Baaghi TV

Tag: ملکہ برطانیہ

  • تیس سال کویت کی سفارتی خدمات انجام دینے والے سفیر کیلئے برطانیہ کا بڑا اعزاز

    تیس سال کویت کی سفارتی خدمات انجام دینے والے سفیر کیلئے برطانیہ کا بڑا اعزاز

    برطانوی ملکہ الزبتھ نے کویت کے سفیر خالد الدویسان کو تین دہائیوں پر محیط خدمات کے بدلے میں برطانیہ کے غیر معمولی اور بہت کم لوگوں کو مل پانے والے اعزاز سے نوازا ہے۔

    باغی ٹی وی : ” العربیہ” کے مطابق کویت کی خبر رساں ایجنسی کونا کی خبر کے مطابق، برطانیہ کی ملکہ الزبتھ دوم نے کویت کے سفیر خالد الدویسان کو تین دہائیوں کی خدمات کے بعد ایک ‘نایاب اور غیر معمولی اعزاز’ سے نوازا ہے کویتی سفیر کو آرڈر آف سینٹ مائیکل اینڈ سینٹ جارج کے لیے مقرر کیا گیا تھا، یہ اعزاز اعلیٰ عہدے پر رہنے والوں کو دیا جاتا ہے، یا جو اعلی افسران کےلیے مخصوص ہے جنہوں نے غیر فوجی میدان میں انتہائی غیر معمولی اور اہم ترین خدمات بیرون ملک یعنی سفارتی شعبے میں انجام دی ہوں۔

    یورپ میں گرمی کی شدید لہر،برطانیہ میں ریلوے پھاٹک پر نصب ٹرین کے سگنلز پگھل گئے

    ڈہلومیٹک کور کا مارشل السٹئیر ہیرسن نے کویتی سفیر کے لے اس اعزاز کوسراہتے ہوئے کہا ہے کہ خالد الدویسان کو ملنے والا یہ اعزاز کم ہی لوگوں کو ملتا ہے جو انہیں ان کی سفارت سے سبکدوشی پر ملکہ الزبتھ کی طرف سے عطا کیا گیا ہے۔

    انہوں نے مزید کہا یہ ان کی خدمات کی تحسین اور اعتراف کا اعلان ہے۔ جو خدمات انہوں نے گذشتہ تیس برسوں کے دوران برطانیہ اور کویت کے دو طرفہ تعلقات کے لیے انجام دی ہیں۔ ہیریسن نے تعریف کی کہ تیس برس تک برطانیہ میں سفیر رہے۔

    واضح رہے خالد الدویسانی 1992 سے برطانیہ میں سفارت کاری کے شعبے میں بروئے کار رہے۔ جبکہ 2002 وہ براہ راست سفارتی شعبے میں رہے۔

    توانائی بحران سے نمٹنے کیلئےبنگلہ دیشی حکومت کا سخت اقدامات کا فیصلہ

  • ملکہ برطانیہ کی بعض اہم ذمہ داریوں میں کمی کردی گئی

    ملکہ برطانیہ کی بعض اہم ذمہ داریوں میں کمی کردی گئی

    بکنگھم پیلس کی جانب سے جاری کردہ سالانہ ریویو میں ملکہ برطانیہ کواہم ذمہ داریوں سبکدوش کر دیا گیا-

    باغی ٹی وی : غیر ملکی میڈیا کے مطابق جون کے مہینے میں برطانوی ملکہ کی تخت نشینی کے 70 سال مکمل ہونے پر پلاٹینیم جوبلی کی تقریبات کا انعقاد کیا گیا تھا بکنگھم پیلس کی جانب سے جاری کردہ سالانہ ریویو میں 96 سالہ ملکہ برطانیہ کی اہم منصبی ذمہ داریوں کی 13 نکاتی فہرست میں سے پارلیمنٹ کے پہلے اجلاس کی سربراہی سمیت 6 ذمہ داریوں کو خارج کر دیا گیا ہےجن میں سے 5 اہم ذمہ داریاں اب پرنس آف ویلز شہزادہ چارلس کے حوالے کی جائیں گی۔

