پاکستان فلم اور میوزک انڈسٹری کی لیجنڈی اداکارہ و گلوکارہ ملکہ ترنم نور جہاں کی بیٹی نازیہ اعجاز درانی نے کہا ہے کہ والدہ اور والد اعجاز درانی میں علیحد گی کے بعد دوستانہ تعلقات تھے-
نازیہ اعجاز درانی نے حال ہی میں ایک نجی ٹی وی چینل کو انٹرویو دیا ہے جس میں نازیہ اعجاز نے بتایا کہ والدہ 9 سال کی عمر سے اسٹار تھیں، انہوں نے بہت زیادہ شہرت اور مداحوں کی محبت دیکھی مگر وہ گھر میں ایک عام ماں کی طرح ہوتی تھیں، والدہ نے ہمیشہ اپنے ہاتھوں سے کھانا بنایا اور کھلایا اور ہمارے سب ناز نخرے بھی اٹھائے-
انہوں نے کہا کہ بڑی بہن ظِلّ ہما کی شادی کے بعد والدہ نے ہم 3 چھوٹی بہنوں کو بورڈنگ اسکول میں ڈال دیا تھا،زیہ اعجاز کا کہنا ہے کہ والدہ اور والد اعجاز درانی میں علیحد گی کے بعد دوستانہ تعلقات تھے، بورڈنگ اسکول ہماری سالگرہ منانے کے لیے دونوں آیا کرتے تھےوالدہ کی وفات سے قبل جب ان کی طبیعت خراب ہوئی ہےتو اس دوران بھی اعجاز درانی ہی والدہ کو اسپتال لے کر گئے تھے۔
نازیہ اعجاز درانی نے انکشاف کیا کہ مجھے کبھی کبھار محسوس ہوتا ہے کہ میں اپنی والدہ جیسی زندگی جی رہی ہوں، میں بھی سنگل مدر ہوں، علیحدہ رہتی ہوں اور اپنے بچوں کی دیکھ بھال بالکل اس طرح سے کرتی ہوں جیسے نورجہاں ہماری کیا کرتی تھیں، میں بھی اپنے بچوں کے لیے اپنے ہاتھوں سے کھانا پکاتی ہوں اور چھوٹے بیٹے کو تاحال اپنے ہاتھ سے کھانا کھلاتی ہوں،جیسے جیسے میری عمر بڑھ رہی ہے، لوگ مجھے کہنے لگے ہیں کہ میں اپنی والدہ سے بہت زیادہ ملتی ہوں، مجھے لگتا ہے میں اپنی والدہ کی زندگی ری کری ایٹ کر رہی ہوں۔
