پاکستانی اداکارہ و ماڈل نوال سعید نے دعویٰ کیا ہے کہ پاکستان کے کئی کرکٹرز انہیں اپنے ویریفائیڈ اکاؤنٹ سے میسجز بھیجتے ہیں
اداکاہ نوال سعید نے نجی ٹی وی کے پروگرام میں ایک انٹرویو میں اس بات کا انکشاف کیا کہ پاکستانی کرکٹرانہیں پیغام بھیجتے ہیں،اداکارہ کا ایک سوال کے جواب میں کہنا تھا کہ اسے ساتھی اداکاروں کے نہیں بلکہ کرکٹرز کے سوشل میڈیا پر بہت پیغام آتے ہیں، میں انہیں پڑھ کر حیران ہوتی ہوں اور سوچتی ہوں، مجھے یہ سمجھ نہیں آتا کہ آیا پاکستانی کرکٹر جو مجھے پیغام بھیج رہے ہیں وہ پاکستان کی نمائندگی کر رہے ہیں؟ آپ کا ویریفائیڈ بلیو ٹک ہے، کیسے کسی لڑکی کو میسج کر کے اسکی تعریف کر سکتے ہیں؟
اداکارہ نوال نے بات جاری رکھتے ہوئے کہا کہ یہ عجیب بات ہے، ایسا نہیں ہونا چاہئے،اداکارہ نوال نے سوشل میڈیا پر پیغام بھجوانے والے کسی کرکٹر کا نام نہیں بتایا البتہ انکے نام پیغام میں کہا کہ ہم تو اداکار ہیں، لوگوں کو محظوظ کرتے ہیں لیکن آپ تو گرین شرٹس میں ملک کی نمائندگی کررہے ہیں آپ لوگ یہ نہ کریں بہت عجیب لگتا ہے،