    سنکیانگ: قومیتوں کے حقوقِ معاش کا تحفظ اور بہتر زندگی کے موضوع پر سیمینار

    رپورٹ میں کہا گیا ہےکہ اب بھی ریاست کے سربراہ اور قوم کے سربراہ جیسے دو اہم منصب ملکہ برطانیہ کے کردار کا حصہ ہیں اور ملکہ برطانیہ اب بھی رسمی قانونی تقاضوں کے مطابق بطور سربراہِ ریاست اپنی ذمہ داریاں نبھاتی رہیں گی –

    بطور سربراہ مملکت ان کے سرکاری دورے کرنے اور دیگر سربراہان مملکت کے سرکاری دوروں کی میزبانی اور وزیر اعظم کی تقرری سمیت دیگر اہم ذمہ داریاں اب بھی ان کے پاس ہی رہیں گے قوم کی سربراہ کی حیثیت میں ملکہ برطانیہ مناسب مواقع اور ضرورت کے وقت اپنا کردار ادا کر یں گی۔

    ایسےآثارمل رہےہیں کہ چین پہلےچاند پرقبضہ کرے گاپھردنیا پرحکمرانی:ناسا سربراہ

    خیال رہے کہ گزشتہ دہائی میں یہ پہلا موقع ہے کہ ملکہ کی ذمہ اہم ریاستی ذمہ داریوں کی فہرست میں کسی قسم کی تبدیلی یا کمی کی گئی ہے بکنگھم پیلس ذرائع کے مطابق ملکہ برطانیہ کی منصبی ذمہ داریوں کی فہرست میں تبدیلی ان کے کردار کو ‘قومی تشخص و اتحاد’، ‘تسلسل و استحکام’ اور ‘سپورٹ اور سروس’ کے تناظر میں مزید واضح اور متاثر کن بنانے کے لیے کی گئی ہے، یہ کوئی بہت بڑی تبدیلی نہیں بلکہ ‘پوسٹ جوبلی’ چھوٹی سی اپڈیٹ ہے۔

    روس کا یورپ کو گیس سپلائی کرنیوالی پائپ لائن بند کرنے کا اعلان

  • لاہور:مبشرلقمان کی برطانوی ہائی کمیشن میں ملکہ برطانیہ کی پلاٹینم جوبلی میں شرکت

    لاہور:مبشرلقمان کی برطانوی ہائی کمیشن میں ملکہ برطانیہ کی پلاٹینم جوبلی میں شرکت

    لاہور:لاہور:مبشرلقمان کی برطانوی ہائی کمیشن میں ملکہ برطانیہ کی پلانٹینم جوبلی میں شرکت:ملکہ برطانیہ کوخراج عقیدت،اطلاعات کے مطابق گزشتہ رات پاکستان کے سنیئر تجزیہ نگار،معروف صحافی مبشرلقمان کو بھی لاہور میں قائم برطانوی ہائی کمیشن میں ملکہ برطانیہ کی پلاٹینم جوبلی کی تقریب میں‌شرکت کی دعوت تھی ، اس تقریب میں شرکت کے ساتھ ساتھ مبشرلقمان نے کچھ اہم ایشوز بھی دیکھے اورپھران اہم نقات کی بنیاد پر کچھ گزارشات بھی کی ہیں‌،

    اس سلسلے میں مبشرلقمان نے سماجی رابطے کی ویب سائٹ ٹویٹر پراپنے پیغام میں کہا ہے کہ وہ اس عظیم خاتون کو کو خراج تحسین پیش کرتے ہیں جس نے دنیا کی تاریخ میں دوسرے سب سے طویل عرصے تک حکمرانی کی اور یہ سلسلہ جاری ہے ،مبشرلقمان کہتے ہیں کہ ملکہ برطانیہ ملکہ الزبتھ دوئم، نے اس وقت تاج سنبھالا جب ان کے مرحوم والد کا کم عمری میں ہی انتقال ہوگیا۔ وہ بہت چھوٹی تھی اور اس نے جنگوں، تنازعات، قحط، سیاسی بحرانوں کے دوران اپنے ملک کی قیادت کی اورملک کوکامیابی کے ساتھ آگے لے کرچل رہی ہیں

    مبشرلقمان کہتے ہیں کہ برطانوی بادشاہت اور خاص طور پر ہاؤس آف ونڈسر نے نہ صرف جی بی بلکہ دولت مشترکہ کے ممالک میں کارہائے نمایاں سرانجام دیئے جن کو دنیاآج تسلیم کرتی ہے

     

