بولان: مچ میں سوئی گیس کی 6 انچ قطر کی پائپ لائن کو دھماکا خیز مواد سے تباہ کردیا گیا۔
باغی ٹی وی : ترجمان سوئی سدرن گیس کمپنی کے مطابق بلوچستان کے ضلع بولان کے علاقے مچ ندی میں نامعلوم شرپسندوں نے 6 انچ گیس پائپ لائن کو دھماکا خیز مواد سے تباہ کردیا، دھماکے کے بعد سوئی گیس پائپ لائن میں آگ بھڑک اٹھی، گیس پائپ لائن تباہ ہونے سے مچ کو سوئی گیس کی فراہمی معطل ہوگئی، مچ کے قریب متاثرہ پائپ لائن کی مرمت کیلئے ٹیمیں کوئٹہ سے مچ روانہ کردی گئیں ہیں اور جمعرات کی شام تک مرمت کاکام مکمل ہونے کا امکان ہے۔