Baaghi TV

Tag: ملکہ الزبتھ

  • آنجہانی ملکہ برطانیہ الزبتھ دوم کی آخری رسومات جاری

    آنجہانی ملکہ برطانیہ الزبتھ دوم کی آخری رسومات جاری

    لندن ،ملکہ برطانیہ الزبتھ دوم کی آخری رسومات جاری ہیں ملکہ الزبتھ کو ونڈسرکیسل میں مکمل شاہی اعزاز کے ساتھ سپردخاک کیا جائے گا-

    باغی ٹی وی : وزیراعظم شہباز شریف، امریکی صدر بائیڈن سمیت 500 عالمی رہنما تقریب میں شریک ہیں،ملکہ برطانیہ آخر ی رسومات کی تقریب ،ویسٹ منسٹر ایبے سے ویلنگٹن آرچ تک لوگ جمع ہیں۔

    ملکہ برطانیہ کی تقریب 125 سینما گھروں میں براہ راست دکھائی جائے گی

    ملکہ برطانیہ الزبتھ کو ونڈزر کیسل میں سپرد خاک کرنے کے انتظامات مکمل کر لیے گئے ہیں۔ کچھ دیر میں بادشاہ چارلس ملکہ برطانیہ الزبتھ کی بادشاہت کے خاتمے کا رسمی اعلان کریں گے۔

    اعلان کے بعد شاہی سُنار ملکہ کا تاج ان کے تابوت سے ہٹا دیں گے۔ ملکہ الزبتھ کی یاد میں ایک منٹ کی خاموشی بھی اختیار کی گئی۔

    ملکہ کی آخری رسومات کی ادائیگی کے سلسلے میں آج برطانیہ میں عام تعطل کا اعلان کیا گیا ہے۔ اس موقع پر شمعیں روشن کر کے انہیں خراج عقیدت بھی پیش کیا گیا۔

    سوموار کی صبح 11 بجے بلوط کی لکڑی سے تیار کردہ شاہی پرچم میں لپٹا تابوت جسے شاہی تاج سے سجایا گیا تھا ابر آلود آسمان کے نیچے توپ کے رتھ پر نمودار ہوا۔ آنجہانی ملکہ کےتابوت کوفوجی جلوس میں ویسٹ منسٹر ایبی لے جایا گیا۔

    سوموار کی صبح 11 بجے بلوط کی لکڑی سے تیار کردہ شاہی پرچم میں لپٹا تابوت جسے شاہی تاج سے سجایا گیا تھا ابر آلود آسمان کے نیچے توپ کے رتھ پر نمودار ہوا۔ آنجہانی ملکہ کےتابوت کوفوجی جلوس میں ویسٹ منسٹر ایبی لے جایا گیا۔

    ملکہ برطانیہ کو پوتے، پوتیوں کی جانب سے خراج عقیدت

    پارلیمنٹ کے تاریخی ویسٹ منسٹر ہال سے قریبی ویسٹ منسٹر ایبی اور آخر کار ونڈسر کیسل تک ملکہ کے تابوت کو دیکھنے کے لیے دسیوں ہزارلوگ سڑکوں پر قطار میں کھڑے تھے جہاں ملکہ کو ان کے آنجہانی شوہر شوہر کے ساتھ دفن کیا جائے گا۔

    ملکہ برطانیہ کی آخری رسومات کو ٹی وی چینلز پر بھی براہ راست دکھایا جارہا ہے برطانوی حکومت کے مطابق پارکس، چوک، گرجا گھروں میں بھی آخری رسومات دیکھنے کے لیے اسکرینیں لگائی گئی ہیں دنیا بھر سے سربراہان مملکت ملکہ کی خدمات کو خراج عقیدت پیش کرنے کے لیے شاہی خاندان کے اراکین کا ساتھ دینے پہنچ رہے ہیں۔

    برطانیہ پر سب سے طویل عرصے تک حکمرانی کرنے والی ملکہ الزبتھ دوم 96 برس کی عمر میں 8 ستمبر کو بیلمورل میں وفات پا گئی تھیں۔ انھوں نے 70 سال تک برطانیہ پر حکمرانی کی۔

    برطانوی میڈیا کے مطابق دعائیہ سروس کے اختتام کے قریب ایک بگل بجایا جائے گا، بگل کے بعد قومی سطح پر 2 منٹ کے لیے خاموشی اختیار کی جائے گی، ملکہ کے تابوت کو سرکاری گن کیرج میں لایا جائے گا جسے 142 افراد کھینچیں گےگن کیرج کے پیچھے پیدل چلنے والے شاہی خاندان کی قیادت بادشاہ چارلس سوم کریں گے۔

    ملکہ برطانیہ کا کفن تھامنےکی کوشش کرنے والے شخص گرفتار

    قومی ترانے کے بعد سروس کا اختتام ہو گا جس کے بعد ملکہ کا تابوت ولنگٹن چرچ لے جایا جائے گا، ہر ایک منٹ بعد لندن کی بگ بین کی گھنٹی بجے گی، ہر ایک منٹ کے وقفے سے گن سیلوٹ دیا جائے گا، ولنگٹن آرچ پہنچنے کے بعد ملکہ کے تابوت کو ونڈزر کاسل لے جایا جائے گا، کاسل کے ٹاور کی گھنٹیاں بھی ہر ایک منٹ بعد بجائی جائیں گی اور گن سیلوٹ بھی دیا جائے گا، اس کے بعد ملکہ کی میت سینٹ جارج چیپل میں دعائیہ تقریب کے لیے لے جائی جائے گی۔