    ان کا کہنا تھا کہ لاہور میں برطانوی ہائی کمیشن کی جانب سے گزشتہ رات ملکہ برطانیہ کے لیے پلاٹینم سال کے موقع پر ایک شاندار اور متاثر کن تقریب ہوئی۔ بہت متاثر ہوا کہ اعلیٰ برطانوی سفارت کار نے اپنے خطبہ استقبالیہ میں اچھی اردو میں بات کی۔ بہت سراہا گیا۔

     

    مبشرلقمان نے اس موقع پر پاکستان اور برطانیہ کے درمیان بہترتعلقات پر روشنی ڈالتے ہوئے کہا کہ پاکستان کے برطانیہ کے ساتھ بہت مضبوط تعلقات ہیں۔ ہر سال ہزاروں طلباء وہاں جاتے ہیں اور لاکھوں خاندان برطانیہ میں آباد ہیں۔ ہماری تعلیم اور صحت کی دیکھ بھال میں برطانوی حکومت کا تعاون نہ صرف غیر معمولی ہے بلکہ قابل ذکر بھی ہے۔

     

    مبشرلقمان کا کہنا تھا کہ ایک چیز جو مجھے حیران کرتی ہے وہ یہ ہے کہ برطانیہ کے ساتھ ہمارے انتہائی قریبی تعلقات کے باوجود، ہم نے کبھی بھی رگبی کے لیے ذوق پیدا نہیں کیا۔ ہمارے پاس کرکٹ اور اسکواش تو کھیلے جاتے ہیں لیکن رگبی نہیں۔ ان کا کہنا تھا کہ وہ اکثر یہ سوچتے ہیں کہ آخرایسا کیوں ہورہا ہے کہ رگبی سے رغبت کیوں نہیں ہورہی ؟

     

    ہمارے طلباء جو بیرون ملک جاتے ہیں وہ نہ صرف تعلیم حاصل کرتے ہیں بلکہ کثیر قومی معاشروں اورمختلف اقوام کے مشترکہ معاشروں سے حاصل کرتے ہیں۔ یہ ضروری ہے کہ ہماری حکومت مختلف ممالک سے مستحق طلباء کے لیے مزید وظائف حاصل کرنے کی کوشش کرے

     

    مبشرلقمان کہتے ہیں کہ کل میں نے کل بابر اعظم سے ملاقات کی۔ وہ نہ صرف دنیا کا ٹاپ کھلاڑی ہے بلکہ ایک بہت مہذب انسان بھی ہے۔ ان کے مستقبل کے لیے نیک تمنائیں اور دعا ہے کہ وہ مزید ریکارڈز بنائے اور پاکستان کو مزید فتوحات دے۔

     

  • ملکہ برطانیہ کی تخت نشینی کی 70ویں سالگرہ کی شاندار تقریبات کا اختتام

    ملکہ برطانیہ کی تخت نشینی کی 70ویں سالگرہ کی شاندار تقریبات کا اختتام

    ملکہ برطانیہ کی تخت نشینی کی 70ویں سالگرہ کی شاندار تقریبات کا اختتام ہو گیا۔

    باغی ٹی وی :برطانیہ میں ملکہ الزبتھ دوم کی تخت نشینی کے ستر برس مکمل ہونے پر چار روزہ شاندار تقریبات شاندار نمائش کے ساتھ اختتام پذیر ہو گئیں 96 سالہ ملکہ ایک بار پھر بکنگھم پیلس کی بالکونی میں نمودار ہوئیں اور عوامی مجمعے کیساتھ مل کر قومی ترانہ گایا۔ شائقین کی ایک بہت بڑی تعداد نے ملکہ کا زبردست خیر مقدم کیا۔

    اس موقع پر ملکہ برطانیہ بالکونی میں اپنے جاننشینوں پرنس چارلس اور کیملا کے ساتھ کھڑی ہوئیں بالکونی میں پرنس ولیم اور کیتھرین اور ان کے بچے بھی موجود تھےملکہ الزبتھ کو پیدل چلنے میں مشکلات کا سامنا ہے اس کے سبب انہوں نے زیادہ تر تقریبات میں ذاتی طور پر شریک ہونے سے معذرت کرلی تھی۔

    اتوار کی شام اپنے شکریہ کے پیغام میں ملکہ نے کہا کہ وہ اپنی اہلیت کے مطابق اپنے لوگوں کی خدمت کرنے کے لیے پرعزم ہیں۔

