Tag: مہیش بھٹ

اداکار عامر خان نے اپنے حالیہ انٹرویو میں کہا ہے کہ میں‌نے کبھی بھی اپنے کیرئیر کے معاملے میں سمجھوتہ نہیں کیا. انہوں‌ نے کہا کہ مٰیرے کیرئیر میں ایک ایسا وقت بھی آیا کہ میری فلمیں فلاپ جا رہی تھیں، اسی دوران مجھے مہیش بھٹ نے ایک فلم آفر کی اور میں کہانی سننے چلا گیا مجھے کہانی بالکل پسند نہ آئی اور میں نے کہانی سننےکے بعد مہیش بھٹ سے ایک دن کا وقت لیا. اور گھر چلا گیا میں‌بہت بے چین تھا کہ کیسے مہیش بھٹ کو انکار کروں میں نے اپنی اہلیہ رینا دتہ سے بات کی اور بتایا کہ مہیش بھٹ کے ساتھ کام تو کرنا چاہتا ہوں لیکن مجھے ان کی فلم کی کہانی پسند نہیں آئی اگر ہاں کر دی پھر میں اپنے کیرئیر پر سمجھوتا کروں گا جو میں‌نہیں کرنا چاہتا اور

نہ ہی میں نے کبھی کیا ہے. رینا نے کہا کہ تم کلئیر مہیش بھٹ کو بول دو. عامر خان نے کہا کہ میں اگلے دن مہیش بھٹ کے پاس گیا اور کہا کہ آپ بڑے ڈائریکٹر ہیں میں آپ کے ساتھ کام کرنا چاہتا ہوں، لیکن مجھے اس فلم کی کہانی نہیں پسند ، میں نہیں‌کر سکتا میں یہ بھی جانتا ہوں‌کہ شاید اسکے بعد آپ مجھے کام نہیں دیں گے لیکن میں اپنے کیرئیر پر سمجھوتا نہیں کرنا چاہتا. عامر خان نے کہا کہ میں جب کام کررہا تھا تو میری یہ سوچ تھی اور میں کیرئیر پر سمجھوتا کرنے کے حق میں کبھی نہ تھا نہ کیا.

بالی ووڈ فلم براہمسٹرا جس کو بنانے میں تقریباً ایک دہائی اور پروڈکشن میں پانچ سال لگ چکے ہیں. اب یہ فلم ریلیز کے لئے تیار ہے آئندہ کل سینما گھروں‌ کی زینت بننے جا رہی ہے. فلم کی پرموشن کے بعد اسکی پرائیویٹ سکریننگ کا اہتمام کیا گیا ہے لیکن عالیہ بھٹ جو کہ اس فلم کی ہیروئین ہیں ان کے والد مہیش بھٹ نے پرائیویٹ سکریننگ میں شرکت کرنے سے انکار کر دیا ہے اور کہا ہے کہ میں اس فلم کی پرائیویٹ سکریننگ میں نہیں آئوں گا. اطلاعات ہیں کہ مہیش بھٹ نے کہا ہے کہ وہ پرائیویٹ سکریننگ میں اس لئے نہیں‌جائیں گے کیونکہ وہ فلم سینما گھر میں پبلک کے ساتھ دیکھیں گے اور

خصوصی طور پر خود ٹکٹ خریدیں گے. ان کا کہنا ہے کہ میں فلم پبلک میں‌بیٹھ کر دیکھوں گا اور ان کا ری ایکشن براہ راست جج کر سکوں گا. یاد رہے کہ اس فلم میں عالیہ بھٹ اور رنبیر کپور پہلی بار ایک ساتھ نظر آرہے ہیں. اس فلم کے ہدایت کار آیان مکھر جی ہیں جن کے ساتھ رنبیر کپور پہلے بھی کام کر چکے ہیں لیکن عالیہ آیان کے ساتھ پہلی بار کام کررہی ہیں. کہا جا رہا ہے کہ یہ اب تک کہ ہندوستانی سینما کے لئے بنائی گئی مہنگی ترین فلم ہے فلم چار سو کروڑ کی لاگت سے تیار ہوئی ہے. اس فلم سے پوری ٹیم کو کافی امیدیں وابستہ ہیں.

