹی کی سینیٹر شیری رحمان نے اظہار خیال کرتے ہوئے کہا کہ کہاں کی سیکورٹی پالیسی جب اسٹیٹ بینک گروی رکھا جا رہا ہے،سیکورٹی پالیسی کا خارجہ اور اندرونی معاملات سے گہرا تعلق ہوتا ہےکونسی سیکورٹی پالیسی جس میں آئی ایم ایف ملک کی اکانومی چلائے گا،سیکورٹی پالیسی کہاں کی جب مرکزی بینک سے پیسے تک نہیں چپبھوا سکیں گے،شیری رحمان کی تقریر کے دوران سینٹر محسن عزیز نے احتجاج کیا،اپوزیشن حکومتی قوانین اور ایوان کو اعتماد میں نہ لینے پر واک آؤٹ کر گئی
قبل ازیں سینیٹ اجلاس میں وفاقی وزیر اطلاعات فواد چودھری نے تحریری جواب جمع کروایا، وزارت اطلاعات کی جانب سے تحریری جواب میں کہا گیا کہ یکم جولائی 2018 سے 30 جون 2021 تک سرکاری ٹی وی سے 38 افراد کی ملازمت ختم ہوئی، جعلی سرٹیفکیٹ اور ڈگریوں پر 10 افراد کو ملازمت سے فارغ کیا گیا،20 ملازمین کو تادیبی کارروائی اور 8 افراد کو ناقص کارکردگی پر برطرف کیا گیا، اسی عرصے میں 61 افراد کی مختلف نشستوں پر تقرریاں کی گئیں، 7 اینکرز، 12 پروفیشنلز، عارضی بنیادوں پر 37 اور یومیہ اجرت پر 3 تقرریاں کی گئیں، سرکاری ٹی وی پر دیگر میڈیا چینلز سے مسابقت کیلئے تقرریاں کی گئیں،
ایوان میں سینیٹر بہرہ مند تنگی نے نقطہ اعتراض پر بات کرنے کی کوشش کی،چیئرمین سینیٹ صادق سنجرانی نے کہا کہ پہلے ایجنڈا ختم ہوجائے پھر آپ کو موقع دیں گے،بہرہ مند تنگی نے سوال کیا کہ ایجنڈے کے بعد مجھے بات کرنے کی اجازت ملے گی،جس پر چیئرمین سینیٹ صادق سنجرانی نے جواب دیا کہ کیا اب میں آپ کو اسٹام پر لکھ کردوں،
وزیر انسداد منشیات نے سینیٹ اجلاس میں تحریری جواب دیا جس میں کہا گیا کہ نئے بحالی مراکز قائم کرنے 3 ارب سے زائد روپے کی ضرورت ہے،نئے بحالی مراکز قائم کرنے کے لیے حکومت نے فنڈز فراہم نہیں کیے ہیں ،علی محمد خان نے کہا کہ سندھ اور اسلام آباد میں منشیات بحالی مراکز ہیں پنجاب ، بلوچستان اور خیبر پختونخوا میں بحالی مراکز نہیں ہیں ،چیئرمین صادق سنجرانی نے معاملہ متعلقہ قائمہ کمیٹی کے سپرد کر دیا
وزارت داخلہ کی جانب سے کہا گیا کہ آئی ٹی سی نےحفظان صحت کے منافی 28 ہزار 650 لیٹر دودھ کو ضائع کیا گیا اسلام آباد میں 2 سے 3 لاکھ لیٹر دودھ پنجاب کے مختلف اضلاع سے آتا ہے اسلام آباد میں دودھ کے 101 نمونہ لیے گئے ، 85 غیر معیاری تھے
سرکاری ٹی وی کےمیزبان کا لائیو شو میں نامناسب رویہ، شعیب اختر نے مستعفیٰ ہونے کا…
لائیو شو میں میزبان کی شعیب اختر سے بدتمیزی پر فنکاروں کی مذمت
شعیب اختر بھارت کے سیمی فائنل میں پہنچنے کی دعائیں کرنے لگے
افغانستان نے نیوزی لینڈ کو نہ ہرایا تو کیا ہو گا؟ جد یجا کا صحافی کے سوال پر دلچسپ جواب
تاریخی ہندو مندر مسماری کا معاملہ،ن لیگ اور جمعیت علماء اسلام کے رہنماؤں پر مقدمہ درج،گرفتاریاں شروع
مندر جلائے جانے کے واقعے میں فرائض سے غفلت برتنے والے پولیس اہلکاروں کو ملی سزا
اقلیتوں کے حقوق،سپریم کورٹ نے اہم شخصیت کو طلب کر لیا
وزیراعظم کی اسلام آباد میں مندر کی تعمیر کے حوالے سے فنڈز جاری کرنے کی ہدایت
اگر یہ مندر ہوتا ۔۔۔ لیکن یہ تو مسجد ہے ، تحریر: محمد عاصم حفیظ
مندر گرا دیا اگر مسجد گرا دی جاتی تو کیا ردعمل سامنے آتا؟ چیف جسٹس کا بڑا حکم
آپ سپریم کورٹ میں کھڑے ہو کر ایسی بات نہیں کر سکتے،چیف جسٹس
لوگوں نے حج کا پیسہ بھی زلزلہ متاثرین کو دیا تھا،205 ارب روپے کہاں خرچ ہوئے؟ سپریم کورٹ
@MumtaazAwan
ٹی وی مساجد میں نہیں ساتھ حجروں میں ہوتا، اسلئے پی ٹی وی 35 روپے فیس لیتا ہے، فواد چودھری
دسمبر 29, 2021