ملک کےمختلف شہروں میں موسم گرم اور خشک رہے گا ،محکمہ موسمیات
باغی ٹی وی : محکمہ موسمیات کے مطابق جنوبی پنجاب ، شمال مشرقی بلوچستان اورسندھ میں بارش کا امکان،اسلام آباد میں مطلع ابر آلود رہے گا، گرج چمک کے ساتھ بارش اور ژالہ باری متوقع ہے-
گلگت بلتستان اور کشمیر کے کچھ اضلاع میں بھی آ ندھی اور بارش متوقع ہے لسبیلہ، نصیر آباد اور خضدار میں آ ندھی تیز ہواؤ ں اورگرج چمک کے ساتھ بارش ہوگی بلوچستان کے کوہلو، سبی، بارکھان ،ژوب اور،ڈیرہ بگٹی میں چند مقامات پر موسلادھار بارش ہو گی-
بہاولپور، بہاولنگر، بھکر، لیہ ،ڈی جی خان ، ملتان، ساہیوال اور رحیم یار خان میں بارش کا امکان جبکہ نارووال اور سیالکوٹ میں چند مقامات پر آ ندھی تیز ہواؤ ں اورگرج چمک کے ساتھ بارش متوقع ہے-
لاڑکانہ، خیر پور، کشمور ، گھو ٹکی، بینظیر آباد، دادو اور جیکب آباد میں گرج چمک کے ساتھ بارش ہو گی ، جبکہ کراچی سمیت ساحلی علاقوں میں صبح اور رات کے اوقات میں گرج چمک کے ساتھ بارش متوقع ہے-
دیر، چترال، سوات، مانسہرہ ،ایبٹ آباد ، بنوں ، وزیرستان اورڈی آئی خان میں بارش کا امکان ہے، آزاد کشمیر اورگلگت بلتستان میں مطلع جزوی ابرآلود رہنے کے ساتھ چند مقامات پر بارش ہو گی-