بالی وڈ اداکارہ کنگنا رناوت ہر وقت کسی نہ کسی کنٹروورسی میں گھری رہتی ہیں یا وہ جان بوجھ کر ایسے حالات پیدا کر دیتی ہیں کہ جس میں وہ خود اور دوسرے بھی لپیٹے جاتے ہیں. کنگنا رناوت نے پہلے جاوید اختر پر الزام لگایا کہ انہوں نے کنگنا کو ہرتیک روشن کا پیچھا چھوڑ دینے کا کہتے ہوئے قتل کروا دینے کی دھمکیاں دیں ( کنگنا کے اس الزام کے بعد جاوید اختر نے ان پر ہتک عزت کا دعوی کر دیا). اور اب انہوں نے بالی وڈ فلم ساز مہیش بھٹ پر الزام لگا دیا ہے اور کہا ہے کہ وہ مسلمان ہو چکے ہیں اور ان کا مسلم نام اسلم ہے لیکن وہ اپنی مسلم شناخت ہم سب سے چھپاتے ہیں.

انہوں نے سوشل میڈیا پر مہیش بھٹ کی ایک پرای وڈیو شئیر کی اور لکھا کہ وہ لوگوں کو شاعرانہ طور پر تشدد پر اکساتے ہیں. حالانکہ کنگنا رناوت نے 2006 میں مہیش بھٹ کی ہی فلم گینگسٹر سے اپنے کیرئیر کی شروعات کی اور شہرت کی بلندیوں کو پہنچیں ، اس فلم کی کامیابی کے بعد بالی وڈ میں ایک دھماکہ ہوا کہ کنگنا نام کی کسی لڑکی نے اینٹری دی ہے. لیکن کنگنا مہیش بھٹ کی بھی نہ بنی ان پر بھی تنقید کے نشتر چلا دئیے ہیں. پوجا بھٹ اور مہیش بھٹ کو کنگنا مووی مافیا بھی کہتی ہیں بتایا جاتا ہے کہ کنگنا جو پوجا بھٹ پر شدید غصہ ہیں کیونکہ انہوں نے انہیں اپنی فلم میں کاسٹ نہیں کیا تھا. کنگنا کی اس نئی بحث نے کئی سوالوں کو جنم دے دیا ہے.

سشمیتا سین اور للت مودی کے رشتے کے بارے میں پتہ چلتے ہی سابقہ مس یونیورس پر تنقید ہوئی انہیں‌ تو لالچی عورت تک کہہ دیا گیا اس کڑے اور برے وقت میں مہیش بھٹ نے ان کا ساتھ دیا اور کھل کر ان کی حمایت کی. مہش بھٹ نے حال ہی میں ایک انٹرویو کے دوران کہا ہےکہ سشمیتا سین ان کے بھائی وکرم بھٹ کی محبت میں گرفتار رہی ہیں دونوں ایک دوسرے کے ساتھ وقت بھی گزارتے تھے. مہیش بھٹ نے کہا کہ میں نے سشمیتا سین کو جب فلم دستک میں‌کام کرنے کی آفر کی تو انہوں‌نے فورا ہاں کردی، ورکرم بھٹ میرا دایاں ہاتھ ہوا کرتا تھا وہ کام میں‌میرے ساتھ ساتھ رہتا تھا یوں اس فلم کے سیٹ پر دونوں کا کافی انٹریکشن رہا اور دونوں اُن وقتوں‌میں ایک دوسرے کو پسند کرنے لگے تھے. مہیش بھٹ نے سشمیتا سین کی تعریف کرتے ہوئے کہا کہ میں اس کو بہت سراہتا ہوں کیونکہ یہ وہ لڑکی ہے جو اپنی شرائط پر زندگی گزارتی ہے حالانکہ یہاں لوگ دوسروں کے اصولوں کے مطابق زندگی گزارتے ہیں لیکن سشمیتا من موجی ہے. میں سشمیتا کے حوصلے اور اسکی فیصلہ سازی کو سلام کرتا ہوں‌کہ وہ اپنی شرائط پر زندگی گزارنے کی عادی ہے اور میں یہ سمجھتا ہوں‌کہ جس صدی میں ہم رہ رہے ہیں اس میں‌ہم دوسروں پر پابندی نہیں‌لگا سکتے نہ ہی ایسا ہونا چاہیے. یوں‌مہیش بھٹ نے اپنی مکمل سپورٹ‌سشمیتا سین کے پلڑے میں ڈال دی.

