مچھلی تکہ
وقت :25 سے 30 منٹ
4 سے 5 افراد کے لئے
اجزائے ترکیبی مقدار
مچھلی کے ٹکڑے (کوئی بھی مچھلی) 1کلو
گھی 2کھانے کا چمچ
میری نیشن کے لئے اجزاء:
دہی ½کپ
ادرک لہسن کا پیسٹ 2چائے چمچ
نمک حسب ذائقہ
سرخ مرچ پاؤڈر 1کھانے کا چمچ
ثابت لال مرچ (کٹی ہوئی) ½کھانے کا چمچ
ہلدی پاؤڈر ½ چائے کا چمچ
زیرہ پاؤڈر 1چائے کا چمچ
اجوائن ½ چائے کا چمچ
سفید سرکہ 2کھانے کے چمچ
لیمن جوس 2کھانے کے چمچ
چھڑکاؤ کے لئے :
لیموں کا رس 3کھانے کے چمچ
چاٹ مصالحہ 2چائے کے چمچ
طریقہ کار:
مچھلی کو 4×4 سینٹی میٹرکے ٹکڑوں میں کاٹ لیں۔ پیالے میں دہی اور میری نیشن کے اجزا ڈال دیں۔ ایک گھنٹے کے لئے میری نیٹ کریں۔ سلاخوں پر 4سے 5 ٹکڑے پرو دیں۔ کوئلوں کی انگیٹھی پر 6سے 8منٹ تک پکائیں ٹکڑوں کے تمام اطراف گھی لگاتے جائیں۔ لیموں کا جوس اور چاٹ مصالحہ چھڑک کر مولی کی چٹنی کے ساتھ پیش کریں۔ ہمیشہ تازہ مچھلی استعمال کریں اور زیادہ دیر تک نہ پکائیں۔