Tag: منحرف اراکین

منحرف اراکین اسمبلی کیخلاف ریفرنس ،درخواست کے قابل سماعت ہونے پر فیصلہ کیا جائے،مطالبہ آ گیا

پی ٹی آئی کے منحرف ارکان قومی اسمبلی کے خلاف ریفرنسز پر سماعت ہوئی

تحریک انصاف کے وکیل فیصل چوہدری الیکشن کمیشن میں پیش ہوئے، عامر ڈوگر، جے پرکاش اور ملیکہ بخاری الیکشن کمیشن پہنچ گئے ،چیف الیکشن کمشنر کی سربراہی میں 3 رکنی کمیشن نے سماعت کی ،وکیل فیصل چودھری نے کہا کہ عامر لیاقت حسین کی طرف سے جواب جمع نہیں کرایا گیا، چیف الیکشن کمشنر نے استفسار کیا کہ کیا آپ نے ریفرنسز پر میٹریل جمع کرایا،جس پر فیصل چودھری نے کہا کہ میٹریل جمع کرادیا ہے جن میں ان کے بیانات شامل ہیں،مواد میں اسدعمر اور شاہ محمود قریشی کی ہدایات بھی شامل ہیں،وکیل نور عالم خان نے کہا کہ پہلے درخواست کے قابل سماعت ہونے پر فیصلہ کیا جائے، درخواست قابل سماعت ہونے تک معاملہ آگے نہیں بڑھ سکتا،جس پر چیف الیکشن کمشنر نے ریمارکس دیتے ہوئے کہا کہ آپ دلائل دیں اس پر فیصلہ سنا دیں گے،

دوران سماعت پی ٹی آئی کے وکیل اظہر صدیق نے کہا کہ منحرف اراکین نے ثابت کرنا ہے کہ انہوں نے ووٹ نہیں دیا ملیکہ بخاری کا کہنا تھا کہ پنجاب میں قانونی وآئینی بحران چل رہا ہے، الیکشن کمیشن ووٹ ڈالنے والے 25 اراکین صوبائی اسمبلی کی رکنیت معطل کرنے کا فیصلہ سنائے الیکشن کمیشن نے منحرف ارکان کی رکنیت معطل کرنے کی پی ٹی آئی کی استدعا مسترد کرتے ہوئے 13 مئی کو دلائل دینے کا حکم دیدیا دوران سماعت چیف الیکشن کمشنر نے ریمارکس دیتے ہوئے کہا کہ اونچا بول کر تاریخ نہیں لی جا سکتی

الیکشن کمیشن میں پی ٹی آئی منحرف ارکان کے خلاف ریفرنسز کی سماعت کل تک ملتوی کر دی گئی،

منحرف ارکان پنجاب اسمبلی کے ریفرنسز پر سماعت ہوئی منحرف ارکان پنجاب اسمبلی نے اپنے تحریری جوابات جمع کرادیے الیکشن کمیشن نے منحرف ارکان کی رکنیت معطل کرنے کی پی ٹی آئی کی استدعا مسترد کردی

قبل ازیں پی ٹی آئی کے 20 منحرف ارکان قومی اسمبلی کے خلاف ریفرنسز کے معاملے پر الیکشن کمیشن کو جواب جمع کروایا گیا تھا، پارٹی کی طرف سے ریفرنسز پر ارکان قومی اسمبلی نور عالم خان، رامیش کمار، راجہ ریاض، ریاض مزاری، باسط بخاری، فرخ الطاف، امجد کھوسہ، افضل ڈھانڈلہ، احمد حسین ڈیہڑ، عاصم نذیر، غفار وٹو، عامر طلال، سمیع گیلانی، وجیہ قمر، نزہت پٹھان، رانا قاسم نون، جویریہ آہیر کی طرف سے جواب جمع کرایا گیا۔تمام منحرف ارکان نے ریفرنسز کو بے بنیاد اور جھوٹ قرار دیتے ہوئے الیکشن کمیشن سے ریفرنسز خارج کرنے کی استدعا کی۔

