Tag: موٹرویز

موٹروے ایم-3 جڑانوالہ سے رجانہ تک، ایم-4 خانیوال سے ملتان تک اور ایم-5 ملتان سے روہڑی تک دھند کے باعث بند کر دی گئی ہے۔

موٹروے پولیس کے ترجمان کے مطابق قومی شاہراہ پر بھی میاں چنوں، خانیوال، ملتان، بستی ملوک، لودھراں، بہاولپور، احمد پور شرقیہ، رحیم یار خان اور صادق آباد میں شدید دھند کی وجہ سے ہنگامی صورتحال پیدا ہو گئی ہے دھند میں لین کی خلاف ورزی خطرناک حادثات کا باعث بن سکتی ہے لہٰذا شہری دن کے اوقات میں سفر کو ترجیح دیں۔

ترجمان نے کہا کہ دھند میں صبح 10 بجے سے شام 6 بجے تک سفر محفوظ تصور کیا جاتا ہے مسافروں کو ہدایت دی گئی ہے کہ وہ سفر کے دوران لین ڈسپلن برقراررکھیں، غیرضروری سفرسے اجتناب کریں اورمحفوظ فاصلے کے ساتھ گاڑی چلائیں تاکہ حادثات سے بچا جا سکے، عوام کی حفاظت اولین ترجیح ہے اور ہنگامی صورت حال میں رہنمائی کے لیے ہیلپ لائن 130 پر رابطہ کیا جا سکتا ہے۔

شدید دھند کے باعث موٹر ویز کو مختلف مقامات سے بند کردیا گیا ہے۔

موٹروے پولیس کے مطابق موٹروے ایم فائیو جلالپور انٹرچینج ٹریفک کیلئے بند کردیا گیا، موٹروے جلالپور سے ملتان شیرشاہ ٹول پلازہ اور اوچ شریف تک دھند کے باعث بند رہے گی،اسی طرح موٹروے ایم 4 ملتان سے عبدالحکیم دھند کی وجہ سے بند ہے،ترجمان سید عمران کا کہنا ہے کہ موٹرویز کی بندش کا مقصد عوام کی جانوں و مال کا تحفظ ہے۔

دھند میں لین کی خلاف ورزی خطرناک حادثات کا باعث ہوسکتی ہے،روڈ یوزرز لین ڈسپلن پر سختی سے عمل کریں،دھند میں صبح 10 تا شام 6 تک محفوظ سفری اوقات ہیں۔ڈرائیور حضرات فوگ لائٹس لازمی استعمال کریں،تیز رفتاری نہ کریں،آگے والی گاڑی سے محفوظ فاصلہ رکھیں۔

نیشنل ہائی وے اتھارٹی (این ایچ اے) نے ملک کے مختلف موٹر ویز کے ٹول ٹیکس میں اضافہ کردیا۔

باغی ٹی وی کے مطابق، نئے ٹول ٹیکس کے ریٹس کا اطلاق 5 جنوری 2025 سے ہوگا۔این ایچ اے کے مطابق اسلام آباد سے پشاور جانے والی ایم ون موٹروے پر گاڑی کا ٹول ٹیکس 460 روپے سے بڑھا کر 500 روپے کردیا گیا۔لاہور سےعبدالحکیم جانے والی ایم تھری موٹر وے پر گاڑی کے لیے ٹول ٹیکس 650 روپے سے بڑھا کر 700 روپے کر دیا گیا۔پنڈی بھٹیاں سے فیصل آباد اور ملتان جانے والی ایم فور موٹر وے پر گاڑی کے لیے ٹول ٹیکس 850 روپے سے بڑھا کر 950 روپے کردیا گیا۔سکھر سے ملتان جانے والی ایم فائیو موٹر وے پر گاڑی کا ٹول ٹیکس 1050 روپے سے بڑھا کر 1150 روپے کردیا گیا۔ڈی آئی خان سےہکلہ موٹر وے ایم 14 پر ٹول ٹیکس 600 روپے ہوگیا، این ایچ اے کے مطابق نئےٹول ٹیکس کے ریٹس کا اطلاق 5 جنوری 2025 سے ہوگا۔واضح رہے کہ نیشنل ہائی وے اتھارٹی (این ایچ اے) نے قومی شاہراہوں اور موٹرویز پر ٹول ٹیکس میں 7 ماہ میں تیسری دفعہ اضافے کا اعلان کیا ہے۔حالیہ اضافے کے بعد 7 ماہ میں ٹول ٹیکس کی شرح دوگنا سے بڑھ گئی ہے۔

کراچی: نمائش چورنگی پر کشیدگی، مظاہرین نے موٹر سائیکلوں کو آگ لگادی

نئے سال پر پیٹرول، ڈیزل کی قیمت میں اضافہ

وفاقی وزیر مواصلات عبدالعلیم خان کی زیرصدارت نیشنل ہائی وے اتھارٹی کے اعلی سطح اجلاس اسلام آباد میں ہوا۔

اجلاس میں وفاقی وزیر نے نیشنل ہائی وے اتھارٹی میں زیرو ٹالرنس اپناتے ہوئے کرپٹ افسران و اہلکاران کے خلاف بلا امتیاز سخت ایکشن کرنے کا حکم دیا ۔ انہوں نے چیئرمین این ایچ اے کو کاروائی کیلئے ایک ہفتے کی ڈیڈ لائن دیتے ہوئے بدعنوانی میں ملوث افسران کو فارغ کر نے کی ہدایت کی ۔ انہوں نے کہاکہ کوئی سفارش نہ مانی جائے، تمام سیٹوں پر اہل اور قابل افسران تعینات ہونے چاہئیں۔ اجلاس میں چاروں صوبوں میں این ایچ اے کے زیر تکمیل منصوبوں پر غور کر تے ہوئے کام کی رفتار بڑھانے سمیت اہم فیصلے بھی کئے گئے۔

اس موقع پر وفاقی وزیر مواصلات عبدالعلیم خان نے کہاکہ لاہور، سیالکوٹ اور کھاریاں سے اسلام آباد موٹروے کو 4کی بجائے 6 ” لین "کا ہونا چاہیے۔ این ایچ اے موٹرویز پر بیرئیرز ختم کرنے اورالیکٹرانک ٹول پلازوں کی تجویز کے منصوبے پر کام کرے۔ اجلاس میں بیلا سے آواران اور ژوب سے لورالائی کی شاہراہوں سمیت کالاشاکاکو سے ملتان روڈ نئے بائی پا س اور سگیاں سے راوی پل تک سڑکوں کی تعمیر پر غور کیا گیا ۔ این ایچ اے کے مارگلہ ہائی وے کی توسیع اور اُسے ایم ون سے منسلک کرنے کا منصوبہ بھی اجلاس میں شامل کیا گیا ۔ وفاقی وزیر نے کہاکہ صوبے بھی این ایچ اے کے ساتھ نئی سڑکوں اور ہائی ویز کی تعمیر میں شامل ہو سکتے ہیں۔ تمام شاہراہوں اور موٹرویز کو کیمروں اور سی سی ٹی وی سے منسلک کیا جائے۔

پاکستان میں سرمایہ کاری،معیشت کی بحالی میں عبدالعلیم خان کا کردار اہم