    رنگا رنگ ‘ٹروپنگ دی کلر’ فوجی پریڈ، جو ملکہ کی سرکاری سالگرہ منانے کے لیے ہر سال منعقد ہوتی ہے، جس میں تقریباً 1500 فوجی اور افسران شامل ہوتے ہیں ملکہ الزبتھ 1986 تک خود گھوڑے کی پیٹھ پر پریڈ میں حصہ لیتی تھی اس کےپانچ سال بعد جب ایک شخص نے اس پرچھ خالی گولیاں چلائیں اس کےبعد کچھ روایات بدل گئیں، اس وقت جب وہ شخص گولیاں چلا رہا تھا تو بڑی ہوشیاری سےاس کوگرفتار کرلیاگیا تھا-

    2جون 1953 کو برطانیہ کی ملکہ کی حیثیت سے تخت نشین ہونے والی الزبتھ الیگزینڈرا میری 21 اپریل 1926 کو برطانوی بادشاہ جارج چہارم کے گھر پیدا ہوئیں ملکی برطانیہ برطانوی نے تاریخ میں سب سے طویل عرصے تک حکمرانی کرنے کا اعزاز حاصل کر لیا۔

  • ملکہ برطانیہ کے تخت نشینی کے ستر سال مکمل،آج سے پلاٹنیم جوبلی کی شاندار تقریبات کا آغاز

    ملکہ برطانیہ کے تخت نشینی کے ستر سال مکمل،آج سے پلاٹنیم جوبلی کی شاندار تقریبات کا آغاز

    برطانوی ملکہ کے تخت نشینی کے ستر سال مکمل، آج سے پلاٹنیم جوبلی کی شاندار تقریبات کا آغاز ہوگا۔

    باغی ٹی وی : برطانوی خبررساں ادارے "بی بی سی اردو” کے مطابق ملکہ برطانیہ کی پلاٹینم جوبلی کے لیے، بالکونی ایک بار پھر ایک تاریخی سنگ میل پر تصویر کشی کا موقع فراہم کرے گی، جس میں ملکہ الزبتھ دوم اور شاہی خاندان کے دیگر 17 ارکان جمعرات کو جلوہ گر ہوں گے، گذشتہ مواقع پر بالکونی میں 40 سے زیادہ افراد موجود تھے۔

    ترک صدر رجب طیب اردوان اورشہبازشریف کی ملاقات:مشترکہ پریس کانفرنس بھی کی

    بالکونی میں صرف صرف ’شاہی ذمہ داریاں نبھانے والے‘ اور ان کے بچے نظر آئیں گے، جس میں ملکہ کے بیٹے پرنس اینڈریو، اور ان کے پوتے پرنس ہیری، اور ان کی اہلیہ میگھن، ڈچس آف سسیکس شامل نہیں ہیں پرنس اینڈریو امریکی جنسی زیادتی کے مقدمے کے تناظر میں مستعفی ہو گئے۔ شہزادہ ہیری اور میگھن اپنی شاہی ذمہ داریوں سے دستبردار ہو کر امریکہ چلے گئے ہیں۔


    تقریب کی کوریج کے لیے بین الااقومی میڈیا اور دوسرے ممالک سے سیاح بھی پہنچ گئے ہیں، کئی سیاحوں نے لندن مال کے قریب کیمپس لگا لیے، بکھنگم پیلس نے ملکہ الزبتھ کی نئی تصویر بھی جاری کردی۔ 96 سالہ ملکہ کے اعزاز میں چار روزہ جشن منایا جائے گا۔

    ملکہ الزبتھ کو پانچ سو سے زائد گھڑ سوار خراج تحسین پیش کریں گے "آ گیلپ تھرو ہسٹری” میں ملکہ کے70 سالہ اقتدار کی جھلک دکھائی جائے گی، ونڈسرکاسل میں ایک ہزار تین سو فنکاروں سمیت 4 ہزار شائقین شرکت کریں گے یہ صرف ایک لائن اپ نہیں ہے، بلکہ جانشینی کی ایک لائن ہے، اس لیے 17 لوگوں کا انتخاب بھی انتہائی اہمیت کا حامل ہے۔

    ایسی تجاویز بھی سامنے آ رہی ہیں کہ ملکہ اتوار کو دوبارہ بالکونی میں جلوہ گر ہوں اور اس مرتبہ صرف اپنے جانشینوں پرنس چارلس، اپنے پوتے پرنس ولیم اور نواسے پرنس جارج کے ہمراہ۔