تمام ارکان کا کہنا تھا کہ ہم نے تحریک انصاف کو نہیں چھوڑا، ابھی تک پارٹی کا حصہ ہیں، ہمارے خلاف ریفرنسز میں کوئی شواہد یا مواد فراہم نہیں کیا گیا، چیرمین پی ٹی آئی عمران خان کی طرف سے کوئی ہدایات نہیں ملیں، ریفرنس میں بھجوایا گیا شوکاز نوٹس ہمیں نہیں ملا۔ارکان نے جواب میں کہا گیا کہ شوکاز نوٹس کا جواب دینے کےلئے درکار قانونی موقع نہیں دیا گیا، ہمارے خلاف ریفرنس 63 اے پر پورا نہیں اترتے، پارلیمانی پارٹی سے استعفیٰ دیا نہ کسی اور جماعت میں شامل ہوئے، ہم نے کسی اقدام سے 63 اے کی خلاف ورزی نہیں کی، ہمارے خلاف بے بنیاد اور جھوٹا پراپگنڈا کیا گیا، الیکشن کمیشن ان ریفرنسز کو خارج کرکے اپنا وقت بچائے

واضح رہے کہ گزشتہ ماہ تحریک انصاف نے 25 منحرف اراکین پنجاب اسمبلی کے خلاف ریفرنس پر جلد کارروائی کے لیے الیکشن کمیشن کو خط بھی لکھا تھا

خیال رہے کہ گزشتہ دنوں پاکستان تحریک انصاف کے 100 سے زائد ارکان قومی اسمبلی نے استعفے دیے تھے جو سابق ڈپٹی اسپیکر قاسم سوری نے منظور کرتے ہوئے الیکشن کمیشن کو بھجوائے تھے تاہم نئے اسپیکر راجہ پرویز اشرف نے استعفوں کو ڈی سیل کیا تھا۔

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

منحرف اراکین نااہلی کیس، پی ٹی آئی وکیل نے الیکشن کمیشن سے وقت مانگ لیا

منحرف اراکین نااہلی کیس، پی ٹی آئی وکیل نے الیکشن کمیشن سے وقت مانگ لیا
الیکشن کمیشن میں پی ٹی آئی منحرف اراکین کے خلاف ریفرنس پر سماعت ہوئی

چیف الیکشن کمشنر کی سربراہی میں 3 رکنی کمیشن نے سماعت کی الیکشن کمیشن ہر رکن قومی اسمبلی کیخلاف ریفرنس کی الگ الگ سماعت کررہا ہے نور عالم خان کے خلاف ریفرنس، بحث کیلئے سماعت کل تک ملتوی کر دی گئی،نور عالم خان کے وکیل نے جواب جمع کرا دیا، چیف الیکشن کمشنر نے استفسار کیا کہ کیا آپ آج دلائل دیں گے، وکیل نے کہا کہ جی میں دلائل دوں گا، وکیل تحریک انصاف نے الیکشن کمیشن سے جواب پڑھنے کی مہلت مانگ لی اور کہا کہ استدعا ہے کہ سب کے جواب پڑھ لوں پھر دلائل شروع کریں گے،جس پر چیف الیکشن کمشنر نے ریمارکس دیتے ہوئے کہا کہ ہم تو یہ سمجھ رہے تھے مہلت منحرف ارکان کے وکلا مانگیں گے،لیکن یہاں تو آپ نے ہی مانگ لی،

