Baaghi TV

Tag: میئر

  • پیپلز پارٹی کا کراچی میں جیالا میئر لانے کا خواب کبھی پورا نہیں ہوگا،حافظ نعیم الرحمان

    پیپلز پارٹی کا کراچی میں جیالا میئر لانے کا خواب کبھی پورا نہیں ہوگا،حافظ نعیم الرحمان

    کراچی: امیر جماعت اسلامی کراچی حافظ نعیم الرحمان کا کہنا ہےکہ پیپلز پارٹی کا کراچی میں جیالا میئر لانےکا خواب کبھی پورا نہیں ہوگا۔

    باغی ٹی وی: کراچی میں پریس کانفرنس کرتے ہوئے حافظ نعیم الرحمان کا کہنا تھا کہ جعل سازی کرکے جماعت اسلامی کے نمبر کم کردیئےگئے، جماعت اسلامی کے نمبرز کم کرنا پیپلز پارٹی کا کام ہے-

    میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں

    انہوں نے کہا کہ پی ٹی آئی بھی وہی کام کر رہی ہے جو پیپلز پارٹی نےکیا، ہم میں تو ظرف ہےکہ ہم پی ٹی آئی کی بھی بات کر رہے ہیں، یہ نمبر تبدیل کرسکتے ہیں، تاخیر کرسکتے ہیں مگر کراچی پیپلز پارٹی کا نہیں-

    حافظ نعیم الرحمان کا کہنا تھا کہ، پیپلزپارٹی کو بھی بتایا کہ وہ کراچی نہیں جیت سکتی، کراچی کے عوام سمجھتے تھےکہ اب کراچی کے حالات بہتر ہوں گے، خود کو عوام کا چیمپئن کہنے والے اپنی جماعت میں جمہوری نہیں۔

    ان کا کہنا تھا کہ بلدیاتی الیکشن کروانےکے پیچھے صرف جماعت اسلامی تھی، اس وقت الیکشن کمیشن پیپلزپارٹی کی بی ٹیم بنا ہوا ہے۔

    واضح رہے کہ الیکشن کمیشن کے نوٹیفیکیشن کے اجرا کے بعد پیپلزپارٹی اور جماعت اسلامی کی نشستیں برابر ہوگئیں کراچی کی 246 میں سے 235 پر الیکشن ہوئے جس میں سے الیکشن کمیشن نے 215بلدیاتی نشستوں پر امیدواروں کی کامیابی کے نوٹیفیکیشن جاری کئے-

    مریم نواز کیخلاف توہین عدالت کی کارروائی کے لیے دائر درخواست پرفیصلہ محفوظ

    پیپلزپارٹی اور جماعت اسلامی کی کے ایم سی سٹی کونسل میں 84، 84 نشستیں ہوگئیں جبکہ پی ٹی آئی کی 40 نشستیں ہیں مسلم لیگ ن 5، جمیعت علمائے اسلام کی ایک نشست جبکہ ایک آزاد امیدوار کامیاب ہوا۔ اس طرح، پیپلزپارٹی اور اس کے اتحادیوں کی مجموعی نشستیں 91 ہوجائیں گی۔

    حیدرآباد کی یونین کمیٹیز کی نشستوں پر الیکشن کمیشن نے نوٹیفیکیشن جاری کر دیا جس کے تحت حیدرآباد میں پہلی مرتبہ میئر پیپلزپارٹی کا آئے گا پیپلزپارٹی 92ن شستوں کے ساتھ حیدرآباد میں سب سے بڑی پارٹی بن گئی۔

    حیدرآباد میونسپل کارپوریشن میں 160نشستیں ہیں جن میں پی ٹی آئی 39 نشستوں پر کامیاب ہوئی تحریک لبیک نے دو نشستوں پر کامیابی حاصل کی جبکہ 13نشستوں پر آزاد امیدوار کامیاب ہوئے-

    توشہ خانہ کیس: عمران خان کی ناقابل ضمانت وارنٹ گرفتاری کی منسوخی کی درخواست پر فیصلہ محفوظ

  • میکسیکو: سٹی ہال میں فائرنگ سے شہر کے میئر سمیت 18 افراد ہلاک

    میکسیکو: سٹی ہال میں فائرنگ سے شہر کے میئر سمیت 18 افراد ہلاک

    میکسیکو:سٹی ہال میں فائرنگ کے واقعے میں شہر کے میئر سمیت 18 افراد ہلاک ہوگئے۔غیر ملکی میڈیا کے مطابق بدھ کی سہ پہر مسلح افراد نے ریاست گوریرو کے شہر سان میگوئل توتولاپن کے سٹی ہال میں گھس کر اندھا دھند فائرنگ کردی جس کے نتیجے میں شہر کے میئر سمیت ایک درجن سے زائد افراد ہلاک ہوگئے۔

    لانگ مارچ کسی صورت اسلام آباد میں داخل نہ ہونے دینگے: پی ڈی ایم کا اعلان

    جائے وقوعہ پر لی گئی تصاویر میں ہال کی بیرونی دیواریں گولیوں کے درجنوں سوراخوں سے چھلنی نظر آرہی ہیں۔حکام کے مطابق ہلاک شدگان میں میئر کونراڈو مینڈوزا، انکے والد اور سابق میئر جوان مینڈوزا سمیت کونسل کے ممبرز اور پولیس اہلکار شامل ہیں۔

    عالمی ادارہ صحت نے پاکستان کیلئے ہیلتھ ایمرجنسی کی اپیل کردی

    میکسیکو کے صحافی جیکب مورالس اے نے ایک ٹویٹ میں بتایا کہ مرنے والوں میں 18 سے زائد افراد کی تصدیق ہوئی ہے جس میں ایک 12 سالہ بچہ بھی شامل ہے۔گوریرو اسٹیٹ کے گورنر ایولین سالگاڈو پینیڈا نے سان میگوئل توتولاپن کے میئر کونراڈو مینڈوزا المیڈا کی موت پر گہرے افسوس کا اظہار کیا ہے۔

    پچھلے 24 گھنٹوں میں کیا ہوا اوراگلے 24 گھنٹوں میں کیا ہونے والا ہے:خبرآگئی

    یاد رہے کہ اس سے پہلے تھائی لینڈ کے ایک ڈے کیئر سینٹر میں فائرنگ سے 34 افراد ہلاک ہوگئے ہیں۔پولیس ترجمان آرچن کریٹونگ کا کہنا ہے تھائی لینڈ کے ڈے کئیر سینٹر میں ہونے والی فائرنگ میں ابھی تک 34 ہلاکتوں کی خبر موصول ہوئی ہے۔ تفصیلات کے مطابق تھائی لینڈ کے سابق پولیس آفیسر گن لیے ڈے کئیر میں داخل ہوا اور فائر کھول دیا۔ فائرنگ میں اب تک 34 ہلاکتوں کی خبر ملی ہے جس میں 22 بچے شامل ہیں۔

  • گدھے کی مثال دینے والے عمران خان، سنو،پندرہ سے زائد پاکستانی برطانوی پارلیمنٹ کے رُکن ہیں

    گدھے کی مثال دینے والے عمران خان، سنو،پندرہ سے زائد پاکستانی برطانوی پارلیمنٹ کے رُکن ہیں

    گدھے کی مثال دینے والے عمران خان، سنو،پندرہ سے زائد پاکستانی برطانوی پارلیمنٹ کے رُکن ہیں

    پاکستان تحریک انصاف کے چئیرمین عمران خان کا گدھے سے متعلق مثال دینے کا ویڈیو کلپ سوشل میڈیا پر اس قدر وائرل ہوا ہے کہ اس کی بازگشت لندن تک سنائی دی جانے لگی ہے

    ذرائع کے مطابق اقبال لطیف کا کہنا ہے کہ عمران خان کی گدھے اورزیبرے کے حوالے سے جومثال سامنے آرہی ہے وہ قدرے اچھی نہیں ہے ، کیوں کہ گدھے زیبرے کی نسبت جسم پر لکیردار دھاریوں کے مدہم ہونے کی وجہ سے گدھے نہیں قراردیے جاتے بلکہ زیبرے اور گدھے میں بنیادی فرق دماغ کی صلاحیتوں کا ہے

    اقبال لطیف نے کہا کہ برطانیہ میں پندرہ سے زائد پاکستانی برطانوی پارلیمنٹ کے رُکن ہیں یہ سب لوگ قابلیت کی بنیاد پر اس ایوان میں پہنچے ہیں ، ان کا ایک بڑا مقام ہے ، عمران خان کی اس حوالے سے مثال کوئی اتنی اچھی نہیں ، اقبال لطیف کہتے ہیں کہ یہ ایک اعزاز ہے کہ اتنی بڑی تعداد میں پاکستانی نژاد وہاں برطانیہ میں بڑے بڑے عہدوں پرفائز ہیں ،

    ان کا یہ بھی کہنا تھاکہ میئرلندن کو ہی دیکھ لیں اس کا تعلق بھی بنیادی طورپرپاکستان سے ہے اور وہ برطانیہ میں ایک بڑے عہدے پر فائز ہیں اس لیے ایسی مثال دینے سے گریز ہی کرنا چاہیے

    یاد رہےکہ چند دن قبل سابق وزیراعظم اور پی ٹی آئی چئیرمین عمران خان نے پوڈ کاسٹ میں مختلف امورپرکھل کربات کی تھی، عمران خان کا گفتگو کے دوران گدھے سے متعلق مثال دینے والا کلپ سوشل میڈیا پروائرل ہوگیا۔عمران خان کا کہنا تھا کہ مجھے برطانیہ میں ویلکم کیا گیا لیکن میں نے اسے کبھی اپنا گھر نہیں سمجھا کیونکہ میں پاکستانی تھا اورکچھ بھی کرنے سے انگریز نہیں بن سکتا تھا جیسے گدھے کے اوپرلکیریں ڈالنے سے گدھا زبیرا نہیں بن جاتا گدھا ، گدھا ہی رہتا ہے۔

  • مشرقی یوکرین میں روس نواز میئرکواغوا کرنے کے بعد قتل کردیا گیا

    مشرقی یوکرین میں روس نواز میئرکواغوا کرنے کے بعد قتل کردیا گیا

    کیف: مشرقی یوکرین میں روس نواز میئرکواغوا کرنے کے بعد قتل کردیا گیا ،طلاعات کے مطابق مشرقی یوکرین میں ایک روس نواز میئر کو پہلے گھر سے اغوا کیا گیا اور پھر گولی مار کر قتل کر دیا گیا۔ میر نے یوکرین پر حملے کے بعد روسی صدر ولادی میر پیوٹن کے حملے کا خیر مقدم کیا۔

    ان کی اہلیہ کے مطابق لوہانسک میں کریمنا میں ولادیمیر اسٹارک کو منگل کو قتل کر دیا گیا ۔ انہیں گھر سے اغوا کرنے کے بعد سینے میں گولی مار دی گئی۔

    فیس بک پر خبر کا اعلان کرتے ہوئے، یوکرین کے وزیر داخلہ انٹیک گیرا چنکا کے ایک مشیر نے دعویٰ کیا کہ اسٹراک ‘لوہانسک پیپلز ریپبلک کا حامی’ (ایل پی آر) تھا۔

    رپورٹ کے مطابق لوہانسک عوامی جمہوریہ مشرقی یوکرین کے اندر واقع ایک خود ساختہ علیحدہ ریاست ہے جسے 2014 میں روس نواز علیحدگی پسندوں نے قائم کیا تھا۔

    یوکرین کے وزیر داخلہ کے مشیر نے الزام لگایا کہ اسٹراک کو پیپلز ٹربیونل نے غدار کہا ہے۔ انہوں نے یہ بھی دعویٰ کیا کہ یوکرین گزشتہ آٹھ سالوں سے اسٹراک کے خلاف کچھ نہیں کر سکا کیونکہ ماسکو کے حامی علیحدگی پسند ڈونیٹسک اور لوہانسک کے جنوب مشرق میں یوکرین کے علاقوں کو کنٹرول کر رہے تھے۔

  • بلدیاتی الیکشن، پشاور سمیت میئر کی تین سیٹوں میں جے یو آئی آگے

    بلدیاتی الیکشن، پشاور سمیت میئر کی تین سیٹوں میں جے یو آئی آگے

    بلدیاتی الیکشن، پشاور سمیت میئر کی تین سیٹوں میں جے یو آئی آگے

    بلدیاتی الیکشن کے نتایج کا سلسلہ جاری ہے، خیبر پختونخواہ میں ہونے والے میئرالیکشنز میں پشاور،بنوں اور کوہاٹ میں جے یوآئی آگے ہے، جے یو آئی کے پی میں تبدیلی لے کر آ گئی ہے، پشاور کی سٹی میئرشپ کے لئے جے یو آئی کے امیدوار زبیرعلی آگے اورتحریک انصاف کے رضوان بنگش دوسرے نمبر ہر ہیں

    اب تک 237 پولنگ اسٹیشنز کے غیرحتمی غیرسرکاری نتائج کے مطابق جے یو آئی ف کے زبیر علی 24ہزار 80 ووٹ کے ساتھ آگے ہیں ۔ تحریک انصاف کے رضوان بنگش 21ہزار 148 ووٹ لے کر دوسرے نمبر پر ہیں۔بنوں میں بھی سٹی میئر کے الیکشن میں جے یو آئی ف کو برتری حاصل ہے۔ غیرسرکاری غیرحتمی نتائج کے مطابق ،جےیو آئی کے امیدوار عرفان اللہ 37 ہزار سے زائد ووٹوں کے ساتھ آگے ہیں۔ پی ٹی آئی کے اقبال جدون 24ہزار ووٹوں کے ساتھ دوسرے نمبرپر ہیں۔

    کوہاٹ میں سٹی میئر کے الیکشن میں جے یو آئی ف آگے ہیں۔ غیرسرکاری غیرحتمی نتائج کے مطابق ، جے یو آئی کے امیدوار شیر زمان 19ہزار ووٹوں کے ساتھ پہلے نمبر پر، آزاد امیدوار شفیع اللہ کا 18ہزار ووٹوں کے ساتھ دوسرا نمبر ہیں۔

    مردان میں سٹی میئر کے انتخاب میں اے این پی کو واضح برتری حاصل ہے۔ غیرسرکاری غیرحتمی نتائج کے مطابق ، عوامی نیشنل پارٹی کے امیدوار حمایت اللہ 27ہزار سے زائد ووٹوں کے ساتھ سب سے آگے ہیں۔ جے یو آئی کے امانت شاہ 18 ہزار ووٹ لیکر دوسرے نمبر پر ہیں۔

    اب تک کے موصول ہونے والے اٹھائیس ویلج کونسل کے غیر حتمی اور غیر سرکاری نتائج کے مطابق گیارہ آزادامیدوار ویلج کونسل کی نشستوں پرمنتخب ہوئے ہیں جے یو آئی اور اے این پی کے 6، 6، پی ٹی آئی کے 3، جماعت اسلامی اور مسلم لیگ (ن) کا ایک، ایک امیدوار ویلج کونسل کی نشست پرکامیاب ہوا ہے۔