    آخری رسومات میں صرف 800 مہمان شریک ہوں گے، کنگ جارج ششم میموریل چیپل میں ملکہ کو ان کے شوہر کے پہلو میں دفن کیا جائے گا۔

    110 سالوں میں برطانیہ میں ہونے والا یہ پانچواں سرکاری جنازہ ہے، آخری رسومات برطانیہ بھر کے 125 سینما گھروں میں دکھائی جائے گی، ملکہ برطانیہ کی آخری رسومات کے موقع پر تاریخی حفاظتی انتظامات کیے گئے ہیں، دس ہزار کے قریب پولیس اہلکار سیکیورٹی کی ذمہ داریاں نبھائیں گے، ہجوم کو کنٹرول کرنے کیلئے لندن میں 23 میل طویل آہنی بیرئیرز نصب کیے گئے ہیں۔

    ملکہ الزبتھ دوم کی وفات: شہد کی مکھیوں کو بھی خبر دے دی گئی

    سول ایوی ایشن اتھارٹی نے وسطی لندن میں نو فلائی زون قائم کیا ہے، اونچی عمارتوں کی چھتوں پر بھی پولیس اہلکار اور سنائپرز تعینات کیے جا رہے ہیں، 2012 کے بعد برطانوی تاریخ میں یہ سب سے بڑا پولیس آپریشن ہوگا۔

    ملکہ کی وفات پر امریکی صدر جوبائیڈن نے گہرے دکھ اور افسوس کا اظہار کیا۔ برطانوی بادشاہوں کی طویل ترین مدت تخت پرگزارنے کے بعد 96 سال کی عمر میں انتقال کرنے والی ملکہ کے لیے ہرآنکھ اشک بار ہے۔امریکی صدر نے انہیں خراج عقیدت پیش کرتے ہوئے کہا کہ ان کی خدمات کے لیے تقریباً دنیا بھر میں عزت پائی جاتی تھی۔ انہوں نے 70 سال سے خوش قسمت وقت گذارا۔

    کنگ چارلس جو اپنی والدہ کی موت کے بعد سے برطانیہ میں ہیں نے کہا، پچھلے 10 دنوں کے دوران میں اور میری اہلیہ اس ملک اور دنیا بھر سے ملنے والے تعزیت اور حمایت کے بہت سے پیغامات سے بہت متاثر ہوئے ہیں۔

    لندن، ایڈنبرا، ہلزبرو اور کارڈف میں ہم ناقابل یقین حد تک ہر اس شخص سے متاثر ہوئے ہیں جنہوں نے آنے اور میری پیاری والدہ ملکہ کی زندگی بھر کی کوششوں کو خراج تحسین پیش کرنے کے لیے پریشانی کا سامنا کیا۔

    ملکہ برطانیہ کے تابوت کی حفاظت پر تعینات گارڈ بے ہوش ہو کر گرپڑا

  • وزیر اعظم کی بادشاہ چارلس III کے ساتھ ملاقات:ملکہ برطانیہ کی وفات پرتعزیت

    وزیر اعظم کی بادشاہ چارلس III کے ساتھ ملاقات:ملکہ برطانیہ کی وفات پرتعزیت

    لندن:وزیر اعظم محمد شہباز شریف نے آج لندن میں بادشاہ کی طرف سے معزز مہمانوں کے لیے دیے گئے استقبالیہ کے دوران عزت مآب بادشاہ چارلس III سے ملاقات کی۔مریم اورنگزیب کہتی ہیں کہ اس موقع پر شہبازشریف نے شہزادہ چارلس سے ان کی والدہ کی وفات پرتعزیت کی

    لندن سے آنے والی خبروں میں بتایا گیاہے کہ ان کی والدہ محترمہ ملکہ الزبتھ II کے انتقال پر تعزیت کا اظہار کرتے ہوئے، وزیر اعظم نے خراج تحسین پیش کرتے ہوئے کہا کہ آنجہانی بادشاہ دولت مشترکہ کے شہریوں کی نسلوں کے لیے تحریک اور طاقت کا ذریعہ تھے۔

     

     

    وزیر اعظم نے یاد دلایا کہ پاکستان کے عوام کو محترمہ کے ملک کے دو دوروں کی اچھی یادیں ہیں۔ شاہی خاندان اور پاکستانی قوم کے درمیان پیار کا رشتہ وقت کے ساتھ ساتھ مزید مضبوط ہوا۔

    پاکستان کے عوام اور حکومت کی جانب سے وزیر اعظم نے تخت پر فائز ہونے پر عزت مآب بادشاہ چارلس کو نیک خواہشات کا اظہار کیا اور اس امید کا اظہار کی کہ وہ دونوں کے درمیان دوستی کو مزید مضبوط کرنے کے لیے اپنی والدہ کی میراث کو آگے بڑھائیں گے۔

    شہباز شریف نے کہا کہ دولت مشترکہ ممالک۔ پاکستان کے عوام نے محترمہ کا بہت احترام کیا اور جلد از جلد پاکستان میں ان کے استقبال کے منتظر تھے۔

    وزیر اعظم نے شاہی خاندان کی جانب سے غیر معمولی سیلاب کے تناظر میں اظہار ہمدردی اور مدد پر برطانوی بادشاہ کا شکریہ بھی ادا کیا۔ اس موقع پرموقع کو غنیمت جانتے ہوئے شہبازشریف نے مدد کی اپیل بھی کردی اور برطانوی حکومت اور عوام دونوں کی طرف سے ردعمل کو پاکستان میں بے حد سراہا گیا۔