منحرف ارکان قومی اسمبلی کی جانب سے تحریری جواب الیکشن کمیشن میں جمع کروا دیا گیا،وکیل فیصل چودھری نے الیکشن کمیشن سے سماعت منگل تک ملتوی کرنے کی استدعا کر دی.،الیکشن کمیشن نے کہا کہ کیس میں تاخیر نہ کریں،وکیل فیصل چودھری نے کہا کہ سوموار کو ہائیکورٹ میں ایک کیس میں پیش ہونا ہے،سوموار کو ساڑھے 11بجے کیس کا ٹائم دیا جائے، الیکشن کمیشن نے کیس کی سماعت منگل تک ملتوی کر دی

تحریک انصاف کے رہنما فواد چودھری کاکہنا ہے کہ الیکشن کمیشن میں لوٹوں کو نا اہل قراد دینے کی کارروائی دوبارہ شروع ہو رہی ہے یہ اہم ترین مقدمہ پاکستان کی سیاست میں موجودہ تلخی کی بنیاد ہے چیف الیکشن کمشنر کو اپنی ذات سے آگے سوچنے کی ضرورت ہے ان تمام لوگوں کو آئین کے مطابق نااہل کیا جائے

دوسری جانب ایم پی اے جاوید اختر کی حد تک ریفرنس نمٹا دیا گیا ،جاوید اختر نے کہا کہ میں تو بائیکاٹ کرکے چلا گیا تھا، ووٹ ڈالا ہی نہیں،میرے نام کے سامنے غلطی یا بدنیتی سے ٹک لگایا گیا،مجھ پر تشدد بھی کیا گیا،چیف الیکشن کمشنر نے ریمارکس دیتے ہوئے کہا کہ آپ کو دوبارہ آنے کی ضرورت نہیں،

پی ٹی آئی وکیل فیصل چودھری کا کہنا تھا کہ منحرف اراکین نے جواب جمع کروائے ہیں ،منحرف اراکین نے عجیب و غریب جواب جمع کروائے اخلاقی جرات کا مظاہرہ کریں اور تسلیم کریں کہ دوسری جماعت سے مل گئے اراکین قومی اسمبلی نے ووٹنگ میں حصہ نہیں لیا پنجاب میں اراکین نے وزیر اعلیٰ کے الیکشن میں ووٹ ڈالا ارکان پنجاب اسمبلی نے آرٹیکل 63 اے کی خلاف ورزی کی ،پنجاب کا کیس صرف 26 منٹ کا ہے چیف الیکشن کمشنر ہاں نا میں پوچھ لیں ووٹ ڈالا گیا کہ نہیں پنجاب اسمبلی کا ریکارڈ موجود، تصاویر ویڈیوز بھی موجود ہیں ،منگل کو منحرف اراکین پنجاب اسمبلی کا فیصلہ ہوجائے گا،

واضح رہے کہ گزشتہ ماہ تحریک انصاف نے 25 منحرف اراکین پنجاب اسمبلی کے خلاف ریفرنس پر جلد کارروائی کے لیے الیکشن کمیشن کو خط بھی لکھا تھا

خیال رہے کہ گزشتہ دنوں پاکستان تحریک انصاف کے 100 سے زائد ارکان قومی اسمبلی نے استعفے دیے تھے جو سابق ڈپٹی اسپیکر قاسم سوری نے منظور کرتے ہوئے الیکشن کمیشن کو بھجوائے تھے تاہم نئے اسپیکر راجہ پرویز اشرف نے استعفوں کو ڈی سیل کیا تھا۔

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

10 سے15 ہزار لوگ جمع کر کےعدالتی فیصلے پر تنقید کریں تو ہم کیوں فیصلے دیں،چیف جسٹس
سپریم کورٹ میں آئین کے آرٹیکل 63 اے کی تشریح سے متعلق صدارتی ریفرنس پر سماعت کا آغازہو گیا ہے