    2جون 1953 کو برطانیہ کی ملکہ کی حیثیت سے تخت نشین ہونے والی الزبتھ الیگزینڈرا میری 21 اپریل 1926 کو برطانوی بادشاہ جارج چہارم کے گھر پیدا ہوئیں ملکہ برطانیہ برطانوی تاریخ میں سب سے طویل عرصے تک حکمرانی کرنے والی خاتون ہیں۔

    پاکستان اور ترکی کے درمیان مضبوط سفارتی تعلقات ہیں:بلاول بھٹو

  • ملکہ برطانیہ الزبتھ دوم نے ایک اور سنگ میل عبور کرلیا

    ملکہ برطانیہ الزبتھ دوم نے ایک اور سنگ میل عبور کرلیا

    ملکہ برطانیہ الزبتھ دوم آج (منگل) پارلیمنٹ کی افتتاحی تقریب میں عدم شرکت کی وجہ سے خطاب نہیں کریں گی۔

    باغی ٹی وی : برطانوی نشریاتی ادارے بی بی سی کے مطابق ملکہ برطانیہ 59 برس میں پہلی بار پارلیمنٹ سے افتتاحی خطاب نہیں کریں گی، ان کی جگہ ولی عہد شہزادہ چارلس خطاب کریں گے 96 برس کی ملکہ برطانیہ کو چلنے میں دشواری کا سامنا ہے اس لیے وہ تقریب میں شرکت نہیں کرسکیں گی البتہ ملکہ برطانیہ الزبتھ دوم تقریب ونڈ سر کاسل میں ٹی وی پر دیکھیں گی۔

    اسرائیل میں دنیا کا پہلا زیر زمین "راکٹ پروف” بلڈ بینک

    رپورٹس کے مطابق پارلیمنٹ کے افتتاحی سیشن میں ملکہ برطانیہ کے اعزاز میں تخت خالی رہے گا جبکہ ولی عہد شہزادہ چارلس کے ساتھ ان کے بیٹے شہزادہ ولیم بھی پارلیمنٹ میں ہوں گے۔

    اس سے قبل ملکہ برطانیہ نے 1959 اور 1963میں بھی شہزادہ اینڈریواورشہزادہ ایڈورڈکی پیدائش کےوقت پارلیمنٹ سے خطاب نہیں کیا تھا۔

    دوسری جانب ملکہ برطانیہ الزبتھ دوم نے رواں ہفتے ایک اور سنگ میل عبور کرلیا جس کے بعد وہ طویل عرصے تک تخت پر براجمان رہنے والی دنیا کی تیسری شاہی شخصیت بن گئیں۔

    سری لنکا میں پر تشدد جھڑپیں: 5 ہلاک، 190 سے زائد زخمی، مستعفی وزیراعظم کا گھر نذر آتش، کرفیو نافذ

    برطانوی اخبار ڈیلی میل کی رپورٹ کے مطابق ملکہ برطانیہ نے یورپی ملک لیچٹینسٹائن( Liechtenstein)کے یوہان دوم(Johann II) کو پیچھے چھوڑتے ہوئے یہ اعزاز اپنے نام کیا، ان کی بادشاہت کا دور 1929 میں ان کی موت کے ساتھ 70 سال اور 91 دن پر ختم ہوا جبکہ ملکہ برطانیہ 70 سال اور 92 دن سے تخت پر براجمان ہیں۔

    رپورٹس کے مطابق یہی نہیں ملکہ برطانیہ صرف 34 دن کے بعد تھائی لینڈ کے بادشاہ بھومیبول ادولیادیج (Bhumibol Adulyadej) کو پیچھے چھوڑ تے ہوئے دنیا کی دوسری طویل مدت تک راج کرنے والی شاہی شخصیت ہونےکا اعزاز حاصل کرلیں گی تھائی لینڈ کے بادشاہ نے 1946 سے اکتوبر 2016 میں اپنی موت تک 70 سال اور 126 دن تک حکمرانی کی۔


    ملکہ کے نئے سنگ میل کی نشاندہی ڈیل میل کے ایڈیٹر رچرڈ ایڈن نے ٹوئٹر پر کی اور ساتھ ہی انہوں نے الزبتھ دوم کو مبارک باد بھی دی۔

