اوکاڑہ(علی حسین) گزشتہ دنوں منڈی احمد آباد میں توہین صحابہ کرنیوالے ایک شخص کے خلاف پولیس نے مذہبی منافرت پھیلانے کا مقدمہ درج کرلیا۔ مقدمہ کو لیکر علماء اور شہریوں میں بے چینی پھیل گئی ہے۔ تفصیلات کے مطابق منڈی احمد آباد کے نواحی علاقے قلعی پھاٹک کے رہائشی محمد احمد عرف شبو بھٹی کو پیر بابا احمد علی شاہ عرف آمے شاہ نے بخار اتارنے والاایک تعویذ بنا کردیا اور کہا کہ گھر جاکر تعویذ کو سات مرتبہ جوتے مارنا ، جس کے نتیجے میں بخار رفو ہوجائیگا۔ سادہ لوح شخص محمد احمد تعویذ کو جوتے ماررہا تھا کہ اس دوران محمد احمد کے بھائی نے تعویذ پکڑ لیا۔ تعویذ کھولنے پر مقدس ہستیوں حضرت صدیق اکبر، حضرت عمر اور حضرت عثمان رضی اللہ عنھم کے نام لکھے پائے گئے۔ پولیس کو اطلاع دی گئی اور ملزم کے خلاف توہین صحابہ کی دفعات کے تحت مقدمہ درج کرنیکی درخواست کی گئی ۔ تاہم پولیس نے ملزم کے خلاف مذہبی منافرت پھیلانے کا مقدمہ درج کرلیا۔ جس پر علماء اور شہری مشتعل ہوگئےاور احتجاج کی کال دیدی۔ علماء اور شہری مطالبہ کررہے ہیں کہ صحابہ کرام کی توہین کرنیوالے کے خلاف توہین صحابہ کی دفعات کے تحت مقدمہ درج کیا جائے۔
Tag: منڈی احمد آباد
-
منڈی احمد آباد پولیس کی منشیات فروشوں کے خلاف کاروائی
اوکاڑہ(علی حسین) منڈی احمد آباد تھانہ کی پولیس نے کاروائی کرتے ہوئے نیاز نامی منشیات فروش کو بھاری مقدار منشیات کیساتھ گرفتار کرکے مقدمہ درج کر لیا ہے۔ کاروائی ڈی پی او اوکاڑہ عمر سعید کی ہدایات پر کی گئی ۔
-
اوکاڑہ میں ایک اور خوفناک واقعہ، 12 سالہ لڑکے کی گردن کٹ گئی
اوکاڑہ (علی حسین ) منڈی احمد آباد کے نواحی علاقے کلیر کلاں کا رہائشی چودہ سالہ علی اصغر اپنے باپ محمد ریاض کے ہمراہ بور کررہاتھاکہ مشین کی شافٹ میں کپڑا آجانے سے گلاکٹ گیا اور موقع پر جاں بحق ہوگیا۔محمدانور کے مکان پردونوں باپ بیٹا بور کررہے تھے کہ اچانک حادثہ پیش آگیا۔
-
اوکاڑہ منڈی احمد آباد۔چارہ کاٹتے کاٹتے بازو بھی کٹ گیا
اوکاڑہ (علی حسین مرزا) منڈی احمد آباد آبادی رسول پور میں منظور احمد مستری جو اپنے گھر ٹوکہ مشین پر جانوروں کیلئے چارہ کاٹ رہا تھا اچانک ایک بازو ٹوکہ مشین میں آکر چارے کے ساتھ بازو بھی کٹ گیا منظور احمد 6 بچوں کا باپ تھا ایک بیٹی اور ایک بیٹے کا زہنی توازن ٹھیک نہیں دس سال سے چار پائی پر پڑے ہیں ایک بیٹا ایک ٹانگ سے معزور ہے منظور احمد محنت مزدوری کر کے اپنے گھر کا نظام چلا رہا تھا۔