چیف جسٹس پاکستان کی سربراہی میں 5رکنی لارجربینچ کیس کی سماعت کررہا ہے ، جسٹس جمال خان نے استفسار کیا کہ کچھ لوگ چاہتے ہیں انحراف کی اجازت ہو کچھ چاہتے ہیں نہ ہو؟ آج کل آسان طریقہ ہے 10ہزار بندے جمع کرو کہو میں نہیں مانتا پارلیمان نے تاحیات نااہلی کا واضح نہیں لکھا،پارلیمنٹ نے یہ جان بوجھ کر نہیں لکھا یا غلطی سے نہیں لکھا گیا، پارلیمنٹ موجود ہے دوبار اس کے سامنے پیش کردیں،عدالت کے سر پر کیوں ڈالا جارہا ہے ؟

اے جی اسلام آباد نے کہا کہ آئین کی تشریح کرنا عدالت کا ہی کام ہے،سینیٹ الیکشن کے بعد بھی ووٹ فروخت ہورہے ہیں، جسٹس جمال مندو خیل نے کہا کہ پارلیمنٹ کو خود ترمیم کرنے دیں،چیف جسٹس عمر عطا بندیال نے ریمارکس دیتے ہوئے کہا کہ 10 سے15 ہزار لوگ جمع کر کے عدالتی فیصلے پر تنقید کریں تو ہم کیوں فیصلے دیں، ایسے فیصلوں کا احترام چاہتے ہیں، عدالت اپنا آئینی کام سر انجام دیتی ہے، قومی لیڈروں کو عدالتی فیصلوں کا دفاع کرنا چاہیے، آئینی تحفظ پر گالیاں پڑتی ہیں لیکن اپنا کام کرتے رہیں گے، عدالت کیوں آپ کے سیاسی معاملات پر پڑے؟

سپریم کورٹ میں ایڈووکیٹ جنرل اسلام آباد کے دلائل مکمل ہو گئے،

چیف جسٹس عمر عطا بندیال نے ریمارکس دیتے ہوئے کہا کہ پارلیمانی جمہوریت کی ایک بیناد سیاسی جماعت ہے، سیاسی جماعتوں کو چار صورتوں میں آرٹیکل 63 میں تحفظ دیا گیا ہےضیا الحق نے پارٹی سے انحراف پر پابندی کی شق آئین سے نکال دی تھی ہارس ٹریڈنگ پر فیصلے آئے تو 1998 آئین میں ترمیم کی گئی 2010میں 18 ویں ترمیم کے ذریعے آرٹیکل 63 اے شامل کیا گیا آئین کی خلاف ورزی چھوٹی بات نہیں ہے، کئی لوگ آئین کی خلاف ورزی پر آرٹیکل چھ پر چلے جاتے ہیں، آرٹیکل 63 اے کی خلاف ورزی آرٹیکل 6 کا کیس نہیں بنتا ،صدراتی ریفرنس کے مطابق منحرف اراکین پر آرٹیکل 62 ون کا اطلاق ہونا چاہیے،عدالت تعین کرے گی کہ آئین سے انحراف کا کیا نتیجہ ہوگا آئین کی خلاف ورزی کرنے والا یا اپنی خوشی پر جائے گا یا قیمت ادا کرنی ہو گی

جسٹس جمال مندو خیل نے کہا کہ آرٹیکل تریسٹھ اے تاحیات نااہلی ہوئی تو ارٹیکل 95 کی کیا اہمیت رہ جائے گی،ایڈوکیٹ جنرل اسلام آباد نے کہا کہ آرٹیکل 95 کا سوال ابھی عدالت کے سامنے نہیں ہے،وکیل پی ٹی آئی بابر اعوان نے کہا کہ ہماری درخواست کا میمو دیکھ لیں، درخواست کا میمو گیٹ سے تعلق نہیں ، جسٹس جمال مندو خیل نے کہا کہ اب بند کرنا ہو گا،بابر اعوان نے کہا کہ گیٹ بند کرنے کا موقع تھا لیکن ضائع کردیا گیا،