سابقہ مس یونیورس سشمیتا سین جو آج کل اپنے نئے رشتے کی وجہ سے بہت زیادہ سرخیوں میں ہیں. للت مودی نے جیسے ہی ان کے ساتھ اپنے دوستی کے رشتے کا اعتراف کیا تو جیسے ہلچل سی مچ گئی ہو. انٹریٹ پر حیرانی کا ایک طوفان بپا ہوا کسی نے سشمیتا کے نئے رشتے کو سراہا اور کچھ نے انہیں کھری کھری سنا دیں کہا کہ لالچ میں آکر للت مودی جیسے انسان کے ساتھ دوستی کا تعلق بنایا ہے. سشمیتا سین نے اپنے اوپر ہونے والی تنقید کو سنا بھی برداشت بھی کیا لیکن جب ان کے صبر کا پیمانہ لبریز ہوا تو انہوں نے تنقید کرنے والوں کو سنا دیں سخت باتیں. سشمیتا سین کے بالی وڈ کے جو دوست فنکار ان کے حق

میں کھڑے ہوئے ان میں رنویر سنگھ ، پریانکا چوپڑا ، دیا مرزا نیہا دھوپیا کا نام قابل زکر ہے. سشمیتا سین پر بڑھتی ہوئی تنقید کے بعد مہیش بھٹ بھی میدان میں آ گئے ہیں اور انہوں نے کہا کہ سشمیتا سین ہمیشہ سے ہی بہادر لڑکی رہی ہیں ہمیں ان کا احترام کرنا چاہیے .انہوں نے مزید کہا کہ سشمیتا ایک غیر معمولی لڑکی ہیں وہ اپنی زندگی اپنی شرائط پر گزارنے کی عادی ہیں جو کہ ان کا حق ہے اور ہمیں ان کا یہ حق تسلیم کرنا چاہیے.ہم کون ہوتے ہیں کسی پر اپنے عقائد اور نظریات مسلط کرنے والےاور کسی کوصرف اس وجہ سے تنقید کا نشانہ نہیں بنایا جا سکتا کیونکہ وہ اپنی شرائط پر زندگی گزارنا چاہتا ہے.

عالیہ بھٹ کی ماں بننے کی خبر نے جہاں ان کے پرستاروں کو خوش کیا وہیں ان دونوں میاں بیوی کے خاندانوں کو پرجوش کر دیا۔ مہیش بھٹ، جو عالیہ اور رنبیر کے بچے کے نانا بننے کے لیے تیار ہیں وہ اپنے نئے کردار کو لیکر بہت خوش ہیں.عالیہ بھٹ کے والد مشہور فلم میکر مہش بھٹ نے اپنے حالیہ انٹرویو میں ہونے والے ایک سوال کے جواب میں‌کہا ہے کہ میں تو ابھی تک عالیہ کے والد کا کردار نبھا رہا ہوں سوچتا ہوں کہ عالیہ اب ماں بننے والی ہے. مجھے بہت خوشی ہے لیکن نانا کا کردار نبھانا تھوڑا مشکل کام ہوگا.
یاد رہے کہ اس خوبصورت جوڑے کی شادی رواں برس 14 اپریل کو ان کے تمام قریبی رشتہ داروں اور دوستوں کی موجودگی میں ہوئی.محبت کی اس شادی میں دونوں خاندان کافی خوش ہیں. عالیہ

بھٹ جو اپنی پہلی ہالی وڈ کی فلم کی شوٹنگ کی غرض‌سے شادی کے بعد لندن مقیم تھیں انہوں نے 27 جون کو انسٹاگرام پر ایک تصویرشئیر کرکے مداحوں کو بتایا کہ وہ جلد ہی ماں بننے جا رہی ہیں.اس خبر نے انٹرنیٹ پر ایک طوفان بپا کر دیا.ہر طرف اس خبر کے کئی دن تک چرچے رہے. عالیہ بھٹ اور رنبیر کپور کی پہلی بار ایک ساتھ فلم سینما گھروں کی زینت بننے جا رہی ہے فلم کا نام ہے شمشیرا جس میں سنجے دت بھی ایک پاور فل کردار کرتے دکھائی دے رہے ہیں.

