منشیات کیس: بالی ووڈ کی سابق اداکارہ ممتا کلکرنی کی مشکلات میں اضافہ ہوگیا۔
باغی ٹی وی : بھارتی فلم انڈسٹری کی سابق اداکارہ ممتا کلکرنی کا نام 2016 میں منشیات فروش اسکینڈل میں سامنے آیا تھا انہیں وکی گوسوامی سے منسلک منشیات ریکٹ میں مرکزی ملزم نامزد کیا گیا تھا۔ اب اس کیس میں نئی پیش رفت سامنے آئی ہے۔
انڈین ایکسپریس کے مطابق بھارتی ریاست مہاراشٹرا کے شہر تھانے کی خصوصی عدالت نے دو ہزار کروڑ کے منشیات کیس میں سیل کیے گئے اداکارہ کے 6 بینک اکاؤنٹس، تین ایف ڈیز اور ممبئی کے دو فلیٹس کو ریلیز کرنے کی درخواست مسترد کردی ہے۔
پولیس نے راج کندرا کے لیپ ٹاپ سے درجنوں فحش ویڈیوز اور دیگر مواد برآمد کر لیا
میڈیا رپورٹس کے مطابق اداکارہ ممتا کلکرنی نے اپنے وکیل کی مدد سے عدالت میں درخواست جمع کرائی تھی کہ انہیں 2016 کے کیس میں جھوٹے مقدمے میں پھنسایا گیا ہے۔ وہ اپنے خاندان کی واحد کفیل ہیں۔
اپنی درخواست میں کلکرنی نے کہا تھا کہ ان کی ایک بہن ذہنی بیماری میں مبتلا ہے اور نوی ممبئی میں پنویل سینٹر میں پچھلے 8 برس سے زیرعلاج ہے۔ اپنے تمام بینک اکاؤنٹس اور ایف ڈیز منجمد ہونے کے باعث وہ اپنی بہن کےعلاج کے اخراجات اوردیگر مالی ضروریات برداشت نہیں کرپارہی ہیں۔
بھارتی اداکارہ لڑکیوں سےغیر اخلاقی ویڈیوز بنوانے کے الزام میں ساتھی سمیت گرفتار
سابق اداکارہ نے مزید کہا کہ ان کی بہن کے لیے ضروری ہے کہ وہ صاف ستھرے ماحول میں رہے اور اس مقصد کے لیے ان کے ممبئی میں سیل کیے گئے دونوں فلیٹس کو چھوڑا جائے اور ان کا قبضہ انہیں دیاجائے تاہم عدالت نے ممتا کلکرنی کی درخواست مسترد کردی۔
تاہم ، عدالت نے مشاہدہ کیا کہ وہ عدالت یا تفتیشی ایجنسیوں کے سامنے پیش نہیں ہوئی تھیں اور اس وجہ سے اس کے اکاؤنٹ کو منجمد کرنے کے لیے کافی مواد موجود نہیں تھا۔
اس وقت جب تھانے پولیس نے سولا پور میں قائم ایک فیکٹری سے 20 ٹن ایفیڈرین ضبط کی تھی ، خیال کیا جاتا تھا کہ کلکرنی گوسوامی کے ساتھ کینیا میں تھی۔