بھارت کی جانب سے پاکستان کا پانی بند کرنے کی دھمکیوں کے بعد چین نے پاکستان میں جاری مہمند ڈیم ہائیڈرو پاور پراجیکٹ پر کام کی رفتار مزید تیز کرنے کا اعلان کر دیا ہے، جسے مبصرین پاکستان کی آبی خودمختاری کے تحفظ کی جانب ایک اہم قدم قرار دے رہے ہیں۔
چین کے سرکاری اخبار کے مطابق مہمند ڈیم پر کنکریٹ بھرنے (Concrete Pouring) کا عمل شروع کر دیا گیا ہے، جو اس میگا پراجیکٹ کی تکمیل کی طرف ایک اہم سنگ میل ہے۔ رپورٹ میں کہا گیا کہ یہ اقدام بھارت کی جانب سے پانی روکنے کی دھمکیوں کے بعد پاکستان کے ساتھ اسٹریٹجک تعاون کے تسلسل کا مظہر ہے۔
خیبر پختونخوا کے ضلع مہمند میں زیرتعمیر یہ کثیر المقاصد ڈیم سالانہ 800 میگاواٹ پن بجلی پیدا کرے گا۔پشاور کو یومیہ 300 ملین گیلن پینے کا پانی فراہم کرے گا جبکہ آبپاشی، سیلاب سے تحفظ اور زرعی ترقی میں کلیدی کردار ادا کرے گا۔یہ منصوبہ پاکستان کے فلیگ شپ انفراسٹرکچر پراجیکٹس میں شمار ہوتا ہے اور اسے 2026 تک مکمل کیے جانے کا ہدف ہے۔
مہمند ڈیم چین اور پاکستان کے درمیان جاری اقتصادی تعاون اور سی پیک فریم ورک کا حصہ ہے۔ اس سے قبل دیامر بھاشا ڈیم، جسے عوام نے "تین گھاٹیوں پراجیکٹ” کا لقب دیا، بھی دونوں ممالک کے مشترکہ تعاون کا عکاس رہا ہے۔چین کا یہ عملی اقدام بھارت کے لیے ایک اور سفارتی اور اسٹریٹجک جھٹکا سمجھا جا رہا ہے۔ یاد رہے کہ گزشتہ دنوں بھارت کی جانب سے مبینہ طور پر پاکستان کو "پانی بند کرنے” کی دھمکی دی گئی تھی، جس پر پاکستان نے شدید ردعمل ظاہر کیا تھا۔
ٹرمپ کا روس-یوکرین فوری جنگ بندی مذاکرات شروع کروانے کا دعوی
سندھ حکومت کا 28 مئی کو عام تعطیل کا اعلان
ہیٹ ویو الرٹ,ملک بھر میں شدید گرمی کا امکان
برطانیہ، فرانس اور کینیڈا کی اسرائیل کو بڑی دھمکی
امریکا کی بھارتی ٹریول ایجنٹس پر ویزا پابندیاں
اسلام آباد پر بھارتی قبضے کی جھوٹی خبروں نے بھارتی عوام کو پریشان کر دیا