ٹھٹھہ،باغی ٹی وی ( نامہ نگار راجہ قریشی) ایس ایس پی ٹھٹہ کی جانب سے لوکل الیکشن کے حوالے سے ایس ایس پی آفس ٹھٹہ میں میٹنگ کا انعقاد
ایس ایس پی ٹھٹہ عدیل حسین چانڈیو کی جانب سے لوکل باڈی الیکشن میں سیکیورٹی کے حوالے سے ایس ایس پی آفس ٹھٹہ میں میٹنگ کا انعقاد کیا جس میں سینیئر پولیس افسران نے شرکت کی، میٹنگ کے دوران لوکل باڈی الیکشن کے ضابطہ اخلاق پر عمل درآمد کروانے کے ایجنڈے کو زیر بحث لایا گیا۔ایس ایس پی ٹھٹہ نے کہا کہ بلدیاتی الیکشن کے دوران سیکیورٹی کو سخت کیا جائے، تمام افسران کینڈیڈیٹ سے ملاقات کریں اور پولنگ اسٹیشن کا دورہ کریں، ممکنہ ایمرجنسی صورتحال سے نمٹنے کے لیے اینٹی رائٹ / ریزرو اور QRF پلاٹونز کو بمعہ وقت تیار اور الرٹ رکھا جائے،، بلدیاتی الیکشن کے دوران امن و امان کی صورتحال کے لیے پولیس واٹس اپ گروپ پر باہمیروابط کو تقویت دی جائے، الیکشن کے دوران تمام ایس ڈی پی اوز صاحبان پولنگ اسٹیشنز پر تعینات نفری کو ہر وقت چیک کریں، اس کے علاوہ پیٹرولنگ، سنیپ چیکنگ اور پکٹنگ کو مزید تیز کیا جائے تاکہ کوئی ناخوشگوار واقعہ پیش نہ ہو۔
ایس ایس پی ٹھٹہ نے کہا کہ پولیس افسران یا جوانوں کی کسی فرد یا سیاسی جماعت سے وابستگی نہیں ہونی چاہیے ،پولیس افسران اور جوان ضابطہ اخلاق کو مد نظر رکھتے ہوئے فرائض سر انجام دیں گے۔انہوں نے ہدایات جاری کرتے ہوئے کہا کہ کسی علاقے میں بھی اسلحہ کی نمائش ، وال چاکنگ، لائوڈ اسپیکر کی خلاف ورزی نہ کی جائے،کسی بھی علاقہ میں ضابطہ اخلاق کی خلاف ورزی پائی جائے تو اس پر فوری قانونی کارروائی عمل میں لائی جائے۔تمام SHOs اپنے SDPOs کے ساتھ ہر وقت رابطے میں رہیں اور اپنے عملے کو اچھی طرح واقف کرکے تعینات کرینگے اس کے علاوہ شر پسند عناصر اور امن و امان میں خلل ڈالنے والے لوگوں کی نشاندہی کریں اور انکے خلاف انسدادی کارروائی عمل میں لائیں۔
الیکشن ڈیوٹی میں کسی قسم کی کوتاہی برداشت نہیں کی جائے گی۔
Tag: میٹنگ
ٹھٹھہ : بلدیاتی انتخابات کے حوالے سے ایس ایس پی آفس میں میٹنگ منعقد کی گئی
قصورموسم سرما کی آمد سے قبل چوری ڈکیتی کی وارداتوں پر قابو پانے کے لیے اہم میٹنگ
قصورموسم سرما کی آمد سے قبل چوری ڈکیتی کی وارداتوں پر قابو پانے کے لئیے ڈی ایس پی چونیاں لال محمد کھوکھر متحرک،تھانہ کنگن پور میں نمبرداران،معززین اور تاجروں سے ملاقات شہر اور دیہاتوں میں ٹھکری پہرے لگانے کا فیصلہ