مہیش بھٹ نے حال ہی میں کہا ہے کہ وہ اپنے گھر کی عورتوں سے ڈرتے ہیں مہیش بھٹ کے اس بیان کے بعد وہ کافی چرچا میں ہیں. تفصیلات کے مطابق فلم جلیبی کی تشہر کے دوران انہوں نے ایک انٹرویو میں کہا کہ وہ اپنے گھر کی عورتوں سے ڈرتے ہیں ساتھ ہی انہوں نے یہ بھی کہا کہ عورتیں نہ صرف ذہین ہوتی ہیں بلکہ بہترین فیصلہ ساز بھی ہوتی ہیں.مہیش بھٹ کے ساتھ اس فلم کی تشہیر میں اداکارہ ریا چکرورتی بھی تھیں انہوں نے کسی صحافی کے سوال کے جواب میں کہا کہ اگر مرد خوش رہنا چاہتے ہیں اور یہ بھی چاہتے ہیں کہ عورتوں کے ساتھ ان رشتے میں تنائو نہ آئے تو وہ میرے اس مشورے کو عمل کریں کہ وہ

عورتوں کی بات سنیں انہیں اہمیت دیں اور جو مرد ایسا نہیں کرتے وہ یقینا نقصان اٹھاتے ہیں. ریا کی اس بات سے اتفاق کرتے ہوئے مہیش بھٹ نے بھی کہا میں عورتوں سے بھرے گھر میں رہتا ہوں ان کی بہت سنتا ہوں ان کے فیصلوں کو اہمیت دیتا ہوں. انہوں نے کہا کہ میں تو خواتین کی ذہانت کا قائل ہوں.انہوں نے اعتراف کیا کہ میں ایک خوشگوار زندگی گزار رہا ہوں حالانکہ عورتوں سے بھرے گھر میں رہتا ہوں لیکن بہت خوش ہوں ان کی سنتا ہوں ان کی مانتا ہوں.
فلم کی تشہیر کے دوران مہیش بھٹ کی کہی ہوئی یہ باتیں خاصی پسند کی جا رہی ہیں اورسوشل میڈیا پر ان کے بیانات پر مختلف قسم کے تبصرے کئے جا رہے ہیں.

کائنات کی حسین لڑکی کا خطاب پانے والی اداکارہ و ماڈل سشمیتا سین نے حال ہی میں اکشے کمار کی اہلیہ ٹوئنکل کھنہ کو ایک انٹرویو دیا ہے. اس انٹرویو میں انہوں نے بتایا کہ جب میں مس یونیورس کا خطاب جیت کر وطن واپس آئی تو مجھے ہدایتکار مہیش بھٹ ملے اور کہا کہ وہ چاہتے ہیں کہ میں ان کی فلم میں کام کروں میں نے ان سے کہا کہ لیکن میں تو ایکٹنگ نہیں‌کر سکتی لیکن ان کے اصرار اور وژن کو دیکھتے ہوئے میں نے ہاں کردی. انہوں نے کہا کہ مہیش بھٹ نے ان کو ایک سین دیا جس میں ان کو غصہ دکھانا تھا انہوں نے وہ سین بہت اچھے سے کیا لیکن مہیش بھٹ نے کہا کہ آپ یہ کام نہیں کر سکتیں انکی اس بات نے سشمیتا سین کو

بہت زیادہ ناراض کر دیا وہ یہ بات سن کر سیدھا مہیش بھٹ کے پاس گئیں اور کہا کہ آپ ایسا مجھے نہیں کہہ سکتے اور یہ کہہ کر سشمیتا وہاں سے چل دیں. جب وہ وہاں سے جانے لگیں تو مہیش بھٹ نے ان کا ہاتھ پکڑ کر کہا کہ ایسا نہیں‌ ہے تم نے اچھا کام کیا ہے چلو واپس سیٹ پر اور کام کرو.سشمیتا نے بتایا کہ مجھے اصل میں ناراض کرنے کےلئے مہیش بھٹ نے ایسا کیا اور وہ اپنے مشن میں‌ کامیاب بھی ہوگئے. یاد رہے کہ سشمیتا سین نے بہت کم فلموں میں‌ کام کیا ہے ان کے کریڈٹ پر کافی اچھی فلمیں‌ ہیں انہوں نے شاہ رخ اور سلمان خان کے ساتھ کام بھی کیا.