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • وزیراعظم شہباز شریف ملکہ الزبتھ کی آخری رسومات میں شرکت کیلئے لندن پہنچ گئے

    وزیراعظم شہباز شریف ملکہ الزبتھ کی آخری رسومات میں شرکت کیلئے لندن پہنچ گئے

    لندن:وزیراعظم شہباز شریف ملکہ الزبتھ کی آخری رسومات میں شرکت کیلئے لندن پہنچ گئے،اطلاعات ہیں کہ وزیراعظم شہباز شریف برطانیہ پہنچ گئے، وہ ملکہ کی آخری رسومات میں شرکت کریں گے جبکہ پیر کو میاں نواز شریف سے بھی ملیں گے۔

     

    وزیراعظم شہباز شریف وفد کے ہمراہ لندن پہنچ گئے، ان کے ہمراہ وزیر دفاع خواجہ آصف اور وزیر اطلاعات مریم اورنگزیب بھی ہیں۔وزیراعظم لندن سے امریکا کے شہر نیویارک جائیں گے، جہاں وہ اقوام متحدہ کے سربراہان اجلاس میں شرکت کریں گے۔

    وزیراعظم شہباز شریف لوٹن ایئرپورٹ سے لندن میں اپنی رہائش گاہ پہنچ گئے، انہیں شاہی پروٹوکول میں گھر پہنچایا گیا۔وزیراعظم شہباز شریف ن لیگ کے مشاورتی اجلاس میں شرکت کریں گے اور ملکہ ایلزبتھ دوئم کی آخری رسومات میں بھی شریک ہوں گے۔

     

    ‘عالمی رہنما ملکہ کی آخری رسومات کے لیے برطانیہ پہنچ رہے ہیں’اس بات کی تصدیق کرتے ہوئے غیر ملکی خبررساں ادارے ‘اے ایف پی’ کے مطابق ملکہ الزبتھ دوم کی آخری رسومات کے لیے عالمی رہنما ہفتے سے لندن پہنچنا شروع ہو گئے۔

    برطانیہ میں تاریخی 70 برس طویل حکمرانی کرنے والی ملکہ الزبتھ دوم 96 سال کی عمر میں انتقال کر گئی تھیں۔برطانوی عوام کو ملکہ کا تابوت دیکھنے کے لیے 24 گھنٹے تک انتظار کرنا پڑ سکتا ہے جبکہ رات کے وقت موسم سرد ہوگا۔

    رپورٹ کے مطابق بدھ سے دریائے ٹیمیز کے کنارے میلوں تک لمبی قطاریں تھیں، جب ان کا تابوت برطانوی پارلیمنٹ کمپلیکس میں لایا گیا تھا۔

  • ملکہ الزبتھ کا تابوت بکنگھم پیلس پہنچ گیا

    ملکہ الزبتھ کا تابوت بکنگھم پیلس پہنچ گیا

    آنجہانی ملکہ الزبتھ کا تابوت بکنگھم پیلس پہنچ گیا آج ویسٹ منسٹر لے جایا جائے گا جہاں ملکہ کے تابوت کا دیدار کیا جاسکے گا-

    باغی ٹی وی :”روئٹرز” کے مطابق ملکہ کے تابوت کو خصوصی طیارے میں ایڈنبرا سے لندن لایا گیا پھر بکنگھم پیلس پہنچا دیا گیا بکنگھم پیلس پہنچنے پر ملکہ کے بچوں اور پوتے پوتیوں نے تابوت کا استقبال کیا۔

    ملکہ الزبتھ دوم کے آخری دیدار کے لیے عوام کا جم غفیر اُمڈ آیا

    بکنگھم پیلس کے اطراف ہزاروں افراد ملکہ کے تابوت کو دیکھنے کے لیے جمع ہوئے۔ شہریوں نے تابوت پر پھول نچھاور کر کے ملکہ سے عقیدت کا اظہار کیا۔

    ملکہ کے تابوت والی گاڑی جہاں جہاں سےگزری اس کے اطراف ٹریفک رک گئی۔ ایڈنبرا ایئرپورٹ پر تابوت کو رائل رجمنٹ آف اسکاٹ لینڈ نے گارڈ آف آنر بھی پیش کیا۔

    محل کے ایک ترجمان نے بتایا کہ کنگ چارلس، جو گزشتہ ہفتے اپنی والدہ کی موت پربادشاہت کی کرسی پر براجمان ہوئے نے، اپنے تین بہن بھائیوں، دو بیٹوں ولیم اور ہیری اور شاہی خاندان کے دیگر سینئر ارکان کے ساتھ تابوت وصول کیا-

    ملکہ الزبتھ کی طرف سے عمرے کا دعویٰ کرنے والا شخص گرفتار

    ملکہ الزبتھ کے تابوت کو آج بکنگھم پیلس سے ویسٹ منسٹر ہال لے جایا جائے گا۔غیرملکی میڈیا کے مطابق ملکہ کے تابوت کا دیدار شام پانج بجے سے کیا جاسکے گا ۔ دیدار کیلئے لوگوں نے ابھی سے قطاریں لگانا شروع کردی ہیں، تابوت کو 4 روز تک یہیں رکھا جائے گا۔

    ملکہ الزبتھ کی آخری رسومات 19 ستمبر کو دن گیارہ بجے ہوں گی جس کے دوران شرکا ونڈزر کاسل تک ایک جلوس کی شکل میں پیدل جائیں گے ملکہ کو ونڈزر میں کنگ جارج ششم میموریل چیپل میں سپرد خاک کیا جائے گا۔