    واضح رہے کہ 72 سال اور 110 دن کے شاندار دور حکومت کے ساتھ فرانس کے چودہویں لوئس ( Louis XIV) دنیا کے طویل مدت تک راج کرنے والے بادشاہوں کی فہرست میں پہلے نمبر پر براجمان ہیں انہوں نے فرانس میں 14 مئی 1643 سے 1 ستمبر 1715 تک حکومت کی۔

    واضح رہے کہ ملکہ برطانیہ الزبتھ دوم نے ستمبر 2015 میں باضابطہ طور پر طویل ترین عرصے تک برطانیہ پر راج کرنے کا اعزاز حاصل کیا تھا۔

    یوکرین جنگ : ہزاروں لوگوں کی جان بچانے والے کتے کیلئے صدارتی اعزاز

  • ملکہ برطانیہ نے کورونا کو شکست دے دی

    ملکہ برطانیہ نے کورونا کو شکست دے دی

    لندن: ملکہ برطانیہ الزبتھ دوم نے کورونا وائرس کو شکست دے دی-

    باغی ٹی وی : عالمی خبر رساں ادارے کے مطابق 20 فروری کو ملکہ برطانیہ کا کورونا ٹیسٹ مثبت آیا تھا جس پر 95 سالہ ملکہ نے خود کو شاہی محل میں قرنطینہ کرلیا تھا۔

    ملکہ برطانیہ کورونا وائرس کا شکار ہو گئیں

    شاہی محل سے جاری بیان میں بتایا گیا تھا کہ ملکہ برطانیہ کو کورونا کے معمولی نوعیت کی علامتیں ہیں اور ماہر معالجین کی ایک ٹیم ہر وقت ملکہ برطانیہ کی نگہداشت کے لیے موجود ہے اس دوران ملکہ برطانیہ کے ساتھ طے شدہ اہم ملاقاتوں اور سرکاری تقریبات کو منسوخ کردیا گیا تھا۔ شاہی محل نے ملکہ برطانیہ کی صحت کے حوالے سے لمحہ بہ لمحہ اپ ڈیٹ سے بھی انکار کردیا تھا۔

    تااہم اب شہزادہ چارلس کے مطابق دس دن قرنطینہ میں رہنے کے بعد ملکہ برطانیہ کا کورونا ٹیسٹ دوبارہ کرایا گیا جو منفی آیا اور ان کی صحت بھی کافی بہتر ہے ملکہ برطانیہ نے معمول کی سرگرمیوں میں حصہ لینا شروع کردیا۔

    کورونا وائرس چین کے شہر ووہان کی ایک مارکیٹ سے پھیلا ،تحقیق

    واضح رہے کہ ملکہ برطانیہ ایلزبتھ دوم نے حال ہی میں ملک کے آئندہ بادشاہ اور ملکہ کے ناموں کا اعلان کرکے سب کو حیران کردیا تھا اور اس سے شاہی محل کے اگلے وارثوں کے بارے میں جاری چہ مہ گوئیوں کا بھی خاتمہ ہوگیا تھا۔

    خیال رہے کہ اپنی صحت اور غذا کا نہایت خیال رکھنے والی ملکہ برطانیہ نے کورونا وبا کے ابتدا میں ہی خود کو شاہی قلعہ ونڈسر میں محدو کرلیا تھا اور اس دوران شاہی ریسیپی سے تیار کردہ اپنا ٹماٹو کیچپ اور براؤن ساس مارکیٹ میں متعارف کرایا تھا جس کی قیمت مارکیٹ میں پہلے سے دستیاب برانڈز سے کہیں زیادہ ہے۔

    وزیر اعلیٰ بلوچستان کا کورونا ٹیسٹ مثبت آ گیا

  • ملکہ برطانیہ کورونا وائرس کا شکار ہو گئیں

    ملکہ برطانیہ کورونا وائرس کا شکار ہو گئیں

    لندن: 95 سالہ ملکہ برطانیہ کورونا وائرس میں مبتلا ہوگئیں۔

    باغی ٹی وی : عالمی خبر رساں ادارے کے مطابق برطانوی شاہی محل سے جاری بیان میں بتایا گیا ہے کہ معمولی علامات ظاہر ہونے پر 95 سالہ ملکہ ایلزبتھ دوم کا کورونا ٹیسٹ کرایا گیا جو مثبت آیا ہے ملکہ برطانیہ میں معمولی نوعیت کی علامات ہیں جب کہ ان کی مجموعی صحت کافی بہتر ہے اور وہ شاہ محل قلعہ ونڈسر میں مقیم ہیں جہاں ماہر معالجین ان کی دیکھ بحال کے لیے ہمہ وقت موجود ہیں۔