بالی وڈی کے مشہور اور کامیاب ڈائریکٹر انوراگ باسو نے حال ہی میں ایک انٹرویو دیا اس میں انہوں نے اُس وقت کو یاد کیا جب انہیں بلڈ کینسر ہو گیا تھا۔انہوں نے کہا کہ مجھے بلڈ کینسر کی تشخٰیص دو ہزار چار میں ہوئی تھی اور اس وقت میری اہلیہ سات ماہ کی حاملہ تھی اس کو میں نے نہیں بتایا تھا کہ وہ پریشان ہو گی لیکن اسکو ایک ٹی وی چینلز سے پتہ لگ گیا تھا۔انوراگ باسو نے مزید کہا کہ انڈسٹری کے لوگوں نے میری بہت مدد کی، اداکار سنیل دت نے ان کی اتنی مدد کی کہ ہسپتال میں علاج کے لئے فورا بستر اور کمرہ میسر آگیا ۔انوراگ باسو نے کہا کہ علاج بہت مہنگا تھا لہذا پیسے ختم ہوگئے تھے ابھی میری کیمو تھراپی چل رہی تھی کہ میں نے فلم گینسٹر کی شوٹنگ کی تاکہ کچھ پیسے مل سکیں۔

انوراگ باسو نے فلم انڈسٹری کے لوگوں کا شکریہ ادا کیا اور کہا کہ عمران ہاشمی ،انوپم کھیر اور مہیش بھٹ اکثر مجھے ملنے آیا کرتے تھے میرے ساتھیوں نے میرے علاج کے لئے عطیات بھی مانگے۔انوراگ باسو نے مزید کہا کہ کیمو تھیراپی چل رہی تھی اس دوران کام کرنا آسان نہیں تھا اور میرے والد میری حالت دیکھ کر دل چھوڑ بیٹھے تھے لیکن فلم انڈسٹری کے لوگوں نے مجھے ہر طرح سے سپورٹ کیا مجھ سے ملنے آتے تو میرا حوصلہ بلند ہوجاتا.
یاد رہے کہ انوراگ باسو بھارتی فلم انڈسٹری کے معروف ڈائریکٹر ہیں ان کے کریڈت پر بہت ساری ہٹ فلمیں ہیں.

ٹی وی شوز سے شہرت کی بلندیوں کو چھونے والی جیسمین بھاسن مہیش بھٹ کی فلم سے ڈیبیو کرنے جا رہی ہیں فلم کی شوٹنگ جولائی سے شروع ہو گی۔ رپورٹس کے مطابق بگ باس جیسے بڑے رئیلٹی شو سے پذیرائی حاصل کرنے والی جیسمین بھاسن فلم میں کام کررہی ہے اس میں ان کے ساتھ گپی گریوال نظر آئیں گی۔رپورٹس یہ بھی بتا رہی ہیں جیسمین نے فلم سائن کر لی ہے۔ فلم میں ان کا کردار کیسا ہوگا اس سے ابھی تک پردہ نہیں اٹھایا گیا نہ ہی ایسا کوئی اشارہ دیا گیا ہے لیکن کہا جا رہا ہے کہ جیسمین اپنے کردار سے بے حد خوش ہیں ان کا کہنا ہے کہ میرے پرستار میرے کام اور کردار کو دیکھ کر بہت خوش ہوں گے۔ رپورٹس کے مطابق فلم رواں برس اکتوبر میں ریلیز کی جائے گی۔
یاد رہے کہ مہیش بھٹ نے بطور ڈائریکٹر آخری فلم انیس نو ننانوے میں زخم کے نام سے بنائی تھی اس کے بعد انہوں نے اعلان کر دیا تھا کہ اب وہ بطور ڈائریکٹر کام نہیں کریں گے۔ ان کی آخری فلم ان کی ذاتی زندگی سے کافی متاثر تھی اس میں پوجا بھٹ اور اجے دیوگن نے مرکزی کردار ادا کئے تھے، فلم کا میوزک بھی بہت جاندار تھا۔ جیسمین بھاسن جس فلم سے ڈیبیو کرنے جا رہی ہیں اسکو مہیش بھٹ لکھیں گے اور ان کے بھائی وکرم بھٹ اسے ڈائریکٹ کریں گے۔ جیسمین بھاسن فلمی کیرئیر شروع کرنے کے حوالے سے کافی پرجوش ہیں۔