    ملکہ الزبتھ کا انتہائی خفیہ خط جو 2085 میں کھولاجائے گا، کس کے نام ہے پیغام؟

  • ملکہ برطانیہ الزبتھ دوئم کی جانب سے عمرہ کرنے کا دعویٰ کرنے والا گرفتار

    ملکہ برطانیہ الزبتھ دوئم کی جانب سے عمرہ کرنے کا دعویٰ کرنے والا گرفتار

    مکہ المکرمہ :ملکہ برطانیہ الزبتھ دوئم کی جانب سے عمرہ کرنے کا دعویٰ کرنے والا گرفتار،اطلاعات کے مطابق سعودی حکام نے ایک ایسے شخص کو گرفتار کر لیا ہے جس نے دعویٰ کیا تھا کہ وہ ملکہ الزبتھ دوئم کی جانب سے عمرہ کی ادائیگی کے لیے مکہ مکرمہ گیا تھا۔

    ذرائع کے مطابق سعودی میڈیا کا کہنا ہے کہ یہ یمنی شہری ہے جس نے پیر کو مکہ کی عظیم الشان مسجد میں سوشل میڈیا پر اپنا ایک ویڈیو کلپ شائع کیا۔کلپ میں، اس نے ایک بینر اٹھا رکھا تھا جس میں لکھا تھا: "ملکہ الزبتھ دوم کی روح کے لیے عمرہ، ہم خدا سے دعا گو ہیں کہ وہ انہیں جنت میں اور صالحین میں قبول کرے۔”

    اس فوٹیج کو سعودی سوشل میڈیا پر بڑے پیمانے پر پھیلایا گیا، ٹوئٹر صارفین نے اس شخص کی گرفتاری کا مطالبہ کیا۔سعودی عرب نے مکہ جانے والے زائرین کو بینرز اٹھانے یا نعرے لگانے سے منع کر دیا۔

    اور جب کہ فوت شدہ مسلمانوں کی طرف سے عمرہ ادا کرنا قابل قبول ہے، لیکن اس کا اطلاق ملکہ جیسی غیر مسلموں پر نہیں ہوتا، جو کہ چرچ آف انگلینڈ کی اعلیٰ ترین منتظم تھیں، جو دنیا بھر میں اینگلیکن کمیونین کے مادر چرچ ہیں۔

    پیر کو دیر گئے سرکاری میڈیا کی طرف سے جاری کردہ ایک بیان میں کہا گیا ہے کہ گرینڈ مسجد میں سیکورٹی فورسز نے "یمنی شہریت کے ایک رہائشی کو گرفتار کیا جو مسجد عظیم کے اندر بینر اٹھائے ہوئے ایک ویڈیو کلپ میں نظر آیا، جو عمرہ کے ضوابط اور ہدایات کی خلاف ورزی کرتا تھا”۔

    "اسے گرفتار کر لیا گیا، اس کے خلاف قانونی اقدامات کیے گئے اور اسے پبلک پراسیکیوشن کے حوالے کر دیا گیا۔”ملکہ کا انتقال جمعرات کو ہوا اور ان کی آخری رسومات کا منصوبہ 19 ستمبر کو ہے۔

    آرمی چیف جنرل قمر جاوید باجوہ نے کانجو اور سوات کا دورہ کیا

    وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

    پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

  • ملکہ الزبتھ کی طرف سے عمرے کا دعویٰ کرنے والا شخص گرفتار

    ملکہ الزبتھ کی طرف سے عمرے کا دعویٰ کرنے والا شخص گرفتار

    مکہ المکرمہ: سعودی حکام نے ملکہ الزبتھ کی طرف سے عمرے کا دعویٰ کرنے والے شخص کو گرفتار کر لیا-

    باغی ٹی وی : برطانوی خبررساں ادارے "انڈیپینڈنٹ اردو” کے مطابق سعودی حکام نے ایک شخص کو گرفتار کیا ہے جس نے دعویٰ کیا تھا کہ وہ برطانیہ کی آنجہانی ملکہ الزبتھ کی طرف سے عمرہ کرنے مکہ گیا اس یمنی شہری نے مکہ میں اپنی موجودگی کا ویڈیو کلپ سوشل میڈیا پر اپلوڈ کیا تھا۔

    ملکہ الزبتھ کا انتہائی خفیہ خط جو 2085 میں کھولاجائے گا، کس کے نام ہے پیغام؟

    اس شخص نے ویڈیو میں ایک بینر تھام رکھا تھا جس پر لکھا تھا کہ ملکہ الزبتھ دوئم کی روح کے لیے عمرہ، ہم اللہ سے دعا کرتے ہیں وہ انہیں صالحین کے ساتھ جنت میں مقام عطا فرمائے۔


    یہ ویڈیو سوشل میڈیا پر وائرل ہونے پر بعد ٹوئٹر صارفین نے برہمی کا اظہار کرتے ہوئے اس شخص کی گرفتاری کا مطالبہ کیا۔

    دی گارجئین کے مطابق سرکاری میڈیا کی جانب سے پیر کی شام جاری کردہ ایک بیان میں کہا گیا ہے کہ مسجدالحرام میں سکیورٹی فورسز نے یمنی شہریت رکھنے والے ایک شخص کو گرفتار کیا جو جامع مسجد کے اندر ایک بینر اٹھائے ہوئے ویڈیو کلپ میں نظر آیا۔

