کوک اسٹوڈیو کے سیزن 14 کیلئے موسیقار زلفی پروڈیوسر کے فرائض سرانجام دیں گے-
باغی ٹی وی : گزشتہ روز کوک اسٹوڈیو کے ٹوئٹر اکاؤنٹ سے زلفی کے کوک اسٹوڈیو کے پروڈیوس کرنے کے حوالے سے اعلان کیا گیا-
ٹوئٹر پر مختصر ٹوئٹ میں زلفی کو ٹیگ کرتے ہوئے لکھا گیا کہ ’شروع کریں؟‘
🙂
— Xulfi (@zulfiqarjkhan) June 14, 2021
اس ٹوئٹ پرردعمل دیتے ہوئے موسیقار زلفی نے مسکراتے ہوئے ایموجی کے ساتھ جواب دیا۔
زلفی نے اپنے انسٹاگرام پر کوک اسٹوڈیو کی ایک تصویر شیئر کرتے ہوئے لکھا کہ یہاں سے سفر کا آغاز ہوگیا ہے، اس پوسٹ میں انہوں نے ہیش ٹیگ کوک اسٹوڈیو سیزن 14 کا استعمال بھی کیا۔
واضح رہے کہ گزشتہ سیزن روحیل حیات نے پروڈیوس کیا تھا تاہم روحیل حیات نے مارچ میں کوک اسٹوڈیو سے علیحدگی کا اعلان کیا تھا۔