    برطانیہ میں طوفان:نظام زندگی درہم برہم،ٹرینیں معطل،ہزاروں پروازیں منسوخ

    شاہی محل سے جاری بیان میں مزید کہا گیا ہے کہ کورونا ٹیسٹ مثبت آنے پر ملکہ برطانیہ نے اپنی عوامی سرگرمیاں منسوخ کردیں اور صرف ضروری کاموں کی انجام دہی میں خود کو مشغول رکھا ہے۔

    ملکہ برطانیہ ایلزبتھ دوم نے چند روز قبل ہی ملک کے آئندہ بادشاہ اور ملکہ کے ناموں کا اعلان کرکے سب کو حیران کردیا تھا اور اس سے شاہی محل کے اگلے وارثوں کے بارے میں جاری چہ مہ گوئیوں کا بھی خاتمہ ہوگیا تھا۔

    برطانیہ میں پناہ لینےوالےافغان شہریوں کو غیر قانونی قرار دیئے جانے کا خدشہ

    واضح رہے کہ اپنی صحت اور غذا کا نہایت خیال رکھنے والی ملکہ برطانیہ نے کورونا وبا کے ابتدا میں ہی خود کو شاہی قلعہ ونڈسر میں محدو کرلیا تھا اور اس دوران شاہی ریسیپی سے تیار کردہ اپنا ٹماٹو کیچپ اور براؤن ساس مارکیٹ میں متعارف کرایا تھا جس کی قیمت مارکیٹ میں پہلے سے دستیاب برانڈز سے کہیں زیادہ ہے۔

    کوویڈ 19 کے بعد دنیا کو جلد ایک اوروبائی مرض کا سامنا کرنا پڑ سکتا ہے ،بل گیٹس

    ملکہ ایلزتھ دوم کی تیار کردہ 295 گرام کیچپ کی قیمت £6.99 ہے جب کہ سب سے مقبول برانڈ کی قیمت 460 گرام کے لیے صرف 60p ہے۔ قیمتوں میں کافی فرق کے باوجود شہری ملکہ برطانیہ بنائے گئے برانڈز کو خریدنے میں دلچسپی لے رہے ہیں اس کی ایک وجہ یہ بھی ہے کہ کھانے کی میز یا کیچن میں کیچپ اور ساس کی ایسی بوتل کی موجودگی ہی قابل فخر ہے جس پر شاہی خاندان کی مہر لگی ہو۔

    ٹھوس پیشرفت نہ ہونے کے باوجود ایران کیساتھ مذاکرات کے نئے دور کیلئے تیار ہیں ،سعودی وزیرخارجہ

  • 7 سالہ بچی کا ملکہ برطانیہ کے نام منفرد خط

    7 سالہ بچی کا ملکہ برطانیہ کے نام منفرد خط

    لندن: برطانیہ کی 7 سالہ بچی نے ملکہ الزبتھ کو پالتو کتوں کی تلاش میں مدد کے لیے دلچسپ خط لکھ دیا جو سوشل میڈیا پر وائرل ہو گیا-

    باغی ٹی وی : ڈیلی میل کے مطابق برطانیہ کے علاقے لیٹ چلی سے تعلق رکھنے والی لوئس نامی 7 سالہ بچی نے ملکہ برطانیہ الزبتھ کے نام دلچسپ خط میں پالتو کتوں کو ڈھونڈنے میں مدد کی اپیل کی ہے۔

    ارطغرل غازی کے معروف اداکار انتقال کر گئے


    رپورٹس میں بتایا گیا کہ سات سالہ بچی اپنے کسی رشتے دار کے دو کتے کھو جانے پر فکر مند ہوئی اور ملکہ برطانیہ کو اپنے ہاتھوں سے خط لکھا جس میں لوئس نے الزبتھ سے درخواست کی کہ وہ مدد فراہم کریں برطانیہ کے ایوان شاہی کے پتے پر ارسال کے گئے خط میں لکھا تھا کہ ہمارے کسی عزیز کے دو کتے تقریباً سات ماہ سے لاپتہ ہیں، وہ اپنے پالتو جانوروں سے بہت محبت کرتے تھے۔