    سرکاری تدفین سے قبل عوام کو ملکہ الزبتھ کے آخری دیدار کی اجازت

    اس ویڈیو میں عمرہ کے ضوابط اور ہدایات کی خلاف ورزی کی گئی تھی اسے رفتار کیا گیا، اس کے خلاف قانونی اقدامات کیے گئے اور اسے پبلک پراسیکیوشن کے حوالے کر دیا گیا۔


    سرکاری ٹیلی ویژن نے اس واقعے کے بارے میں کچھ نشریات پیش کیں جن میں ویڈیو کلپ شامل تھا، لیکن بینر دھندلا ہوا تھا۔

    واضح رہے کہ سعودی عرب میں مکہ جانے والے زائرین پر بینرز اٹھانے یا نعرے لگانے پر پابندی ہے اگرچہ متوفی مسلمانوں کی طرف سے عمرہ کرنا جائز ہے لیکن اس کا اطلاق ملکہ جیسے غیر مسلموں پر نہیں ہوتا جو چرچ آف انگلینڈ کی سپریم گورنر تھیں۔

    ملکہ الزبتھ دوم کے اصولوں پر عمل پیرا رہوں گا، شاہ چارلس سوم

  • ملکہ الزبتھ کا انتہائی خفیہ خط جو 2085 میں کھولاجائے گا، کس کے نام ہے پیغام؟

    ملکہ الزبتھ کا انتہائی خفیہ خط جو 2085 میں کھولاجائے گا، کس کے نام ہے پیغام؟

    ملکہ الزبتھ دوم نے آسٹریلیا کے سڈنی کے رہائشیوں کو ایک انتہائی خفیہ خط لکھا، اور اسے سال 2085 تک نہیں کھولا جائے گا۔

    باغی ٹی وی: حال ہی میں فوت ہونے والی برطانوی ملکہ الزبتھ دوم کے حوالے سے ایک دلچسپ معاملہ کی طرف توجہ مبذول کرائی گئی ہے کہ ملکہ کا ایک خفیہ پیغام ہے جسے 63 برس بعد کھولا جائے گا۔ ملکہ نے یہ پیغام آسٹریلوی شہر سڈنی کے شہریوں کے نام لکھا تھا۔ یہ خط شہر کی ایک مشہور عبارت میں چھپا کر رکھا گیا ہے۔

    سرکاری تدفین سے قبل عوام کو ملکہ الزبتھ کے آخری دیدار کی اجازت

    ملکہ نے یہ خط نومبر 1986 میں اس عمارت کی تزئین وآرائش کے بعد لکھا تھا، یہ سڈنی کے بزنس ڈسٹرکٹ میں ملکہ وکٹوریہ بلڈنگ ہے جو اصل میں 1898 میں تعمیر کی گئی تھی اور ملکہ کی عظیم دادی وکٹوریہ کے نام پررکھی گئی ہے،یہ سڈنی کی سب سے مشہورعمارتوں میں سےایک ہے، جو شہر کے مرکز میں واقع ہے۔

    ملکہ کے عملے کو بھی معلوم نہیں کہ اس خط میں کیا ہے یہ خط شیشے کے ایک کیس میں رکھا گیا ہے۔ اس کیس سے صرف ملکہ کی ہدایات نظر آتی ہیں اس خط کو نہ کھولنے کی سخت ہدایات کی گئی ہیں۔

    ملکہ کی جانب سے ان ہدایات میں لکھا ہے یہ خط آسٹریلوی شہر سڈنی کے میئر کیلئے ہے۔ براہ کرم اسے 2085 میں اپنے انتخابات کے مناسب کسی دن کھولئے گا اور سڈنی کے شہریوں کو میرا پیغام پہنچائیے گا۔

    ملکہ الزبتھ دوم کی وفات پر پاکستان میں یوم سوگ،قومی پرچم سرنگوں رہا

    ملکہ کے خط کے مندرجات واضح نہیں ہیں، لیکن یہ ممکنہ طور پر سڈنی کے رہائشیوں کا شکریہ ادا کرے گا کہ انہوں نے تاریخی عمارت کو بچانے اور اس کی تزئین و آرائش کرنے کے لیے، جب اسے پارکنگ کے لیے تقریباً مسمار کر دیا گیا تھا۔

    1986 میں، ملائیشیا کی ایک کمپنی نے عمارت پر 99 سال کی لیز پر دستخط کیے، ان کا معاہدہ 2085 تک لے لیا – اسی سال ملکہ کی خط و کتابت کو کھولا اور عام کیا جانا ہے۔

    آسٹریلیا ایک دولت مشترکہ ملک ہے، اور ملکہ الزبتھ دوم نے 70 سال تک ملک کی سربراہ مملکت کے طور پر خدمات انجام دیں۔ اس نے اپنے دور حکومت میں آسٹریلیا کے 16 دورے کیے، آخری دورہ 2011 میں کیا تھا ملکہ 8 ستمبر کو 96 برس کی عمر میں رحلت کر گئیں اور ان آخری رسومات 19 ستمبر کو لندن میں ادا کی جائے گی۔