،تفصیلات کے مطابق ڈی ایس پی چونیاں لال محمد کھوکھر اور ایس ایچ او نصراللہ بھٹی نے تھانہ کنگن پور میں مختلف دیہاتوں کے نمبرداران،تاجروں اور معززین سے ملاقات کی ڈی ایس پی چونیاں نے گفتگو کرتے ہوئے کہا کہ ہم سب کی اجتماعی زمہ داری یہ ہے کہ پولیس اور شہری مل کر جرائم پر قابو پانے کے لئیے کردار ادا کریں کیوں کہ موسم سرما میں دھند کے باعث چوری چکاری کی وارداتوں میں اضافہ ہو جاتا ہے کرائم کی روک تھام کے لئیے تمام نمبرداران مل کر کنگن پور شہر اور ارد گرد کے دیہاتوں میں ٹھکری پہروں کا اہتمام کریں انہوں نے تاجروں سے بھی گزارش کی کہ وہ مارکیٹوں میں چوکیداروں اور سی سی ٹی وی کیمروں کا مناسب بندو بست کریں علاقہ بھر کے تمام نمبرداران نے ڈی ایس پی چونیاں لال محمد کھوکھر کو یقین دہانی کروائی کہ وہ پولیس کے ساتھ مکمل تعاون کریں گے تاکہ علاقہ میں امن و امان کی فضا قائم رہ سکے،
مہر بشارت صدیقی باغی ٹی وی قصور
ایس ایس پی اپریشنز یاسر آفریدی کی سربراہی میں خصوصی میٹنگ، کونسی نئی حکمت عملی ترتیب دی؟
ایس ایس پی اپریشنز پشاور یاسر آفریدی کی سربراہی میں تعارفی میٹنگ ہوئی۔
ملک سعد شہید پولیس لائنز میں ایس ایس پی اپریشنز یاسر آفریدی کی سربراہی میں خصوصی تعارفی میٹنگ کا انعقاد کیا گیا جس میں جرائم اور ان کی تفتیش کا تفصیلی جائزہ بھی لیا گیا۔
میٹنگ میں چاروں ڈویژنز کے ایس ڈی پی اوز اور ایس ایچ اوز نے شرکت کی، اس موقع پر ایس ایس پی اپریشنز نے زیر تفتیش کیسز کا تقابلی جائزہ لیتے ہوئے ہاٹ سپاٹس کا تعین کرکے نئی حکمت عملی ترتیب دینے کی ہدایت کی۔ ایس ایس پی اپریشنز نے امن و امان کو برقرار رکھنے کی خاطر انفارمیشن بیسڈ سرچ آپریشنز، سرپرائز ناکہ بندیاں اور پولیس گشت میں اضافے کے ساتھ ساتھ تفتیشی نظام میں بھی مزید تیزی لانے کی ہدایت کی۔
چیئرمین پی ایچ اے کے زیر صدارت میٹنگ: پی ایچ اے راولپنڈی کو خود مختار ادارہ بنانے کا عندیہ
چیئرمین پی ایچ اے آصف محمود کے زیر صدارت پارکس اینڈ ہارٹی کلچر اتھارٹی راولپنڈی کے بورڈز آف ڈائریکٹر
کی گیارہویں میٹنگ۔میٹنگ میں حکومت پنجاب کی جانب سے جاری شدہ نوٹیفیکیشن کے تحت ڈیل ویجرز ملازمین کو مستقل کرنے کے لیے ہاؤسنگ ڈیپارٹمنٹ سے منظور شدہ سکروٹنی کمیٹی کے قیام کی منظوری دے دی گئی۔ پارکس اینڈ ہارٹی کلچر اتھارٹی راولپنڈی کے بورڈز آف ڈائریکٹرز کی میٹنگ میں پی ایچ اے راولپنڈی کو خود مختار ادارہ بنانے کے لیے انٹرنیشنل فوڈ چین کو پی ایچ اے راولپنڈی کے بزنس پلان میں شامل کرنے کی منظوری دے دی گئی۔ میٹنگ میں بورڈ آف ڈائیریکٹر نے پی ایچ اے آکشن ریگولیشنز اور پارکوں، گرین بلٹس، میڈینز اور راؤنڈ اباؤٹس کے استعمال کے ریگولیشنز کی منظوری دی۔
