Tag: مکہ

لندن:پی ٹی آئی برطانیہ کی قیادت سعودی عرب سے وقت سے پہلے ہی واپس چلے گئی ،اطلاعات کے مطابق پی ٹی آئی برطانیہ کی قیادت نے طے شدہ تاریخ سے ایک روز قبل ہی سعودی عرب سے نکل گئے

اس حوالے سے کہا جارہا ہے کہ عمران خان کے مشیر صاحبزادہ جہانگیر، پی ٹی آئی کے ڈونر انیل مسرت اور ان کے بہنوئی رانا عبدالستار کو ہفتہ کو واپس آنا تھا صاحبزادہ جہانگیر ، انیل مسرت اور رانا عبدالستار مسجد نبوی میں ہیش آئے ناخوشگوار واقعہ کے وقت مسجد میں موجود تھے

ادھر سعودی عرب سے ذرائع کا کہنا ہے کہ دستیاب فوٹج کے مطابق صاحبزادہ جہانگیر اور پی ٹی آئی برطانیہ کے صدر رانا عبدالستار بھی چور چور نعرے لگانے والے مظاہرین میں شامل تھے،فوٹج کے مطابق صاحبزادہ جہانگیر اور رانا عبدالستار نعرے لگاتے نظر آرہے ہیں

صاحبزادہ جہانگیر کو گرفتار کرنے کے مطالبے کے بعد انھوں نے سعودیہ سے نکلنے میں جلدی کی، یہ بھی بتایا جارہا ہے کہ نا خوشگوار واقعہ جمعرات کو افطاری کے وقت پیش آیا اور پی ٹی آئی کے رہنماوں نے اگلی سحری کے وقت سعودیہ چھوڑ دیا

صاحبزادہ جہانگیر کا مظاہرے کے انعقاد سے مکمل انکار، ان کا کہنا تھا کہ وہ نہ تو اس واقعہ میں ملوث ہیں اور نہ ہی ایسے رویے کوپسند کرتے ہیں ، ان کا کہنا تھا کہ جب سعودیہ کا پروگرام بنایا اس وقت شہاز شریف کے دورے کا شیڈول کا اعلان بھی نہیں ہوا تھا،

صاحبزادہ جہانگیر کے ہمراہ جانے ولاے وفد میں سات افراد شامل تھے، باقی چار ابھی سعودیہ میں ہی ہیں ،یہ بھی معلوم ہوا ہے کہ واپس آنے والوں میں صاحبزادہ جہانگیر، انیل مسرت اور رانا عبدالستار شامل ہیں، سعودی عرب رہ جانے والے چار رہنما آج مانچسٹر پہنچیں گے، یہ بیان لندن پہنچ کر صاحبزادہ جہانگیر نے جاری کیا ہے

صاحبزادہ جہانگیر کے مطابق نہ تو سعودی پولیس نے انھیں حراست میں لیا اور نہ پوچھ گچھ کی

ریاض :حرمین شریفین میں جمعۃالوداع: ہزاروں نمازی شریک ،اطلاعات کے مطابق سعودی عرب میں حرمین شریفین میں جمعۃالوداع میں ہزاروں نمازی شریک ہوئے۔

تفصیلات کے مطابق سعودی عرب میں ہزاروں سعودی شہریوں سمیت وہاں مقیم غیرملکیوں اور زائرین نے رمضان کا آخری جمعہ مسجد الحرام مکہ مکرمہ اور مسجد نبوی مدینہ منورہ میں ادا کیا۔

جمعہ الوداع کے لیے مسجد نبوی میں لاکھوں کی تعداد میں ملکی اور غیر ملکیوں نے نماز ادا کی اور اللہ کے حضور رمضان المبارک کے روزوں کی قبولیت اور گناہوں کی بخشش کی دعا مانگی۔جمعۃ الوداع کا بڑا اجتماع مسجد نبوی میں ہوا جہاں دنیا بھر سے آئے ہوئے ہر رنگ ونسل کے مسلمان موجود تھے۔

اس کے علاوہ ہزاروں کی تعداد میں اندرون ملک سے بھی سعودی اور دیگر غیر ملکی پہنچے جس سے مسجد نبوی کے اندرونی اور بیرونی حصے نمازیوں سے بھر گئے۔

لاکھوں کی تعداد میں فرزندان اسلام نے جمعۃ الوداع کے موقعہ پر اللہ کے حضور گناہوں کی بخشش اور روزوں کی قبولیت کی التجا کی۔

نماز جمعہ کے خطبے میں امام مسجد نبوی نے کہا کہ ماہ صیام ہمیں تقویٰ اور پرہیز گاری کا عملی درس دیتا ہے جس کو رمضان المبارک کے علاوہ بھی اختیار کرنے کی ضرورت ہے تاکہ اللہ کی خوشنودی حاصل رہے اور انسان فلاح پا سکیں۔