    ملکہ برطانیہ کی وفات کے بعد برطانیہ سے کوہ نور کی واپسی کا مطالبہ

  • اور ملکہ چلی گئی!!! — ڈاکٹر حفیظ الحسن

    اور ملکہ چلی گئی!!! — ڈاکٹر حفیظ الحسن

    1952 سے لیکر اب تک ستر سال تک تاجِ برطانیہ پر حکومت کرنے والی ملکہ الزبتھ دوم 96 برس کی عمر میں آج سہہ پہر چل بسیں۔ اُنکے دورِ حکومت میں ونسٹ چرچل سمیت 15 وزراء اعظم نے عہدہ سنبھالا۔ اُنکے بعد انکے بڑے بیٹے شہزادہ چالرس اب برطانیہ کی بادشاہت کا عہدہ سنبھالیں گے۔ ملکہ الزبتھ کے بارے میں چند دلچسپ باتیں:

    1. اُن کے پاس سفر کرنے کے لئے پاسپورٹ نہیں تھا۔ کیونکہ پاسپورٹ کا اجرا کرنے والی اتھارٹی برطانیہ میں وہ خود تھیں۔ وہ بغیر پاسپپورٹ کے ہی سفر کرتیں۔

    2. اُنہوں نے 1945 میں گاڑی چلانا سیکھا۔اُنہیں گاڑی چلانے کے لیے بھی ڈرائیونگ لائسنس کی ضرورت نہیں تھی۔ویسے یہ سہولت پاکستان میں بھی موجود ہے۔

    3.دوسری جنگ عظیم کے دوران اُنہوں نے فوجی ٹرک بھی چلائے۔

    4. سڈنی کے اوپرا ہاؤس کا افتتاح بھی 1973 میں اُنہوں نے کیا۔

    5. دوسرے ممالک کے دئے گئے تحفوں کے طور پر وہ لندن کے چڑیا گھر میں ایک ہاتھی، دو کچھوؤں اور ایک جیگوار کی بھی مالک تھیں۔

    6. قانون کے مطابق برطانیہ کے پانیوں میں موجود تمام ویلز اور ڈالفنز کی ملکیت اّنکے پاس تھی۔

    7. 1976 میں اُنہوں نے پہلی رائیل ای میل بھیجی۔ یہ ای میل برطانیہ کے کمیونکیشن کے تحقیق ادارے کے کمپوٹر نیٹ ورک سے بھیجی گئی۔

    8. انگریزی زبان کے علاوہ اُنہیں فرنچ زبان پر بھی عبور حاصل تھا۔

    9۔ اُنہیں ہر سال تقریباً 7 ہزار خطوط دنیا کے مختلف کونوں سے موصول ہوتے جن میں سے اکثر کا وہ یا اُنکی ٹیم جواب بھی دیتی۔

    10. وہ سال میں دو مرتبہ سالگرہ مناتیں۔۔ایک 21 اپریل کو جو اّنکی اصل تاریخ پیدائش تھی اور دوسری سرکاری سالگرہ جسکا انحصار اچھے موسم پر ہوتا۔

    11. ملکہ الزبتھ پاکستان کے دورے پر دو مرتبہ 1961 اور 1997 میں آئیں۔

    اُنکی وفات کے بعد اب اُنہیں تدفین سے پہلے چار دن تک لندن کے ویسٹ منسٹر ہال میں رکھا جائے گا جہاں عام عوام آ کر اُنہیں دیکھ سکے گی۔ اُنہیں دیکھنے کے لئے متوقع طور پر 10 لاکھ کے قریب لوگ آئیں گے۔ اُنکی تدفین کی تقریب میں دنیا بھر سے اہم رہنما اور قائدین بھی شرکت کریں گے۔

  • ملکہ برطانیہ نے پاکستان کے کس دور میں دورے کیے تفصیلات آگئیں

    ملکہ برطانیہ نے پاکستان کے کس دور میں دورے کیے تفصیلات آگئیں

    ملکہ برطانیہ الزبتھ دوئم نے دو بار 1961 اور 1997 میں پاکستان کے دورے کیے۔اطلاعات کے مطابق ملکہ برطانیہ نے پاکستان کا پہلا دورہ 1961 میں 34 سال کی عمر میں کیا۔ ان کا پاکستان کا سرکاری دورہ 1 سے 16 فروری تک جاری رہا۔

     

     

     
     

    دورہ پاکستان کے دوران انکے شوہر ڈیوک آف ایڈنبرا پرنس فلپ بھی ہمراہ تھے، ملکہ برطانیہ کراچی، پشاور، کوئٹہ، لاہور اور ملک کے شمالی علاقوں میں بھی گئیں۔شاہی جوڑے کا کراچی ایئرپورٹ پر اس وقت کے صدر محمد ایوب خان نے پرتپاک استقبال کیا۔ اس کے بعد 20 منٹ کی تقریب ہوئی جس کا آغاز 21 توپوں کی شاہی سلامی کے ساتھ ہوا۔

    ٹرمینل شاہی جوڑے کی ایک جھلک دیکھنے کے لیے بے تاب شائقین سے کھچا کھچ بھرا ہوا تھا۔ اس کے بعد شاہی جوڑے کو 100 آدمیوں کی شاہی سلامی دی گئی جب وہ صدر ایوب کے ساتھ قالین والے ڈائس کے اوپر کھڑے تھے۔

     

    بحریہ کے ایک بینڈ نے دونوں ممالک کے قومی ترانے بھی بجائے۔ دونوں کو ہوائی اڈے سے ایوان صدر لے جایا گیا اور سفر کے دوران پھولوں کی پتیاں نچھاور کی جاتی رہیں۔

    شاہی جوڑا 4 فروری کو پشاور روانگی تک صدارتی رہائش گاہ پر قیام پذیر رہا۔ اپنے قیام کے دوران جوڑے کے اعزاز میں کراچی میں متعدد تقاریب کا انعقاد کیا گیا جس میں مزار قائد پر حاضری بھی شامل تھی۔