پارکس اینڈ ہارٹیکلچر اتھارٹی راولپنڈی کے بورڈ آف ڈائریکٹرز کی گیارہویں میٹنگ پی ایچ اے ہیڈ آفس کے کمیٹی روم میں ہوئی جس کی صدارت مشیر وزیر اعلیٰ،سابقہ ممبر صوبائی اسمبلی و چیئرمین پی ایچ اے راولپنڈی آصف محمود نے کی۔ میٹنگ میں بورڈ آف گورنرزکے ممبران اور وائس چیئرمین پی ایچ اے راولپنڈی ملک عابد حسین نے شرکت کی۔ میٹنگ کا باقائدہ آغاز قرآن پاک کی تلاوت کریمہ سے کیا گیا۔ چیئرمین پی ایچ اے نے ممبران بورڈ آف ڈائریکٹرز کو خوش آمدید کہا اس کے بعد ڈائریکٹر جنرل سید شفقت رضا نے پی ایچ اے کی گزشتہ کارکردگی کے حوالے سے بورڈ ممبران کو بریفنگ دی۔ جس کے بعد میٹنگ ایجنڈا پر تبادلہ خیال کیا گیا جس میں پی ایچ اے راولپنڈی کی دسویں بورڈ میٹنگ کی منٹس کی منظوری دی گئی۔ میٹنگ میں حکومت پنجاب کی جانب سے جاری شدہ نوٹیفیکیشن کے تحت ڈیل ویجرز ملازمین کو مستقل کرنے کے لیے ہاؤسنگ ڈیپارٹمنٹ سے منظور شدہ سکروٹنی کمیٹی کے قیام کی منظوری دے دی گئی۔
بورڈ نے پی ایچ اے آکشن ریگولیشنز اور پارکوں، گرین بلٹس، میڈینز اور راؤنڈ اباؤٹس کے استعمال کے ریگولیشنز کی منظوری دی۔ میٹنگ میں پی ایچ اے راولپنڈی کو خود مختار ادارہ بنانے کے لیے انٹر نیشنل فوڈ چین کو پی ایچ اے راولپنڈی سے منسلک کرنے کی منظوری بھی دے دی گئی۔ بورڈ ممبران نے متفقہ طور پر ایجنڈاآئٹمز کی منظوری دی۔ آخر میں مشیر وزیر اعلیٰ پنجاب برائے ہارٹیکلچر اینڈ ٹورازم و چیئرمین پی ایچ اے آصف محمود نے پی ایچ اے راولپنڈی کو آئندہ چند سالوں میں معاشی طور پر خودمختار ادارہ بنانے کا عز م ظاہر کیااور تما م بورڈ آف ڈائریکٹرز کا شکریہ ادا کیا۔
کالعدم تنظیموں کو قربانی کی کھالیں جمع کرنے کی اجازت نہیں دی جائیگی۔ ڈی پی او اوکاڑہ
اوکاڑہ(علی حسین) ڈسٹرکٹ پولیس آفیسر عمرسعیدملک نے سب ڈویژنل پولیس افسران سے عید الاضحیٰ کی سکیورٹی کے حوالے سے میٹنگ کرتے ہوئے کہا کہ شرپسند اور تخریب کار عناصر سے سختی سے نمٹا جائیگا۔ انہوں نے کہا کہ کالعدم تنظیموں کو قربانی کی کھالیں جمع کرنے کی ہرگز اجازت اجازت نہیں دی جائیگی، بصورت دیگر قانونی کاروائی کی جائیگی۔ فورتھ شیڈول میں شامل افراد اور تنظیموں پر کڑی نظر رکھی جائیگی۔ ڈی پی او عمرسعیدملک نے مویشی منڈیوں کی سکیورٹی کو یقینی بنانے کی ہدایات دی ہیں۔
اوکاڑہ، پاکستان اسمبلی آف مسلم یوتھ کا مرکزی اجلاس، ملکی معاملات اور مشاورت کی گئی
اوکاڑہ(علی حسین) پاکستان اسمبلی آف مسلم یوتھ(پامی) کی ویڈیو لنک میٹنگ پامی کے چیئرمین محمد اسلم زار کی صدارت میں ہوئی. میزبان اجلاس وسیم خان تھے. میٹنگ میں صدر گوگیرہ اور اوکاڑہ سمیت ملک بھر سے پامی کے عہدیداران نے شرکت کی اور ملکی صورتحال، کرونا وائرس، کشمیر ایشو اور تنظیمی معاملات پر مشاورت کی گئی. میٹنگ سے اسلم زار، غلام سرور انجم مغل، اقبال ڈار، جاوید گورائیہ، مظہر الحق، خالد کیانی، نذر مسعود شاہ، انوار احمد شاہ، محمد جہانگیر، سید مجتبیٰ بخاری، مرزا محمد اسلم بیگ اور آصف آصفی الخیری نے خطاب کیا. آئندہ میٹنگ جولائی کے وسط میں ہوگی.