چیف جسٹس عمر عطا بندیال نے بابر اعوان کے ساتھ مکالمہ کرتے ہوئے کہا کہ ھم نے آپ کو ریفرنس پر دلائل دینے کے لئے نوٹس جاری کیا تھا۔ اگر آپ سابق اٹارنی جنرل کے دلائل اپنانا چاھتے ہیں تو بتا دیں ھمیں بتائیں آپ ریفرنس پر کیا موقف اپناتے ہیں؟ بابر اعوان نے کہا کہ میں سابق اٹارنی جنرل کے دلائل نہیں اپنائوں گا۔میں اپنی درخواست جو پی ٹی آئی کی جانب سے دائر کی گئی ہے اس بات کرنا چاھتا ہوں جسٹس اعجاز الاحسن نے کہا کہ اس وقت آپ کی وہ درخواست ہمارے سامنے نہیں۔ بابر اعوان نے کہا کہ ریفرنس پر دلائل کل دے سکتا ہوں، چیف جسٹس عمر عطا بندیال نے ریمارکس دیتے ہوئے کہا کہ ٹھیک ہے ھم آپ کو کل سنیں گے۔ ھم آج مزید ایک گھنٹے تک سماعت جاری رکھیں گے۔

ایڈوکیٹ جنرل کے پی شمائل بٹ نے کہا کہ کیا صوبوں کو بھی آج ہی سنا جائے گا ،چیف جسٹس عمر عطا بندیال نے کہا کہ اگر آپ نے تحریری معروضات جمع کرا دی ہیں تو آپ کو سن لیتے ہیں۔ ایڈوکیٹ جنرل کے پی نے کہا کہ تحریری معروضات جمع نہیں کرائیں۔ کل جمع کرائوں گا ،۔ایڈوکیٹ جنرل سندھ سلمان طالب الدین نے کہا کہ سندھ نے اپنی تحریری معروضات جمع کرادی ہیں۔ اس پر کل دلائل دونگا

مصطفیٰ رمدے نے کہا کہ صدر نے ریفرنس میں عدالت سے آئین دوبارہ لکھنے کا کہا ہے آرٹیکل تریسٹھ اے بالکل واضح ہے،جسٹس منیب اختر نے ریمارکس دیتے ہوئے کہا کہ آئینی ترمیم میں ووٹ نہ دینا اور مخالف پارٹی کو ووٹ دینا الگ چیزیں ہیں، مخالف پارٹی کو ووٹ دینے کے لیے مستعفی ہونا زیادہ معتبر ہے، مصطفیٰ رمدے نے کہا کہ مستعفی ہونے جیسا انتہائی اقدام واحد حل کیسے ہو سکتا ہے،پارٹی سربراہی کی پابندی کرنا غلامی کرنے کے مترادف ہے،جسٹس منیب اختر نے کہا کہ ایسی بات سے آپ پارلیمانی جمہوریت کی نفی کررہے ہیں، پارلیمانی پارٹی کے فیصلے سے اختلاف ہے تو الگ ہو جائیں گے،ضمنی الیکشن آزاد حثیت سے لڑ کر واپس آیا جاسکتا ہے،

جسٹس اعجاز الاحسن نے ریمارکس دیتے ہوئے کہا کہ جیسے آئین نے منحرف قرار دیا ہے، آپ اسے معزز کیسے بنا رہے ہیں، چیف جسٹس عمر عطا بندیال نے ریمارکس دیتے ہوئے کہا کہ کوئی شکایت ہے یا نہیں کیا ہورہا ہے ہم نہیں جانتے ،وکیل بی این پی مینگل نے کہا کہ یہ بدقسمتی ہے جو اسلام آباد اور لاہور میں ہوا،بابر اعوان نے کہا کہ ویڈیو معاملے پر دورکن الیکشن کمیشن گئے ،چیف جسٹس عمر عطا بندیال نے ریمارکس دیتے ہوئے کہا کہ بابر اعوان نے جو بات کی ہے اس سے لگتا ہے کہ انکی جماعت بھی سنجیدہ نہیں،ازخود نوٹس کیس کے حوالے سے سپریم کورٹ نے پیرامیٹرز طے کردیئے ہیں،ہمیں مایوسی ہوئی ہے پی ٹی آئی نے الیکشن کمیشن میں درخواست دیتے ہوئے عدالتی فیصلے کے مطابق عمل نہیں کیا .