    کوئٹہ میں ملکہ برطانیہ نے پائن کا ایک پودا لگایا، یہ وہی جگہ تھی جہاں ان کے دادا کنگ جارج پنجم نے اپنے دورے سے 56 سال قبل چنار کا پودا لگایا تھا۔

     

     

    ملکہ اور ڈیوک کو ایک سینئر پختون رہنما سردار محمد خان جوگیزئی اور ایک سینئر بلوچ رہنما سردار خیر بخش خان مری نے دو دو بھیڑیں بھی پیش کیں۔ شاہی جوڑے نے کوئٹہ اسٹاف کالج کا دورہ بھی کیا۔

    پشاور میں ملکہ اور ڈیوک کو اس وقت کے مغربی پاکستان کے گورنر ملک امیر محمد خان نے گورنمنٹ ہاؤس میں ایک ضیافت میں مدعو کیا تھا۔اگلی صبح شاہی جوڑا سینٹ جانز چرچ گیا جو خطے میں سب سے قدیم ہے۔ ملکہ نے پشاور یونیورسٹی، خیبر پاس، پاک افغان سرحدی مقام طورخم اور لنڈی کوتل کا بھی دورہ کیا۔

    لاہور میں شاہی جوڑے نے علامہ اقبال کے مزار، لاہور قلع، شالیمار گارڈن اور بادشاہی مسجد کا دورہ کیا۔ ان کے اعزاز میں آرمی کی جانب سے ایک شاندار عشائیہ بھی دیا گیا۔

    ملکہ نے اگلی بار 36 سال بعد 1997 میں پاکستان کا دورہ کیا جب ملک آزادی کے 50 سال مکمل ہونے کا جشن منا رہا تھا۔وہ دوبارہ اپنے شوہر شہزادہ فلپ کے ہمراہ تھیں۔ یہ جوڑا چکلالہ، اسلام آباد پہنچا جہاں جہاز سے نکلتے ہی 21 توپوں کی سلامی دی گئی۔

    ملکہ اور ڈیوک کا استقبال اس وقت کے وزیر خارجہ گوہر ایوب خان نے کیا۔ انہیں ایوان صدر پہنچایا گیا جہاں صدر فاروق لغاری نے ان کا استقبال کیا اور گارڈ آف آنر کا معائنہ کیا۔دوپہر کو انہوں نے وزیراعظم نواز شریف سے ان کی رہائش گاہ پر ملاقات کی۔ اس دن ملکہ اور ڈیوک نے شاہ فیصل مسجد کا دورہ کیا۔

    صدر نے ملکہ اور ڈیوک کے لیے صدارتی محل میں شاہی ضیافت کا اہتمام کیا۔ ایک سرمایہ کاری کی تقریب بھی منعقد کی گئی جس کے دوران ملکہ کو اعلیٰ ترین سول ایوارڈ نشان پاکستان اور ڈیوک کو نشانِ امتیاز سے نوازا گیا۔

    ملکہ الزبتھ نے قومی اسمبلی اور سینیٹ کے مشترکہ اجلاس سے بھی خطاب کیا۔ شاہی جوڑے نے اسی دن اسلام آباد کنونشن سینٹر میں برٹش کونسل کی ایک نمائش“ احترام کی روایات“ (مغرب میں اسلام کے اثرات) کا بھی افتتاح کیا، شاہی جوڑے نے کراچی کا دورہ بھی کیا۔

  • آپریشن لندن برج:ملکہ برطانیہ کی موت کےبعدکیا ہوگا؟ًمبشر لقمان کی ملکہ برطانیہ کی وفات پرتاریخی وپرانی ویڈیووائرل

    آپریشن لندن برج:ملکہ برطانیہ کی موت کےبعدکیا ہوگا؟ًمبشر لقمان کی ملکہ برطانیہ کی وفات پرتاریخی وپرانی ویڈیووائرل

    ملکہ برطانیہ الزبتھ دوم 96 سال کی عمر میں انتقال کرچکی ہیں اور بکنگھم پیلس کی جانب سے سرکاری سطح پر تصدیق کی جاچکی ہے، اس صورتِ حال سے پیدا ہونے والے بحران سے نمٹنے کیلئے پہلے سے ہی تیاری کی جاچکی ہے۔سینیئرصحافی مبشرلقمان جو کہ وفات کی خبرکے دوران کہیں سفرپر تھے تو انہوں نے اسی دوران ملکہ برطانیہ کی وفات پراپنی ایک تاریخی اورپرانی ویڈیو کے ذکر کیا جس میں انہوں نے بڑا عرصہ پہلے ملکہ برطانیہ کی وفات کے بعد کیا ہوگا؟کے متعلق اہم معلومات شائقین کے لیے شیئر کی تھیں

    مبشرلقمان پہلے تو ملکہ برطانیہ کی وفات پرگہرے دکھ کا اظہارکرتے ہیں پھر بتاتے ہیں کہ ملکہ برطانیہ کی وفات کسی عام فرد یا کسی سربراہ مملکت کی وفات کی طرح نہیں بلکہ اس کے لیے ایک پروٹوکول ہے جو کہ بہت پہلے طئے کیا جا چکا ہے

    مبشرلقمان اپنی اس پرانی ویڈیو میں ملکہ برطانیہ الزبتھ دوم کی وفات پر بتا رہے ہیں کہ ملکہ برطانیہ الزبتھ دوم کی وفات ایک خاص منظرنامہ پیش کرے گا ، ان کا کہنا تھا کہ ملکہ برطانیہ کی وفات پر دنیا ہی بدل جائے گی

