وزیراعظم شہباز شریف نے قومی سلامتی کمیٹی (این ایس سی) کا اہم اجلاس کل دوپہر 12 بجے طلب کر لیا ہے۔
اجلاس میں ملک کی داخلی و سرحدی سیکیورٹی صورتحال کا جائزہ لیا جائے گا، جبکہ ایران، اسرائیل اور امریکا کے درمیان جاری کشیدگی پر تفصیلی مشاورت بھی متوقع ہے۔ذرائع کے مطابق اجلاس میں وزیر دفاع، وزیر داخلہ، نائب وزیراعظم، عسکری قیادت اور اعلیٰ سول حکام شریک ہوں گے۔ قومی سلامتی کمیٹی میں ایران سے اظہارِ یکجہتی اور علاقائی صورتحال کے تناظر میں اہم فیصلے کیے جانے کا امکان ہے۔
مزید بتایا گیا ہے کہ آرمی چیف فیلڈ مارشل عاصم منیر حالیہ دورۂ امریکا کی تفصیلات سے اجلاس کو آگاہ کریں گے اور امریکی قیادت سے ہونے والی ملاقاتوں پر کمیٹی کو اعتماد میں لیں گے۔ذرائع کا کہنا ہے کہ خطے میں جاری کشیدگی کے تناظر میں پاکستان کی سفارتی حکمت عملی، سرحدی سلامتی، اور خارجہ پالیسی پر ممکنہ اقدامات پر غور کیا جائے گا۔ اجلاس کو خفیہ اداروں کی جانب سے تازہ سیکیورٹی بریفنگ بھی دی جائے گی۔
ایران پر امریکی حملے، فرانس کا ہنگامی دفاعی اجلاس طلب
ایران میں موساد کے لیے جاسوسی کرنے والے ایک اور شخص کو سزائے موت
امریکی حملوں کے بعد کشیدگی، سعودی عرب، بحرین اور کویت میں سیکیورٹی ہائی الرٹ
پاک افغان وزرائے خارجہ ملاقات، سی پیک میں افغان شمولیت کا خیرمقدم