Tag: موقع

وزیراعلیٰ پنجاب سردار عثمان بزدار کا ریڈیو کے عالمی دن کے موقع پر پیغام ہے کہ ریڈیو ابلاغ عامہ کا بہترین اور موثر ذریعہ ہے۔الیکٹرانک و سوشل میڈیا کی تیزی سے ترقی کے باوجود ریڈیو کی اہمیت اب بھی مسلمہ ہے۔بلاشبہ ریڈیو مستند انفارمیشن کا اہم ترین ذریعہ ہے۔وقت کے ساتھ ریڈیو میں بھی جدت آئی ہے۔ زمانہ جنگ ہو یا امن، ریڈیو پاکستان نے ہر دور میں نہایت احسن انداز میں ذمہ داری نبھائی۔ ریڈیو پاکستان نے زمانہ جنگ میں اپنے سامعین کو ہر پل کی خبر سے باخبر رکھا۔ 1965 اور 1971 کی جنگ کے دوران ریڈیو پاکستان کا کردار نہایت اہم رہا۔ میرے اپنے علاقے میں جب بجلی کی سہولت نہیں تھی، میں ریڈیو کی نشریات سے مستفید ہوتا رہا ہوں۔ ریڈیو پاکستان سے جاری ہاکی اور کرکٹ میچوں کی کمنٹری نے کھیلوں کے شائقین تک ہر لمحے کی صورتحال پہنچائی۔ ریڈیو سے جاری ہونے والے پروگرامز مختلف شعبہ ہائے زندگی سے تعلق رکھنے والے افراد کیلئے دلچسپی کے حامل ہیں۔ شعبہ زراعت، صحت، کھیل الغرض تمام شعبوں سے متعلق ریڈیو اپنے سامعین کی آج بھی رہنمائی کر رہا ہے۔پولیو مہم ہو، ڈینگی کے خلاف جنگ ہو یا کوویڈ19 سے آگاہی مہم، ریڈیو پاکستان نے بھرپور انداز میں حصہ لیا۔ ریڈیو پاکستان کا مثالی کردار آج بھی قابل ستائش ہے۔ میں سمجھتا ہوں کہ عوام تک حکومتی اقدامات اور مختلف پروگرامز سے آگاہی کیلئے آج بھی ریڈیو کی اہمیت سے انکار نہیں کیا جاسکتا۔

اسلام آباد:
آئی جی اسلام آباد قاضی جمیل الرحمان "محفوظ سڑکیں” کے نام سے شروع کی گئی مہم کا ٹریفک ہیڈکوارٹر میں افتتاح کیا. ای ایس پی ٹریفک فرخ رشید نے اس سلسلے میں کیے گئے اقدامات کے بارے میں آگاہی فراہم کی
ٹریفک پولیس کے سپیشل سکواڈز اسلام آباد کے داخلی راستوں، اہم شاہراہوں اور چوراہوں پر تعینات کیے جائیں گیے اس مہم میں فینسی نمبر پلیٹ، کالے شیشوں کے خلاف کارروائی کی جائے گی اس مہم کے تحت گاڑیوں کی رفتار کی جانچ پڑتال، سیٹ بیلٹ کے استعمال کے متعلق آگاہی اور دیگر ٹریفک قوانین کے نفاذ کو یقینی بنایا جائےگا، شہریوں کو ٹریفک قوانین کی آگاہی فراہم کرنے کے لیے اسلام آباد کے داخلی راستوں پر الیکٹرانک اسکرینیں نصب کی جائیں گی۔ ایسی منظم مہم شہریوں کی زندگی کو محفوظ بنانے اور ٹریفک قوانین کے متعلق آگاہی و عملدرآمد کروانے میں بہت اہم کردار ادا کرے گی، سوشل میڈیا، الیکٹرونک میڈیا، پرنٹ اور سڑکوں پر بینرز کے ذریعے اس مہم کی تشہیر کی جائے، آئی جی اسلام آباد

تحریک صوبہ ملتان : مسئلہ کشمیر اقوام متحدہ کی قراردادوں اورکشمیری عوام کی امنگوں کے مطابق حل کیا جائے۔راؤ عبدالقیوم شاہین
کشمیری قوم نے اپنی آزادی کیلئے قربانیوں کی بے مثال تاریخ رقم کی۔رکن الدین ملتانی
بھارت زیادہ دیر اپنا غاصبانہ قبضہ برقرار نہیں رکھ سکتا،آزادی کشمیری قوم کا مقدر ہے۔چوہدری شہزاد فیصل ارائیں،شاہ محمد خان ناصر
تحریک صوبہ ملتان کے مرکزی رہنماؤں کی یوم یکجہتی کشمیر کے موقع پر گفتگو

ملتان05 فروری2021ء
تحریک صوبہ ملتان کے مرکزی چیئرمین راؤ عبدالقیوم شاہین مرکزی چیف آرگنائزر چوہدری شہزاد فیصل ارائیں،مرکزی سیکرٹری جنرل رکن الدین ملتانی اورسینئر وائس چیئرمین سردار شاہ محمد خان ناصرنے یوم یکجہتی کشمیر کے موقع پرگفتگو کرتے ہوئے کہا ہے کہ آج پوری دنیا کی نظریں کشمیر پر لگی ہوئی ہیں جبکہ بھارت اپنی جارحیت کے زریعے کشمیری قوم کا قتل عام کررہا ہے۔کشمیر کی خصوصی حیثیت کو ختم کرکے پورے خطے کو آگ و خون میں نہلانے کی سازش کی گئی۔عالمی برادری بھارت کو جارحانہ عزائم سے روکے اورکشمیر کے مسئلے کو حل کرے۔ مسئلہ کشمیر اقوام متحدہ کی قراردادوں کے مطابق حل ہونا چاہیے۔چوہدری شہزاد فیصل ارائیں نے کہا کہ امت مسلمہ کشمیر کے مسلمانوں پر ہونے والے ظلم و ستم کے خلاف آواز بلند کرے۔تحریک صوبہ ملتان کے مرکزی سیکرٹری جنرل رکن الدین ملتانی نے کہا کہ کشمیریوں کا قصور فقط اتنا ہے کہ وہ پاکستان سے پیار کرتے ہیں اور پاکستان کے ساتھ رہنا چاہتے ہیں جس کی سزا ان کی لاشوں کی شکل میں انہیں دی جارہی ہے۔کشمیر ہماری شاہ رگ ہے اورہم اپنی شاہ رگ کو دشمن کے قبضے میں برداشت نہیں کرسکتے۔مرکزی سینئر وائس چیئرمین سردار شاہ محمد خان ناصرنے کہا کہ پاکستانیوں کے دل اپنے کشمیری بھائیوں کے ساتھ دھڑکتے ہیں۔مگر کشمیر کی آزادی کیلئے سفارتی سطح پر بہترین منصوبہ بندی کرنے کی ضرورت ہے۔