     

    ان کا کہنا تھا کہ دنیا بھرمیں موجود ملکہ برطانیہ کے پرائیویٹ سیکرٹیز یا پرسنل سیکرٹیز برطانیہ کے وزیراعظم کو ایک خط لکھیں گے اور اس میں ملکہ برطانیہ کی وفات کواس انداز سے پیش کریں کہ اس خط میں یہ لکھا جائے گا کہ “آپریشن لندن برج” گرگیا ، اس کے بعد وزیراعظم ملکہ برطانیہ کی موت کے فوراً بعد “آپریشن لندن برج” کے عمل کوعملی جامہ پہنائیں گے اور پھر 15 وہ ممالک جہاں ملکہ برطانیہ کی عملداری آج بھی چلتی ہے کو ایک محفوظ پیغام کے ذریعے بتا دیا جائے گا کہ "آپریشن لندن برج "از فالن یعنی گرچکا ، ملکہ کی وفات کے بعد ایک مرتبہ منہدم ہوگیا اس کے بعد دولت مشترکہ کے 36 ممالک کے سربراہان ایک سیاہ کونے والا نوٹس نمودار کیا جائے گا اور دنیا کے اہم ٹیلی ویژن اورریڈیواسٹیشنز کے ذریعے ملکہ برطانیہ کی وفات کی خبریں چلائیں‌گے

    بی بی سی کہ جن کے پاس پہلے ہی ملکہ برطانیہ کی زندگی کے متعلق کئی دنوں کے پروگرامز پہلے ہی تیار ہیں‌ وہ نشرکیے جائیں گے ، اس میں ملکہ برطانیہ کی زندگی کے اہم پہلووں کو اجاگر کیا جائے گا ، بی بی سی جیسے بڑے اداروں کے نیوز ریڈرز اوردیگرعملے کو سیاہ رنگ کا لباس پہنایا جائے گا اور بی بی سی کے دفاتر میں کالے رنگ کے کپڑے پڑے ہیں وہ پہنیں جائیں گے

    بی بی سی جو روایتی برانڈنگ ہے جوسرخ ہے وہ سیاہ ہوجائے گی ، موت کے اسی دن ملکہ برطانیہ کے بڑے بیٹے کوبادشاہ بنایا جائے گا ، دنیا بھر میں اسٹاک مارکیٹس اور کاروبار ملکہ برطانیہ کی وفات کے احترام میں بند رہیں گے اور موت کے اگلے دن رواں سلسلہ پرنس چارلس اپنی بطور بادشاہ پہلی سرکاری تقریب کریں‌گے اور حکومت لندن کے ہائیڈ پارکس میں 41 توپوں کی سلامی سے اپنی بادشاہت کا آغاز کریں گے ،

    پرنس چارلس کنک چارلس بنیں‌گے اور وہ اپنے سٹیٹس کا نام تبدیل کرسکتے ہیں اور برطانیہ کے دورے پر روانہ ہوں گے اور دیگرملکوں کا دورہ کرتے ہوئے لندن پہنچیں‌گے اور پھر بی بی سی ان کی ڈاکومنٹری چلائیں گے اور مزاحیہ قسم کے پروگرام اور گفتگو نہیں ہوگی ، اس کے اگلے چار دنوں بعد ملکہ کے تابوت کو فوجی پروٹوکول کے ذریعے برمنگھم پیلس سے نکالا جائے گا

    پھرشاہی خاندان کے دیگرافراد پرنس چارلس کےساتھ ملکہ برطانیہ کے تابوت کو سلامی دیں‌گے اورپھر اس کے بعد سب کے لیے ملکہ کے تابوت کو سلامی دینےکےلیے دروازے کھول دیئے جائیں گے ، اس کے بعد دس گزرجائیں گے توپھرپورے برطانیہ میں ملکہ کے اعزاز میں بینک ہولیڈے بھی ہوگا اورتمام کاروباراس دن بند رہیں گے ٹاور آف لندن کے اوپر لگی گھڑی ٹھیک 11 بجے بجنا شروع ہوجائے گی اور پورا ملک خاموش ہوجائے گا اور تابوت کو اندر لے جایا جائے گا جہاں ملکہ کو ان کے والد کے ساتھ سپرد خاک کیا جائے گا اور ممکنہ طور پر شہزادہ چارلس کی تاج پوشی کے موقع پر ایک بینک ہولیڈے ہوگی اور آنے والے دنوں میں بڑی تبدیلیاں ہوگی اور بادشاہ کی تصویر کےساتھ نئی کرنسی چپھنا شروع ہوجائے گی اور پرانی کرنسی کو اہستہ اہستہ متروک کردیا جائے گا اور قومی ترانے کو تبدیل کردیا جائےگا

    ملکہ کی وفات کے بعد برطانیہ کے زیر سایہ ممالک میں ایک تبدیلی کا اشارہ بھی ہوسکتاہے ، جمہوریت کے حامی ملکہ برطانیہ کی وفات کے بعد برطانیہ کی بادشاہت سے نکلنے کے لیے بے تاب ہیں جیسے آسٹریلیا اور کچھ اور بھی ممالک ہیں‌جوتاج برطانیہ سے اب چھٹکارہ چاہتےہیں اور کیا کیا تبدیلی آئے گی اس کےبارے میں آگے مزید صورت حال واضح ہوجائے گی