    آرمینیا کے صدر اپنے عہدے سے مستعفیٰ ہو گئے


    خط متن کے مطابق اب تک کتوں کی کوئی خبر نہیں جس کی وجہ سے ان کے مالکان شدید مایوسی کا شکار ہیں، آپ برطانیہ کی ملکہ ہیں، براہ کرم پالتو جانوروں کی تلاش میں ہمارا ساتھ دیں بچی نے ملکہ الزبتھ سے درخواست کی کہ میری اور روبی نامی کتوں کی گمشدگی کی خبر ریڈیو یا ٹیلی ویژن کے ذریعے پھیلانے کی کوشش کریں تاکہ انہیں جلد تلاش کیا جاسکے۔

    خیال رہے مالکان نے کتوں کی گمشدگی کا پوسٹر بھی تیار کیا، تاہم اب تک ان کا کوئی اتا پتا نہیں ہے۔

    امریکا کی کیپیٹل ٹی وی کے صحافی حسنین شاہ کے قتل کی مذمت

  • مسلح شخص کی ملکہ برطانیہ کے شاہی گھر میں گھسنے کی کوشش

    مسلح شخص کی ملکہ برطانیہ کے شاہی گھر میں گھسنے کی کوشش

    ملکہ برطانیہ کے شاہی گھر ونڈسر کیسل میں کرسمس کی تقریب کے دوران ایک مسلح شخص نے گھسنے کی کوشش کی ۔

    باغی ٹی وی : برطانوی میڈیا کے مطابق برطانوی شاہی قلعہ ونڈرسر میں ایک انیس سالہ مسلح شخص نے داخل ہونے کی کوشش کی اس وقت ملکہ برطانیہ اپنے اہل خانہ کے ساتھ کرسمس کی تقریب میں موجود تھیں۔

    رپورٹ کے مطابق مسلح شخص کی محل میں داخل ہونے کی کوشش ناکام بنا دی گَئی کیسل کے سیکیورٹی گارڈز نے نوجوان کو شاہی قلعے کے گراونڈ سے حراست میں لے لیا۔

    شہری نے امریکی صدر کو بے وقوف بنا دیا

    پولیس کا کہنا ہے کہ نوجوان اندر داخل ہونے میں ناکام رہا اور اس کی وجہ سے کرسمس کی تقریب میں بھی کوئی خلل نہیں پڑا پولیس نے گرفتار ملزم کی شناخت ظاہر نہیں کی نہ ہی یہ بتایا گیا ہے کہ وہ وہاں کس مقصد سے داخل ہوا تھا پولیس کا کہنا ہے کہ ملزم سے تفتیش جاری ہے۔

    ڈیلی میل کے مطابق وہ ایک بیرونی دیوار کو سکیل کرنے کے بعد صبح 8.30 بجے کے قریب باغات میں گھومتے ہوئے سی سی ٹی وی پر دیکھا گیا تھا۔ مسلح ں جائے وقوعہ پر پہنچ گئیں یہ واضح نہیں ہے کہ آیا حملہ آور ملکہ کے نجی اپارٹمنٹس کے قریب پہنچا۔

    بے دھیانی میں بھیجی گئی سیلفی بوائے فرینڈ کیلئے شرمندگی کا باعث بن گئی

    پولیس نےتصدیق کی کہ وہ کسی عمارت میں داخل نہیں ہوا اور فوری طور پر دہشت گردی کے کسی مقصد کو مسترد کر دیا کل رات، ساوتھمپٹن ​​سے تعلق رکھنے والے ایک 19 سالہ شخص کو ‘محفوظ جگہ کی خلاف ورزی یا تجاوز’ اور جارحانہ ہتھیار رکھنے کے شبے میں حراست میں لیا گیا تھا کراس بوز کو اکثر ‘مہلک لیکن قانونی’ کہا جاتا ہے کیونکہ انہیں کسی لائسنس یا رجسٹریشن کی ضرورت نہیں ہوتی ہے اور انہیں انٹرنیٹ پر خریدا جا سکتا ہے۔

    واضح رہے کہ کورونا وبا کے دوران ملکہ برطانیہ نے اپنا زیادہ تر وقت اسی قلعے میں گزارا تھا-

    مواد کی خلاف ورزی،روس نے گوگل پر 98 ملین ڈالر جرمانہ عائد کردیا