بابر اعوان نے کہا کہ چیئرمین سینیٹ کے الیکشن کے وقت پی ٹی آئی نے الیکشن کمیشن میں درخواست دی،چیف جسٹس عمر عطا بندیال نے ریمارکس دیتے ہوئے کہا کہ میں کوئی شکایت نہیں کر رہا سیاسی جماعتوں سے درخواست کر رہا ہوں کہ پارلیمانی جمہوریت کا دفاع کریں،جسٹس جمال خان مندوخیل نے کہا کہ ریفرنس سے لگتا ہے آئین میں نقص نہیں، نقص ہم میں ہے،وکیل مصطفیٰ رمدے نے کہا کہ بلوچستان میں حکومت تبدیل ہوئی وفاق نے کچھ نہیں کیا،اسلام آباد اور پنجاب میں جو ہوا وہ بھی عدالت کے سامنے ہے، بابر اعوان نے کہا کہ سینیٹ الیکشن میں آڈیو وڈیو ثبوت لے کر ہمارے دو ممبران اسمبلی الیکشن کمیشن گئے تھے، چیف جسٹس نے بابر اعوان سے مکالمہ کرتے ہوئے کہا کہ آپ کے 2ارکان اسمبلی الیکشن کمیشن گئے لیکن آپ کی جماعت نہیں،معذرت کے ساتھ یہ کہہ رہا ہوں کہ آپ کی جماعت آڈیو ویڈیومعاملے پر سنجیدہ نہیں تھی،ہمیں کہا جاتا ہے کہ ازخود نوٹس لیں،سپریم کورٹ ازخود نوٹس لیے جانے کے طریقہ کار طے کر چکا ہے، مصطفیٰ رمدے نے کہا کہ عدالت کو سیاسی معاملات میں دخل اندازی کا کہا جا رہا ہے ،

چیف جسٹس عمر عطا بندیال نے ریمارکس دیتے ہوئے کہا کہ یہ پارٹی سربراہ کا اختیار ہے کہ منحرف رکن کے خلاف کارروائی کرے ممکن ہے کہ پارٹی سربراہ کوئی کارروائی نہ کرے ممکن ہے کہ انحراف کرنے والا اپنے عمل کی وضاحت دے،مصطفیٰ رمدے نے کہا کہ عدالت کے خلاف سنجیدہ قسم کی مہم چلائی جا رہی ہے،چیف جسٹس عمر عطا بندیال نے ریمارکس دیتے ہوئے کہا کہ آئین کی حفاظت کرنا ہماری زمہ داری ہے،ہم نبھائیں گے،عدالت 24 گھنٹے کام کرتی ہے کسی کو عدالتی کارروائی پر انگلی اٹھانے کی ضرورت نہیں، مصطفیٰ رمدے نے کہا کہ عدالت کو مفروضوں کی بنا پر غیر ضروری طور پر سیاسی عمل میں دھکیلا گیا ، جسٹس جمال خان مندوخیل نے کہا کہ اگر کوئی معزز رکن اپنے عمل کی وضاحت کردے تو کیا ہوگا،

عثمان بزدار ڈپٹی سپیکر پنجاب اسمبلی کے پاس پہنچ گئے

وفاقی حکومت نے گورنر پنجاب کو عہدے سے ہٹا دیا

جب تک صدر پاکستان عہدے سے نہیں ہٹاتے میں گورنر پنجاب ہوں، عمرسرفراز چیمہ

مولانا فضل الرحمان نے فوری الیکشن کا مطالبہ کر دیا

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل