لاہور تھانہ اچھرہ کی حدود میں طیفی بٹ کے بہنوئی جاوید بٹ کے قتل کا مقدمہ مقتول کے بیٹے حمزہ بٹ کی مدعیت میں درج کر لیا گیا
مقدمہ میں امیر بالاج کے بھائی امیر فتح،قیصر بٹ سمیت دو نامعلوم ملزمان نامزد کئے گئے ہیں،درج مقدمے میں کہا گیا ہے کہ بوقت ڈیڑھ بجے میرے والد محمد جاویدولد محمد امین عمر 65 سال،میری والدہ تہمینہ اپنی گاڑی پر سائل کے بچوں کو سکول سے چھٹی کے وقت لینے جا رہے تھےجب وہ دو بجے کے قریب کینال روڈ شاہ جمال اشارے کے قریب پہنچے تو اشارہ بند ہونے کی وجہ سے گاڑی روک کر اشارہ کھلنےکا انتظارکرنے لگے،اسی اثنا میں دو موٹر سائیکلوں پر چار مسلح افراد آئے، اور موٹر سائیکل گاڑی کی دائیں طرف روکی،مسلح افراد نے سائل کے والداور والدہ پر اندھا دھند گولیاں چلائیں،والد کے جسم پر دائیں طرف سے گولیاں لگیں،جو زخموں کی تاب نہ لاتے ہوئے موقع پر جاں بحق ہو گئے،والدہ کو بھی دائیں کندھے کے قریب بازو اور دائیں ٹانگ پر پنڈلی کے قریب گولیاں لگیں وہ زخمی ہیں،شدید فائرنگ کی وجہ سے آس پاس خوف و ہراس پھیل گیا، شہریوں نے چھپ کر اپنی جانیں بچائیں،سائل کی والدہ کو علاج کے لئے سروسز ہسپتال منتقل کیا گیا،میری والدہ ہوش و حواس میں ہیں، نے سوا دو بجے کال کر کے مجھے سارے واقعہ کے بارے میں بتایا،سائل اپنے ملازم راحت کے ہمراہ موقع پر پہنچاسائل کی والدہ نے ملزمان کو دیکھا اور پہچان لیا،والدہ نے بتایا کہ امیر فتح اور قیصر بٹ دونامعلوم موٹر سائیکل سواروں کے پیچھے سوار تھے جنہوں نے گولیاں چلائیں،ملزمان کے خلاف مقدمہ درج کیا جائے
واضح رہے کہ لاہور کے علاقے مسلم ٹاؤن میں شوٹرز نے پراڈو جیپ پر فائرنگ کی تھی،شوٹرز کی فائرنگ سے معروف طیفی بٹ کا بہنوئی جاوید بٹ قتل، بیوی زخمی ہو گئی،واقعہ کے بعد شوٹرز فرار ہو گئے، مرنے والے کی شناخت جاوید کے نام سے ہوئی ہے،پولیس کے مطابق مرنے والا طیفی بٹ کا بہنوئی بتایا گیا ہے
واضح رہے کہ کچھ عرصہ قبل ٹیپو کا بیٹا امیر بالاچ قتل ہوا تھا ،بالاج کا مقدمہ طیفی بٹ کے خلاف درج ہوا تھا ،پولیس کا کہنا ہے کہ مقتول محمد جاوید بٹ اقبال ٹاؤن کے رہائشی تھے، تحقیقات جاری ہیں، اور اس قتل کے پیچھے ممکنہ وجوہات اور ملزمان کا پتہ لگانے کی کوششیں کی جا رہی ہیں۔پولیس نے لاش اور زخمی کو ہسپتال منتقل کر دیا ہے،جائے وقوعہ سے پولیس نے ثبوت بھی جمع کر لئے ہیں،
امیر بالاج ٹیپو قتل کیس، احسن شاہ کے گھر سے رقم برآمد،ایک اور مبینہ ملزم گرفتار
امیر بالاج قتل کیس، شوٹر مظفر مالشیا نہیں بلکہ طیفی بٹ کا گن مین تھا
امیر بالاج کو قتل کرنے والی ٹیم کے سرغنہ کی شناخت
امیر بالاج ٹیپو قتل کیس،ایک اور موبائیل فوٹیج،ایک اور ملزم سامنے آ گیا
امیر بالاج ٹیپو قتل کیس،ایک اور حملہ آور گرفتار،تحقیقاتی ٹیم تشکیل
امیر بالاج ٹیپو قتل کیس،اہم پیشرفت،ریکی کرنیوالا دوست گرفتار
امیر بالاج ٹیپو قتل کیس: نامزد ملزم طیفی بٹ کی گرفتاری کیلئے انٹر پول سے رابطہ
امیر بالاج ٹیپو قتل کیس،حملہ آور کی لاش ورثا کے حوالے
ٹیپو ٹرکاں والا کا بیٹا امیر بالاج قتل،طیفی بٹ مقدمے میں نامزد