    چارسدہ تحصیل چیئرمین، 386میں240پولنگ اسٹیشنز کے غیر سرکاری نتائج ،جے یوآئی کے مفتی عبدالروف شاکر 48 ہزار432ووٹ لے کر آگے ،اے این پی کے تیمور خٹک26ہزار231ووٹ لے کر دوسرے نمبر پر پی ٹی آئی کے حاجی ظفر خان 15ہزار 734ووٹ لے کر تیسرے نمبر پرہیں

    مردان تحصیل گڑھی کپورہ مکمل نتیجہ ، اے این پی کے بختاور خان 20244 ووٹ لے کر کامیاب ہوئے، ؛ جے یوآئی کے ملک ایاز 17399 ووٹ کیساتھ دوسرے نمبر پررہے، پی ٹی آئی کے امیدوار شاہ فیصل 14000 ووٹ لے کر تیسرے نمبر پر رہے

    تحصیل کونسل صوابی کے غیر سرکاری نتائج پی ٹی آئی کے عطااللہ29ہزار363ووٹ لے کر کامیاب ہو گئے،اے این پی کے محمد اکمل خان 21ہزار50ووٹ لے کر دوسرے نمبر پر رہے

    تحصیل چمکنی چئیرمین نشست کے سرکاری نتائج ، عوامی نیشنل پارٹی کے ارباب محمد عمر 24 ہزار 425 ووٹ لیکر کامیاب ہو گئے، پی ٹی آئی کے نبی گل 20 ہزار 398 ووٹ کے ساتھ دوسرے نمبرپر،جے یوآئی ف کے خالد وقار 16 ہزار 750 ووٹوں کے ساتھ تیسرے نمبر پر رہے،

    تحصیل کاٹلنگ چیئرمین شپ ، تحصیل کاٹلنگ سے جے یو آئی کے مفتی حماد اللہ یوسفزئی 30474 ووٹ لیکر کامیاب ہو گئے، اے این پی کے فضل الرحمان 18186 ووٹ کیساتھ دوسرے نمبر پر رہے

    ہری پورتحصیل غازی میں ن لیگ کے قاسم شاہ 18 ہزار 355 ووٹ لےکرکامیاب ہو گئے، آزاد امیدوارخیام اسلام 12 ہزار 416 ووٹ لے سکے ،تحصیل میئرکرک،پی ٹی آئی امیدوارعظمت خٹک 23 ہزار 512 لے کرکامیاب ہو گئے، عوامی نیشنل پارٹی کےعبدالرحمان 9870 ووٹ لے کردوسرے نمبرپر رہے،تحصیل شبقدر،جےیوآئی کےحمزہ آصف 33 ہزار 244 ووٹ لے کرکامیاب ہو گئے، پی ٹی آئی کے شاہد اللہ 14 ہزار 416 ووٹ لے کردوسرے نمبرپر رہے،تحصیل جہانگیرہ،پی ٹی آئی امیدوارکامران رزاق 32 ہزار 124 ووٹ لے کرکامیاب ہو گئے، پیپلزپارٹی کے جمشیدخان 27 ہزار 931 ووٹ لےکردوسرے نمبرپررہے

    ایک ہزار سے زائد خواتین، ایک سال میں چار چار بار حاملہ، خبر نے تہلکہ مچا دیا

    ایک برس میں 10 ہزار سے زائد کسانوں نے کس ملک میں خودکشی کی؟

    فرار ہونیوالے ملزمان میں سے کتنے ابھی تک گرفتار نہ ہو سکے؟

    طالب علم سے زیادتی کر کے ویڈیو بنانیوالے ملزم گرفتار

    ملازمت کے نام پر لڑکیوں کی بنائی گئیں نازیبا ویڈیوز،ایک اور شرمناک سیکنڈل سامنے آ گیا

    200 سے زائد نازیبا ویڈیو کیس میں اہم پیشرفت

    شادی کے جھانسے میں آ کر تعلق قائم کر لیا، اب بلیک میل کیا جا رہا،سٹیج اداکارہ